Arkivsak-dok. 15/01011-1 Saksbehandler Magnhild Gjengedal Saksgang Møtedato 15.09.2016 Utval for formannskap/plan og økonomi NEDRE SKIPLE HYTTEFELT, ENDRING/UTVIDING, 1. GONGS HANDSAMING OG UTLEGGING TIL OFFENTLEG ETTERSYN Administrasjonen si innstilling: 1. I medhald av plan og bygningslova 12-14, 1. ledd, 12-10 og 12-11 vedtek FPL å legge reguleringsendring av Nedre Skiple hyttefelt, plan-id 2013003, ut til offentleg ettersyn, slik det går fram av plankart, føresegner og planomtale datert 20.06.2016. Planen er signert O. L. Tvilde v/tor Tvilde. 2. Nytt vegnamn i planområdet vert føreslege til Øyjordshaugane. Forslaget til vegnamn vert med dette lagt ut til offentleg ettersyn og sendt namnekonsulenten ved Universitetet i Bergen til fråsegn. Vedlegg: 1 Nedre Skiple plankart 20.06.2016.pdf 2 Reguleringsføresegner 20.06.2016.pdf 3 Planskildring Skiple 20.06.2016.pdf 4 Notat oppstartsmøte 19.februar 2013 - signert.pdf 5 ROS analyse Nedre Skiple hyttefelt.pdf 6 Kulturminnefagleg tilbakemelding.pdf 7 Rapport Voss brannvern.pdf 8a Nedre Skiple lengdesnitt veg 20140915.pdf 8b Nedre Skiple vegprofilar tverrsnitt 20131101.pdf 9 Parkeringsplass 20160510.pdf 10 VA-rammeplan 20160512.pdf 1
2 Samandrag av saka: Saka gjeld første gongs handsaming og utlegging til offentleg ettersyn av endring av gjeldande privat reguleringsplan for Nedre Skiple hyttefelt, plan-id 00019, på gnr/bnr 139/1 på Skiple i Raundalen. Føremålet med planarbeidet er å legge til rette for utbygging av ni hyttetomter, tilrettelegging av sommarveg frå Beresvegen til hyttefeltet og utbygging av reinseanlegg. Storleik på hyttene vert og endra i forhold til gjeldande plan. Storparten av planområdet ligg inne i gjeldande kommuneplan. Denne detaljreguleringsplanen for Nedre Skiple hyttefelt, plan-id 2013003, vil i heilheit erstatte reguleringsplanen Nedre Skiple hyttefelt, plan-id 00019. Tiltakshavar er Nedre Skiple Hyttefelt AS og planleggar er O. L. Tvilde AS ved Tor Tvilde og Marie Brandseth. Fakta om saka: Planprosessen 19.02.2013, oppstartmøte mellom tiltakshavar Nedre Skiple Hyttefelt AS og Voss kommune. 09.07.2013, utsending av varselbrev til aktuelle offentlege instansar, grunneigarar og naboar 09.07.2013, varsel om oppstart av planarbeid kunngjort i Hordaland. 20.08.2013, frist for merknader til oppstart. Det kom inn fem merknader, alle frå offentlege instansar. I 2014 og 2015 var det fleire gonger dialog mellom planleggar og Voss kommune. Mest på e-post og telefon. 25.01.2016 vart det halde undervegsmøte. Tiltakshavar v/bjørn Stalheim og planleggar Tor Tvilde var til stades, i tillegg til sakshandsamar i Voss kommune. Føremålet med planarbeidet I eksisterande reguleringsplan, vedteken i Voss kommunestyre 20.06.2001, er det ni tomter for fritidsbustader. Ingen av dei 9 hyttetomtene er utbygt. Føremålet med pågåande planarbeid er å legge til rette for sommarveg fram til dei ni tomtene, vinterparkering ved gardstunet på Skiple og reinseanlegg. Planen legg også opp til å auke storleiken på hyttene frå 100 m 2, i dagens plan, til 130 m 2. I utgangspunktet ønskte tiltakshavar og etablere heilårsveg til hyttefeltet. Dette ville føre til store landskapsinngrep på grunn av relativt bratt terreng. Eit slikt tiltak ville utløyst ein større kulturminnefagleg undersøking. Løysinga er no ein sommarveg som, med mindre justeringar, vil følgje trasé for eksisterande traktorveg. Det vil berre bli utført mindre endringar i høve til slik traktorvegen er i dag. Det er avsett areal til reinseanlegg rett sør for hyttetomtene. Lengst sør i planområdet ligg avkøyrsle frå Beresvegen med tilstrekkeleg frisiktsone, vinterparkeringsplass og renovasjonspunkt. Forslag til namn på vegen frå Beresvegen til dei ni fritidsbustadane er Øyjordshaugane. Namneforslaget vert lagt ut til offentleg ettersyn samstundes med detaljreguleringsplanen, og det vert sendt til namnekonsulenten ved Universitetet i Bergen til fråsegn.
