Omega Areal v/selland Deres ref. Arkivsakid-doknr: 2015000874-9 Saksbeh: Arkivkode: Dato: Journalpostid: 2016008512 Telefon: 53 65 46 79 Plan - 2015001 18.05.2016 1. gongs handsaming av reguleringsplan for Lontjørnshaugane Vedlagt følger vedtak. Vedtaket kan påklages til kommunen. Klagefristen er 3 uker regnet fra den dagen da brevet kom fram til påført adressat. Det er tilstrekkelig at klagen er postlagt inne fristens utløp. Klagen skal sendes skriftlig til den som har truffet vedtaket, angi vedtaket det klages over, den eller de endringer som ønskes, og de grunner du vil anføre for klagen. Dersom du klager så sent at det kan være uklart for oss om du har klaget i rett tid, bes du også oppgi når denne melding kom frem. Vennlig hilsen For Samfunnsutvikling Kristian Eide Jensen Plansjef
Arkiv: Plan - 2015001 Arkivsak ID: 15/874-6 Journalpost ID: 16/5254 Saksh.: Kristian Eide Jensen Dato: 21.03.2016 Styre, utvalg, komite m.m. Møtedato Saksnr Utviklingskomite 20.04.2016 019/16 1. gongs handsaming av reguleringsplan for Lontjørnshaugane Dokumentnr Tittel 292078 00 - Omega Areal - Plankart 22.01.2016 292079 01 - Omega Areal - Føresegner - v1 22.01.2016 292080 02 - Omega Areal - Planskildring - v1 22.01.2016 292081 03 - Omega Areal - ROS analyse - v1 22.01.2016 292082 04 - Omega Areal - Naturmangfaldlova - v1 22.01.2016 292083 Vedlegg - Sjekkliste_22.01.2016 292085 Merknader til oppstart - samla 293231 VS Ny reguleringplan for Seljestad Hyttegrend AS 293326 Spørsmål knytt til justeringar i plan - Lontjørnshaugane Rådmannens forslag til vedtak: Utviklingskomiteen i Odda kommune legg reguleringsplan for Lontjørnshaugane ut på offentleg ettersyn i minimum 6 veker på vilkår av at følgjande endringar vert gjort i planmaterialet: Tomt R1.5 vert teken ut av planframlegget med omsyn til at tomta er eksponert og bratt.
Følgjande føresegn vert teken inn under 2.9 Fellesføresegner: Oppfylling og planering av byggetomt over eksisterande, gjennomsnittleg terrengnivå skal normalt ikkje tillatast. Terrengsnitt skal vedleggast og vurderast særskilt ved byggesøknad. Føresegner knytt til høgder på uthus i 3.1 vert endra til: Uthus kan berre førast opp i ein etasje. Parkeringsplass f_p8 vert justert inn på 31/355 (Astrid Seljestad Oma). Veg f_v6 vert justert slik at heile ligg på 31/355 (Astrid Seljestad Oma). Tomt M6.1 vert teken ut etter tiltakshavar sitt ynskje. Rådmannen i Odda, 06.04.2016 Tilleggsforslag : Føresegene vert justert slik: Hyttetype 2 gjeld for M16. Hyttetype 3 gjeld for M1.4, M1.5, M3.6 og M 3.7. 20.04.2016 Utviklingskomite Behandling: Komiteen hadde synfaring før møtet Plansjef Jensen otienterte til vedlegg 2 Føresegner. Tilleggsforslag : Føresegene vert justert slik: Hyttetype 2 gjeld for M16. Hyttetype 3 gjeld for M1.4, M1.5, M3.6 og M 3.7. UTK-019/16 Vedtak: Rådmannen sitt forslag og tilleggsforslag vart samr. vedteke Vedtaket er : Utviklingskomiteen i Odda kommune legg reguleringsplan for Lontjørnshaugane ut på offentleg ettersyn i minimum 6 veker på vilkår av at følgjande endringar vert gjort i planmaterialet: Tomt R1.5 vert teken ut av planframlegget med omsyn til at tomta er eksponert og bratt. Følgjande føresegn vert teken inn under 2.9 Fellesføresegner: Oppfylling og planering av byggetomt over eksisterande, gjennomsnittleg terrengnivå skal normalt ikkje tillatast. Terrengsnitt skal vedleggast og vurderast særskilt ved byggesøknad. Føresegner knytt til høgder på uthus i 3.1 vert endra til:
Uthus kan berre førast opp i ein etasje. Parkeringsplass f_p8 vert justert inn på 31/355 (Astrid Seljestad Oma). Veg f_v6 vert justert slik at heile ligg på 31/355 (Astrid Seljestad Oma). Tomt M6.1 vert teken ut etter tiltakshavar sitt ynskje. Føresegene vert justert slik: Hyttetype 2 gjeld for M16. Hyttetype 3 gjeld for M1.4, M1.5, M3.6 og M 3.7.
