Vedtak - NVE si vurdering i klage på anleggsbidrag

Transkript

1 vassdrags- og energidirektorat N VaNorges E Tafjord Kraftnett AS Postboks ÅLESUND Vår dato: 0 4 FEB2014 Vår ref.: NVE etn/tand Arkiv: 623 Dykkar dato: Dykkar ref.: Sakshandsamar: Tonje Merete Andresen Vedtak - NVE si vurdering i klage på anleggsbidrag Norgeshus Din Bolig AS klagar på praksisen til Taljord Kraftnett AS ved berekning av anleggsbidrag. NVE har vurdert praksisen til Tafjord Kraftnett AS etter gjeldande reglar i energiloven og tilhøyrande forskrifter. NVE finn at Tafjord Kraftnett AS har ein praksis som er i strid med regelverket. Saksopplysningar Norgeshus Din Bolig (NDB) klagar i brev av 22. januar 2013 på praksisen til Tafjord Kraftnett (TKN) angåande anleggsbidrag. NDB skriv at manglande informasjon, kostnadsoppsett og uriktig informasjon har ført til ekstra store utbyggingskostnader for bustadprosjekt på Skytterholmen og Øvre Ratvika i Ålesund. Ifølge NDB har dei blitt pålagt å koste framføring av stikkleidningar frå tilknytingspunkt på tomtegrense til kvar enkelt bueining gjennom privat el-installatør og for eigen rekning. Det lengste strekket er ifølge NDB på ca. 80 meter. NDB meiner at desse kostnadene hadde blitt dekka av bunnfrådraga dersom kostnadene hadde vore inkludert i anleggsbidraget. Ifølge NDB har TKN informert om at anleggsbidraget er på kr. 0 for begge prosjekta. NDB meiner at TKN i samsvar med energiloven 3-3 om leveringsplikt er forplikta til å tilknytte bustadene fram til klemme på husvegg eller inntak i grunnmur, og at material- og grøftekostnader ved dette skal inngå i anleggsbidraget. NDB påpeker at NVE i vedtak av 14. februar 2011 (sak ) påla TKN å endre praksis, slik at TKN ikkje kunne krevje at kunde skulle stå for delar av arbeidet ved tilknyting. Vidare krev NDB at anleggsbidraga for dei to prosjekta blir etterberekna. NVE bad i brev av 30. januar 2013 om at TKN gjorde greie for klagepunkta. Særleg blei det bedt om ein nærmare beskriving av praksis ved tilknyting, inkludert ansvar for, og behandling av, kostnader ved legging av stikkleidningar i anleggsbidrag. TKN gjorde greie for klagepunkta i brev av 20. februar 2013 til NVE. TKN skriv at dei er ansvarleg for legging og tilkopling av stikkleidning frå forsyningsnettet og fram til kabelskap på yttervegg for fleirmannsbustad, og fram til inntak/sikringsskap på andre bustadtypar og næring. TKN grunngir levering fram til kabelskap på husvegg for fleirmannsbustader med at utbyggjare ønskjer å utnytte heile arealet av bustaden og at det ikkje blir satt av plass til hovudtavle inne i bygningen. E-post: nve@nve.no, Postboks 5091, Majorstuen, 0301 OSLO, Telefon: 09575, Intemett Org.nr_: NO MVA Bankkonto: Hovedkontor Region Midt-Norge Region Nord Region Sør : Region Vest Region Øst Middelthunsgate 29 Vestre Rosten 81 I Kongens gate l Anton Jenssensgate 7 I Naustdalsvn. 1B ', Vangsveien 73 Postboks 5091, Majorstuen TILLER 8514 NARVIK I Postboks 2124 I Postboks 53 I Postboks OSLO 3103 TØNSBERG : 6801 FØRDE 2307 HAMAR

