Fræna kommune Teknisk forvaltning Plan

Transkript

1 Fræna kommune Teknisk forvaltning Plan Arkiv: Arkivsaksnr: 2015/ Sakshandsamar: Ann Sissel Heilevang Saksframlegg Utval Utvalssak Møtedato Plan- og økonomiutvalet i Fræna kommune 32/ Detaljregulering for Hustad bustadfelt aust - til offentleg ettersyn Saksdokument Oversiktskart, datert Alternativ 1 til planforslag, datert Alternativ 2 til planforslag, datert Teiknforklaring, datert Forslag til føresegner datert Planomtale, datert ROS-analyse, datert Mottatte innspel Istad Nett AS, datert Internt planforum, datert Statens vegvesen, datert Fylkesmannen i Møre og Romsdal, datert Møre og Romsdal fylkeskommune, datert Råd for menneske med nedsett funksjonsemne, datert Samarbeidsutvalet ved Hustad barnehage, datert Saksopplysningar Planområdet ligg som ein naturleg del av eit allereie eksisterande bustadområde på Hustad, sør for fylkesveg 235. I feltet ligger det ein kommunal barnehage. Barne- og ungdomsskulen ligg ca. 700 meter frå feltet, og idrettshallen like ved skulen. Det er gangog sykkelvegsamband fram til Farstad.

2 Oversiktsbilete Tilrettelegging for bustadbygging er eit av kommunen sine satsingsområde, og kommunen har som mål at det skal vere tilgang på byggjeklare tomter i kommunale bustadfelt i alle bustadområde. På Hustad er det to ledige tomter, og det er difor behov for fleire attraktive bustadtomter på Hustad. Planområdet er naturleg å byggje ut då det ligg i tilknyting til eksisterande bustadområde. Tilkomst til planområdet vil skje frå Nerlandssetervegen, via Fv235. Alle dei fire eksisterande bustadane i planområdet har i dag tilkomst frå Nerlandssetervegen. Både innbyggarar, foreldre og tilsette ved barnehagen har uttrykt otte for om trafikktryggleika er god nok inn i eksisterande felt, spesielt ved barnehagen når det er henting og levering. Delar av vegen er bygd smalare enn den er regulert, slik at det er vanskelig for to bilar å passere kvarandre. I tillegg manglar det fortau internt i feltet. Det er regulert, men ikkje opparbeidd. Og frå avkøyringa til fylkesvegen og fram til krysset til Slettavegen, ca. 85 meter, er det ikkje innregulert fortau. For å sikre eit samanhengande gangvegsystem frå krysset til Kongsvegen er dette området tatt med i forslaget. For å oppretthalde ei viss valfrihet, er nokre av tomtene lagt opp til både einebustad/einebustad med sekundærleilegheit og tomannsbustader. Det er likevel regulert slik at dersom tomtekjøper ønsker å byggje einebustad/einebustad med sekundærleilegheit på desse tomtene, gjelder fortsatt ei maks BYA på 250 m² (iht. kommuneplana). Dersom tomtekjøper ønsker å byggje ein tomannsbustad, er det presisert at maks BYA er 320 m². Felles for desse valfrie tomtene er at dei er over 1000 m², som bør vere minimum tomtestørrelse for tomannsbustad i områder som skal være av frittliggande karakter. Planforslaget legg opp til 6 tomter med frittliggande einebustader/einebustader med sekundærleilegheit, 22 tomter for frittliggande einebustader/einebustader med sekundærleilegheit og tomannsbustader, og maks 24 bueiningar innafor konsentrert busetnad. Dette gir til saman moglegheit for 80 bueiningar. Det er lagt opp til at minst 20 % av bueiningane/leilegheitene i områda som er avsett til konsentrert bustad skal vere tilrettelagt med universell utforming. Ut over dette skal området følgje plan- og bygningsloven sine krav om universell utforming (jf. forslag til reguleringsføresegnene 4.3.4). Det er lagt til rette for seks leikeplassar i feltet, og det er sett av minimum 25 m 2 leikeareal per bueining. Areala tilfredsstiller krava til at områda hovudsakelig ikkje skal vere brattare enn 1:3, og ikkje smalare enn 10 meter. Leikeplassen f_l4 er stor nok til at den også kan vere felles for BK2. Men sidan tilkomst over friområdet til leikeplassen kan bli noko utfordrande for dei minste ungane, er det sikrast at det blir tilrettelagt for eige leikeområde innafor BK2.