Saka gjeld: Odda kommune har motteke planforslag for Lontjørnshaugane 22.01.16. Planforslaget er ei endring av gjeldande bebybyggelsesplan for Solfonn-Langedalen (2006). Det siste året har kommunen motteke fleire såkalla «mindre endringar» av overnemnte plan. «Mindre endring» er ein snøggveg med klåre avgrensingar i kva forslagstillar kan endre/justere. Reguleringsplan for Løntjørnshaugane er ein full reguleringsendring. Det vil seie at prosesskrava er dei same som for ein ny reguleringsplan. Forslagsstillar kan såleis fremje endringar som er av meir omfattande karakter. Utviklingskomiteen skal no handsame planforslaget for første gong og vurdere om planen skal leggjast ut på offentleg ettersyn. Om gjeldande reguleringsplan/bebyggelsesplan Bebyggelsesplan for Solfonn-Langedalen er ein omfattande plan. Den legg opp til ein streng, men gjennomtenkt, bygningstypologi som skal reflektere dei ulike områda i planen. For nedre deler (som no vert omregulert) er det lagt opp til at store deler av bygningsmassen skal vere utleigeføremål. Endringane som vert fremja Under følgjer dei viktigaste endringane som vert fremja gjennom planforslaget: Endre føremål frå næring til fritidsbustader, då næringshytter ikkje har synt seg å vere eit funksjonelt arealføremål i planen. Auke mønehøgder med 30-80 cm, for tilpassing til dagens krav til dimensjonering etc. av bygg for varig opphald. Det er føreslått 5 nye hyttetomter i M- feltet (delfelt M6), som erstatning for dei 9 hyttene/ 18 einingane som vart erstatta av 4 gjennom ei mindre endring i M1 og M3 feltet. Det er føreslått totalt 3 nye hyttetomter innafor R- og L4- feltet, som enno ikkje er utbygd i dag. Føresegner er gjennomgåande forenkla. Rådmannen sin vurdering av konsekvensar Hovudendringar Rådmannen meiner det er positivt at ein regulerer næringshytter om til fritidsbustadar. Næringshytter var viktig i si tid for å prøve å skape samanhengande aktivitet over tid. I røynda har dette ikkje fungert. Området sin karakter gjer at det er lite attraktivt å drive utleige av hytter i rein næringsform. Dette har nok samanheng med manglande aktivitetar og sentrumsfunkjsonar i Solfonn/Langedalen. Samstundes er det viktig at området vert bygd ut, både for å hindre press på meir «jomfrulege» fjellområder, samt forsvare dei store investeringane i infrastruktur. Rådmannen vurderer det som lite problematisk å auke gesimshøgder generelt med 30 cm og mønehøgder 30-80 cm. Etter ein kort gjennomgang av allereie bygde hytter i området er det lite sannsynleg at desse vil bli vesentleg berørt av at det no kan kome noko høgare hytter. Dei nye fem nye hyttene i M6 feltet framstår òg som uproblematiske. Dei vil kunne benytte seg av eksisterande infrastruktur utan å leggje band på viktige frilfuftsområde eller kome i konflikt med løypenettet. Hyttene vil liggje relativt nedsenka i terrenget samanlikna med omliggande bebyggelse.
