ØRSTA KOMMUNE politisk sekretariat

ØRSTA KOMMUNE politisk sekretariat Plan -og miljøavdelinga for vidare ekspedering Saksnr Løpenr. Saksansvarleg Arkiv Dato 2012/1410 8560/2015 BARDSETH 00 16.06.2015 Melding om vedtak i Ørsta kommunestyre 11.6.2015, sak 60/15 EIGENGODKJENNING: KOMMUNEDELPLAN FOR ØRSTA SENTRUM OG HOVDEBYGDA Saksprotokoll i Ørsta kommunestyre - 11.06.2015 VEDTAK: Ørsta kommunestyre syner til framlegg til Kommunedelplan for Ørsta sentrum og Hovdebygda og til innkomne merknader ved 2. gongs offentleg ettersyn. Med heimel i plan- og bygningslova 11-15 gjer Ørsta kommunestyre vedtak om godkjenning av Kommunedelplan for Ørsta sentrum og Hovdebygda slik den ligg føre på plankart merka 2012007-01D, sist revidert 26.05.2015 og med tilhøyrande kartutsnitt og føresegn sist revidert 26.05.2015. Likeins vert veg tilkomst til Øvre Mo lagt til alternativ 1. B3 og BN2 vest til BN3 skal endrast til LNF- område jfr. Skisse. Med dette vert også heile- eller deler av reguleringsplanar oppheva slik det går fram av skjemaet oversikt over reguleringsplanar som er vedlegg til føresegna. Oversendingsframlegg til rådmannen: Kommunestyret ber rådmannen førebu sak om kai/næringsområder på Rjånes og Vikaura Handsaminga(32 r.f) Odd Magne Vinjevoll(FrP) ville ha sin gildskap vurdert, han har merknad til planen, og gjekk frå(31 r.f.) Ove Røv(H) ville ha sin gildskap vurdert då han har merknad til planen og gjekk frå(30 r.f.) Kommunestyret kjente Vinjevoll gild. Vinjevoll tok sete att(31 r.f.) Kommunestyret kjente Røv gild. Røv tok sete att(32 r.f.) Gunnar Wangen, avd. leiar plan og miljø og Matias Kårstad, planleggar orienterte og svarte på spørsmål. Sigve Aklestad(KrF) sitt framlegg: Postadresse: postmottak@orsta.kommune.no www.orsta.kommune.no 6153 ØRSTA 700 49 700 700 49 711 939461450 MVA 3992.07.30144

Nytt punkt: Arealet i Rystene merka BN-2 + den delen av B3 som ligg nedom vegen får status som LNF område i planen no. Ola Perry Saure(SP) fremja SP sitt framlegg: Med tillegg mellom nest siste setning og siste setninga i tilrådinga: -Med unntak av arealet BN-2, BN-3 og B3, nedanfor Rystevegen, vert trekt ut av planen, slik at arealet fortsatt er regulert til landbruk (LNF) Ordføraren fremja å halde gruppemøte, og det vart halde. Etter gruppemøtet: Sigve Aklestad og Ola Perry Saure trekte sine framlegg. Paul Kristian Hovden(KrF) fremja fellesframlegg frå KrF, SP og AP: B3 og BN2 vest til BN3 skal endrast til LNF- område jfr. skisse Hans Olav Myklebust(FrP) fremja oversendingsframlegg til rådmannen: Kommunestyret ber rådmannen førebu sak om kai/næringsområder på Rjånes og Vikaura Alternative røysting Fellesframlegg fekk 21 røyster og vart vedteke Formannskapet si tilråding fekk 11 røyster(h + V + Myklebust) og fall Oversendingsframlegg vart vedteke med 21 mot 11 røyster(h + V + Myklebust) Rett utskrift Inger Johanne E. Løeng Politisk sekretær

