Fræna kommune Teknisk forvaltning Plan Arkiv: 201314 Arkivsaksnr: 2013/850-7 Sakshandsamar: Ann Sissel Heilevang Saksframlegg Utval Utvalssak Møtedato Plan- og økonomiutvalet i Fræna kommune 155/2013 25.11.2013 Områderegulering for Tornes bustadfelt nord til offentleg ettersyn Saksdokument: Oversiktskart, datert 18.11.13 Forslag til reguleringsplan, datert 18.11.13 Teiknforklaring, datert 18.11.13 Forslag til reguleringsføresegner, datert 18.11.13 Planomtale, datert 18.11.13 ROS-analyse, datert 11.11.13 Innkomne innspel: Istad Nett A/S, datert 15.05.13 Statens vegvesen, datert 14.05.13 Fylkesmannen i Møre og Romsdal, datert 07.06.13 Møre og Romsdal Fylkeskommune, datert 14.06.13 Saksopplysningar Planområdet ligg i nord for eksisterande byggjefelt på Tornes (bak Torneskleiva), 5 km frå Elnesvågen mot Bud. Planområdet er på totalt 386 daa stort.
Byggeformål og grad av utnytting Det er lagt opp til 136 tomter for frittliggande bustader. Maks bygd areal per tomt er på 250 m 2 BYA. Det er regulert inn tre konsentrerte felt i området. Maks bygd areal for kvart felt er 30 % BYA. Topografi/landskapstrekk Planområdet er relativt flatt med ei svak helling mot nord. Terrenget i området er forholdsvis flatt så dette er eit felt som vil vere lett å byggje ut, så konsekvensane er vurdert til å vere små til middels. Miljøfaglege forhold Det er ein art i soppriket som er vurdert som nær truga på raudlista, lurvesøtpigg (bankera fuligineoalba). Denne held til på turvegen utanfor planområdet i aust. Planforslaget vil ikkje ha noko negative konsekvensar for arten då turvegen blir vidareført i reguleringsplanen, og den ligg utanfor området. Det er føretatt ein støyberekning der en har brukt vegleiaren MD T 1442/2012. Me har lagt til grunn ein ÅDT i størrelse på 2000. Ut frå denne ÅDT, fartsgrense på 60 og 80 km/t og tungtransport på 10 %, er dette lagt til grunn i sjablon metoden (sjå planomtale) for å berekne støy nivået frå biltrafikk langs fylkesveg 664. Ut i frå desse berekningane er det konkludert med at reguleringsområdet ligger ca. 65 meter ut forbi gul støysone på det minste. Feltet ligger med dette i kvit sone og det krev ikkje støydempande tiltak. Tabellen korrigerar ikkje atmosfærisk demping, som ville ha redusert omfanget av støysonene, spesielt når avstandane blir store som i dette tilfelle. Trafikkforhold Samlevegen har køyrebanebreidde på 6 meter og gang- og sykkelveg er på 3 meter. Breidda på vegen total sett er på 15 meter. Tilkomstvegane har køyrebanebreidde på 5 meter og grøft på 2 meter på kvar side. Det er ikkje lagt tilrette for gjennomkøyring for vanlege bilistar. Det vil bli sett opp bom. Dette er for å hindre unødvendig køyring som det ofte kan bli på gjennomkøyringsvegar.. Større bilar som søppelbil, uttrykkingskøyretøy, brøytebil og liknande skal få køyre gjennom området. Dette er tenkt å løyst ved at desse har bombrikke, for automatisk opning og lukking av bommen. BK3 og bustadane langs ov12 og ov13 vil få tilkomstveg frå Ausevegen, medan dei andre felta har tilkomst frå Heimdalvegen. Risiko og sårbarheit, jf. sjekkliste for vurdering av risiko og sårbarheit i samfunnsplanlegginga Det er knytt uakseptabel risiko til høgspentlinene på 22 kv som går gjennom planområdet. Her er det gjort avbøtande tiltak ved at linene er føreset lagt i kabel under bakken.
