TERTIALRAPPORT 2 2017 76 DRIFTSRESULTAT (115) KRAFTPRODUKSJON GWh (450) OMSETNING (556) 71 RESULTAT FØR SKATT (86) TOTALKAPITAL (2 284) EIGENKAPITALPROSENT (35,9) Beløp i mill. kroner. Tilsvarande tal for 2. tertial 2016 står i parentes. 460 514 2 376 36,9
REKNESKAP PR. 2. TERTIAL 2017 Rekneskapen pr. 2. tertial 2017 syner eit driftsresultat på 76 mill. kr (115) og eit resultat før skatt på 71 mill. kr (86). Omsetninga vart 514 mill. kr (556), totalkapitalen er 2 376 mill. kr (2 284) og eigenkapitalprosenten er 36,9 % (35,9). Netto finans syner eit resultat på -4 mill. kr (-29). Tilsvarande tal for 2. tertial 2016 står i parentes. Hovudårsaka til reduksjonen i driftsresultatet samanlikna med same periode i fjor, er at Mørenett hadde ei betre ordinær inntektsramme i 2016 enn i 2017, og at selskapet i 2016 hadde ei eingongsinntekt (harmoniinntekt) som følgje av fusjonen mellom Tafjord Kraftnett og Tussa Nett. Kraftproduksjon viser lågare resultat enn på same tidspunkt i 2016, medan Tussa IKT, Tussa-24 og Tussa Installasjon har hatt positiv resultatutvikling i forhold til same periode i fjor. Finansresultatet er -4,1 mill. kr mot -28,9 mill. kr på same tid i fjor. Hovudforklaringa til resultatforbetringa er ei finansinntekt på 24 mill. kr i samband med fisjon av ekstern entreprenørverksemd i Mørenett, og sal av denne verksemda til BKK Enotek pr. 01.05.2017. Skattekostnaden er estimert til 24,2 mill. kr (33) pr. 2. tertial. Av dette er 11,3 mill. kr (21,9) overskotsskatt og 12,9 mill. kr (11,1) grunnrenteskatt. Skattekostnaden utgjer etter dette om lag 34 % av konsernresultatet (38 %). Resultat etter estimert skatt er 47,2 mill. kr (53,4). Resultatet er prega av ei bokført finansinntekt i Mørenett etter sal av ekstern entreprenørverksemd. Då det ikkje er knytt nokon inntektsstraum til den ekstraordinære finansinntekta på 24 mill. kr, er styret i Tussa Kraft AS av den oppfatning at den bør haldast utanfor utbytegrunnlaget for Tussa. Investeringane er på 119,4 mill. kr (115,7), i hovudsak fordelt på nett med 51,1 mill. kr, IKT med 44,9 mill. kr og produksjon med 21,6 mill. kr. Pr. 2. tertial 2017 har konsernet ein totalkapital på 2 376 mill. kr, som er ein auke på 92 mill. kr samanlikna med 31.08.16. Av totalkapitalen utgjer ekstern lånegjeld 1 272 mill. kr (1 240), fordelt med 600 mill. kr i obligasjonslån, 185 mill. kr (200) i trekk på trekkfasilitet tilhøyrande Tussa Kraft og 487 mill. kr (440) som Tussa sin del av gjeld i Mørenett. (46,34 % av ekstern lånegjeld i Mørenett vert konsolidert inn i Tussa sin konsernrekneskap.) Tussa Kraft sine eksterne lån har forfall i løpet av det komande året, og selskapet har såleis behov for å refinansiere desse. I Tussa Kraft sin finansstrategi heiter det følgjande: Låneporteføljen som er innanfor Tussa Kraft sin kontroll skal bestå av færrast moglege lån, likevel slik at refinansieringsrisikoen ved ordinære låneforfall er teke i vare. Eit enkeltlån kan utgjere inntil halvparten av samla låneportefølje. Det skal ikkje vere meir enn eitt lån med låneforfall innanfor ei rullerande 12 månaders periode. Gjennomsnittleg løpetid på lån skal vere mellom 3 og 5 år. Av den samla konsoliderte gjelda skal Tussa ha ei gjennomsnittleg rentebindingstid på 3-5 år og ein rentesikringsgrad mellom 20 % og 50 %. Mørenett sikrar ikkje renta grunna at inntektsramma i stor grad er fastsett av ei flytande rente. Inntektene frå kraftproduksjon er direkte kopla til løpande eurokurs, og det kan vere resultatstabiliserande å ha utgifter i euro. Det kan difor takast opp eurolån eller euroinstrument tilsvarande inntil 30 mill. euro.
