AURLAND KOMMUNE Sakspapir Saksnr. Utval Møtedato 006/15 Plan og utvikling 26.01.2015 Arkivsaknr.: Arkiv Sakshandsamar Dato 14/629-15/217 K2 - L12, K3 - &86 Jan Olav Åsarmoen Møller 57 63 29 73 14.01.2014 Reguleringsplan for Ty - del 2 - utlegging til offentleg ettersyn Rådmannen si tilråding: Plan og utvikling vedtek at framlegg til reguleringsplan(detaljregulering) for Ty - del 2, vert å leggja ut til offentleg ettersyn og sendast på høyring i samsvar med plan- og bygningslova 12-10. Plandokumenta omfattar sjølve planomtalen, føresegner, plankartet og ROS-analysen. Det skal utarbeidast 3D modell av planframlegget som skal danne grunnlag for vedtak av plan. Det kan gjerast mindre justeringar av høgder og byggegrenser når 3D modell for planområdet er utarbeidd. Det skal etablerast to meter grønstruktur i BFS1 for framføring av vatn og avlaupsleidning. 26.01.2015 Plan og utvikling PUT-006/15 Vedtak: Plan og utvikling vedtek at framlegg til reguleringsplan(detaljregulering) for Ty - del 2, vert å leggja ut til offentleg ettersyn og sendast på høyring i samsvar med plan- og bygningslova 12-10. Plandokumenta omfattar sjølve planomtalen, føresegner, plankartet og ROS-analysen. Det skal utarbeidast 3D modell av planframlegget som skal danne grunnlag for vedtak av plan. Det kan gjerast mindre justeringar av høgder og byggegrenser når 3D modell for planområdet er utarbeidd. 1
Det skal etablerast to meter grønstruktur i BFS1 for framføring av vatn og avlaupsleidning. Samrøystes Vedlegg: Planomtale Plankart ROS - analyse Aktuelle lover, forskrifter, avtalar m.m. - Plan- og bygningslova 12-10. - Naturmangfaldlova - Kommuneplan for Aurland, av 18.06.2009. - Kommuneplanen sin handlingsdel med økonomiplan 2014-2017. Saksopplysningar Plan og utvikling gjorde i møte 16.06.2014, sak 032/14, vedtak om å starte ein reguleringsplanprosess(detaljregulering) for Ty - del 2. Føremålet med planarbeidet er å laga ein reguleringsplan som omhandlar bustadføremål, i samsvar med kommuneplan for Aurland og kommuneplanen sin handlingsdel med økonomiplan 2014-2017. Etter plan- og bygningslova 12-8 vart oppstart av planarbeid kunngjort i lokalavisa og på heimsida til kommunen, og ulike instansar vart tilskrevne med invitasjon til å kome med merknadar til planarbeidet. Frist for å kome med merknadar vart sett til 01.08.2014. Det kom då inn fem merknadar. Hausten 2014 har administrasjonen utarbeidd ROS-analyse for området. I samband med dette er det gjennomført registreringar av kulturminne i området. Gjennom arbeidet vart det gjort funn av eit automatisk freda kulturminne - dyrkingslag. Norconsult AS har på oppdrag frå kommunen utarbeidd framlegg til detaljregulering i samsvar med 12-3 i plan- og bygningslova. Det er i tillegg sett i gang eit arbeid med å lage 3D modellar av området som skal liggja føre som grunnlag for vedtak av plan og vidare detaljprosjektering. Planen legg til rette for utvikling av området til bustadar med tilhøyrande grøntstruktur. Viktige føresetnadar for planarbeidet er rasfare, framføring av vegsystem, gangsamband og tomteform. I areal regulert som BKS1 er det opna for å kunne bygge 3-5 bueiningar i rekkehus/samankjeda bygg. I BKS2 kan det byggjast inntil 12 bustadeiningar i rekkehus/samankjeda bygg. I BFS1 og BFS2 er det opna for åtte einebustadtomter. Til saman opnar planen for inntil om lag 25 bustadeiningar. Gardstunet aust for planområdet vert regulert til kombinert næring og landbruk og sett av som omsynssone kulturmiljø. 2
Vegstandard i tilgrensande planar vert vidareført i ny plan. Tilkomstvegane er kommunale og avvikshandsaminga frå gjeldande vegnormalar vert gjort gjennom handsaminga og godkjenning av løysingar i planen. Vurdering Det er kome inn fem merknadar til oppstartsvarselet: Fylkesmannen i Sogn og Fjordane, brev dagsett 09.07.2014. Dei har ikkje avgjerande merknadar til varsel om oppstart av planarbeidet. Verknadar for natur og miljø må klargjerast i planen. Avbøtande tiltak føreset dei vert følgt opp. Dei minner om at dei nye føresegnene i plan- og bygningslova som stiller krav til ROS-analyse. Analysen må ikkje vera for avgrensa. Det må gå klart fram kven som har utarbeidd analysen og kva kjelder som er nytta. Kommentar: Merknad er teken til orientering. Sogn og Fjordane Fylkeskommune, brev dagsett 01.07.2014. Kulturavdelinga krev at det vert gjennomført kulturminneregistreringar. Den vart gjennomført hausten 2014. Det var gjort funn av eit automatisk freda kulturminne i form av eit dyrkingsspor. I tillegg vart det gjort funn av to nyare tids kulturminner i form av steingard og to bakkemurar. Kommentar: Kulturminnet med tryggingssone er markert på plankartet. To av kulturminna ligg innanfor grøntstruktur og anna trafikkareal i planen. NVE Region Vest, brev dagsett 04.08.2014. Området er lokalisert innanfor potensielt fareområde for skred. Denne faren må nærare kartleggjast. Faresoner må visast i planen med eventuelle føresegner. Kommentar: Kartlegging vart gjort av NGI i 2012. Utbyggingsområde for bustadar ligg ikkje utsett. Statens Vegvesen, brev dagsett 23.07.2014. Dei ber om at det vert teke stilling til talet på tilkomster til området. I tillegg opplyser dei om krava til frisikt ut på fylkesvegen. Dei peikar på at kryss bør regulerast med i planen. Kommentar: Planen regulerar ikkje kryssa mot fylkesvegen. Dei er styrt av vedtekne planar. Det vil bli aktuelt å ta med krysset, når eit planarbeid for vidareføring av fortau mellom Ty og Høydalen vert starta opp. 3
