Me ber om at planframlegget vert justert i tråd med vedtaket før det på ny vert sendt Odda kommune for offentleg ettersyn.

Transkript

1 Norconsult AS Deres ref. Arkivsakid-doknr: Saksbeh: Arkivkode: Dato: Journalpostid: Telefon: Plan gongs handsaming av reguleringsplan for Sjurasvingen Vedlagt følger vedtak. Vedtaket er eit prosessvedtak som ikkje kan påklagast. Me ber om at planframlegget vert justert i tråd med vedtaket før det på ny vert sendt Odda kommune for offentleg ettersyn. Vennlig hilsen For Samfunnsutvikling Kristian Bondhus-Jensen områdeleiar Samfunnsutvikling

2 Arkiv: Plan Arkivsak ID: 16/486-6 Journalpost ID: 17/4233 Saksh.: Kristian Bondhus-Jensen Dato: Styre, utvalg, komite m.m. Møtedato Saksnr Utviklingskomite /17 1. gongs handsaming av reguleringsplan for Sjurasvingen Dokumentnr Tittel R001_E01_Planskildring_ Vedlegg A_plankart Sjurasvingen_ Vedlegg B_R002_E01_Reguleringsføresegner_Sjurasvingen_ Vedlegg C_ROS-analyse_J02_Sjurasvingen_ Vedlegg D_ Flom- og skredfare Sjurasvingen_ Vedlegg E_Vurdering av KU-forskrifta_Sjurasvingen_ Vedlegg F - detaljregulering Sjurasvingen - VA plan Anders Thimgbø_ Fylkesmannen_ Hordaland fylkeskommune_ Odda energi_

3 NVE_ Odda kommune teknisk drift_ Olav B. Sørland_akseptbrev kjøper Fwd Akseptbrev Akseptbrev fra Eiendomsmegler Statnes vegvesen_ Rådmannens forslag til vedtak: I tråd med plan- og bygningslova legg Utviklingskomiteen reguleringsplan for Sjurasvingen ut på offenteleg ettersyn i minst 6 veker. Før offentleg ettersyn skal planframlegget justerast på følgjande punkt: Endring i plankart Det skal regulerast tilstrekkeleg sideareal (anna veggrunn) på nye tilkomstvegar for fyllingar, skjeringar og snørydding/brøyting. Følgjande tomter vert tekne ut av planforslaget: T42 og T41, samt tilhøyrande tilkomstveg. T44 og T46 Tillegg til føresegn 3.1 Terrengtilpassing og terrenginngrep: Alle bygg skal ha god terrengtilpassing og med minst mogeleg inngrep i landskapet. Oppfylling og planering av byggetomt over eksisterande, gjennomsnittleg terrengnivå skal normalt ikkje tillatast for oppføring av fritidsbustad med to etasjar. Terrengsnitt skal vedleggast og vurderast særskilt ved byggesøknad. Tillegg til føresegn 6.1 Fritidsbusetnad: Terrassar skal vere mindre enn 1 meter over terreng og ha god visuell kontakt med terrenget.

4 Endring av planskildring og øvrig dokumentasjon Vert endra til å vere i tråd med oppdatert plankart og føresegner. Rådmannen i Odda, Utviklingskomite Behandling: Tokheim ( V) føreslo synfaring i høyringsperioden. Plansjef Bondhus Jensen orinterte innleiingsvis om teknisk forvalting / rådmannen si innstilling UTK-017/17 Vedtak: Samr vedtak er : I tråd med plan- og bygningslova legg Utviklingskomiteen reguleringsplan for Sjurasvingen ut på offenteleg ettersyn i minst 6 veker. Før offentleg ettersyn skal planframlegget justerast på følgjande punkt: Endring i plankart Det skal regulerast tilstrekkeleg sideareal (anna veggrunn) på nye tilkomstvegar for fyllingar, skjeringar og snørydding/brøyting. Følgjande tomter vert tekne ut av planforslaget: T42 og T41, samt tilhøyrande tilkomstveg. T44 og T46 Tillegg til føresegn 3.1 Terrengtilpassing og terrenginngrep: Alle bygg skal ha god terrengtilpassing og med minst mogeleg inngrep i landskapet. Oppfylling og planering av byggetomt over eksisterande, gjennomsnittleg terrengnivå skal normalt ikkje tillatast for oppføring av fritidsbustad med to etasjar. Terrengsnitt skal vedleggast og vurderast særskilt ved byggesøknad. Tillegg til føresegn 6.1 Fritidsbusetnad: Terrassar skal vere mindre enn 1 meter over terreng og ha god visuell kontakt med terrenget. Endring av planskildring og øvrig dokumentasjon Vert endra til å vere i tråd med oppdatert plankart og føresegner. Utviklingskomiteen si oppgåve i denne handsaminga Odda kommune har no motteke reguleringsplanforslag for Sjurasvingen.