2 Side 2 Vidare skriv TKN at dei tilbyr kunde ei standardløysing for plassering av kabelskap, og at dersom kunde ønskjer ei anna løysing krev TKN at kunde betaler meirkostnadene. TKN skriv at dei etterbereknar anleggsbidraga, og at dersom anleggskostnadene er lågare enn estimert anleggsbidrag, blir kunden tilbakebetalt. Om kostnadene blir større enn estimert, betaler TKN meirkostnaden. Når det gjeld tilknyting av bustadprosjektet på Skytterholmen skriv TKN at det var nødvendig å flytte eit eksisterande nettanlegg på eigedommen. Ifølge TKN har dei ein praksis der kundar som ønskjer omlegging sjølv betaler dette, men at NDB i denne saka kravde at TKN skulle koste omlegginga av anlegget. Vidare skriv TKN at dei foreslo plassering av kabelskap sentralt mellom fire tomannsbustader, men at NDB ville ha ei anna plassering av kabelskap, og at TKN informerte NDB om at NDB måtte betale meirkostnadene. Ifølge TKN blei forslag til kostnadsfordeling ved flytting av eksisterande nettanlegg og tilknyting diskutert på møte med NDB den 24. januar TKN skriv at representant frå NDB ikkje var samde på alle punkt, men at dei etter møtet oppfatta det slik at avtalen var akseptert. Forslaget er lagt ved brevet frå TKN til NVE og viser at TKN i hovudsak skulle koste flytting av nettanlegg og forsyning fram til kabelskap, og at NDB i hovudsak skulle koste tilknyting frå kabelskap til bustader. TKN skriv at dei ikkje har oppfatta at NDB var ueinig i løysinga før det blei klaga til NVE, og at begge partar har gjennomført sin del av avtalen. Bustadprosjektet på Øvre Ratvika byggetrinn 1 består ifølge TKN av fire fleirmannsbustader der dei som standard leverer kabelskap på yttervegg, og eitt rekkehus med to bueiningar, der TKN er ansvarleg for tilknyting fram til inntak/sikringsskap. TKN skriv at representanten til NDB (graveentreprenør på vegne av utbyggjar) kontakta dei med eit ønskje om ei anna plassering av kabelskap enn TKN foreslo. TKN skriv vidare at dei informerte om at inntakskablar til kunden blei lengre, og om at utbyggjar i samsvar med reglane til TKN må koste legging av inntakskablar frå kortslutningsvern i kabelskap. TKN har ikkje kravt anleggsbidrag frå NDB for tilknyting av byggetrinn 1, men TKN skriv at dette skulle ha vore på kr kr, og at dei vil krevje anleggsbidrag for byggetrinn 2. Ifølge TKN blei det for begge byggetrinna gått ut frå at utbyggjar la inntakskablar frå kortslutningsvern til kabelskap. TKN skriv at dersom dei får pålegg om å endre avtalane med NDB om tilknyting av dei to bustadprosjekta, inkludert omlegging av eksisterande nettanlegg på Skytterholmen, krev dei å få berekne anleggsbidraga på nytt. NDB bad den 14. mars 2013 om å få kommentere brevet frå TKN innan utgangen av april NDB ga sin kommentar i brev av 12. mai 2013, kor dei skriv at dei ikkje kjenner seg igjen i framstillinga TKN gir av saka. NDB skriv at avtalene om anleggsbidrag på kr. 0 for dei to bustadprosjekta var klare, og reagerer på at TKN krev å få berekne anleggsbidraga på nytt. NDB skriv at dei har ein følelse av at TKN brukar interne arbeidstimar til å regulere opp kostnadsbiletet, slik at utbyggjar skal akseptere å koste eigne stikkleidningar. NDB ønskjer at NVE overprøvar timeforbruket på prosjekta når dei er ferdigstilt. Når det gjeld omlegginga av det eksisterande nettanlegget på Skytterholmen skriv NDB at ifølge seljar av eigedommen låg det føre ein avtale med TKN om at TKN kostnadsfritt skulle legge om nettanlegget den dagen arealet ville bli tatt i bruk. Denne avtalen blei ikkje funne, og kostnadene blei i staden avtalt fordelt mellom TKN og NDB, der NDB skulle koste grøfter for omlegginga. NDB skriv at dei ikkje blei informert om at dei ved å velje plassering av kabelskap tok på seg ansvar eller kostnader, og at dei hadde valt ei anna løysing om dei hadde blitt informert. Ifølge NDB var det

