Sakspapir Saksnr. Utval Møtedato 063/17 Formannskapet 07.09.2017 050/17 Kommunestyret 14.09.2017 Sakshandsamar Arkiv Arkivsaksnr. Turid Kristine Brekke K2 - L12 16/238 Reguleringsplan for Øenmarki bustader Rådmannen si tilråding Detaljregulering for Øenmarki bustader, med plankart, føresegner og planomtale datert 09.06.2017, vert godkjent med dei endringar som er tilrådde i saksutgreiinga frå Rådmannen. Formannskapet - 063/17 Plansjef Turid Brekke deltok under handsaminga av saka. Ho orienterte om planframlegget, og gjekk gjennom merknadane som er komne inn. FS - vedtak: Saka blir lagt fram for kommunestyret med fylgjande framlegg til vedtak: Detaljregulering for Øenmarki bustader, med plankart, føresegner og planomtale datert 09.06.2017, vert godkjent med dei endringar som er tilrådde i saksutgreiinga frå Rådmannen. Samrøystes. Kommunestyret - 050/17 Plansjef Turid Brekke deltok under handsaminga av saka. Ho orienterte om planframlegget, og gjekk gjennom innkomne merknader. KS - vedtak: Detaljregulering for Øenmarki bustader, med plankart, føresegner og planomtale datert Postboks 134, 6891 Vik i Sogn tel: 57 69 82 00 post@vik.kommune.no vik.kommune.no Bankgiro: 4202.38.41511 Org. nr 937 498 764
09.06.2017, vert godkjent med dei endringar som er tilrådde i saksutgreiinga frå Rådmannen. Samrøystes. Vedlegg Dokument dato Tittel DokID 31.08.2017 A10 Reguleringsplan _ Layout 2017.06.09 160801 31.08.2017 A11 Illustrasjonsplan _ Layout 2017.06.09 160802 31.08.2017 FØRESEGNER- Øenmarki 2017.06.09 160803 31.08.2017 Planomtale det.reg Øenmarki 2017.06.09 160804 31.08.2017 Veldegg 1 ROS Øenjordet 2017.06.09 160805 31.08.2017 Merknader etter høyring og offentleg ettersyn 160806 Kort samandrag Vik kommune (VK) eig området Øenmarki i Vik sentrum. Området på ca. 5daa er sett av til byggeområde for konsentrert småhusbustader i kommuneplan vedteken 2014. Det er krav om detaljregulering. Vik kommune inviterte utvalde firma til prosjektkonkurranse hausten 2016. Røyrvik Bygg og Betong as (RBB), i samarbeid med Arkitektfirma Jon Vikøren as leverte det beste forslaget etter Vik kommune si vurdering. Forslaget viser ei utbygging med omlag 20 bueiningar av varierande storleik. Avtale mellom VK og RBB inneber at RBB skal overta og byggja ut tomta i tråd med konkurranseforslaget, på grunnlag av godkjend detaljreguleringsplan. Det er RBB som er tiltakshavar for reguleringsplanen. Arkitektfirma Jon Vikøren as er utførande rådgjevar. Planforslaget legg til rette for ei utbygging som vist i konkurranseprosjektet. Etter høyring og offentleg ettersyn er det registrert 2 merknader. 1 av desse gjev grunnlag for nokre mindre endringar i plandokumenta. Rådmannen tilrår godkjenning av planen med endringar. Kommunestyret har mynde til å gjera vedtak. Aktuelle lover, forskrifter, avtalar m.m. Plan- og bygningslova. Saksopplysningar Røyrvik Bygg og Betong as har laga framlegg til privat reguleringsplan for området Side 2 av 6
Øenmarki. Planområdet er relativt flatt og ligg sentralt i Vik sentrum, rett sør for Vikjahalli. Det er ingen eksisterande bygg i planområdet og området har tidlegare vore nytta til jordbruk, men det siste året har det fungert som riggområde i samband med utbygginga av bustader for funksjonshemma. Mot aust og sør grensar planområdet til einebustadområde og mot vest ligg rv13. Planen er i samsvar med gjeldane kommuneplan. Formålet med planen er å leggje til rette for ei utbygging med ulike typar leilegheiter. Bygga kan førast opp i 2 etasjar og alle hovudvolum skal ha saltak eller pulttak. Det er lagt opp til høg utnytting med %BYA=55%. Utbygginga skal etablerast i mindre bygningsvolum med siktlinjer og avstandar mellom bygga slik som vist på illustrasjonsplanen. Det er lagt opp til eit felles leikeareal sentralt i området. Parkering vert løyst delvis via felles parkeringsplass, f_p, og delvis via private parkeringsplassar innafor byggeområdet BK. Planen opnar opp for at det kan byggjast carport over felles parkeringsplassen. Planomtalen gjer nærare greie for forhold i planområdet, og for konsekvensar av planforslaget. Plandokument: -Plankart og illustrasjonar -Reguleringsføresegner -Planomtale med vedlegg Planprossess: Oppstart av planarbeid vart varsla med brev av 10.februar 2016 til partar og høyringsinstansar, og med annonse i Sogn Avis. 5 innkomne merknader til oppstartsvarselet er kommentert i plandokumentet: Planomtale. Vik kommune mottok ferdig planframlegg i juni 2017. I samsvar med reglane i Pbl 12-10 og 12-11 sende Rådmannen planen til partar og høyringsinstansar i brev av 23.06. 2017, og offentleg ettersyn vart kunngjort med annonse i Sogn Avis og på heimesida til Vik kommune. Merknader etter høyring og offentleg ettersyn. Vurderingar. Side 3 av 6