3 Det blir drive jordbruk i området i dag. I samband med utarbeiding av kommuneplana vart det gitt løyve til omdisponering av ca. 9 daa dyrka mark. Planforslaget inneberer omdisponering av ytterlegare 5 daa dyrka mark. Til saman er det ca. 10 daa som blir omdisponert. Desse areala blir omdisponert til busetnad og anlegg, og noko til samferdselsanlegg. I tillegg er det ca. 4,5 daa dyrkbar jord som blir omdisponert til dei same formåla. Det går ei høgspentline gjennom planområdet i nord. Det er sett rekkefølgjekrav til at høgspentlina skal leggas som kabel, jf. 9.3 i forslag til reguleringsføresegner. Delar av planområdet ligg innanfor NVE sitt aktsemdskart for flaum (fig. nedanfor). Kartet er ikkje hundre prosent nøyaktig, men er godt nok til å gi ei indikasjon på kvar flaumfaren bør vurderas nærare dersom det er aktuelt med ny utbygging. Informasjonen i kartet kan nyttas som eit fyrste vurderingsgrunnlag og for å identifisere potensielle fareområde for flaum. Dei potensielle fareområda kan leggas til grunn ved fastsetting av flaumomsynssoner og planføresegner. Det er innarbeidd faresone for flaum i plankartet. Innanfor omsynsonene er det ikkje tillate å føre opp bygningar for personopphald før det er gjennomført tiltak som reduserer årleg sannsyn for flaum til 1/1000 eller lågare, eller det kan dokumenteras at sannsyn er lågare utan gjennomføring av tiltak. Sikkerhetskravet, jf. TEK10 skal ivaretakast. Veganlegga innafor sona skal dimensjonerast for ein 200-års flaum, jf Merknader til melding om oppstart Fristen for å komme med merknader var sett til Nedanfor er det gitt eit samandrag av dei enkelte merknadane, men det anbefalas at alle merknadane vert lest i sin heilheit. Istad Nett, datert Istad Nett orienterer om sitt nett i området og viser til vedlagt kartskisse. Ein eventuell nødvendig flytting/omlegging på nemnte installasjonar blir ein kostnad som heilt eller delvis må dekkast av utbyggar. Visning på kartet er kun retningsgivande. I forhold til framtidig utbygging av området er det viktig av Istad Nett blir informert på eit så tidleg stadium som mogleg med tanke på el-forsyning til området. Med ein tidleg dialog mellom utbygger og Istad Nett sikrar ein gode løysingar til rett tid. Utbyggingsgrad og tal einingar er avgjerande om det er behov for ny nettstasjon, eller om ein skal flytte eksisterande. Istad Nett orienterte vidare om deira praksis for anleggsbidrag og botnfrådrag på nye anlegg.

