Skodje kommune Teknisk avdeling Sak 22/15 Arkivsak nr: 15/33 Arkiv: Sakshandsamar: Ingunn Stette Sak nr Utval Møtedato 22/15 Det faste planutvalet 18.03.2015 REGULERINGSENDRING FOR DEL AV DIGERNES NÆRINGSOMRÅDE - OFFENTLEG ETTERSYN Det faste planutvalet 18.03.2015 Handsaming: Innstilling/vedtak: VEDTAK: Det faste planutvalet vedtek å legge forslag til reguleringsendring for Digerneset Næringspark ut til offentleg ettersyn, slik den ligg føre datert 04.03.15. SAKSDOKUMENT: 1. Forslag til reguleringsendring for Digerneset Næringspark med vedlegg, datert 04.03.15. 2. Innspel til oppstartsmeldinga. 3. Pressemelding frå Regjeringa, datert 19.01.15. 4. Saksutgreiing og vedtak i FPU-sak 11/15 av 28.01.15 med løyve til oppstart av planarbeid. 5. Referat frå førehandskonferanse, datert 22.10.15. SAKSOPPLYSNINGAR: Leite og Howden AS og ProESS AS har, på vegne av Digerneset Næringspark AS, utarbeidd forslag til reguleringsendring for del av Digernes næringsområde. Reguleringsplan legg til rette for ei endring av delar av gjeldande detaljplan for området. Planområdet ligg sørvest for Skodje sentrum, nord for E39 og aust for FV 661. Planområdet dekkjer 150 daa, av dei ca. 400 daa som ligg inne i gjeldande reguleringsplan, stadfesta av
Miljøverndepartementet(MD) 15.04.13. I samband med søknad om oppstart av reguleringsplanarbeid i FPU-sak 11/15, frå 28.01.15, vart det sett som vilkår at gjeldande reguleringsplan for næringsområdet på Digernes, skal ligge til grunn for planarbeidet. Tiltakshavar har utarbeidd plankart, planomtale og reviderte føresegner for planområdet. Reguleringsforslaget er utarbeidd med utgangspunkt i gjeldande detaljplan. Føremålet med reguleringsendringa er nærare presisert og kan oppsummerast slik(jf. planbeskrivelsen kap.4): Føremålet er i hovudsak å legge til rette for etablering av 9000 m2 til ikkje plasskrevjande detaljhandel jf. vedlagde pressemelding frå Regjeringa av 19.01.15. I tillegg er det gjort nokre mindre endringar som følgjer her: Tidlegare F2 er innlemma i F/N1, og opnar for kombinasjonsføremålet «forretningar/næringsbygningar». Tidlegare B2 er innlemma i F1, då det viser seg uaktuelt å etablere automatstasjon(bensin) i dette området. Tidlager VA2 er etablert i planområdet sin austre del, og arealet er i nytt forslag teke inn i tilstøytande område for «næringsbygningar»(n1). Utfyllande informasjon om bakgrunn for planforslaget og planstatus for gjeldande planar i og inntil planområdet m.m. går fram av forslag til reguleringsendring, datert 04.03.15. Planomtalen kap. 2 omfattar ei oversikt over gjevne føresetnader som er vidareført ifrå gjeldande reguleringsplan. Detter gjeld m.a. ei henvising til gjennomført konsekvensutgreiing(ku) frå 2012, som ligg til grunn for forslag om 9000 m2 detaljvarehandel i planområdet. Forslag til reguleringsføresegner som ligg ved her, datert 04.03.15, er utarbeidd med utgangspunkt i gjeldande bestemmelsar for området. For fullstendig oversikt over dei detaljerte føringane for utbygginga, viser eg til vedlagde forslag til reguleringsføresegner, datert 04.03.15. Innspel til oppstart av reguleringsplanarbeid. Tiltakshavar har varsla berørte partar og naboar om oppstart av planarbeid, og det er kome inn merknader til saka. Innkomne merknader er kort gjort greie for her. For fullstendig oversikt over innhaldet i desse, viser eg til vedlagde brev frå dei ulike partane. Tiltakshavar si vurdering av merknaden, og eventuell tilleggsmerknad frå rådmannen, følgjer fortløpande. Fylkesmannen i Møre og Romsdal har i brev, datert 17.02.15, oversendt saka til Kommunal og moderniseringsdepartementet. Spørsmål om oppnemning av settefylkesmann for den vidare handsaminga, er grunna i habilitet. Det Kongelige Kommunal og Moderniseringsdepartement(KMD) har ikkje merknader til dei habilitetsvurderingane som er gjort av Fylkesmannen i Møre og Romsdal, og oppnemnde ved brev, datert 23.02.15, Fylkesmannen i Sør- Trøndelag til å behandle og avgjere saka.