Skule og barnehage Ved full utbygging av området vil vi ha eit underskot på barnehagetilbodet. Den eksisterande barnehagen er fullt utnytta og det er ikkje naturleg utvidingsareal i tilknytning til tomta. Kor stort leike- og opphaldsareal er per born i barnehagen, vert vurdert som eit mål på strukturell kvalitet. Barnehagen skal gi born høve til leik, livsutfolding og meiningsfylte opplevingar og aktivitetar, jf. barnehagelova 2. Rettleiande norm for kor stortinnearealet skal vere, er 4 kvadratmeter per born over tre år og om lag ein tredel meir per born under tre år. Uteareal bør vere om lag seks gonger større. Skal en til å utvide utearealet enda meir går det på kostnad av kollen i bakkant og turstien, noko som ikkje er ønskjeleg slik fagansvarleg på barnehagesektoren vurderer det. Skule Det vert vurdert at skulen på Torne vil kunne ta imot den auka elevmassen ei full utbygging vil kunne gje. Denne vurderinga byggjer på ei gradvis utbygging av feltet. Grøne interesser/born sine interesser/universell utforming/folkehelseprinsippet Det er sett av 8 felles areal til leik i planområdet. Leikeareala er større enn minimumskravet til kommunen sine krav til kor store areal som skal avsettast til dette. Samanhengande grønstruktur gir gode samband felta imellom, samstundes som det har stor tyding for landskapsverknaden. Gang-, sykkel- og turveger er viktig for leik, rekreasjon, mosjon og friluftsliv. I tillegg vil grønstrukturen ha ein funksjon som skjermande område som avgrensar dei landskapsmessige verknadene av utbygginga. Desse funksjonane vil vere med å betre bumiljøet, samstundes som det vil vere utgangspunkt for eit mangfald av naturkvalitetar i feltet. Ein ynskjer å få til best mogleg universell utforming av tilgjenge til og utforming av bustadane og grønstrukturen i feltet. Juridiske/økonomiske forhold Planforslaget kan utløyse offentleg innløysingsplikt med tanke på dei offentlege friområda, F1-5, i planforlaget. Eigedomane som blir rørt av planforslaget er eigd av andre enn kommunen. Planen gir eit grunnlag for tvangsinngrep slik at feltet kan byggjast ut slik som føresett. Kommunen arbeider med forslag om korleis ein kan gi eit godt tomtetilbod utan at dette bind opp for stor del av dei kommunale investeringane. Kommunalt tomtepolitikk er meint å vere ein aktivitet i økonomisk balanse. Omlegging av høgspentlinene vil medføre økonomiske konsekvensar for kommunen og dei som skal byggje der. Men med tanke på tal bustader som går bort om en ikkje legg linene i kabel, vil kommunen vinne på å gjere dette. Det vart meldt oppstart på områderegulering 06.05.13. Fristen for å kome med merknader var sett til 14.06.13. I det følgjande er det gjort eit samandrag av dei einskilde merknadane.
Istad Nett AS, datert 15.05.13 Dei peikar i sitt skriv at dei har anlegg i området og at flytting/endring av desse installasjonane heilt eller delvis må dekkast av utbyggar. Kommentar: Merknaden er teken til vitande. Statens vegvesen, datert 14.05.13 Ingen merknader Fylkesmannen i Møre og Romsdal, datert 07.06.13 Natur- og miljøverninteresser: Fylkesmannen ber kommunen vere varsam med utbygging inn mot Høghaugen, og at en gir området grønstruktur som gir god høve til ferdsel dit. Andre bergryggar bør utnyttast som positive element i området. Landbruksinteresser: Den vestlege delen av området består av mellom anna dyrka jord og ein teig med fulldyrka mark, som i kommuneplana er avsett til LNF- område. Teigen med dyrka mark ligg lausreven frå anna dyrka mark. I og med at denne teigen meir eller mindre grensar mot etablerte bustader, vil ikkje Fylkesmannen rå frå at arealet vert omdisponert. Fylkesmannen oppmodar om god utnyttingsgrad av planområdet totalt sett. Samfunnstryggleik: Det må gjennomførast ein risiko- og sårbarheitsanalyse for planområdet. Born og unge sine interesser: Fylkesmannen føreset at born og unge sine interessert blir ivaretatt. Eit såpass stort planområde føreset at en sikrar både større og mindre friområde med samband for leik og rekreasjon for born og vaksne. Vidare må det vere fokus på å sikre trygg trafikkavvikling i feltet. Konklusjon: Fylkesmannen ber om at merknadene ovanfor blir tatt omsyn til vidare i planarbeidet. Kommentar: I planforslaget er det forsøkt å leggje opp til gode grønstrukturer med både små og store friområder med gode forbindingar til leikeplassar og friområde. Nokre av dei regulerte friområda i planen er heilage ved at dei har stor betyding for befolkninga i Fræna. ROS-analysen er utfylt. Teigen med dyrka mark er omdisponert til friområde. Merknadene er til dels teken til følgje.