3 Side 3 ikkje utarbeida eit kostnadsoverslag verken før eller etter møtet som tilsa at ansvar og kostnader med stikkleidningar vart tillagt NDB. NDB ber NVE ta stilling til om omlegging av nettanlegget på Skytterholmen skal inngå i anleggsbidraget, kostnadsansvar for stikkleidningar og reglar for tildeling av bunnfrådrag. NDB skriv at anlegget er ferdigstilt, og krev det endelege kostnadsoppsettet. NVE si vurdering NVE vurderer saka i lys av energiloven med tilhøyrande forskrifter. Ved usemje mellom kunde og nettselskap om vilkår for tilknyting og bruk av nettet fattar NVE vedtak i saka med heimel i energilovsforskrifta Vi viser særskilt til forskrift av 11. mars 1999 nr 302 om økonomisk og teknisk rapportering, inntektsramme for nettverksemda og tariffar (kontrollforskrifta), der det er gjeve rammer for korleis nettselskapa skal utarbeide sine tariffar. Nettselskapa er sjølv ansvarlege for å fastsette tariffar som er i samsvar med gjeldande regelverk. Når myndigheit etter energiloven eller energilovsforskrifta er lagt til NVE, kan NVE med heimel i energilovsforskrifta 9-3 gi dei pålegg som er nødvendige for gjennomføring av føresegna gitt i, eller i medhald av, energiloven. NVE legg til grunn at klaga handlar om at kostnader ved graving og legging av stikkleidningar i samband med bustadprosjekta på Skytterholmen og Øvre Ratvika ikkje har blitt inkludert i anleggsbidraga, om kostnadsansvar for flytting av nettanlegg og om tilknytingspraksis, inkludert praksis med bruk av bunnfrådrag og bruk av standardløysingar. Om anleggsbidrag Nettselskapa kan etter 17-5 iforskrift av 11. mars 1999 nr 302 om økonomisk og teknisk rapportering, inntektsrammefor neuverksemda og tariffar (kontrollforskrifta) fastsette eit anleggsbidrag for å dekke anleggskostnadene ved nye nettilknytingar eller ved forsterking av nettet til eksisterande kundar. Formålet med anleggsbidrag er todelt. Eitt formål med anleggsbidrag er å gjere synleg kostnadene ved ei ny tilknyting eller forsterking. Nettselskapa kan etter 17-5 krevje at kundan(e) som initierer nye nettilknytingar eller forsterkingar i eksisterande nett sjølv må dekke inntil 100pst av dei nødvendige anleggskostnadene. I samsvar med informasjonsplikta pliktar nettselskapet å spesiflsere berekningsgrunnlaget for anleggskostnadene på ein slik måte at kunden i samråd med sakkyndig kan ta stilling til om kostnadsoverslaget er rimeleg før avtaleinngåing. Det andre formålet med anleggsbidrag er å fordele kostnadene mellom kunden som initierer investeringa og dei andre kundane i konsesjonsområdet til nettselskapet. Den delen av anleggskostnaden som ikkje blir dekka av kunden som initierer investeringa, men som blir dekka av nettselskapet, vil auke inntektsramma til nettselskapet. Auka inntektsramme inneber at kostnaden blirfordelt på alle kundane til nettselskapet gjennom auka nettleige. Det blir dermed satt eit skilje mellom kostnader som kjem den enkelte kunde eller kundegruppe til gode, og kostnader som kjem dei andre kundane til nettselskapet til gode. Om informasjonsplikt I kontrollforskrifta 17-5 åttande ledd står det at