Saksprotokoll i Ørsta formannskap - 02.06.2015 TILRÅDING TIL KOMMUNESTYRET: Ørsta kommunestyre syner til framlegg til Kommunedelplan for Ørsta sentrum og Hovdebygda og til innkomne merknader ved 2. gongs offentleg ettersyn. Med heimel i plan- og bygningslova 11-15 gjer Ørsta kommunestyre vedtak om godkjenning av Kommunedelplan for Ørsta sentrum og Hovdebygda slik den ligg føre på plankart merka 2012007-01D, sist revidert 26.05.2015 og med tilhøyrande kartutsnitt og føresegn sist revidert 26.05.2015. Likeins vert veg tilkomst til Øvre Mo lagt til alternativ 1. Med dette vert også heile- eller deler av reguleringsplanar oppheva slik det går fram av skjemaet oversikt over reguleringsplanar som er vedlegg til føresegna. Handsaminga(9 r.f.) Matias Kårstad, planleggar og Gunnar Wangen, avd. leiar plan- og miljø orienterte og svarte på spørsmål Ola Perry Saure(SP) fremja følgjande tillegg mellom nest siste setning og siste setning i tilrådinga: - Med unntak av arealet BN2 BN3 og B3, nedanfor Rystevegen, vert trekt ut av planen, slik at arealet fortsett er regulert til landbruk. - Likeins vert veg tilkomst til Øvre Mo lagt til alternativ 1. Det vart røysta punktvis over Ola Perry Saure sitt framlegg slik: Første punkt fekk 1 røyst mot 8 røyster og fall. Andre punkt vart vedteke med 7 mot 2 røyster

ØRSTA KOMMUNE SAKSFRAMLEGG Sakshandsamar: Matias Kårstad Arkivsak: 2012/1410 Gro Anita Bårdseth Løpenr.: 6956/2015 Gunnar Wangen Utvalsaksnr. Utval Møtedato 86/15 Ørsta formannskap 02.06.2015 60/15 Ørsta kommunestyre 11.06.2015 Saka gjeld: EIGENGODKJENNING: KOMMUNEDELPLAN FOR ØRSTA SENTRUM OG HOVDEBYGDA ØRSTA FORMANNSKAP SOM PLANUTVAL RÅR ØRSTA KOMMUNESTYRE TIL Å GJERE FYLGJANDE VEDTAK: Ørsta kommunestyre syner til framlegg til Kommunedelplan for Ørsta sentrum og Hovdebygda og til innkomne merknader ved 2. gongs offentleg ettersyn. Med heimel i plan- og bygningslova 11-15 gjer Ørsta kommunestyre vedtak om godkjenning av Kommunedelplan for Ørsta sentrum og Hovdebygda slik den ligg føre på plankart merka 2012007-01D, sist revidert 26.05.2015 og med tilhøyrande kartutsnitt og føresegn sist revidert 26.05.2015. Med dette vert også heile- eller deler av reguleringsplanar oppheva slik det går fram av skjemaet oversikt over reguleringsplanar som er vedlegg til føresegna. Utskrift til: Plan- og miljøavdelinga for vidare ekspedering

Saksvedlegg: Plankart Plankartet er utarbeidd i samsvar med kartforskrifta og Nasjonal produktspesifikasjon og digitalt planregister. Kartdata er utarbeidd i sosi-versjon 4.5 (prodspek Kommuneplan 20120416 ), og i koordinatsystem UTM-sone 32 basert på EUREF89. Kartutsnitt Plankartet inneheld mykje informasjon, og spesielt gjer eit stort tal omsynssoner at kartet er vanskeleg å lese. For å betre lesbarheita er det utarbeidd fire kartutsnitt; Landbruksområde, Kulturminne, Naturfare og omsyn knytt til verksemder og teknisk infrastruktur. Karta inneheld eit utdrag av omsynssoner for å vise ulike interesser. Desse karta er juridisk bindande på lik line med det primære plankartet. Føresegn Føresegner til planen er juridisk bindande og kjem i tillegg til det som er fastsett i plankartet, jf. pbl. 11-6. Føresegndokumentet inneheld også retningsliner som ikkje er juridisk bindande. Dersom retningslinene må fråvikast skal dette grunngjevast. Oversikt over gjeldande og oppheva reguleringsplanar er vedlegg til føresegna. Planomtale Planomtalen gjer greie for føremål, hovudinnhald og verknadar av planframlegget, og viser korleis nasjonale og overordna mål og retningslinjer er ivaretatt, jf. pbl. 4-2. Verknadar for miljø og samfunn, konsekvensutgreiing, er del av planomtalen men er skilt ut som eige dokument. Hovudkonklusjonar frå konsekvensutgreiinga er teke inn i planomtalen. Temakart Grøntstruktur Temakartet viser samanhengen i grønstruktur både innanfor og utanfor regulerte område. Kartet viser m.a. parkar, friluftsområde, naturområde, turvegar og stiar. Ein del av samanhengane i temakartet ligg innanfor område som er lagt ut som t.d. bustadføremål i plankartet. Turvegen er vist som linesymbol, slik at ein må ta omsyn til grønstrukturen i den påfølgande reguleringsplanen. Landbruk Temakart for landbruk viser dyrka areal, dyrkbart areal, innmarksbeite og dei delane av dyrkaarealet som er del av kjerneområde landbruk. I tillegg er det synleggjort kva delar av dyrka og dyrkbart areal som vert foreslått omdisponert til byggeføremål som følgje av kommunedelplanen. Areal som er omdisponert gjennom tidlegare planar har ikkje fått denne skravuren. Naturfare Temakart for naturfare viser dei kjende naturfarene. Dette gjeld skred vist med sone for 100-årsras, 1000-årsras og 5000-årsras, flaumfareområde vist med sone for kjellarflaum og 200-årsflaum og potensielle område for lausmasseras/ustabil grunn. Sonene for skred er tilpassa rasfarerapportar i dei områda der det er gjort fagutgreiingar. NVE si nasjonale rasfarekartlegging gir avklaring for store deler av planområdet. I tillegg har kommunen oversikt over ein del rasfarerapportar for enkelttomter, men desse er ikkje synleggjort i temakartet.