Møre og Romsdal fylkeskommune, datert 14.06.13 Planfagleg vurdering: Arealet i vest i planområdet er framtidig bustadområde i forslag til revidert arealdel av kommuneplanen. Konsekvensutgreiinga til revidert areal bør kunne nyttast inn i planarbeidet. Barnehage bør ha særskilt merksemd i planomtalen, då det er eit nytt formål i området. Friområdet sør i planområdet bør vidareføres frå gjeldande kommuneplan. Tilrettelegging av grønstruktur bør vere eit viktig tema. Gangveg-/turvegsamband gjennom planområdet vil vere avgjerande for at ny og eksisterande busetnad skal få knyte seg opp til eksisterande turområder. Tilrettelegginga bør byggje på eksisterande turstisystem der det er mogleg. Automatisk freda kulturminne: Utbyggingsområdet inneheld eit stort potensiale for funn av automatisk freda kulturminne som ligg skjult under markoverflata. Det må derfor gjennomførast ei arkeologisk registrering før den endelege planen eventuelt kan godkjennast. Tiltakshavar må dekkje utgiftene ved registrering. Kulturminne frå nyare tid: Det er viktig at turstiane i området ikkje blir nedbygd, eller at det blir bygd tett inntil dei. Gravplassen på Tornes må ikkje bli innebygd, men grøntområda rundt må bli tekne vare på. Samferdsel Bustadområdet må knytast saman med eksisterande kollektivhaldeplassar langs f.v. med gang- og sykkelvegar. Omsynet til mjuke trafikantar og trygg trafikk internt i planområdet må bli godt ivareteke. Born og unge: Planarbeidet må sikre gode uteopphaldsareal for leik og rekreasjon. Om det er aktuelt å utnytte deler av området til konsentrerte bustader bør det stillast krav om detaljregulering for å ivareta planlegging av uteopphaldsareal med funksjon som leikeplass. Konklusjon: Det må gjennomførast ei registrering. Ut over dette ber Fylkeskommunen om at merknadene ovanfor blir tatt omsyn til i planarbeidet. Kommentar: KU er med i planomtalen. Det har blitt forsøkt å leggje inn gode grønstrukturer. Merknadene er teken til følgje. Vurdering Tiltaket vil sikre nye bustader i mange år framover. I planforslaget er det blitt innregulert fleire områder for grøntstruktur. Dette er positivt for området og omkringliggande busetnad.
Rådmannens tilråding: Med heimel i plan- og bygningslova av 27.juni 2008, 12-10 vert forslag til reguleringsplan for Tornes bustadfelt nord, datert 18.11.13, med tilhøyrande føresegner datert same dato, lagt ut til offentleg ettersyn. Behandling i Plan- og økonomiutvalet i Fræna kommune - 25.11.2013 Rådmannen si tilråding vart samrøystes vedteke. Vedtak: Med heimel i plan- og bygningslova av 27.juni 2008, 12-10 vert forslag til reguleringsplan for Tornes bustadfelt nord, datert 18.11.13, med tilhøyrande føresegner datert same dato, lagt ut til offentleg ettersyn.