ENERGI Kraftproduksjon Driftsresultatet for kraftproduksjon er 36,2 mill. kr, som er 11,9 mill. kr lågare enn på same tidspunkt i 2016. Reduksjonen har i hovudsak samanheng med høgare innmatingskostnader og høgare kostnader til drift og vedlikehald enn i fjor. Akkumulert kraftproduksjon er på 460 GWh (450). Produksjonen ved utgangen av tertialet er 20 % over normalproduksjonen for perioden. Tilsiget hittil i år har vore 109 % av normalen. Magasinfyllinga ved utløp av tertialet var på 79 % (77). Vassmagasina i Norden er om lag normale for årstida. Ein ser likevel litt ulik fordeling av vatn innanfor dei einskilde prisområda. Det er med på å lage flaskehalsar i nettet og variasjonar i områdeprisane. Hydrobalansen i Norden er ved utgangen av 2. tertial 1,1 TWh under normalen. Gjennomsnittleg spotpris, systempris, på NordPool har hittil i år vore 26,4 øre/kwh (22,8). Områdeprisen i Ørsta er tett på systemprisen, og gjennomsnittet var på 26,6 øre/kwh (24,1). Det har vore utført normalt tilsyn på damanlegg og vassvegar, i tillegg til programmessig vedlikehald. Vi har og utført revurderingar av utvalde dammar. Der ventar vi på rapport frå konsulent om kva tiltak vi må vurdere. Inspeksjon av utvalde røyrgater, med fokus på korrosjon og liknande, enda med at ingen spesielle avvik vart registrert. I august starta bygging av Tenneelva kraftverk (10 GWh) i Vanylven kommune. Det er sendt søknad om opprusting og utviding av Vartdal kraftverk, som grunna alder er moden for rehabilitering. Her er det planlagt ein auke i produksjonen frå 3,2 til 9 GWh. Osdalen kraftverk, som det vart gitt konsesjon på for nokre år sidan, er i hovudsak ferdig detaljplanlagt, men grunna uavklart nettilknyting er utbygginga sett på vent. Kraftomsetning Rekneskapen viser eit driftsresultat på 5,2 mill. kr (3,8) og eit resultat før skatt på 5,2 mill. kr (3,9). Omsetninga er på 134,6 mill. kr (132,5). Årsvolum og utvikling av kundetal er om lag som forventa, men vi ser at aktiviteten er lågare i delar av den maritime industrien i vårt område. Kraftnett Tussa eig 46,34 % av det felleskontrollerte føretaket Mørenett. Tussa sin del av selskapet er difor konsolidert inn i Tussa sin konsernrekneskap. Rekneskapen til Tussa viser eit driftsresultat på 26,5 mill. kr (62,5) og eit resultat før skatt på 45,4 mill. kr (58,1). Reduksjon i driftsresultat frå 2016 til 2017 skuldast at ordinær inntektsramme i 2016 var 18 mill. kr større enn i 2017, og at eingongsinntekt (harmoniinntekt) var 27 mill. kr i 2016. Det blir i alle ledd arbeidd for å nå måla i den langsiktige planen, om at kostnadsbasen i nettmonopolet i 2018 skal gjere selskapet 100 % effektivt. Det er så langt ikkje meldt om avvik i forhold til dette. Pr. 2. tertial har selskapet 150 fast tilsette medarbeidarar, 90 færre enn på fusjonstidspunktet 1. januar 2014. Eit anna hovudmål med fusjonen er å leggje grunnlaget for god leveringskvalitet til kundane. I samband med dette er det arbeidd med prosessforbetringar og beredskapsarbeid. Mørenett hadde 2. tertial samla KILE-kostnader på 5,5 mill. kr, og hittil i 2017 har vi ei god utvikling med få kostbare utfall. (KILE-kostnad er eit kvalitetsmål for oppetid i nettet.) Utførande aktivitet i nettet har vore god. Dette gjeld både innanfor drift og vedlikehald, og innan ny- og reinvesteringar. Tussa sin del av investeringane i kraftnettet er pr. 2. tertial 51,1 mill. kr (62,7).