Kulturminne- og kulturmiljø I tråd med planprogrammet og råd frå fylkeskommunen har ein i temakartet valt å framstille kulturminne av nasjonal verdi (automatisk freda), regional verdi (i samsvar med fylkeskommunen si prioritering) og lokal verdi (henta frå Kulturminneatlas og SEFRAK). Ein hadde intensjon om å utarbeide Kommunedelplan for kulturminne parallelt med denne kommunedelplanen, men på grunn av manglande finansiering er arbeidet utsett. Vekting av lokale kulturminne og miljø er derfor ikkje utført enno. Som bakgrunn for temakartet har ein gjort ei førebels sortering av kulturminne av lokal verdi og prioritert dei som kan kartfestast og som inngår naturleg i større kulturmiljø som alt er verna (gjeld særleg bebyggelse i Kyrkjegata og Vikegata).Temakartet viser såleis ikkje ei endeleg vekting av lokale kulturminne i denne delen av kommunen, dette vil skje i samband med kulturminneplanen. Infrastruktur Temakart viser noverande og framtidig hovudvegsystem, samlevegar, kollektivstopp (eksisterande og mogleg plassering av framtidige) med synleggjering av 300- og 600 meter gangavstand. Andre plandokument Konsekvensutgreiing Vurdering og kommentar av innkomne merknader Alternativvurdering Hestesport Alternativvurdering Ørstafjordkryssing Alternativvurdering vegføringar på Øvre Mo Alternativvurdering vegføringar i Sjømyrane Temaomtale Hovudstruktur turvegar Plandokument og saksdokument er samanslått til eit PDF-dokument, dei einskilde dokumenta er markerte med bokmerke. Samla dokument er tilgjengeleg på felles info-mappe. Uprenta saksvedlegg: Merknader til 2. gongs offentleg ettersyn Fråsegn ved avgrensa ettersyn, som stadfestar at motsegn knytt til automatisk freda kulturminne vert trekt. Brev frå Møre og Romsdal fylkeskommune dagsett 13.05.2015 Rapporten Skredfarekartlegging i Ørsta kommune Andre saksdokument Saksopplysningar: Ørsta formannskap, som planutval, gjorde i møte den 10.03.2015 (sak 30/15) følgjande vedtak om utlegging til 2. gongs offentleg ettersyn: Ørsta formannskap syner til framlegg til kommunedelplan for Ørsta sentrum og Hovdebygda, samt til innkomne merknader til 1. gongs offentleg ettersyn.