5 Komiteen kan på noverande tidspunkt ikkje vedta planen. Det kan først skje etter offentleg ettersyn. Komiteen skal no ta stilling til om planframlegget skal leggjast ut på offentleg ettersyn. Korleis lese plandokumenta Vedlegg: skildring av planen. Planomtale/planskildring. Denne gjev ei god overordna Vedlegg A og B: Plankart og føresegner er dei juridisk bindande delane av ein arealplan og sånn sett dei viktigaste dokumenta. Vedlegg C,D,E,F: Øvrige vedlegg til informasjon. ROS-analyse, flaumfarevurdering, vurdering KU-forskrift og VA-rammeplan Øvrige vedlegg: Merknadar frå tidlegare i prosessen Bakgrunn for saka Norconsult har, på vegne av Håradalen Utvikling AS, sendt inn planforslag for Sjurasvingen, del av gnr/bnr 30/185 m.fl, i Håradalen, Odda kommune. Hensikten med planarbeidet er å utvida hyttefeltet Sjurasvingen. Planforslaget omfattar både ei vidareføring av gjeldande reguleringsplan datert , samt nye areal for fritidsbustadar. Gjeldande plangrunnlag er oppdatert frå PBL 1985 til PBL 2008, med små justeringar ift. eigedomsgrenser og utbygde areal, samt omdisponering av nokre hyttetomter. I gjeldande reguleringsplan er det opna for 40 hyttetomter i Sjurasvingen. Planforslaget opner for 62 tomer. Desse er fordelt slik: 20 tomter som utviding av eksisterande hyttefelt. T 41, T42, T50 T67. Tomtene T34 og T35 er omdisponert til T44 og T47. 4 tomter som fortetting T43, T45, T46 og T tomter som vidareføring frå gjeldande reguleringsplan, datert Tomtene T14 og T15 er omdisponert til ei tomt (T15). Rådmannen si vurdering av saka Generelt om hyttebygging i området Dei siste åra har det vore jamn og god utvikling av hytter i feltet Sjurasvingen, samt feltet mot sør som er Myklastølshaugen. Sjurasvingen er noko spesiell i Håradalen, då feltet til ein viss grad er lagt opp som «Ski-in, Ski-out» til alpinanlegget og ekspressheisen. Rådmannen meiner dette er eit godt konsept som underbygger drifta og utviklinga av skianlegget, samt Håradalanen som alpindestinasjon. Ein er såleis prinsippelt positiv til at Sjurasvingen-feltet vert utvida med fleire slike tomter. Området er fullstendig påverka av ombygging på alle kantar. Utnytting av slike areal er positivt i høve til press på meir urørte areal, all den tid det ikkje går på bekostning av kvalitativt gode og nære friluftsareal.

6 Friluftsområde Området har i dag liten verdi som friluftsområde, då det er relativt bratt og ligg med E134 i nord/nordaust og hyttefelt i sør og skiheis i vest. Dette er forslått eit tett hyttefelt der eksisterande vegetasjon og naturelement vert fjerna. Vegar og hytter vert synlege inngrep i landskapet. Landskap fjernverknad Søkjar har laga ein fotomontasje (planskildring s.30) for å illustrere dei nye hyttene lengst nord i planområdet. Illustrasjonen innheld ikkje vegar, parkeringsplassar og planerte flater. Den gjev såleis ikkje eit korrekt bilete av tiltaket. Rådmannen meiner likevel at dei nye hyttene ikkje vesentleg vil skilje seg ut i området, som allereie er heftig påverka av utbygging. Dette gjeld europaveg, skianlegg, hytter og leiligheitsbygg. Landskapseffekten må såleis vurderast til å vere relativt avgrensa. Ski-in/ski-out Det er viktig at nye hytter får god tilkomst til skianlegg. Rådmannen vurderer dette til å vere høveleg bra, men det er alltid riskio/moglegheiter for at køyrevegar vert nytta for alpinistar på veg inn i skianlegget. Dette er eit dilemma med såkalla «ski-in, ski-out» hyttefelt. For dei nye tomtene aust i etablert felt vil det i liten grad vere direkte tilkomst til skianlegget utan å nytte køyreveg. Rådmannen har uttrykt bekymring for tilkomstveg vil bli benytta av alpinistar inn i skianlegget. Planfremjar skriv følgjande i korrespondanse til rådmannen: «Dei som driftar skianlegget preparerer nedfartsterrenget også under den nye ekspressheisen av den grunn at heisen går høgt over terrenget. Det vil i framtida også bli preparert heilt inn til T-54 og T-55 og av den grunn vil det være mest naturlig at alpinistane frå alle hyttene i dette området vil renne kortaste veg rett ut i preparert nedfart framfor å benytte tilkomstvegane i hyttefeltet. Når alpinistane skal tilbake til sine hytter vil det være mest naturlig å renne inn i hytteområdet omtrentlig ved T-67. Pga. av terrengforhold og plassering av ekspressheisen vil truleg skiløparar frå dei fleste nye tomtene kjøra ned i preparert løype under skiheisen for å koma til startpunktet for skiheisen, og ikkje kjøra langs tilkomstvegane då dette er ein omveg.» Rådmannen festar lit til denne skildringa av den framtidige situasjonen. Storleik og utforming på hytter Det er lagt opp til hytter med ulike storleikar. Dei mest framtredande vil vere med hovudetasje og underetasje. Desse bygga føreset skrått terreng og innbygging av underetasje i terreng. Rådmannen ynskjer ei presisering i føresegnene for å sikre at slike hytter ikkje vert plassert på oppfylt areal. Samstundes vil ein presisere utforming av terrassar. Tilkomstveg Området er relativt bratt for anlegging av vinterveg. Det er vurdert fleire løysingar for veg opp i området (sjå planskildring s. 27). Rådmannen vurderer valgt løysing som den beste sjølv om vegen vert relativt bratt og få nokre utslag i form av fylling og skjeringar inn til tre meter. Rådmannen meiner planen har ein svakheit i form av at desse utslaga ikkje framgår av plankart. Til dømes vil fyllingsutslaga komme inn i det som er foreslått regulert til friluftsområde. Rådmannen ynskjer at dette vert teke i vare og synleggjort før offentleg ettersyn. Det er ikkje godt nok at føresegnene til planen opnar for at fyllingar i friluftsområde. Konsekvensane må kome fram av plankartet. Antall- og plassering av hytter Rådmannen er positiv til etablering av det nye, nordlege feltet i Sjurasvingen (T50-67). Området har i dag avgrensa verdi.

