Førde kommune Styre, råd og utval Møtedato Saksnr Planutvalet 20.03.2014 015/14 Bystyret 27.03.2014 008/14 Sakshandsamar: Berit Holme Arkiv: FA-L12 Arkivsaknr.: 12/3591 Detaljregulering for Pinndalen Nord - vedtak Vedlegg: Dok.dato Tittel Dok.ID 12.03.2014 Reguleringsføresegner Pinndalen nord 127570 11.03.2014 Plankart Pinndalen nord 127450 11.03.2014 Pinndalen nord - flyfoto 127453 12.03.2014 Planomtale Pinndalen nord 127571 Saka gjeld: Aaland arkitektkontor har utarbeidd framlegg til detaljregulering for Pinndalen nord. Planframlegget skal handsamast etter Plan- og bygningslova (PBL) kap. 12, og bystyret i Førde kommune skal vedta planen. Plankart og føresegner vil vere juridisk bindande, medan andre dokument er av opplysande art. Bakgrunn: Formålet med reguleringsplanen er å legge til rette for konsentrert småhusbusetnad. Området er tidlegare regulert til frittliggande og konsentrert småhusbustader i reguleringsplan Pinndalen vedteke 17.6.10. Planområdet omfattar også ca. 1,5 dekar med formål landbruk-, natur- og friluftsområde i arealdelen til kommuneplanen. Planutvalet i Førde vedtok i møte 5.12.13 å legge planframlegget til offentleg ettersyn. Planen er varsla og kunngjort i avisa Firda, og på heimesida til kommunen med merknadsfrist den 20.2.14. Planomtale: Planen legg til rette for å etablere konsentrert småhusbusetnad med inntil 90 bueiningar. Planområdet er ca. 33 dekar, og er delt inn i 5 byggefelt med leikeareal og veg mellom felta. Bustadane er planlagd som rekkjer eller lågblokker med 2-4 etasjar med ein utnyttingsgrad på 40 % BYA. Aust i planområdet er det regulert lunneplass og parkeringsareal som kan nyttast både for gjester til bustadane i feltet og til brukarar av Hafstadfjellet. Omsynssoner for støy er lagt inn i planen. Det vert vist til planomtalen for fleire opplysningar om framlegget. Merknader med kommunen sin kommentar: Det er kome følgjande merknader til planen: 1
Førde kommune teknisk drift Det må setjast av tilstrekkeleg areal for samleplass for renovasjonsdunkar, og desse må opparbeidast før bustader vert teke i bruk. Areal til snødeponi, og plassering av leikeapparat må tilpassast. Av-/på-stiging for busstopp kan skje frå fortau utan nivåskilnad til buss, dersom dette vert lagt til indre sirkel i rundkøyring. Nytt punkt under 7, rekkjefylgjekrav i høve ferdig opparbeidd areal for renovasjonsdunkar langs veg. Plassering av leikeapparat vert teke med under 3 Leikeplass. Busshaldeplass i rundkøyring vil ikkje stette krav til universell utforming, og vert derfor endra. Bruland utmarkslag v/arne Høisæther viser til tidelgare merknad, og beklagar at det ikkje er teke til følgje. Eit hovudpoeng har vore å få gjennomført ei regulering som ikkje skapar framtidige konfliktar mellom skogbruk/landbruk og bustadprosjektet/ huseigarar. Rassikringa representerer ikkje ei fullgod sikring av bustadane. Fare for ras/utløysing av rullestein strekkjer seg over eit større areal enn det rasvollen vil sikre. Tidlegare merknad vart handsama i gjeldande plan. Det er sett av areal til lunneplass og parkeringsareal for utfartsområde Hafstadfjellet. Dette er gjort for å sikre areal til ulike brukargrupper, og vonleg minske eventuelle konfliktar i området. Det har ikkje kome merknad frå grunneigar i høve formålet. Sikring av området i høve ras og flaum skal skje i samsvar med NGI sin rapport. Kommunen føreset at dette vert gjennomført. Erik Hauge viser til NVE sin merknad i førre plan i høve sikring, og å leie vekk flaum og overflatevatn. I NGI sin plan ser det ut til at alt vatnet skal leiast langs fangvoll og mot aust, og til sist over hans eigedom 60/27 og vidare inn i Pinndalsgrova. Det kan vere stor vassføring i grova, særleg om våren i snøløysing, og ved mykje nedbør som t.d. Dagmar, jf. all skade på Bruland. Han er svært skeptisk til å leie alt vatnet langs fangvollen og austover til Pinndalsgrova. Dette vil gjerne føre til omfattande tiltak i grovefaret, og han trur at røra ved velteplassen vert for små. Han vil ikkje gje løyve til å føre vatnet som kjem langs fangvollen over hans eigedom. Dette må grunneigarar, som vil bygge i området, ta på eigen eigedom. I samband med etablering av rasvoll og utbygging av området skal det utarbeidast plan for m.a. handtering av vatn. Planen skal godkjennast av NVE. Det skal dokumenterast at Pinndalsbekken er tilstrekkeleg sikra og har naudsynt kapasitet., jf. 7 første punkt i reguleringsføresegna. Reguleringsplan kan vere grunnlag for oreigning i samband med gjennomføring av planen, jf. PBL kapittel 16. Statens vegvesen opplyser at det har vore dialog mellom tiltakshavar og dei, i høve tilhøve kring busshaldeplass og støyskjerming. Tiltaka er teke hand om i planen, og dei har derfor ikkje merknader til planarbeidet. Dei vil likevel nytte høve til å peike på at trafikkstøy frå E39 kan for nokon opplevast forstyrrande, og at det er tiltakshavar si oppgåve å finne løysingar. 2