Med heimel i plan- og bygningslova 11-14, vert planframlegget lagt ut til 2. gongs offentleg ettersyn slik det ligg føre på plankart merka 2012007-01B, sist revidert 15.01.2015 og med tilhøyrande kartutsnitt og føresegn sist revidert 15.01.2015, samt andre plandokument sist revidert 15.01.2015 og 03.03.2015. Det må i tillegg gjerast slik endring: Det må innarbeidast naudsynte omsynssoner knytt til skog som er vurdert som avgjerande for dei fastsette rasfaregrensene. Rådmannen kan innarbeide desse sonene i samråd med NVE/rasfarekonsulent, men formannskapet ber om at omfanget vert avgrensa slik at dei i minst mogleg grad kjem i konflikt med skogbrukinteressene. Om naudsynt må plangrensene justerast. 1. Turveg til Brekkeheida, som synt på skisse i møtet 2. Industriområde Vikeurda/Selbervika, på område som i dag er regulert til småbåthamn, i tillegg til areal vestover, avgrensa som synt på kart i møtet Frist for å kome med merknader vert sett til seks veker etter kunngjeringsdato. Planframlegget vart retta opp i samsvar med endringane i vedtaket, og låg ute til 2. gongs offentleg ettersyn i perioden 21. mars 2. mai 2015. Ei motsegn knytt til automatisk freda kulturminne, jf. kapittel 3 i planomtalen, er trekt etter dialog med kulturvernavdelinga hjå fylkeskommunen, jf. deira fråsegn i brev datert 13. mai 2015. Behov for mindre avklaringar i høve innkomne merknader er gjort gjennom e- postkorrespondanse og/eller i møte. Innkomne merknader Det er registrert 52 skriftlege merknader til 2. gongs offentleg ettersyn. Alle merknadane er oppsummerte og kommenterte i dokumentet Merknader til 2. gongs offentleg ettersyn med kommentarar. Det har vorte lagt ned motsegn mot planframlegget i høve kartmarkering av nokre automatisk freda kulturminne. Dette er retta, og motsegna er difor løyst. Merknader frå private gjeld i all hovudsak arealdisponeringar. Nokre tek opp tilhøve som er på eit detaljeringsnivå det ikkje er naturleg å ta stiling til i overordna arealplan. Arealbruksspørsmål som har gått igjen i fleire av merknadane er lokalisering av næring i Vikaura, næring langs Industrivegen på Rystelandet, lokalisering av hestesportanlegg og nokre innspel i høve vegføring på Øvre Mo Brekke og på Ose (sjå nærare omtale under). Planframlegget som vert lagt fram for eigengodkjenning er reviderte med bakgrunn i merknadshandsaminga. Endringane kjem fram av oversikta under. Der det er oppgitt tidl. før områdenemninga, er nemninga nytta oppatt til andre område i det reviderte planframlegget Nye og justerte utbyggingsføremål Endring BN3 - Rystelandet Grøntområde G1 ved kalkgruva og kalkomnen i Hovdebygda Teke inn areal tidl. sett av til noverande fritidsbustad som naustområde Teke inn BFR4 Retting av feil Endring Kommentar Redusert mot vest jf. grøntområde utvida jf. kulturminnesone og reduksjon av BN3. Lagt naustføremål på noko av arealet. Jf. innspel frå Inger og Ståle Liadal Jf. innspel frå Lars Olav Grøvik Kommentar