3 Overordna planer/andre planer I hovudsak samsvarar planområdet med gjeldande kommuneplan 2015-2026. Utviding av planområdet er gjort på bakgrunn av ønskje om endring av parkering, tilkomstveg til hyttefeltet og reinseanlegg. Fig. 1: Dei skraverte felta på kartet til venstre syner gjeldande regulerings plan for området. Til høgre er forslag til ny og endra plan. Området som er lagt til er LNF. Planen vil ikkje endre dagens bruk av området. Vest for elva Store Skipla er det sett i gang ein detaljreguleringsplan, Vatnaset/Sygnabere. Dei to planane har ikkje felles plangrense. Planområdet Planområdet er på om lag 30 daa og ligg i si heilheit på gnr/bnr 139/1 på Skiple i Raundalen. Området ligg om lag 20 km frå Voss sentrum. Det strekkjer seg frå om lag 420 til 500 moh. Vest for planområdet renn elva Store Skipla. Ho er ein del av det verna vassdraget i Raundalen. Utbyggingsområdet i planen ligg om lag 50 meter frå elva, og høgdeforskjellen ned til elva er om lag 20 meter. Tomtene er plassert på ein rygg som ligg om lag 20 meter høgare enn elva. Tilkomst og parkering Tilkomstveg til hyttefeltet har avkøyrsle frå kommunal veg Beresvegen heilt sør i planområdet. Krysset er plassert slik at det har gode sikttilhøve. Vegen føl trasé for eksisterande traktorveg. Vegen vert sommarveg og parkeringsplassane P1 og P2 ved Beresvegen vert vinterparkering med 1,5 plass per hytte. Kulturminne/kulturmiljø Det er tidlegare gjort arkeologiske funn på garden. Hordaland fylkeskommune har i samband med planarbeidet vore på synfaring og har ingen merknader til planen, om vegtraséen følgjer eksisterande traktorveg.
4 Det går ein sti som kryssar området to stader. Det er lagt inn omsynssone begge stader. Ved kryssing nordaust i området vert stien endra i ca. 30-40 meter, for å unngå kryssing av tomt F7. Det er gjennomført kulturminnefagleg synfaring i området. Fig. 2: Utsikt mot området FO1 og VA, i overgangen frå LNF-området. (Foto: Magnhild Gjengedal) Naturtilhøve/grunntilhøve Planområdet ligg sørvendt og har utsikt mot Horndalsnuten og Skipadalsnuten. Det er gode soltilhøve. Området består av morenemassar med innslag av myrar. Vegetasjonen er for det meste lauvskog og spreidd furuskog. Det er storvilt og ein del fugl i området. På NVE sine aktsemdskart ligg ein mindre del av planområdet i sørvest i aktsemdssone for jord- og flaumskred. Dette får lite, eller ingen, følgjer for planen. Det er lagt omsynssone på det aktuelle området. Universell tilgjenge, born og unge sine interesser Terrenget er stadvis skrånande og delvis flatt. Med bilveg fram til kvar hytte ligg det til rette for god tilgjenge. Hytteområdet og tilgrensande areal er godt eigna for aktivitetar for born og unge, både sommar og vinter. Det er også sett av eit område sentralt i feltet som også kan nyttast til leik. Teknisk infrastruktur Alle hyttene skal knytast til Voss Energi AS sitt lågspentnett frå ny nettstasjon. Denne ligg utanfor planområdet og straumen skal førast fram med jordkabel. Fritidsbustadane skal knytast til privat avlaupsanlegg. Det er sett av areal i planen for plassering av reinseanlegg. I samband med det er det lagt til rette for slamtømmebil.