Fylkesmannen i Sør-Trøndelag har i sitt tilsvar til KMD, datert 02.03.15, vurdert sin status som part og klager i dispensasjonssaka, som eit særeige forhold som er eigna til å svekke tilliten som upartisk i saka jf. forvaltningslov 6 andre ledd. Fylkesmannen i Sør Trøndelag bed med bakgrunn i dette om oppnemning av settefylkesmann for den vidare handsaminga. Tiltakshavar viser til KMD si avgjerd i klagesak, der det signaliserast at departementet ikkje vil ha merknader til auka areal til ikkje-plasskrevjande detaljhandel så langt det ligg innanfor regionale føringar. Det vert vidare vist til pressemelding frå regjeringa av 19.01.15, der det presiserast at etablering av 9000 m2 til detaljvarehandel kan realiserast dersom kommunen endrar reguleringsplan for området. Rådmannen har forståing for at tiltakshavar ikkje ønskjer at reguleringsplanprosessen skal strekkast unødig ut i tid, og viser til at den planlagde utvidinga i detaljvarehandel frå 3000m2 til 9000m2, er i samsvar med dei føringar som ligg i regjeringa si pressemelding av 19.01.15. Øvrige foreslåtte endringar innanfor omsøkt planområde er av mindre vesentleg karakter, som det ikkje ventast merknader frå partane til. Rådmannen meiner at slik saka ligg her, kan det truleg vere tidsnok for kommunen å ta stilling til merknad frå settefylkesmann i samband med høyringa etter 1. gangs handsaming(offentleg ettersyn). Statens vegvesen Region midt har i sin uttale, datert 23.02.15, ikkje merknader til det varsla reguleringsplanarbeidet. Møre og Romsdal fylkeskommune har uttala seg til oppstart i brev, datert 25.02.15. Fylkeskommunen viser til at hovudføremålet med reguleringsendringa er å legge til rette for større grad av detaljhandel innanfor planområdet. Fylkeskommunen viser til tidlegare fråsegn om å kunne tillate opp til 9000m2 i tidlegare reguleringssak, og Fylkesutvalet sin uttale frå 25.08.14, sak U-81/14: 1. Fylkesutvalet har tidlegare gått inn for å godta etablering av 9000m2 detaljhandel på Digernes næringsområde. Fylkesutvalet vil stå fast på dette og vil legge til rette for dette i vedtak i Fylkesplanen. 2. Fylkesutvalet vil ikkje legge opp til klage på dispensasjonsvedtak i Skodje kommunestyre(dette gjeld 4500 m2 detaljhandel) 3. Fylkesutvalet vil be om at Kommunal og moderniseringsdepartementet tek opp igjen etableringa av detaljvarehandel på Digerneset og utvidar dette til minst 9000m2. Møre og Romsdal fylkeskommune har vist til at Kommunal og moderniseringsdepartementet, gjennom handsaming av klage på dispensasjonsvedtak i Skodje i brev av 14.01.15, har gjort det klart at departementet ikkje vil ha merknader til reguleringsendring som legg til rette for auka areal til ikkjeplasskrevjande detaljhandel. Dette med tilvising til fylkesutvalet sine intensjonar. Fylkeskommunen har ikkje vesentlege merknader til oppstart av planarbeid, og heller ikkje merknader til dei plantekniske endringane som er skissert for dei ulike byggeområda. Haram kommune har i brev datert 27.02.15, varsla om vedtak av 26.02.15(KS-009/15, der