4 Side 4 Nettselskapet skal på forhånd informere kunden om innkreving av, og beregningsgrunnlagetfor, anleggsbidraget. Informasjonen om berekningsgrunnlaget skal vere spesifisert på ein slik måte at kunden i samråd med sakkyndig kan ta stilling til om kostnadsoverslaget er rimeleg. Informasjonen bør inkludere ei oppstilling av anleggskostnadene fordelt på arbeidskostnader og materiellkostnader, spesifisert på lågspent, høgspent og nettstasjon/transformator. Om nettselskapet nyttar bunnfrådrag skal dette komme fram. NDB skriv at dei ikkje har fatt kostnadsoppsett for tilknyting av dei to bustadprosjekta på førehand. TKN skriv at dei informerte NDB om at anleggsbidraget for byggetrinn 1 på Øvre Ratvika var lik kr. 0, men at dei hadde gløymt å inkludere ein transformator i berekningane. Ingen av partane har sendt NVE kostnadsoppstilling. På dette grunnlag forstår NVE det slik at TKN ikkje har informert om berekningsgrunnlaget for tilknyting av dei to prosjekta. Det er NVE si oppfatning at det følgjer av 17-5 åttande ledd at berekningsgrunnlag skal bli lagt fram for kunde uavhengig av om det er sannsynleg at bunnfrådrag vil dekke heile anleggskostnaden eller ikkje. TKN må legge fram skriftlege rutinar for kva slags informasjon om kostnadsgrunnlag og vilkår for tilknyting som skal bli gitt til kunde i forkant av tilknyting og forsterking, for eksempel i form av eit standardbrev. Om bruk av standardløysingar Det er nettselskapet som er ansvarleg for grave- og grunnarbeid, samt legging av stikkleidningar. Dette følgjer av leveringsplikta (energiloven 3-3), som inneber at nettselskapet er ansvarleg for tilknyting fram til klemme på husvegg eller inntak i grunnmur. I samsvar med kontrollforskrifta 1-4 tredje ledd kan nettselskapet la andre utføre nettenester på dykkar vegne, men nettselskapet skal ovanfor kunde vere ansvarleg for oppgåvene eller tenestene. NVE er kjent med at mange kundar sjølv ønskjer å stå for graving og har ikkje fastsett forbod mot at nettselskap og kunde avtaler seg i mellom at kunde står for delar av arbeidet, men nettselskapet er forplikta til å tilby seg å stå for heile tilknytinga. NDB skriv i klagebrevet og i kommentar til TKN sitt tilsvar at dei ikkje blei einige med TKN om at dei skulle stå for delar av tilknytingane. TKN på si side skriv at for begge bustadprosjekta blei NDB informert om at NDB måtte dekke meirkostnadene ved val av andre løysingar enn TKN sine standardløysingar, og meiner at det har vore semje om dette. NVE oppfattar det slik at når TKN skriv at kunde skal dekke meirkostnader ved val av andre løysingar enn TKN si standardløysing, meiner TKN at kunde sjølv skal koste og utføre arbeid med graving og legging av stikkleidningar frå kabelskap til inntak/sikringsskap. NVE vurderer det slik at leveringsplikta gjeld fram til husvegg eller grunnmur. Berre arbeid med den innvendige installasjonen som el-installatør utfører skal vere nødvendig når nettselskapet har gjort sin del av tilknytinga. Praksisen til TKN med å vere ansvarleg for tilknyting fram til kabelskap for fleirmannsbustader er derfor innafor regelverket, gitt at kabelskapet er plassert på husvegg. Om kabelskap blir plassert andre stader, er nettselskapet i samsvar med leveringsplikta også ansvarleg for å utføre arbeidet med graving og legging av stikkleidningar mellom kabelskap og inntak/sikringsskap. Kunde skal ikkje bli pålagt å vere ansvarleg for delar av ei tilknyting. NVE vurderer det slik at TKN ikkje har overhalde energiloven 3-3. Dette er samtidig eit brot på vedtaket til NVE av 14. februar 2011 (sak ). TKN bekrefta den 21. juni 2011 at dei hadde endra rutinane sine slik at kundar ikkje blei pålagt å utføre delar av arbeidet ved ei tilknyting.