I R-feltet er det regulert inn to nye hyttetomter. Tomt R1.5 er noko problematisk då den ligg i ein svært bratt skråning og er eksponert mot nord. Det framstår som utfordrande å tilrettelegge tomta for bygging utan store terrenginngrep. Tilgrensande tomt R.1.4 ligg òg høgt lokaltopografisk, men eksponeringa vil bli motverka noko dersom tomt R1.5 held fram å vere eit friluftsområde med vegetasjon. Rådmannen vil tilrå at tomt R.1.5 vert teken ut av planen. 3D-illustasjon med gjeldande bebyggelsesplan sett frå nord. Pil syner forslag til ny tomt R1.5 I felt L er det lagt inn ei ny tomt (L.4.6). Denne framstår ikkje som problematisk og er eigna til føremålet. Generelt er plassering innanfor pèlpunkt fjerna og erstatta med regulerte tomtegrenser og byggegrenser mot veg. Rådmannen meiner dette kan fungere, men det set krav til bevisst planlegging frå utbyggar si side for å sikre naudsynt avstand (8 m) mellom hyttene. Strukturen på hytteområdet vil vere om lag som før, men ein går noko vekk frå tunstrukturen som var planlagt. Forenkling av føresegner Det er gjennomgåande teke eit godt grep med å forenkle føresegner og hyttetypar i området. Rådmannen vil likevel rå til at enkelte endringar vert gjort: Det er problematisk at terrengtilpassing berre er omtala heilt generelt i føresegnene. Dette gjeld spesielt i høve til planeringshøgder for tomter. All den tid krava til byggehøgder berre skal forholde seg til planert terreng, vil ein kunne heve terrenget på måtar som vil vere svært ugunstig. Ein rår difor til at ei presisering vert teke inn i føresegnene, slik at større, oppfylte planeringsflater vert unngått. Forenkling av føresegner, samt at ein legg til rette for fleire hytter, gjer at ein med planforslaget kan bygge svært høge uthus til dei største hyttene. Rådmannen rår til at føresegnene vert justert slik at ein ikkje kan bygge høgare uthus enn ein etasje. Det vert i føresegnene 7.4.1. vist til 8.8. Dette må korrigerast til 8.5. Konsekvensar som alltid skal vurderast Økonomiske konsekvensar Området er privat og utviklinga vil såleis ikkje påføre kommunen kostnader direkte. VAavdelinga til kommunen har lagt ned betydlege investeringar i grunnen. Inntjening av denne
investeringa er knytt til påkoplingsgebyr. Det er såleis gunstig at planen vert endra til betre å passe til marknaden. Risikovurdering Det er utført ein detaljert ROS-analyse som ligg vedlagt i saka. Det er ikkje funne uakseptabel risiko innanfor planen sine føremål. Skredfare for deler av området (L-feltet) må dokumenterast nærmare ved byggesøknad. Saka sitt tilhøve til kommunale planar Planframlegget er i tråd med kommuneplanens arealdel og kommunedelplan for Solfonn- Langedalen. Folkehelse, livskvalitet og oppvekstmiljø Området er gjennomgåande regulert til fritidsbustadar. Sosial infrastruktur som leikeplassar er såleis ikkje vurdert. Der det er lagt opp til høg tettleik av hytter er det sett av areal særskilt til grøntstruktur. Området har god tilkomt til friluftsområda rundt. Ein vurderer dei foreslåtte endringane til ikkje å endre dette. Grøne korridorar er vidareført. Klima, miljø og energi Planframlegget fører i svært liten grad til endring av status for området i høve til klima, miljø og energi. Verdiskaping og næring Planframlegget aukar sannsynet for at området vert bygd ut. Næringsareal vert teke ut av planen som ein følgje av at områda ikkje er blitt realisert. Innspel ved oppstart og innspel frå interne råd/avdelingar I samband med varsel om oppstart er det kome inn totalt 5 merknader, 4 frå offentlege instansar og 1 frå nabo/ grunneigar. I tillegg er det komme eit innspel etter fristen frå Advokatfirma