5 Det vert lagt til rette for boring etter grunnvatn. Etter møte med Voss brannvern, skal det settast ned ein tank på 16 m 3 for sløkkevatn. Vatnet skal kome frå elva Store Skipla. I området ved parkeringsplassane er det sett av areal for avfallshandtering. ROS-analyse, støy og ureining Det er gjennomført ROS-analyse for området. Det er lagt inn omsynssone for jord- og flaumskred på eit mindre område i utkanten av planområdet i sørvest, i tillegg til at det vert lagt radonsperre under bygg for overnatting. ROS-analysen ligg som vedlegg til planen. Støy er ikkje eit problem i området. Det einaste er at det kan oppstå støy frå traktor i samband med innhausting. Med unntak av radon er det ingen ureining i området, verken frå grunn eller frå luft. Innhald i planen Planområdet skal nyttast til byggjeområde for fritidsbustader, F1-9, køyreveg og anna veggrunn, KV og AVG, parkering, P1 og 2, friområde og LNF, LNF 1 og 2, FO1-3 og UOP, reinseanlegg, VA, renovasjonspunkt, R og omsynssoner, frisikt, ras- og skredfare og omsyn friluftsliv. Dei ni tomtene skal vere sjølveigande. Gjennom reguleringsføresegnene er det lagt premissar for plassering og utforming av hytter og andre tiltak i byggjeområdet. Område for bygningar og anlegg er ca. 11 daa, samferdsleanlegg og teknisk infrastruktur ca. 3 daa, grøntstruktur ca. 5 daa og LNF ca 8 daa. Den naturlege vegetasjonen i planområdet skal takast vare på i størst mogleg grad. Verknader av planframlegget Utvidinga av planområdet får ingen konsekvensar for aktivitet og drift. Området er LNF, men er ikkje nytta til gardsdrift. Planframlegget vil ikkje ha nemnande verknader for området. Den delen av planområdet som er sett av til fritidsbusetnad, og området avsett til parkering er i tråd med gjeldande kommuneplan. Hyttefeltet vil få ni hytter med tilhøyrande uthus/anneks. Det skal leggast vekt på heilskap og gode arkitektoniske kvalitetar, og det er ein føresetnad at bygningane skal gli inn i landskapet og vere lite synlege frå området rundt. Det må ikkje takast ut for mykje skog i byggjeperioden, særleg i øvste del av feltet. Tilkomstvegar og skråningar vil vere synlege dei første åra, men vil gro til etter kvart. Utbygginga vil ikkje føre til ulempe for vegetasjon eller dyreliv i planområdet eller områda rundt. Administrasjonen si vurdering: Ved varsel om oppstart kom det inn fem merknader. Alle frå offentlege instansar. Statens vegvesen, brev 30.07.2013 Registrert oppstartsmelding, ingen merknader. Fylkesmannen i Hordaland, e-post datert 10.07.2013
6 Registrert oppstartsmelding, legg til grunn at planen er i samsvar med overordna plan. Positive til å få ordna forhold rundt avløp og parkering. Voss Energi, brev datert 09.08.2013 Merknad: Utbyggar må etablere nettstasjon i hyttefeltet, samt at nettstasjon på Bere må oppgraderast. Kommentar frå planleggar: Det skal etablerast ny nettstasjon i tilknyting til hyttefeltet, denne er plassert utanfor planområdet. I tillegg skal det lagast ein plan for tilkopling på Bere. Kommentar frå administrasjonen: Framføring av elektrisitet til planområdet må skje gjennom jordkabel. Hordaland Fylkeskommune-Regionalavdelinga, brev datert 20.08.2013 og brev datert 31.10.2013. Merknad: Kultur og idrettsavdelinga presiserer at det tidlegare er gjort antikvariske funn på garden og varslar ny synfaring i samband med