STORÅSEN SØR B4, Flora kommune. Planomtale med temautgreiing og ROS (Risiko- og sårbarhetsanalyse). Dato: 08.11.2012 Rev.: 14.12.2012 Rev.: 05.02.2013 Rev.: 03.04.2013 Rev.: 09.09.2013 Rev.: 17.09.2013 Rev.: 19.12.2013 Tiltakshavar: FK Tomteutvikling AS, Vestnesvegen 41 6900 Florø. Planleggar: Kinn Arkitekter AS, Strandgata 15, p.b. 531 6903 Florø Norconsult AS, p.b. 1199 5811 Bergen Målsetting. Føremålet med planarbeidet er å regulere del av gbnr. 28/22 langs Kinnvegen i Florø til bustadar med tilhøyrande anlegg. Bustadfeltet skal ha svært høg utnytting og tilretteleggast med bustadar i lavblokker slik at det kan passe for førstegangsetablerarar. Heile planområdet er på om lag 24 da. Planstatus. Området inngår i reguleringsplan Storåsen Sør frå 1981 der arealet er avsett til bustadar og forretning. Reguleringsplanen er overstyrt av gjeldande kommunedelplan for Florelandet- Brandsøy som set krav om ny reguleringsplan. I kommundelplanen er området avsett til bustadformål. Planlagde tiltak. Framlegg til reguleringsplan legg opp til høg utnytting med omkring 96 bueiningar med tilhøyrande anlegg, friareal og friluftsareal. Bueiningane vert fordelt på to lavblokker i område kalla B1 og B2. Vegtilkomst til B2 i austre del er frå eksisterande avkøyring frå Kinnvegen. Det er vist ny vegtilkomst frå Kinnvegen til B1 i vest. Denne avkøyringa frå Kinnvegen skal i framtida også utløyse kommunalt bustadområde vestanfor planen mot Knapstadmarka. Parallellt med Kinnvegen er det planlagt gang-/sykkelveg mellom B1 og B2 med gangvegsamband til eksisterande gang- og sykkelveg langs Kinnvegen. Heile sona langs eksisterande gang-/sykkelveg er avsett til vegetasjonsskjem/støyskjerm. Bustadfeltet er delt i to hovedområde benevnt B1 og B2. 1. PLANPROSESSEN Planprosess. Planarbeid tok til i januar 2012 med FK Tomteutvikling AS/ Hellvik Hus Fjordane AS som tiltakshavar/forslagsstillar. Det vart halde planoppstartsmøte med kommunen 25.01.12. Planforslaget vil samsvare med overordna plan og kommunen tilrådde oppstart av planarbeidet.
Det vert ikkje krevd konsekvensutgreiing eller planprogram. Reguleringsformål er bustadar med høg utnytting i samsvar med kommunedelplanen. I kommunedelplanen er området benevnt B4 med plankrav fordi reguleringsplan er eldre enn 1990. Det vart laga eit første planutkast der det også var vist einebustadtomter nord for dalsøkk aust/vest. Dette låg utanfor område avsett i overordna plan og er sløyfa på vedlagde planforslag slik at heile planområdet no er innanfor kommunedelplanen. Det har i prosessen vore kontakt med administrasjonen i kommunen med innspel til planutforming. Det vart det halde møte 01.11.12 med planavdelinga på kommunen. Innspel frå dette møtet vart medtatt i planforslaget. 21.01.13 var det nok eit møte med administrasjoinen i kommunen der særleg vestre del av planområdet vart drøfta. Dette området var kalla B3 og framstod svært anstrengt i planforslaget. I planforslag revidert 05.02.13 er området redusert, omarbeidd og innlemma i B2. I revisjon 03.04.13 er det vist illustrerande bygningsplassering på plankartet. I vidare revisjonsprosess vår, sommar 2013 er no planen omarbeidd til å omfatte to lavblokker i område benevnt B1 og B2 med gangvegsamband mellom, tilstrekkeleg med uteopphaldsareal og friluftsareal. Bilparkering i underetasje i blokkene og eigne plassar for gjesteparkering. Revidert planforslag vart datert 09.09.2013. Hausten 2013 vart landskapsarkitekt frå Norconsult AS engasjert i