5 Side 5 NVE vil følgje opp praksisen til TKN. Det må bli forventa at NVE vil vurdere reaksjonar ved gjentak av brudd på energiloven 3-3. Om bunnfrådrag og ansvarfor gravekostnader Nettselskapa kan velje å ha ein praksis der eit bunnfrådrag blir trekt frå anleggsbidraget. Som forklart over blir dermed anleggskostnaden til ein viss grad fordelt mellom kunden som initierer investeringa og dei andre kundane til nettselskapet. Bruk av bunnfrådrag skal vere uavhengig av energiuttaket til kunden, og må vere fastsett etter ikkjediskriminerande og objektive vilkår. Som hovudregel bør det bli gitt eitt bunnfrådrag per tilknytingspunkt. TKN skriv i retningslinjene sine at dei gir eitt bunnfrådrag på kr per stikkleidning, som i praksis er det same som at det blir gitt eitt bunnfrådrag per tilknytingspunkt. NVE vurderer det slik at TKN sin praksis med eitt bunnfrådrag per stikkleidning er i tråd med gjeldande regelverk. Ettersom det er éi stikkleidning inn til horisontaldelte tomannsbustader, men to til vertikaldelte, skal det bli tildelt høvesvis eitt og to bunnfrådrag ved tilknyting av slike bustader. I utgangspunktet skal bunnfrådraget komme til frådrag på heile anleggskostnaden, men NVE har tillate at kostnader ved graving og legging av stikkleidningar blir lagt til anleggskostnadene etter at bunnfrådrag er trekt frå ved utbygging av bustad- og hyttefelt. NVE legg til grunn at bunnfrådaget for fleire prosjekt kan dekke meir enn heile anleggskostnaden, særskilt i feltutbyggingar med mange einingar og dermed mange bunnfrådrag. Dersom det er slik at samla bunnfrådrag er større enn anleggskostnaden vil det kunne oppstå ein situasjon kor utbyggar ber om at nettselskapet står for gravinga for å på den måten utnytte heile bunnfrådraget, sjølv om utbyggar ville ha utført gravinga billigare enn nettselskapet. Dette inneber både eit effektivitetstap og at kostnader blir velta over på dei andre kundane til nettselskapet gjennom auka nettleige. Ein slik praksis vil ikkje vere i tråd med dei overordna målsettingane med anleggsbidrag, som forklart over. NVE tillèt derfor at gravekostnadene blir halde utanfor anleggsbidraget og bunnfrådraget, slik at utbyggar sjølv betaler kostnadene ved graving. Nettselskapet må likevel tilby seg å utføre tenesta, jf. leveringsplikta, og gi kunden eit pristilbod på dette. Utbyggar kan samanlikne pristilbod frå nettselskapet med kostnadene ved å gjere arbeidet sjølv eller ved å la en ekstern graveentreprenør gjere det, slik at den mest kostnadseffektive løysinga blir valt. Legging av stikkleidningar er derimot nettselskapet sitt ansvar, og kostnader ved leidningane og sjølve legginga skal inngå i anleggsbidraget og kan bli dekka av bunnfrådraget. Anleggsbidraget må derfor bli etterberekna på dette grunnlaget. Korleis nettselskapet og klagar gjer opp kostnadene som NDB har betalt for legging av stikkleidningar er eit privatrettsleg spørsmål som NVE som forvaltingsorgan ikkje kan ta stilling til. Det er regla for tildeling av bunnfrådrag som gjeld ved avtaleinngåing som skal bli lagt til grunn ved faktisk tildeling av bunnfrådrag. Dersom praksisen til TKN ved prosjektstart var at alle bueininger fikk same bunnfrådrag uavhengig av oppdeling, er det desse regla som skal legge til grunn ved tildeling av bunnfrådrag til NDB i dei aktuelle prosjekta. Om etterberekning av anleggsbidrag I forkant av tilknyting eller forsterking er informasjon om storleiken på anleggsbidraget eit estimat på kva det endelege anleggsbidraget kan bli. Anleggsbidrag skal bli etterberekna og bli gjort opp basert på