4 Merknaden er teken til orientering. Internt planforum, Planarbeidet vart diskutert på internt planforumsmøte. Det kom tilbakemelding om at vegen heilt i byrjinga er veldig smal. Den er regulert med ei breidde på 5,5 meter, men er ikkje opparbeidd iht. reguleringsplanen. Det er ynskjelig at me ser på dette. Vegen nord for det nye planområdet vil bli felles skuleveg, og denne bør regulerast inn. Ein må tenkje kostnadar når det gjeld tal tomter; jo fleire tomter, dess billegare blir tomtane. Store tomter har ein konsekvens. Ein bør tenkje sekundærleilegheiter (særleg med tanke på unge etablerarar som ynskjer å leige). Statens vegvesen, datert Statens vegvesen føreset at tilkomst skjer over kommunal veg, Kongsvegen. Det nye bustadfeltet må ikkje knyte seg på Nerlandssetervegen, men heller sikte på tilkomst over Kongsvegen. Planforslaget legg opp til at tilkomst vil skje frå Nerlandssetervegen. Merknaden er ikkje tatt til følgje. Fylkesmannen i Møre og Romsdal, datert Samla sett framstår planavgrensinga som konfliktfylt ut frå jordverninteresser, og dei rår til at kommunen justerer planområdet meir i samsvar med kommuneplanen. Konsekvensane for landbruket må bli utgreidd i planomtalen. Det er viktig å bevare ei buffersone mellom jordbruksareal og jordbruksområde. Det må gjennomførast ei risiko- og sårbarheitsanalyse for planområdet. Fylkesmannen føreset at born og unge sine interesser blir tatt vare på. Eigna areal må vere sikra i plankart og føresegner. Opparbeiding av leikeareal må vere sikra gjennom rekkefølgje- og funksjonskrav i føresegnene. Planforslaget er justert noko sørover i forhold til kartutsnittet som fulgte med melding om oppstart. Vegen vil fungere som ei buffer mellom bustadfeltet og landbruksjorda. Sjekklista for vurdering av risiko og sårbarheit i samfunnsplanlegginga er utfylt og ligg ved saka. Det er lagt til rette for seks leikeplassar i feltet, og det er sett av minimum 25 m 2 leikeareal per bueining. Vidare er det sett funksjonskrav til leikeplassane i rekkefølgjekrava med at leikeplassane skal vere ferdig opparbeidd med sandkasse, benk og noko fast dekke, jf Merknaden er teken til følgje. Møre og Romsdal fylkeskommune, datert Det må gjennomførast ei arkeologisk registrering før plana kan godkjennast. Gjeldande reguleringsplan har ein infrastruktur med gangvegar og felles leikeplass, og fylkeskommunen vil legge til grunn at desse vert vidareført og at nye bustader og infrastruktur vert godt tilpassa desse. Samla behov og kapasitet for eksisterande leikeplassar bør vurderast i planomtalen.

5 Kommunen må sjå arealbruken i samanheng med planområde for nærliggande planar. Fylkeskommunen føreset at tilkomsten vil skje frå nord og/eller aust, og ikkje røre ved regulert uteopphaldsareal. Merknaden om arkeologisk registrering er teken til orientering. Infrastrukturen og dei felles uteområda er vidareført frå gjeldande reguleringsplanar. Det er forsøkt å få det nye feltet tilpassa desse. Det er også lagt til rette for seks leikeplassar i det nye feltet. Merknaden er tatt til følgje. Råd for menneske med nedsett funksjonsemne, datert Det bør vere ein gang- og sykkelveg mellom det nye bustadfeltet og tidlegare opparbeidde felt der barnehage og leikeplass ligg. Det må vere mogleg å bruke rullestol, rullator og sykkel på gang- og sykkelvegen. Det er sett krav i rekkjefølgjeføresegnene at fortau og anna skal ferdigstillas før ein kan byggje ut. Det vil vere mogleg å bruke rullestol m.m. når gangvegen blir utbygd. Merknaden er tatt til følgje. Samarbeidsutvalet ved Hustad barnehage, datert Dagens vegstandard er ikkje utbygd i tråd med reguleringsplan, vegen er smalare, og manglar grøft. Dei har eit ynskje om betre skilting og betre lys i området, og fartsdumparar forbi barnehagen. Av omsyn til ballbingen og uteområdet til barnehagen, ber dei vidare om at vidare utbygging avgrensa bilferdselen forbi barnehagen. Det er sett krav i rekkjefølgjeføresegnene at fortau og anna skal ferdigstillas før ein kan byggje ut. Merknaden er tatt til følgje. Merknaden om skilting, lys m.m. er teken til orientering. Vurdering Utbygginga er vurdert å vere i tråd med samordna areal- og transportplanlegging, då området har ein sentral plassering på Hustad, med kort veg til både skule og barnehage. Utbygginga av området vil ha positive samfunnsmessige konsekvensar og styrkar grunnlaget for vidare befolkningsvekst på Hustad. Tiltaket vil sikre nye bustader i fleire år fram i tid. Forslag til tilkomst frå Nerlandssetervegen er den løysinga som gir god arealutnytting av området, og som ikkje medfører uheldig arrondering av landbruksarealet. Og viss det skulle bli snakk om å utvide eksisterande barnehage i framtida kan den berre utvidas éin veg, over Kongsvegen, og tilkomst frå Nerlandssetervegen gjer ei eventuell utviding av barnehage mogleg. Planområdet er ei utviding/forlenging av eksisterande bustadområde, og i tillegg består planområdet av eksisterande busetnad slik at utbygginga vil vidareføre området sitt karakter som bustadområde. Bygga kan førast opp i to etasjar, og skal utformas slik at den tar omsyn til terreng og landskap slik at det ikkje oppstår negative konsekvensar for landskap og estetikk. Vidare er det ikkje lagt opp til utbygging på dei brattaste partia, dette for å unngå silhuettverknadane. Dei mest bratte partia er