planarbeidet. Med grunnlag i møter og samtalar med admininstrasjonen i kommunen har Norconsult AS utarbeidd revidert planforslag med illustrasjonsplan. Planforslaget er datert 19.12.2013. Planoppstart vart kunngjort og varsla 09.02.2012 i samsvar med Plan- og Bygningslova med merknadsfrist på 6 veker. Innspel til oppstart av planarbeidet. Med kommentar. Etter planoppstartsvarsel 09.02.12 kom det inn seks merknadar som vart teke med vidare i planarbeidet: 1. Eilif Døsen. Gbnr. 27/1. Presiserer at planar for utbygging ikkje må hindre tilkomst til gbnr. 27/1. Kommentar: Utbygging etter reguleringsplan skal ikkje hindre tilkomst til gbnr. 27/1. 2. Tove Endresen Terøy. Gbnr. 27/19. Er uroa over auka overflatevatn ned i dalen ved framtidig utbygging og fjerning av skog. Det er i dag lite grøftesystem i området. Krev at det vert laga plan for drenering før eventuell utbygging vert godkjent. Kommentar: Planområdet er redusert i høve til det som låg ved varselet slik at området nord for dalsøkk ikkje vert berørt av inngrep. Det skal utarbeidast teknisk plan for drenering av overflatevatn før utbygging.
3. Opplysningsvesents Fond v/obo Plan og Arkitektur AS. Krev at planlagt utbygging ikkje må stenge for eventuell seinare omdisponering av areal på gbnr. 28/1. Kommentar: Utbygging etter reguleringsplan skal ikkje stenge for omdisponering av areal på gbnr. 28/1. 4. Statens Vegvesen Viser til føresegnene til kommunedelplanen der det framgår at utbygging ikkje kan finne stad før gang- og sykkelveg langs Kinnvegen til sentrum er ferdig. Oppmodar elles om at avkøyring vert samordna med annan utbygging i området. Kommentar: Rekkefølgjekrav om utbygging vert teke inn i reguleringsføresegnene. Avkøyring i aust er samordna med bustadfelt Storåsen Sør B7 som snart er ferdig utbygd. Det vert vidare planlagt avkøyring i vest som kan samordnast med framtidig bustadområde avsett i kommunedelplan på kommunal eigedom. 5. Sogn og Fjordane Energi AS Krev ny nettstasjon sentralt i området. Kommentar: Forslag til plassering av ny trafostasjon vert vist i reguleringsplanen. 6. Fylkesmannen i Sogn og Fjordane Miljøvernavdelinga: Tilrår primært at byggeområdet i planen ikkje strekk seg utover B4 i kommunedelplanen. Peikar på at det i planomtalen skal gjerast vurderingar etter naturmangfaldslova og elles gjerast greie for verknadar for ulike interesser og omsyn Beredskapsavdelinga: Minner om krav til ROS-analyse. Landbruksavdelinga: Ingen merknadar. Kommentar: Byggeområdet i planen er redusert slik at det ikkje strekk seg utover B4 i kommunedelplanen. Vurdering etter naturmangfaldslova følgjer under eige kapittel i omtalen. Verknadar for ulike interesser følgjer under temautgreiing. ROS-analyse vert utarbeidd som eige kapittel. 2. AKTUELLE TEMAUTGREIINGAR KNYTT TIL PLANOMRÅDET. Landskap og terrengtilpassing Nye bygningar og anlegg skal i størst mogleg grad tilpassast landskapet på ein funksjonell måte. Bustadblokk i B1 vert liggande langs Kinnvegen med ein buffertsone mellom gang-/og sykkelvegen og blokka. Bustadblokk i B2 ligg lenger nord med friareal og gangveg mellom blokka og Kinnvegen. Landskapsprofil i åsen bakanfor feltet vert ikkje berørt. Dalsøkket som går inn her frå vest mot øst kan ligg som eit nedslagsfelt for Storåsen sør. Det er eit attgrodd våtmarksområde som kan oppta store mender vatn og virke flaumdempande. I vestre del av planområdet er det anlagt eit stort massedeponi som brer seg utover myrområdet og legg beslag på store deler av dette.