Leif Inge Skjerdal, brev dagsett 31.07.2014. Opplyser om at det ved mykje nedbør renn mykje vatn inn i kjellarane på hus og låven. Mykje av dette kjem frå den asfalterte vegen. Vegen opp til Thy bør få restriksjonar i høve til kven som får bruke den. Bakgrunnen er at dei har veg på to sider samstundes som at vegen går gjennom tunet. Kommentar: Merknad er teken til orientering. ROS-tema. Veg er regulert som offentleg veg. Det vart gjennomført møte med Terje Thy 05.06.2014. Det vart sett fram ønskje om å kunne etablera leilegheiter i fjøs/låve. Nyoppussa bygg nær låven vert nytta til leilegheit. I tunet er det eit eldre stabbur og vedhus Føresegnene må opne for handlingsrom i høve bruk Tunet skal vere med i reguleringsplanen, men føremål skal ikkje vanskeleggjere landbruk. Kommentar: Ynskjene er i samsvar med bruken som planen legg til rette for. Planen legg opp til kombinert føremål næring og landbruk. Føremålet byggjer opp om drifta av landbrukseigedomen. Teken til fylgje. Naturmangfaldlova: I ROS-analysen vart området vurdert i høve naturmangfaldlova. Landskapet og naturverdiane på Ty er godt kjent gjennom databasane www.dirnat.no, www.artsdatabanken.no, www.miljostatus.no. Kunnskapen om området er kjent gjennom kommuneplan, tidlegare kommunedelplan, samt andre reguleringsplanar like ved. Det er ikkje kjente førekomstar av raudlisteartar eller registrert utvalte naturtypar på Ty. Kunnskapsgrunnlaget jf. naturmangfaldlova 8 er vurdert som god for å vurdera denne saka, og føre-varprinsippet 9 er difor tillagt liten vekt. Heilskapen i landskapet vil verta lite påverka av utbygging av området, og er vurdert til å vere akseptabelt for den samla belastinga i området jf. 10 i naturmangfaldlova. Utbygging av Ty, i samsvar med kommuneplan, vil ikkje føra til miljøforringing, og 11 i naturmangfaldlova er difor ikkje vurdert i denne saka. Byggemetode og byggeskikk er med dei føringane under <<Landskap>> vurdert til å vera miljøforsvarleg for denne utbygginga jf. 12. 4
Som skrive i saksutgreiinga er det gjort funn av automatisk freda kulturminne eit dyrkingslag i samband med arkeologiske registreringsundersøkingar. Kulturminnet er markert med grense for føresegner og merka #1. Planframlegget er søknad om frigjeving av minnet. Sogn og Fjordane Fylkeskommune vil sende søknad om frigjeving av minnet til Riksantikvaren når planen vert sendt på høyring. Når det gjeld problemstillinga rundt overvatn vil dette bli handtert i samband med detaljprosjektering av den tekniske infrastrukturen når ein reguleringsplan er vedteken. Det er valt å vidareføre vegstandard i tilgrensande planar. Dette krev at det vert gjeve fråvik frå gjeldande vegnormalar. Kommunen er vegmynde og avvikshandteringa vert i praksis gjort gjennom handsaminga og godkjenning av løysingar i planen. I areal for konsentrerte bustadar merka BKS, kan det førast opp rekkehus/samankjeda bygg. Felta er føresett å detaljplanleggjast samla. I feltet BKS2 vert tomtene smale og djupe. Einebustadtomtene ovanfor tilkomstveg er gjort breiare for å sikre tilgjenge inn på tomta med bil. Flest mogleg bygg skal ha tilgjenge til parkering frå tilnærma nivå for tilkomstveg. Løysinga føreset at vegbreiddene vert redusert og normal byggjegrense i bustadfelt vert fråvike. Bygg og garasje kan difor førast opp nærare nabogrense og veg. Resultatet er betre landskapstilpassing og betre tilgjenge til tomta. Planen føreset at terrengskilnadane hovudsakleg skal fangast opp av bygget og ikkje fyllingar/skjeringar. For at bygget skal kunne fange opp høgdeskilnadane legg planen opp til bygg i tre etasjar. For å sikre god nok terrengtilpassing vert det jobba med 3D modell for området, som skal liggja ved som grunnlag for vedtak av plan. Eventuelle mindre justeringar av byggjegrenser og høgder kan gjerast dersom 3D modellane syner behov for det. Administrasjonen har jobba med ein VA plan for bustadfeltet. Det vil vera behov for å kome opp med VA leidning. Det må difor etablerast to meter grønstruktur i BFS1 for framføring av vatn og avlaupsleidning. Dette vil bli regulert inn før planen vert sendt på høyring. Etter rådmannen si vurdering ligg det til rette for at reguleringsplan for Ty del 2 kan leggjast ut til offentleg ettersyn og sendast på høyring. 5