Endra tilkomstveg til turveg på Rjåneset Endra status for enkelte areal i temakart for landbruk Utbyggingsområde som er tekne ut av planen Endring tidl. BN4 - Vikaura BAI1 Mele/Melsbygda 2 (hestesport) Øvrige justeringar Endring Endra formulering i føresegna Naudsynte endringar i kart og føresegn knytt til kulturminne Teke inn sti frå Brekkeheida til Setrevegen i temakart Næringsareal Rystelandet Jf. gjeldande reguleringsplan Jf. tilbakemelding frå landbrukskontoret Kommentar Jf. merknadshandsaminga konkludert med Sporstøl Kommentar Jf. innspel frå born- og ungesrepresentant Jf. motsegn frå fylkeskommunen Jf. innspel frå idrettsrådet Fleire grunneigarar samt m.a. landbruksnemnda har levert merknader der dei går i mot etablering av meir næring langs Industrivegen. Merknadane gjeld i hovudsak jordbruksareala på oppsida av Industrivegen, men nokre går også på at ein ikkje ønskjer å omdefinere strandlina framom nausta aust for gamle Møre Trikotasjefabrikk til næring. I nokre av merknadane er det peika på at ein ønskjer fylkesvegen lagt om til Industrivegen. Rådmannen peikar på at dette næringsområdet vil kunne gje eit tomtetilbod relativt raskt og med låge kostnadar, først og fremst til dei som har fordel av relativ nærleik til godsterminalen. Dette vil også gje ei betre utnytting av eksisterande infrastruktur. Trass i at ein totalt sett har tilstrekkeleg areal andre stadar, er det eit behov for eit differensiert tomtetilbod med t.d. sjønære tomter. Eit viktig argument for å etablere næring i dette området er å byggje opp under drifta på Ørstaterminalen. Korte transportavstandar er også gunstig i eit miljøperspektiv. Ut frå ei arealbruksvurdering, ei økonomisk vurdering og ut frå ei vurdering av samla samfunnsnytte, finn rådmannen at det vil vere feil å etablere heilt nye område for næring før potensialet i dei eksisterande områda er fullt utnytta. For å ivareta noko meir av den naturlege strandlinja i Hovdebygda foreslår rådmannen å redusere næringsarealet ved den tidl. Møre Trikotasje-fabrikken, slik at arealet vest for fabrikken vert bevart om lag slik arealtilstanden er i dag. Arealet her vert gitt føremål som grønstruktur i samsvar med dagens bruk, i tillegg til noko areal for naust i den austlege delen.

BN2 er lagt ut som utbyggingsområde trass i at det heng saman med jordbruksareala i Rystene, som er prioriterte som jordbruksareal vidare. Argumentasjonen over meiner rådmannen er sopass tungtvegande at det er rett å prioritere slik. Dette heng også saman med dei planlagde bustadområda (B3), og at ein må sikre tilstrekkeleg areal til å kunne forsvare utbygging av naudsynt infrastruktur. Om ein skulle ta ut næringsområdet ved Industrivegen (BN2), vil ein logisk konsekvens vere at ein også bør avgrense området B3 til Rystevegen for å sikre mest mogleg drivbart jordbruksområde. For å synleggjere at rådmannen har lagt til grunn at det må etablerast ein grøn buffer mellom bustadområda og næringsområdet er denne no innarbeidd som eit eige føremål i planen. Det har også kome forslag om å nytte heile arealet til bustad. Rådmannen rår frå denne løysinga då hovudtilkomsten for dei nedre delane truleg må kome frå Industrivegen, noko som ville gje ei uheldig blanding av trafikk til bustadområda og industriområdet. Etter ei samla vurdering finn rådmannen å halde fast på tidlegare konklusjonar, og rår kommunestyret til å eigengodkjenne planen med næringsområdet BN2, deler av BN3 og dei delane av B3 som ligg nedom Rystevegen. I alternativvurderinga for vegføringar i området har rådmannen peika på to alternativ for framtidig fylkesveg; gjere Industrivegen til fylkesveg med ombygging av den vestlege delen, eller vidareføre Sjøvegen som fylkesveg men med omlegging i øvre del. Rådmannen har i samråd med vegvesenet ikkje konkludert på kva alternativ ein bør velje eller kva for ein veg som skal vere fylkesveg i framtida. Uavhengig av løysing bør den øvre delen av Sjøvegen leggast om for å betre stigningstilhøva og legge til rette for fortau eller gang-/sykkelveg i samband med vidare bustadbygging i Rystene. Næringsareal i Vikaura Det har kome merknader frå ein grunneigar, samt Sørheim småbåtlag og Sørheim og Steinnes grendalag med sterk motstand mot den foreslåtte lokaliseringa av næringsområde i Vikaura. Med bakgrunn i kommunestyret si godkjenning av reguleringsplanen for småbåthamna skipa grunneigarane Sørheim småbåtlag. Småbåtlaget har vore i dialog med kommunen, og det har vore semje om at småbåtlaget skal ha ein 40 års festeavtale for grunnen. Avtalen er ikkje ferdigstilt. I kommunestyret sitt vedtak om eigengodkjenning av reguleringsplanen i 2010 var det også vedteke følgjande oversendingsframlegg til Samfunnsutvalet:

Kommunestyret ynskjer ikkje at det skal byggast djupvasskai vest for Sørheimstranda småbåthamn, og ber om at plasseringa vert teken ut av framlegget til kystsoneplan. Grunneigarane har også tidlegare i planprosessen uttrykt sterk motstand mot etablering av næring i dette området. Området ligg utanfor tettstadgrensa, og som næringsområde vil det vere ein satellitt i høve dei sentrale områda. Rådmannen meiner det vil vere rettare å utnytte dei eksisterande næringsområda før ein tek i bruk nye område, slik som dette. Å lokalisere næring nær Ørstaterminalen vil også kunne styrke driftsgrunnlaget for terminalen. Av plandokumenta går det fram at det allereie er sett av meir enn tilstrekkeleg med areal for næring. Området er i dag relativt ope og fritt. Sjølv om der er regulert ei småbåthamn vil eit næringsområde utgjere eit heilt anna inngrep i høve frilufts- og turinteressene. Grunneigarane har også i lenger til arbeidd med sikte på å gjennomføre reguleringsplanen, i tillit til kommunestyret sitt tidlegare vedtak. Med bakgrunn i grunngjevinga over og kommunestyret sitt tidlegare vedtak om reguleringsplan i 2010, rår rådmannen til å ta næringsområdet i Vikeura ut av planen og vidareføre den regulerte småbåthamna. Lokalisering av hestesportanlegg Til 2. gongs offentleg ettersyn var berre alternativa Mele/Melsbygda 2 og Sporstøl høyrde. Mele/Melsbygda 1 og nedre Daleteigane vart tekne ut på bakgrunn av motsegn og merknader etter 1. gongs offentleg ettersyn. Det har kome fleire merknader frå brukarar og grunneigarar som går i mot Mele/Melsbygda 2. I merknadane er det mellom anna peika på ulemper knytt til naboskap/nærleik til anlegget, potensiell rasfare, dårlege grunnforhold og bortfall av beiteområde til hestar i området. Fylkesmannen og Landbruksnemda har peika på Mele/Melsbygda 2 som den beste lokaliseringa. Kommunen har ikkje motteke merknader som går i mot Sporstøl ved 2. gongs offentleg ettersyn, men grunneigarane protesterte mot dette alternativet ved førre høyring. Hestesportlaga ønskjer ikkje Mele/Melsbygda 2 m.a. grunna frykt for rasfare og nabokonflikter. Dei peikar framleis på nedre Daleteigane som deira primære ønskje. I merknadane har det også vore peika på Melsgjerda og området mellom Melsvegen og Melssetervegen som aktuelle alternativ. Det sistnemnde arealet vil truleg krevje større terrenginngrep enn dei andre alternativa, noko som vil vere fordyrande for prosjektet. Melsgjerda er regulert til næringsføremål, og kommunen har løyst inn arealet for å legge til rette for eit tomtetilbod. På bakgrunn av behov for næringstomter ser rådmannen det som uaktuelt å omdisponere arealet til hestesportanlegg.