Planen tek utgangspunkt i den grensa som er sett for byggeareal i kommunedelplanen for Florelandet. Grensa ligg i overgangen mellom myr og fast terreng. Myrdraget som strekk seg mellom byggeområdet og foten av Storåsen er viktig for å handtere overvatn for eit stort nedslagsfelt. I tillegg har myra naturkvalitetar både i form av artsmangfald og oppleving. Byggeområda i planen er lagt med god avstand frå myrdraget og høgare i terrenget, slik at ein unngår store inngrep i våtmarksområdet. Myrdraget ligg som eit skilje mellom bustadfelta langs Kinnvegen og friluftsområdet i Storåsen. Ved bustadområde B2 ligg terrenget godt til rettte for bygging av gangbru over søkket og inn på terreng ved turvegen langs Røvarhillaren. Ei opning av turområdet frå denne kanten vil vere svært verdifullt for bebuarane i dei nye utbyggingsområda. Det vert lagt opp til gode gangvegar både på tvers og langs av området. Universell utforming er eit styrande prinsipp og vert lagt til grunn for utforming innanfor planområdet. Bygningane vert lagt inn i terrenget med ein parkeringsetasje som har større breddeutstrekning enn bustadetasjane. Dette gjer at noko av uteanlegget vert etablert på betonglokk. Her er private terrassar prioritert i B2 medan det i B1 er vist at dette arealet i tillegg kan nyttast til felles opphald. Området skal opparbeidast med ein element- og materialbruk som er av høg kvalitet både estetisk, funkjonelt og med omsyn til vedlikehald. Estetikk og byggeskikk. Det vert stilt krav i planen slik at ein sikrar ein samanheng i bygningsutforming innanfor definerte område. Universell utforming. Universell utforming tyder at produkt, byggverk og uteområde skal utformast slik at alle menneske skal kunne gjere seg nytte av dei på ein likestilt måte så langt som mogleg utan spesielle tilpassingar eller hjelpemidlar. I planen vert det lagt vekt på god tilgjenge for alle til bueiningar og fellesareal. Universell utforming er eit styrande prinsipp. Sosial infrastruktur. Bebuarane i det planlagde bustadfeltet vil få god tilgang til omkringliggande naturområde. I nærområdet (Knapstadmarka) har kommunen planar om framtidig barnehage og skule som kan nåast med vegsamband vidare vest-, nordvestover frå planområdet. Bustadfeltet vil høve godt for barnefamiliar. Trafikktilhøve. Planområdet ligg i nærleiken til andre bustadområde med etablert infrastruktur inkludert bybuss. Gjennom planlegging er utbyggingsmønsteret og transportsystemet for område vurdert samordna slik at det vert lagt til rette for ein så effektiv, trygg og miljøvennlig transport som råd er, og slik at transportbehovet kan avgrensast. Ved plassering av tilkomstveg i området er det tatt hensyn til mulighet for framtidig forbindelse mellom dei ulike bustadområda og skule/barnehage, som kan gje korte avstander i høve til daglege gjeremål og effektiv samordning mellom ulike transportmåtar. Teknisk infrastruktur. Plan for tekniske anlegg skal utarbeidast etter at reguleringsplanen er godkjent. VA skal tilknytast offentleg anlegg. Det vert etablert samleplass for avfallscontainerar. Det skal utarbeidast detaljert teknisk plan for drenering av overflatevatn før utbygging startar.