6 Side 6 faktiske kostnader ved tilknytinga eller forsterkinga. Dette følgjer av kontrollforskrifta 17-5 sjette ledd: Anleggskostnad settes lik nødvendige kostnader ved tilknytningen ellerforsterkningen, inklusive timeverkfor personell, maskiner og utstyr. Dette inneber at dersom kostnadene ved prosjektet viser seg å vere lågare enn estimert, skal kunde bli tilbakebetalt differansen. Om derimot kostnadene ved prosjektet viser seg å vere større enn forventa, skal kunde bli etterfakturert av nettselskapet, slik at kostnader som kunden har initiert blir dekka av kunden og ikkje blir velta over på kundane til nettselskapet. Nettselskapet har ikkje anledning til å tilby fastprisavtaler TKN skriv i tilsvaret på klaga at dei etterbereknar anleggsbidraga. Kundar blir tilbakebetalt når anleggskostnadene blir lågare enn estimert, men dersom kostnadene blir større tar TKN kostnadene. Ein slik løysing inneber at kundar ikkje blir likebehandla, ettersom dette i praksis betyr at kundar blir gitt bunnfrådrag av ulik storleik. Tariffar kan berre bli differensiert basert på relevante nettforhold, jf. energilovforskrifta 4-4 d). NVE vurderer det slik at TKN ikkje overheld 4-4 d). TKN må etterberekne anleggsbidraga for dei to relevante bustadprosjekta, og enten tilbakebetale eller etterfakturere differansane til NDB, gitt andre korrigeringar som følgjer av dette vedtaket. Vedlagt tilsvaret på klaga frå TKN ligg førebels etterberekna anleggsbidrag for byggetrinn 1 på Øvre Ratvika kor det står at lagerkostnader har blitt inkludert. Det er uklart kva som ligg i dette, men NVE vil påpeike at nettselskapet ikkje har anledning til å inkludere lagerkostnader i anleggsbidraget ettersom det berre er kostnader direkte relatert til tilknytinga eller forsterkninga som skal med i anleggsbidraget. Kostnader ved å hente material på lager kan derfor inngå i anleggsbidraget. Omflytting av nettanlegg I utgangspunktet er det kunden som ber om flytting eller omlegging av nettanlegg som skal betale for dette. I denne saka ligg det føre ein påstand om at det eksisterer ein avtale mellom TKN og førre eigar av eigedommen om at TKN kostnadsfritt skulle flytte nettanlegget den dagen anlegget skulle bli nytta. Påstanden om denne avtala gjør spørsmålet om kostnadsansvaret for omlegginga av nettanlegget på Skytterholmen til ei privatrettsleg sak mellom kunde og nettselskap. Problemstillinga fell derfor utanfor forvaltningsområdet til NVE som tvisteløyser. Om inntektsreguleringa av nettselskapa NDB skriv at dei har ein følelse av at TKN brukar interne arbeidstimar til å regulere opp kostnadsbiletet, slik at utbyggjar skal akseptere å koste eigne stikkleidningar. NDB ønskjer at NVE overprøvar timeforbruket på prosjekta når dei er ferdigstilt. Det er ikkje praksisen til NVE å ta stilling til konkrete kostnader til materiell og arbeidskraft, eller til timebruk, i enkeltprosjekt. Kva som er rimelege kostnadsnivå eller timebruk i ulike prosjekt vil variere frå sak til