Kommunestyret i Haram er positiv til at det vert sett i gong reguleringsplanarbeid som omsøkt for Digerneset Næringspark i Skodje kommune. Rådmannen si vurdering. Digernes Næringsområde har totalt ein storleik på om lag 400 daa og skal nyttast til utbygging av lager- og logistikkfunksjonar og ulike typar forretningsverksemd. Det vert no søkt om reguleringsendring for om lag 150 da av dette området. Reguleringsforslaget for den omsøkte endringa gjev ei nærare utgreiing av dei ulike reguleringsføremåla innanfor område for forretning(f1), område for næringsbygningar(f/n1 og F/N2), samt justering av område for vass- og avlaupsanlegg(va2). I austre del av planområdet er offentleg friområde vist, i samsvar med gjeldande reguleringsplan, for å sikre gangvegtilkomst mellom næringsområdet og dei eksisterande buområda som ligg lengre aust. Planføresegnene set detaljerte krav til m.a. bygningar og anlegg, samferdselsanlegg og teknisk infrastruktur, grøntstruktur og omsynssoner. Tiltakshavar sitt forslag til reguleringsendring for det omsøkte delområdet, datert 04.03.15, med plankart, planomtale og reguleringsføresegner, gjev god oversikt over bakgrunn for saka, situasjon, føresetnader for planarbeidet og detaljerte reguleringsføresegner som skal ligge til grunn for utbygginga av området. Plandokumenta bygg på gjennomarbeidde føresetnader, konsekvensutgreiing(ku frå 2012) og reguleringsbestemmelsar i gjeldande detaljplan. Spørsmålet om utnytting av delar av Digernes næringsområdet til 9000 m2 detaljhandel, har vore ei lang prosess, som no truleg finn si avklaring gjennom denne reguleringsendringa. Møre og Romsdal fylkeskommune har i sin uttale vist til at Kommunal og moderniseringsdepartementet, gjennom handsaming av klage på dispensasjonsvedtak i Skodje i brev av 14.01.15, har gjort det klart at departementet ikkje vil ha merknader til reguleringsendring som legg til rette for auka areal til ikkje-plasskrevjande detaljhandel. Dette med tilvising til fylkesutvalet sine intensjonar. Det er ikkje kome uttale til varsel om oppstart av planarbeid frå fylkesmannsembetet innan fristen. Rådmannen har fått signal(jf. brev frå Fylkesmannen i Sør-Trøndelag, av 02.03.15) om at det truleg vil bli oppnemnd settefylkesmann, og legg til grunn at uttale til saka vil kome i samband med at planforslaget vert utlagt til offentleg høyring. Det er her vesentleg for kommunen at den planlagde utvidinga i detaljvarehandel frå 3000m2 til 9000m2, er i samsvar med dei føringar som ligg i Regjeringa si pressemelding av 19.01.15. Rådmannen har ikkje merknader til dei øvrige foreslåtte endringane innanfor omsøkt planområde, som er meir av planteknisk karakter. Rådmannen viser til Skodje kommune si tidlegare godkjenning av reguleringsplan for Digernes næringsområde frå 19.06.12, og siste handsaming av dispensasjonssak for auka areal til detaljhandel i vedtak stadfesta av KMD 14.01.15. Rådmannen har ikkje særlege merknader til saka, som her er i samsvar med kommunen sine tidlegare vedtak for området. Rådmannen viser til vedlagde forslag til reguleringsendring, øvrige saksdokument og eige vurderingar ovanfor, og rår til ar forslag til reguleringsendring for Digerneset Næringspark vert lagt ut til offentleg ettersyn slik den ligg føre, datert 04.03.15. RÅDMANNENS FRAMLEGG TIL INNSTILLING / VEDTAK:
RÅDMANNENS FRAMLEGG TIL VEDTAK: Det faste planutvalet vedtek å legge forslag til reguleringsendring for Digerneset Næringspark ut til offentleg ettersyn, slik den ligg føre datert 04.03.15.