Kvåle ANS og plankonsulent Omega Areal AS. Merknadane ligg ved saka og dei er kommentert av planfremjar i planskildring kap. 10. Rådmannen finn ikkje grunn til å omtale dei offentlege merknadane nærmare i saksframlegget. Merknad frå Seljestad Hytter og Eiendom AS Merknadsgjevar harkommentert at det kan sjå ut for at «eit større bygg» er oppført nærare grensa enn 4 meter. Dei nemner også at ein veg ser ut for at ligg på deira eigedom, og ynskje befaring i høve til dette. Kommentar frå Advokatfirma Kvåle ANS Merknadsgjevar skildrer årsaka til at servicebygget vart oppført like over grensa på Margot Seljestad sin eigedom. Matrikkelkarta var på tidspunktet for oppføring ikkje korrekte. Oppmåling i ettertid har synt reel grense. Kvåle sin klient (Astrid Oma Seljestad) er villig til å betala kr. 100.000 for det arealet som servicebygget er lagt innpå Margot Seljestad sin eigedom, men då slik at ein kan gå rundt bygget, tilsaman ca. 60 m2. Kvåle syner til at dersom partane ikkje kjem fram til ei ordning, kan det vera aktuelt å nytta grannelova 11 for å få rettsleg fastsett vederlag til Margot Seljestad. Kvåle meiner vidare at det at servicebygget er bygd ca 44 m2 inn på Margot Seljestad sin eigedom, er ikkje rettsleg til hinder for å behandla og godkjenna framlegget til ny reguleringsplan. Omega Areal AS
På vegne av Astrid O. Seljestad ynskjer Omega Areal (plankonsulent) å justere plankartet (og dermed tilhøyrande tekst som omhandlar dette), slik at: - Parkeringsplass vert justert til deira side av grensa - Veg f_v6 vert justert slik at heile ligg på deira side av grensa - Tomt M6.1 vert teken ut Rådmannen si vurdering av merknad/kommentar frå Seljestad Hytter og Eiendom AS og Advokatfirma Kvåle ANS og Omega Areal Stridens kjerne er servicehus (markert som servicesenter i plankartet) vest i planområdet. Rådmannen vurderer i utgangspunktet merknaden frå Seljestad Hytter og Eiendom AS som privatrettsleg. Ut i frå vurderingar mot dette planarbeidet meiner rådmannen at bygget bør regulerast inn i planen. Rådmannen er ikkje kjent med at desse 44 m2 har spesiell verdi eller at det føreligg planar om å nytte arealet til noko anna. Det framstår som openbart at oppføring ikkje vart gjort med overlegg på annan kvinnes grunn. Partane må samstundes løyse saka mellom seg, om enn gjennom rettsleg fastsett vederlag. Justeringa som Omega Areal AS og Astrid Seljestad Oma foreslår kjem Seljestad Hytter og Eiendom AS sin kommentar til vegareal i møte. I tillegg ynskjer dei å fjerne tomta som ligg nærmast opp mot dette området, noko rådmannen vurderer som klokt. Samandrag/ konklusjon: Planframlegget er hovudsakleg godt gjennomarbeidd. Hovudendringane i planen er i stor grad ei tilpassing til dagens hyttemarknad, men i ein klar samanheng med innhaldet i gjeldande bebyggelsesplan. Ein vil tilrå at følgjande justeringar vert gjort før planen vert lagt ut på offentleg ettersyn: Tomt R1.5 vert teken ut av planframlegget med omsyn til at tomta er eksponert og bratt. Følgjande føresegn vert teken inn under 2.9 Fellesføresegner: Oppfylling og planering av byggetomt over eksisterande, gjennomsnittleg terrengnivå skal normalt ikkje tillatast. Terrengsnitt skal vedleggast og vurderast særskilt ved byggesøknad. Føresegner knytt til høgder på uthus i 3.1 vert endra til: Uthus kan berre førast opp i ein etasje. Parkeringsplass f_p8 vert justert inn på 31/355 (Astrid Seljestad Oma). Veg f_v6 vert justert slik at heile ligg på 31/355 (Astrid Seljestad Oma). Tomt M6.1 vert teken ut etter tiltakshavar sitt ynskjer. Saka skal ekpederast av: Særutskrift skal sendast til: Sakshandsamar Alle relevante partar Arkiv