Born sine interesser. Bustadområdet ligg med nær tilknytning til friluftsområde. Framtidig nær tiknytning til barnehage og skule på Knapstadmarka med trafikksikker tilkomst. I planområdet er det tilrettelagt med friområde/fleire leikeplassar av varierande storleik for barn i alle aldrar som gjev tilgang til trygg ferdsle, leik og anna aktivitet. Dette gjev barn og unge tryggleik mot fysiske og psykiske skadeverknader og har dei fysiske, sosiale og kulturelle kvalitetar som til ein kvar tid er i samsvar med eksisterande kunnskap om barn og unge sine behov. Verneinreresser. Det er ikkje registrert verneinteresser i området. Friluftsinteresser. Friluftsverdiar er tekne vare på ved gangsti med tilgang til LNF område frå bustadareal som vil gi minst mogeleg svekking av ålmentas tilgang til friområde. 3. NATURMANGFALDET Flora kommune har fått utarbeidd landskapsanalyse for Knapstadmarka og Storåsen Sør. Analysen er utført av arealplanleggar Jane Berg Solheim. Denne analysen omfattar også området for denne reguleringsplanen. Det vert vist til denne landskapsanalysen når det gjeld utgreiing av naturmangfald i området. Vegetasjonen innanfor området er rik og variert. Store deler består av furuskog med sterkt innslag av varmekjære artar. Langs sidene på kløfta i østre delen er det gammal granskog med ein artsrik moseflora. Det er ikkje informasjon om funn eller observasjonar her av raudlista eller andre prioriterte artar, men det er likevel stort potensiale for dette i mosefloraen. Denne delen er avsett til friluftsområde og vert ikkje berørt av utbygging. I utbyggingsområdet sør for myrdraget er skogen nedhoggen. Størsteparten av dette var blandingsskog og det er i dette området utbygging er planlagt. Det går fram av naturmangfaldslova (nml) 7 at prinsippa i 8 til 12 skal leggast til grunn ved utøving av offentleg mynde. Vurdering skal gå fram av vedtaket. Nml 8 Kunnskapsgrunnlaget: Fylkesatlas. Naturbase. Landskapsanalyse Knapstadmarka og Storåsen Sør-juli 2012. Nml 9 Føre-var-prinsippet: Planarbeidet med høyring har så langt ikkje påvist at planlagde tiltak vil vere til skade for naturmangfaldet. Nml 10 Økosystemtilnærming og samla belastning: Det er ikkje registrert funn av sårbare artar i området. Det kan likevel vere potensiale for funn av slike artar. Nml 11 Kostnadane ved reduserte miljøverdiar skal bærast av tiltakshavar: Det er ikkje påvist at planlagde tiltak vil utgjere fare for forringelse av miljøverdiar. Nml 12 Miljøfosvarlege teknikkar og metodar ved drift: For å ivareta miljøfaglege hensyn og skjøtsel er det viktig at alle inngrep etter planen vert tilpassa terreng og naturmiljø på ein skånsom måte.