planarbeidet. Kommentar frå planleggar: Grunneigar kjenner til eit kulturminne på garden om lag 200 meter frå planområdet. I samband med nydyrking av garden (på 1950-talet) vart det funne ei bronseøks som vart overlevert Naturhistorisk museum i Bergen. Synfaring vart gjennomført 02.10.2013 med representantar frå utbyggar og Fylkeskommunen, referat er motteke og momenta frå referatet er innarbeida i reguleringsplanen. Kommentar frå administrasjonen: Etter synfaring, og konklusjon av denne, vil tiltakshavar legge til rette for kun sommarveg frå gardstunet og opp til området for hyttebygging. Det kom fram at ved bygging av ny heilårsveg med mindre stigningstilhøve vil det beslaglegge meir areal og gi store landskapsinngrep. Kulturminnevernet ser ingen konflikt ved mindre justeringar av eksisterande traktorveg og vinterparkeringsareal. Tilbakemelding etter synfaring ligg som vedlegg til saka. NVE, brev datert 15.07.2013 Registrert oppstartsmelding, ingen merknader. Kommentar frå administrasjonen: Etter oppstart er det kome nye aktsemdskart frå NVE. Her er det lagt inn aktsemdssone for jord- og flaumskred i området langs elva Store Skipla. Det er lagt inn omsynssone for ras- og skredfare på eit mindre areal sørvest i planområdet. Oppsummering Endringa av eksisterande reguleringsplan inneheld viktige tema; tilkomstveg, parkering, reinseanlegg og storleik på fritidsbustandane.
7 Planprosessen har tatt lang tid, men planmaterialet som no blir lagt fram er godt gjennomarbeidd og gjev eit godt bilete av kva planen inneheld. Utviding av planområdet i høve til gjeldande kommuneplan og reguleringsplan vil ikkje føre til ulempe for bruk og drift av området. Administrasjonen meiner ny plan er forbetring av eksisterande plan i og med at tilkomstveg, parkering og vatn og avlaup er avklart i reguleringsplanen no. Det er sett av areal for reinseanlegg, plan for vasstilførsel og sløkkevatn. ROS-analysen avslører ingen kritiske moment. Utbygginga vil ikkje føre med seg negative konsekvensar for naturmangfald og miljø. Kulturminner er avklart gjennom kulturminnefagleg synfaring i området. Endring av reguleringsføresegnene opnar for auke i storleiken på fritidsbustadane opp til 130 m 2. Av dette kan uthus/anneks utgjere 20 m 2. Dette er i tråd med kva som vert regulert i mange andre hyttefelt. Det er viktig at namneforslag på ny veg til hyttefeltet vert lagt ut samstundes med planforslaget slik at adressering av hyttetomtene kan gjennomførast samstundes med at tomtene vert frådelt. Namneforslaget er Øyjordshaugane. Konklusjon Planforslaget er godt dokumentert gjennom kart, føresegner og planomtale, ROSanalyse og andre dokument som trengst for å setje seg inn i saka. Viktige tema, som born og unge sine interesser, universell tilkomst, kulturminne, naturmangfald og verna vassdrag med meir, er omtalt og innarbeidd i planen. Gjennom føresegnene er det sett krav til utforming og kvalitet på utbygginga. Gjennomføring av planen vil ikkje føre til negative konsekvensar for kulturmiljø, naturmangfald eller ytre miljø. Ny detaljreguleringsplan for Nedre Skiple hyttefelt, plan-id 2013003, vil i heilheit erstatte reguleringsplanen Nedre Skiple hyttefelt, plan-id 00019. Administrasjonen vil tilrå at endring/utviding av regleringsplanen Nedre Skiple hyttefelt, plan-id 2013003, vert lagt ut til offentleg ettersyn.