IKT Driftsresultatet for IKT var 11,7 mill. kr (7,4) pr. 2. tertial. Så langt er det levert fiber til kundar i 139 område (103) i kommunane på søre Sunnmøre. Ved utgangen av tertialet er det levert fiber til 7 488 hushaldningar (6 076) og 479 bedrifter (378). Samla kundemasse over alle teknologiar er 11 269 hushaldningar (10 422) og 827 bedrifter (774). Hittil i år har selskapet hatt investeringar på 44,9 mill. kr (32,7). Innanfor forretningsområdet kommunikasjon har vi ved utgangen av tertialet ein auke i omsetning på 6,9 mill. kr, noko som utgjer 11,5 % vekst frå same tid i 2016. Auken innanfor privatmarknaden for produktområda internett og TV står for 5,9 mill. kr, medan fiber til bedriftsmarknaden står for 1 mill. kr. Ved utgangen av tertialet har vi hatt ein reduksjon i omsetninga innanfor forretningsområdet IT på 0,8 mill. kr samanlikna med 2. tertial 2016. Hovudårsaken til dette er nedgang i sal av handelsvare på 1,8 mill. kr. Konsulenttenester er auka med 0,3 mill. kr, og innan avtalekundane har vi ein vekst på 0,6 mill. kr. Installasjon Ved utgangen av tertialet har selskapet ein auke i omsetninga på 12 % samanlikna med same tid i fjor. Noko av auken er i marknadsområda som er knytt til større byggeprosjekt. Montørkapasiteten er i løpet av dei siste åra tilpassa variabelt volum, noko som gir konkurransekraft i ein varierande marknad. Auken i omsetning forventar vi vil halde seg utover i 2017. Det er normal ordrereserve i selskapet resten av 2017 og litt ut i 2018. I tillegg vert det rekna på fleire interessante prosjekt for 2018.
Rekneskap Tussakonsernet TAL I TUSEN KR RESULTAT PR. 2. TERTIAL 2017 2016 2015 Salsinntekt 165 659 177 919 192 607 Energisal 164 306 175 874 169 869 Nettinntekt 158 193 190 618 145 171 Andre driftsinntekter 26 079 11 290 37 253 Sum driftsinntekter 514 237 555 701 544 900 Varekostnad 51 716 51 353 53 296 Energikjøp og overføringskostnad 98 097 96 725 83 636 Lønskostnad 129 921 134 478 137 865 Annan driftskostnad 72 575 72 286 118 605 Sum driftskostnad før avskr. 352 309 354 843 393 402 EBITDA 161 928 200 859 151 497 Avskriving og nedskriving 86 419 85 528 83 124 Driftsresultat 75 509 115 331 68 374 Finansinntekter 25 115 1 103 15 788 Finanskostnader 29 210 30 050 43 764 Resultat før skatt 71 414 86 383 40 397 Estimert skattekostnad 24 218 32 983 18 942 Resultat etter estimert skatt 47 196 53 400 21 455 BALANSE PR. 2. TERTIAL 2017 2016 2015 Anleggsmidlar 2 155 932 2 077 441 2 039 351 Omløpsmidlar 220 342 206 368 179 120 Sum eigedelar 2 376 274 2 283 809 2 218 471 Eigenkapital 877 726 819 804 786 507 Avsetning for forpliktingar 16 751 31 734 24 959 Langsiktig gjeld 1 295 026 1 250 478 1 227 191 Kortsiktig gjeld 186 771 181 793 179 814 Sum gjeld og eigenkapital 2 376 274 2 283 809 2 218 471 RESULTAT PR. 2. TERTIAL OMSETNING EBITDA DRIFTSRESULTAT RESULT. FØR SKATT 2017 2016 2017 2016 2017 2016 2017 2016 Kraftproduksjon 183 060 185 393 63 467 75 086 36 178 48 144 24 024 36 872 Kraftomsetning 134 633 132 472 5 282 3 799 5 157 3 789 5 185 3 900 Nett 176 052 212 799 58 631 94 911 26 467 62 517 45 444 58 111 IKT 108 015 101 584 36 869 30 930 11 721 7 421 6 738 2 890 Installasjon 71 819 64 140 3 023 2 239 1 931 1 016 2 014 1 132 Andre 19 962 28 389-5 383-6 191-6 216-7 319 2 505-16 200 Konsernelimineringar -179 303-169 075 40 84 271-237 -14 494-322 Sum 514 238 555 701 161 928 200 859 75 509 115 331 71 415 86 383