4. RISIKO OG SÅRBARHETSANALYSE, ROS-ANALYSE. ROS analysen er utført av planleggar med kunnskapsgrunnlag i blant anna: Kommuneplan, Fylkesatlas, Skrednett og synfaring i området. Ein har også brukt Flora kommune sin landskapsanalyse for Storåsen Sør som grunnlag. I omtalen av sannsyn skal følgjande skal følgjande inndelingar nyttast: For flaum-/flaumskredfare skal gjentaksintervalla i 7-2 i byggteknisk forskrift leggjast til grunn (største nominelle årlege sannsyn 1/20, 1/200 eller 1/1000) For skredfare skal gjentaksintervalla i 7-3 i byggteknisk forskrift leggjast til grunn (største nominelle årlege sannsyn 1/100, 1/1000 eller 1/5000) For annan type risiko skal det i omtalen nyttast omgrepa Lite sannsynleg, Mindre sannsynleg, Ganske sannsynleg, Svært sannsynleg I omtalen av konsekvensar skal følgjande skal følgjande inndeling nyttast: Ufarleg, Ein viss fare, Farleg, Kritisk og Katastrofalt Klimaendringar med auka temperatur, auka totalnedbør, hyppigare ekstremvêr m.v., kan påverke framtidige risiko knytt til hendingane nemnt i tabellen nedanfor. Denne moglege endringa i risiko skal omtalast i dei deler av tabellen der dette er naturleg Det må gå fram kva ekspertise/kompetanseorgan som er brukt i analysearbeidet Alle aktuelle referansar må gå fram (kart, fagrapportar, notat m.v.) Tilrådde tiltak for å følgje opp funn må gå fram t.d. bruk av arealføremål (pbl. 12-5), omsynssoner (pbl. 11-8 og 12-6), føresegner til planen (pbl. 12-7) Uønskt hending Aktuelt? Sannsyn Konsekvens Natur- og miljøforhold Samla risiko Er området utsett for, eller kan planen/tiltaket medføre risiko eller auka påkjenningar for: Kommentar/ tiltak Snø- eller steinskred/-sprang? Skrednett syner nedslagsfelt som ligg utanfor det aktuelle området. Flodbølgjer som følgje av skred? Kvikkleire eller anna ustabilitet? Fjellgrunn og myr Flaum/flaumskred? Overvatn? Ja Ganske Viss fare Det skal utarbeidast teknisk plan. Radon? Låge verdiar i kommunen
Skog-/lyngbrann? Ja Lite sannsynl. Stormflo? Viss fare God sløkkekapasitet Vind? Ligg lunt i landskapet Sårbar flora? Ikkje kjend Verneområde? Ikkje kjend Vassdragsområde? Ikkje kjend Kulturminne/-miljø? Ikkje kjend Verksemdsrisiko Er det i området: Anlegg/verksemder som kan utgjere ein risiko? Lager med farlege stoff (væsker, gassar, eksplosiv m.v.)? Medfører planen/tiltaket: Anlegg/verksemder som kan utgjere ein risiko? Lagring av farlege stoff (væsker, gassar, eksplosiv m.v.)? Auka risiko eller andre påkjenningar for sårbare bygg, infrastruktur, aktivitetar m.v.? Forureining Er det i området: Fare for akutt forureining? Permanent forureining? Støy og støv (industri, trafikk m.v.)? Ja Mindre Viss fare Tiltak mot trafikkstøy Forureina grunn? Ikkje kjend Høgspentlinjer? Anlegg for avfallsbehandling? Medfører planen/tiltaket: Fare for akutt forureining? Fare for permanent forureining? Støy og støv? Ja Mindre Viss fare Tiltak mot støy etter prosjektering Høgspentlinjer? Anlegg for avfallsbehandling? Beredskap
Er det i området: God tilkomst for utrykkingskøyretøy? Ja God vegstandard Tilstrekkeleg sløkkevatnkapasitet? Ja Kommunal vassforsyn. Medfører planen/tiltaket: Behov for nye/auka beredskapstiltak (brann, helse m.v.)? Infrastruktur Er området utsett for, eller kan planen/tiltaket medføre auka risiko for: Trafikkulykker? Manglande kapasitet i kraftforsyninga? Manglande kapasitet i tele-/ dataforsyninga? Ja Svært Ufarleg Ny nettstasjon Manglande kapasitet i VA-system? Kommunalt anlegg Andre forhold Fare for sabotasje/terror? Fare for annan kriminalitet? Vatn med fare for usikker is? Terrengformasjonar som utgjer spesiell fare (stup, skrentar m.v.)? Gruver, opne sjakter, steintippar m.v.? 5. ILLUSTRASJONAR Vedlagt som eige dokument.