Til Grunneigarar og naboar Offentleg mynde Dato: 19.05.2016 Melding om oppstart av detaljregulering med konsekvensutgreiing og høyring av planprogram (PlanID: 2016002) for Langedalshaugen, del av eigedomen gnr. 31 bnr. 431 m.fl., Odda kommune. Initiativtakar I samsvar med plan- og bygningslova 12-8, 12-9, 4-1 og 4-2, samt Forskrift om konsekvensutgreiing vert det med dette meldt at Gøtz AS på oppdrag for Tungesvik Bygg AS, set i gang arbeid med detaljregulering med tilhøyrande konsekvensutgreiing for delar av eigedomen gnr. 31 bnr. 431 m.fl., Solfonn-Langedalen, Odda kommune. Planstatus og føremål Området er i arealdelen til kommuneplanen og i Bebyggelsesplan for Solfonn-Langedalen avsett til byggjeområde for fritidsbustadar, næring og til frilufts- /naturvernområde. Føremålet med reguleringsplanen er å endre næringsføremål til fritidsbustadar, regulere inn fleire hyttetomter og oppdatere planen i høve til fleire godkjende mindre reguleringsendringar. Endringane vil fylgja hovudstrukturane/typologiane i gjeldande kommuneplan og bebyggelsesplan, og gjeld hovudsakleg O-feltet og nokre delar av T-feltet som tidlegare har blitt regulert til næring. Dei områda i T-feltet som allereie er regulert til fritidsbustadar skal være uendra, men inngår i planen på grunn av heilskapen. Mesteparten av O-feltet var tidlegare regulert til næring/utleigehytter med fleire einingar per hytte, dvs. dobbelhytter. Bakgrunn for endring av doble utleigehytter til enkle hytter er at sal av næringsbustadar har vist seg vanskeleg. Det er derimot god etterspurnad etter meir vanlege enkelhytter. I samband med utbygging av O-feltet blei det difor søkt om mindre reguleringsendring for enkle fritidsbustadar i dette området. Slike endringar har det også vert i andre utbyggingsfelt, noko som har ført til ei kraftig redusering i tal hytteeiningar totalt i området. For å kompensere dette ynskjer ein å utvide O-feltet nordover med ca. 42 enkelhytter. Utvidinga er ikkje i tråd med gjeldande arealføremål, men vil forsterke ei viktig satsing i Langedalen. Endringa vil ikkje føre til ei auking av total tal på einingar i høve til gjeldande plan. I samband med utvidinga ynskjer ein også å tilpasse trassen for skiløypa, etablere barneskiløype og eventuelt skibakke for barn. Avgrensing Avgrensing av planområdet er vist på vedlagt kartutsnitt. Planområdet omfattar delar av eigedom gnr. 31 bnr. 431 m.fl. og utgjer ca. 197 daa. Viktige utgreiingar Planen er vurdert i høve til forskrift om konsekvensutgreiing, og fordi planen legg opp til ein arealbruk som er delvis i strid med gjeldande planen, har ein konkludert med at planen skal konsekvensutgreiast. For planarbeidet er det utarbeidd planprogram som vert lagt ut på høyring i tidsrommet 19.05.2016-30.06.2016 på kommunen sine nettsider. Dersom de ynskjer å få tilsendt planprogrammet i posten, ber me om at de tek kontakt. Planarbeidet vil spesielt kaste lys over følgjande problemstillingar: Utnytting av området, veg- /trafikksituasjon, fastsetting av formålsgrenser, konsekvensar for landskap, friluftsliv og konsekvensar av endra arealbruk. Kontor: Telefon: +47 47 26 36 39 Org. nr: 989995030 Kunnskapshuset +47 91 33 40 42 Sæ 132 Kontonr.: 5417 STORD e-post: post@goetz.no 3520 57 89063
Merknader Eventuelle synspunkt på planen eller planprogrammet skal sendast skriftleg til Gøtz AS, Sæ 132, 5417 Stord innan 30.06.2016 eller på e-post til: post@goetz.no. Det bør skiljast tydeleg mellom høyringsmerknader som gjeld planprogrammet og merknader som gjeld reguleringsplanarbeidet. Alle mottekne merknader vert sendt til kommunen saman med planforslaget. Vidare saksgang: Etter at merknadsfristen har gått ut vil sjølve planforslaget verta utarbeidd, for deretter å verta sendt til Odda kommune for sakshandsaming. Etter 1. gongshandsaming i kommunen vert planen lagt ut til offentleg ettersyn. Det vil då verta høve til å koma med merknader og innvendingar til planforslaget før vidare politisk handsaming. Gøtz AS Martin Gøtz Vedlegg: Oversiktskart Kart som viser planavgrensing Prinsippskisse Kontor: Telefon: +47 47 26 36 39 Org. nr: 989995030 Kunnskapshuset +47 91 33 40 42 Sæ 132 Kontonr.: 5417 STORD e-post: post@goetz.no 3520 57 89063