7 Ein er kritisk til regulering av hyttene T42 og T41, då desse omdisponerer noko av det attliggande, samanhengande grøntarealet innanfor hytteområdet. Dei vil samstundes potensielt vere i konflikt med tilgong til skianlegget for øvrige, nye hytter. Det vert òg synt til nabomerknad frå T38 og T37 om at eksisterande tilkomstveg er bratt og vanskeleg tilgjengeleg. Rådmannen anbefaler såleis at tomt T42 og T41 vert tekne ut av planforslaget. Planfremjar ynskjer å fortette eksisterande hyttefelt mot aust (T43-48). Her er det i gjeldande plan opna for to tomter, samt friluftsareal. Rådmannen anbefaler at tomt T44 og T46 vert tekne ut av planforslaget. Dette for å gje noko «luft» i feltet, samt tilgong til friluftsareal frå enden av blindveg KV4. T44 er samstundes neppe mogleg å byggje på slik den er foreslått regulert. Ein betydeleg del av tomta er omfatta av byggegrenser mot veg, samstundes som den er lita og bratt. Vurdering av arbeidet opp mot forskrift om konsekvensutgreiingar Planframlegget er i strid med overordna plan. Rådmannen syner til søkjar si vurdering mot forskrift om konsekvensutgreiingar og støtter denne. Vurdering av merknadar Dersom antall hytteeiningar vert redusert som anbefalt over meiner rådmannen at merknadane til planarbeidet er tekne i vare. Det vert elles synt til planskilding kap. 6 for planfremjar sin vurdering av merknadane. Samandrag/ konklusjon: Rådmannen meiner planen kan leggjast ut på offentleg ettersyn etter at følgjande justeringar er gjort: Endring i plankart Det skal regulerast tilstrekkeleg sideareal (anna veggrunn) på nye tilkomstvegar for fyllingar, skjeringar og snørydding/brøyting. Følgjande tomter vert tekne ut av planforslaget: T42 og T41, samt tilhøyrande tilkomstveg. T44 og T46 Tillegg til føresegn 3.1 Terrengtilpassing og terrenginngrep: Alle bygg skal ha god terrengtilpassing og med minst mogeleg inngrep i landskapet. Oppfylling og planering av byggetomt over eksisterande, gjennomsnittleg terrengnivå skal normalt ikkje tillatast for oppføring av fritidsbustad med to etasjar. Terrengsnitt skal vedleggast og vurderast særskilt ved byggesøknad. Tillegg til føresegn 6.1 Fritidsbusetnad: Terrassar skal vere mindre enn 1 meter over terreng og ha god visuell kontakt med terrenget. Endring av planskildring og øvrig dokumentasjon Vert endra til å vere i tråd med oppdatert plankart og føresegner.

8 Saka skal ekpederast av: Særutskrift skal sendast til: Sakshandsamar Alle relevante partar Arkiv