6 difor tatt vare på ved å regulere dei til friområde. Utbygginga av feltet vil gå over fleire år slik at ny vegetasjon vil etablere seg fortløpande. For dei fire eksisterande bustadane innafor planområdet vil det bli ei fortetting av bustader, og vil oppleve at det blir noko auka aktivitet. Planforslaget legg til rette for at alle bebuarane innafor planområdet har moglegheit til å kjøpe tilleggsareal til sine tomter om dei ynskjer dette. Alle eksisterande avkøyringar til bustadane er vidareført frå dagens situasjon. Planlagt tiltak vurderas å ikkje påverka kringliggande naboar eller aktivitetar negativt. Rådmannen fremjar 2 alternative planforslag. Alternativ 1 opnar opp for gjennomkøyring forbi barnehagen, medan alternativ 2 stenger for gjennomkøyring. Elles er begge alternativa heilt like. Ved å stenge for gjennomkøyring aukar ein trafikktryggleika i området då ein bl.a. hindrar ein eventuell råning som det ofte kan bli på gjennomfartsvegar. Det vil også bidra til at trafikkbelastninga på Kongsvegen forbi barnehagen blir mindre enn om alle kunne køyre gjennom området. Eksisterande felt vil fortsatt få tilkomst frå Kongsvegen. Å hindre gjennomkøyring kan likevel auke trafikken til barnehagen då nye bebuarar i (nye) feltet kan kome til å køyre rundt i staden for å gå/sykle for å levere/hente ungen(e) i barnehagen. Fig. Alternativ 1 til venstre, og alternativ 2 til høgre. Rådmannen innstiller på å sende alternativ 2 på høyring. Rådmannen sin tilråding: Med heimel i plan- og bygningsloven av 27. juni 2008, 12-10, vert forslag til detaljregulering for Hustad bustadfelt, alternativ 2, datert , med tilhøyrande føresegner datert dame dato, lagt ut til offentleg ettersyn. Behandling i Plan- og økonomiutvalet i Fræna kommune Representanten Elise Fiske (H) fremmet slikt forslag: Med heimel i plan- og bygningsloven av 27. juni 2008, 12-10, vert forslag til detaljregulering for Hustad bustadfelt, alternativ 1, datert , med tilhøyrande føresegner datert dame dato, lagt ut til offentleg ettersyn.

7 Ved votering mellom rådmannens innstilling og representantens forslag, ble rådmannens tilråding vedtatt mot 4 stemmer Vedtak Med heimel i plan- og bygningsloven av 27. juni 2008, 12-10, vert forslag til detaljregulering for Hustad bustadfelt, alternativ 2, datert , med tilhøyrande føresegner datert dame dato, lagt ut til offentleg ettersyn.