Plassering av busshaldeplass er endra, og vegvesenet har ikkje andre merknad enn at busskur må plasserast størst mogleg avstand frå avkøyrsla til E39. Ved oppføring av bustader skal det dokumenterast at støytilhøva er tilfredsstillande, jf. reguleringsføresegna 7. Norges vassdrags- og energidirektorat viser til at det i planomtalen er teke inn faresonekart for skred med årleg sannsyn 1/1000, henta frå NGI rapport 2008. Fareområde skal alltid syne i reguleringsplan som omsynssone. Førde kommune må syte for å innarbeide skredutsett areal i plankart før vedtak. Dei tolkar planframlegget slik at det kan førast opp byggverk i tryggleiksklasse 3, og det må dokumenterast at bygga er sikra mot skred med årleg sannsyn 1/5000. Dei har vurdert motsegn, men legg til grunn at Førde kommune føl opp merknadane. I føresegnene bør det takst med at sikringstiltaka skal planleggast av fagpersonell. Plankart er endra, og omsynssone for skred er vist på plankartet. Det er lagt inn rekkjefølgjekrav i reguleringsføresenga til dokumentasjon på faresonegrense for skred med årleg sannsyn 1/5000, og at bygga er sikra i høve dette, jf. 7, rassikring. I tillegg er det sett krav til fagpersonell for planlegging. Fylkesmannen har ingen avgjerande merknader, men p.g.a. stor saksmengde og manglande kapasitet har dei ikkje vurdert planen ut frå omsyn til beredskaps- og samfunnstryggleik. Vurdering: Planen legg til rette for etablering av bustader med høg utnytting i eit område der m.a. tilhøve til trafikkstøy og sikring mot ras og flaum må løysast på ein god måte. Av omsyn til universell utforming er busshaldeplass flytta frå rundkøyringa til veg 3. Trafikkmengda til området gjer det mogleg for bussen å stoppe i vegbana aust i planområdet før bussen svingar inn til rundkøyringa. Det er lagt inn fortau og areal til overbygd venteplass i plankartet. Endringa i planen er sendt på avgrensa høyring til aktuelle partar som ikkje har kome med merknader til endringa. Det er gjort følgjande endringa etter offentleg ettersyn: Reguleringsføresegner: 1 Busshaldeplass under samferdselsanlegg er teke ut. 3 Leikeplass (L): Ny setning. Leikeapparat skal plasserast tilstrekkeleg avstand frå veg. 4 Køyreveg: Ny setning. Areal til snødeponi skal settast av der det er behov, og det skal ikkje kome i konflikt med leikeareal. 4 Fortau: Endra setning. Det skal opparbeidast fortau med minst 2,5 m breidde langs delar av V2 og V3. 4 Busshaldeplass går ut. 4 Kollektivanlegg: Endra setning. Her skal det etablerast overbygd venteplass for passasjerar som seinast skal vere ferdig før felt nr. 2 vert sett i gang for utbygging. 3
7 Rassikring: Nye setningar: Før oppføring av bygg i tryggleiksklasse 3 skal det vurderast og dokumenterast kvar faresonegrense for skred for årleg sannsyn 1/5000 går i planområdet, og det skal dokumenterast at planlagde bygg er sikra mot skred med årleg sannsyn 1/5000. Sikringstiltaket skal detaljprosjekterast av personell med sentral godkjenning for ansvarsrett som dekker fagområdet i tiltaksklasse 3. 7 Nytt kulepunkt: Areal til renovasjonsbehaldarar ved veg skal vere ferdig opparbeidd før bustader i feltet vert teke i bruk. 7 kulepunkt 8 går ut. 8 Ny sikringssone. Ras. Området er utsett for ras. Bygg og anlegg kan ikkje etablerast før sikringstiltak er gjennomført, jf. 7. Plankart: Omsynssone for ras er vist i plankart. Busshaldeplass er flytta frå rundkøyring til vegbane nordaust i planområdet, like sør frå krysset til E39. Areal for overbygd venteplass er sett av ved veg 3. Rådmannen sitt framlegg til vedtak: Handsaming i Planutvalet 20.03.2014: Samrøystes tilråding PLAN-015/14 Vedtak: Handsaming i Bystyret 27.03.2014: Samrøystes vedtak BY-008/14 Vedtak: Førde, den 12.03.2014 4
Ole John Østenstad Rådmann Odd Harry Strømsli Plan- og byggesjef 5