sak. NVE legg til grunn insentiva og krava i den økonomiske reguleringa av nettselskapa, samt at nettselskapa følgjer bokføringsloven. NVE fastsett kvart år ei inntektsramme for kvart nettselskap i Noreg. Inntektsramma sett ei øvre grense for kor mykje nettselskapa kan krevje inn gjennom tariffar (nettleige, anleggsbidrag, tilknytingsgebyr, m.m.). Inntektsramma til eit nettselskap er delvis basert på kostnadene til nettselskapet og delvis ein kostnadsnorm. I kostnadsnorma blir kostnadseffektiviteten til nettselskapa samanlikna med kvarandre, slik at jo meir effektive nettselskapa er, desto større kostnadsdekning blir dei lønt med. Den økonomiske

7 Side 7 reguleringa skal gi nettselskapa insentiv til å drive kostnadseffektivt. På denne måten blir det kompensert for den manglande konkurransen nettselskapa er utsett for. Vedtak NVE finn at Tafjord Kraftnett AS sin tariffpraksis er i strid med informasjonsplikta i kontrollforskrifta 17-5 åttande ledd, leveringsplikta i energiloven 3-3, og krav til likebehandling i energilovforskrifta 4-4 d). TKN må legge fram skriftlege rutinar for kva slags informasjon om kostnadsgrunnlag og vilkår for tilknyting som skal bli gitt til kunde i forkant av tilknyting og forsterking, for eksempel i form av eit standardbrev. TKN må dokumentere at praksis er endra slik at kunde ikkje må stå for delar av ein tilknyting. Nettselskapa er ansvarleg for tilknyting fram til klemme på husvegg eller inntak i grunnmur, og må tilby seg å utføre graving. TKN har ikkje anledning til å tilby standardløysingar og krevje at kunde må utføre delar av ein tilknyting ved val av andre løysingar. TKN må dokumentere at praksis er endra slik at kundar enten blir tilbakebetalt eller etterfakturert når etterberekna anleggsbidrag avvik frå estimert anleggsbidrag. TKN må etterberekne anleggsbidraga for tilknyting av bustadprosjekta på Skytterholmen og Øvre Ratvika basert på faktisk medgåtte kostnader ved tilknytingane. På grunn av påstand om at det eksisterer ein avtale mellom TKN og førre eigar av eigedommen om at TKN kostnadsfritt skulle flytte nettanlegget den dagen anlegget skulle bli nytta må kostnader ved flytting av nettanlegg bli gjort opp privatrettsleg. Lagerkostnader skal bli handtert som forklart over. Gravekostnader kan bli haldt utanfor anleggsbidraget og bli dekka av utbyggar, men kostnader med stikkleidningar og legging av stikkleidningar skal inngå i anleggsbidraget slik at det kan bli dekka av bunnfrådrag. Praksis med bunnfrådrag som gjaldt ved avtaleinngåing skal bli lagt til grunn. Etterberekna anleggsbidrag med spesifisering av kostnadsgrunnlag skal bli sendt til NDB, med kopi til NVE. Frist for tilbakemelding til NVE er 18. februar Påklaging av vedtak Denne avgjerda kan påklagast til Olje- og energidepartementet av partar i saka og andre med rettsleg klageinteresse innan 3 veker frå det tidspunktet denne underretninga er kome fram, jf. forvaltningslova kap. VI. Eit eventuell klage skal grunngjevast skriftleg, stilast til Olje- og energidepartementet og sendast gjennom NVE. Vi ønskjer elektronisk innsending til vår sentrale e-postadresse nve@nve.no. Med helsing Ove Flataker avdelingsdirektør brfirh Jonassen seksjonssjef Likelydande brev til: Norgeshus Din Bolig AS, Postboks 69, 6151 ØRSTA