Innan fristen 24.08.2017 kom det inn 2 merknader. Sjå vedlegg. Desse vert kommentert under. 1. Fylkesmannen i Sogn og Fjordane Dato: 24.08.2017 Planarbeidet er i samsvar med arealdelen til kommuneplanen. Natur og Miljø Deler av bustadarealet og leikearealet kjem innanfor gul støysone frå rv13. Viser til rettleiar T-1442/2016 «Retningslinje for behandling av støy i arealplanlegging». Den gule sona er ei vurderingssone der nye bygg kan etablerast dersom det kan dokumenterast at avbøtande tiltak gir tilfredsstillande støyforhold. Det går fram av retteleiaren at ei støyfagleg utredning «skal foreligge samtidig med planforslag i plansaker eller ved søknad om rammetillatelse i byggesaker». Meiner at sidan det ikkje føreligg støyanalyse med forslag til støyskjerming som grunnlag for planframlegget, kan ein ikkje vite sikkert om avbøtande tiltak kan gje tilfredstillande støynivå innandørs og/eller utandørs innafor dei delane av leikeområdet og bustadområdet som ligg nærast riksvegen. Viser til støyrettleiaren og meiner det, ved offentleg ettersyn av planen, burde ha lege føre ei støyfagleg utgreiing og vurdering av kva tiltak som er nødvendig. Vurdering/tilråding: Rådmannen kan sei seg einig i merknaden men viser samtidig til at det i planprosessen var eit viktig poeng at støyvurderinga vert gjort tett opp til prosjektering av bygga og kan vera med å avgjera utforming av bygg og oppbygging av ytterveggar. I føresegnene (6.2) står det at «støyvurdering og ev. tiltak for støy skal vera utreda til rammeløyvesøknad/byggesøknad». Rådmannen meiner planen er fleksibel og at det er teke plassomsyn til ulike moglege støytiltak. Dersom det viser seg at det vert naudsynt med frittståande støyskjerming (skjerm eller voll) er det i føresegnene vist til at det kan etablerast i område f_g02 eller f_p, langsmed rv13. Side 4 av 6
Samfunnstryggleik og beredskap Viser til at det ikkje går fram av ROS-analysen om det er teke tilstrekkeleg høgde for dei framtidige klimaendringane som til dømes vurderingar knytt til overvasshandtering. Vurdering/tilråding: Klimaendringar og vurderingar knytt til overvasshandtering har vore drøfta i planprosessen. I planomtale og føresegner(4.6) der det er sagt at overflatevatn og takvatn skal samlast og førast inn i offentlege nett. Landbruk Planen legg til rette for god arealutnytting og er i tråd med føringar i kommuneplanen. Har ikkje merknader. 2. Statens Vegvesen Dato 23.08.2017 Ber om at frisiktsonene vert målsatte på plankartet. Ber om at byggegrensene som er vist på plankartet vert målsatte og teke inn som eige punkt i føresegnene. Av omsyn til drift og vedlikehald av gang- og sykkelveg bør avstand frå carport til gang- og sykkelveg vera minimum 3 meter. Dette må gå fram av føresegnene. Vurdering/tilråding: Plankartet vert supplert med målsetting av både frisiktsoner og byggegrenser. Planen legg opp til høg utnytting, noko som gjer det vanskeleg å få til ein avstand på 3 meter mellom gang- og sykkelvegen og ev. carport. I samråd med Statens Side 5 av 6
Vegvesen har Rådmannen kome fram til at ein avstand på 1 meter mellom gangog sykkelveg og carport er ei akseptabel løysing så lenge vi unngår snøopplagring i friskiktsonene. Område f_g2 er godt eigna som snøopplagringsplass. Føresegn 6.1 vert suppler med fylgjande: Frisiktsonene skal ikkje nyttast til snøopplagring. Økonomiske konsekvensar Ingen Vurdering Merknadene gjev grunnlag for nokre rettingar og mindre endringar i plandokumenta, som tilrådd over. Etter Rådmannen sin vurdering er ikkje endringane av eit slikt omfang at det utløyser krav til ny utlegging. Rådmannen rår til å godkjenna planen med dei tilrådde endringane. Side 6 av 6