Dei to alternative lokaliseringane scorar relativt likt i dei fleste kategoriane i alternativvurderinga, med unntak av arealstorleik. Mele/Melsbygda 2 er rikeleg stort nok, og har stor fleksibilitet i plassering av anlegget. Sporstøl er stort nok, men har ein del mindre fleksibilitet, og det kan vere naudsynt med noko meir terrengtilpassing enn Mele/Melsbygda 2. Om ein ser på tilkomst har begge alternativa tilkomst frå Melsvegen, men dersom ein skal legge til grunn Melsvegen som hovedtilkomst vil Sporstøl vere mindre sentralt. Dersom ein legg til grunn at Sporstøl skal ha tilkomst frå den framtidige brua til Melsgjerda vil alternativa kunne stille meir likeverdig, og ein slepp også i stor grad å basere tilkomsten på Osbrua og Melsvegen, som hestesportlaga har peika på som ein flaskehals. Med bakgrunn i vurderingane over, samt at hestesportlaga ikkje ønskjer Mele/Melsbyda 2, rår rådmannen til at hestesportsenteret vert lokalisert på Sporstøl. Vegføring Øvre Mo Fleire grunneigarar på Mo har uttrykt sterk motstand mot vegalternativet som er markert med 2 i kartutsnittet til høgre. Landbruksnemnda har peika på alternativet merka 1 som det beste. Veglinjene som er innteikna er to relativt likeverdige alternativ med omsyn til stigning, utforming og lengde. Det vil vere behov for å sjå meir detaljert på veglinjene før ein tek endeleg stilling til kva alternativ ein bør arbeide vidare med. Rådmannen rår difor til at det vert reservert areal til begge alternativa i planen, men registrerer synspunktet til grunneigarane. Når det gjeld dei alternativa som ikkje er tekne med vidare meiner rådmannen desse gir ei vesentleg dårlegare arrondering av jordbruksareala ikring og vil fordyre vegutbygginga med fleire millionar. Sjølv om ein kunne få fordelar med omlegging av vassledninga ser ikkje rådmannen at desse vil vege opp for ulempene som er nemnde over. Verknader av revidert planframlegg: Samla areal for nye utbyggingsområde i planframlegget er 1428 daa. Dette fordeler seg slik: Bustadar Fritidsbustadar Offentleg tenesteyting 42 daa Næring og turisme Idrettsanlegg Naust 1067 daa 93 daa 161 daa 31 daa 34 daa I tillegg kjem 3,1 km med ny veg. Framtidige trasear for E39, lokale tilkomstvegar og mindre samlevegar kjem i tillegg. Foreslegne utbyggingsområde beslaglegg 501 daa fulldyrka jord (197 daa av dette er innanfor kjerneområde landbruk) og 179 daa dyrkbar jord. Utbyggingsområda er i hovudsak lokalisert

til områda innanfor tettstadgrensa. Utbyggingsområda er viktige for vekst og utvikling. Gjennom utbygging vil ein misse fleire landbruksareal nytta til fôr og beite. Planframlegget ivaretek til ein viss grad store og samanhengande landbruksområde innanfor tettstadgrensa definert som driftsgrunnlag for bruk som er i aktiv drift i dag. Landbruksområda utanfor tettstadgrensa er i liten grad lagt ut som utbyggingsområde, og gjennom å definere ei tettstadgrense ønskjer ein å gje viktige landbruksareal utanfor denne eit sterkare vern.

Vurdering og konklusjon: Planframlegget som ligg føre meinar ein svarer på utgreiingskrav og planutfordringar frå planprogrammet, som er å sikre; - Tilstrekkeleg areal til bustadar, næring og offentlege føremål - Grøntstruktur, turområde, nærfriluftsområde og samanhengen mellom desse - Samanhengande lokalvegnett og gang- og sykkelstiar - Ørstafjordkryssing som erstatning for sjølina Innføring av tettstadgrense, fortetting og større grad av arealutnytting vil medføre meir effektiv areal- og transportbruk, men også større grad av urbanisering enn ein har sett til no. Dette er i tråd med nasjonale, regionale og lokale føringar, og er tilsvar på målsetting om å legge til rette for ein berekraftig og framtidsretta arealbruk i Ørsta sentrum og Hovdebygda og styrke Ørsta sentrum som tettstad. Tidsperspektivet for kommunedelplanen er i utgangspunktet 12 år. Planen har ein arealreserve som dekkjer eit lenger tidsperspektiv, 20-30 år fram i tid. Dette for å dekkje opp for uvisse knytt til prognosar for folketalsvekt, arealberekningar og rasfare, og for å gje føreseielege rammer til aktive gardbrukarar og eigarar av areal som ikkje er teke inn som utbyggingsområde no. Planen har såleis eit langsiktig utviklingsperspektiv for Ørsta sentrum og Hovdebygda. NVE si nasjonale skredfarekartlegging er ferdigstilt, og er lagt til grunn for planen. M.a. er nokre utbyggingsareal redusert som følgje av rapporten. Faresonene er viste i eige kartutsnitt og i temakart for naturfare. Dei grunnleggande føresetnadane og målsettingane som låg føre ved utlegging til 2. gongs offentleg ettersyn er ikkje endra. Rådmannen rår derfor til at planframlegget vert eigengodkjent slik det ligg føre, jf. plan- og bygningslova 11-15. Med dette vert også heileeller deler av reguleringsplanar oppheva slik det går fram av skjemaet oversikt over reguleringsplanar som er vedlegg til føresegna. Wenche Solheim rådmann Arnstein Nupen konst. leiar plan- og utviklingsstaben