"REGULERINGSARBEID FOR PE-GARDEN BUSTADFELT I ØRSTA KOMMUNE"

AG Plan og Arkitektur AS Rådgjevande arkitekt og ingeniør arkitektbedriftene RIF Ørsta 30.08.2016 Vedlegg A1: "REGULERINGSARBEID FOR PE-GARDEN BUSTADFELT I ØRSTA KOMMUNE" VURDERING AV MERKNADER VED FORVARSLING Planarbeidet vart forvarsla iht. plan- og bygningslova ved annonse i Møre-Nytt 5.11.2015 samt skriv til grunneigarar, naboar og offentlege kommunale og statlege mynde. Frist for merknad var 22.12.2015. Som følgje av vedtak i Samfunnsutvalet vart planområdet utvida og dette vart varsla ved skriv av 25.02.2016 til grunneigarane og høyringsorgan og annonse 27.02.2016. Følgjande merknader/innspel er komne inn som følgje av forvarslinga/annonseringa: 1) Noregs vassdrags- og energidirektorat dat. 18.11.2015 2) Mørenett AS dat. 18.11.2015 3) Statens vegvese n dat. 19.11.2015 4) Anne Marte og Frode Weider dat. 27.11.2015 5) Møre og Romsdal fylkeskommune dat. 14.12.2015 6) Fylkesmannen i Møre og Romsdal dat. 15.12.2015 7) O. Hovden Lenestolfabrikk AS dat. 16.12.2015 8) Samfunnsutvalet dat 26.01.2016 9) Statens vegvesen dat. 29.02.2016 10) Møre og Romsdal fylke dat. 30.03.2016 11) Landbrukskontoret dat. 08.03.2016 12) Margit Krøvel dat. 09.03.2016 13) Geir Aamund Hovden dat. 08.04.2016 Utdrag frå og kommentar til dei enkelte merknadane/innspela: 1. Noregs vassdrags- og energidirektorat Utdrag: NVE har ingen merknad til planen. 2. Mørenett AS Utdrag: Mørenett har ingen merknader til reguleringsplanen. 3. Statens vegvesen Utdrag: AG Plan og Arkitektur AS Telefon: 70 06 16 00 Sentral Godkjenning: 2002011841 Webjørn Svendsen gate 12 Org.nr: 884 182 042 MVA 6150 ØRSTA www.agplan.no Besøksadr: Webjørn Svendsen gate 12 firmapost@agplan.no 6150 ØRSTA

Plannamn: Pe-garden bustadfelt Nasjonal arealplan-id: 15202015003 Side 2 av 8 Statens vegvesen har ingen merknader til varsel om oppstart av reguleringsarbeid for område B2 innanfor gjeldande kommunedelplan. 4. Anne Marte og Frode Weider Utdrag: Vi protesterer mot at vegen skal utvides sør for B2. - Vegen kommer for nært huset og garasjen på gnr 58 bnr 41. Vi har innkjøring normalt på vegen, og det vil gå utover sikkerheten hvis vegen kommer nærmere garasjen. - Da kommunedelplanen var under planlegging, var det i utgangspunktet meningen at området sør for B2 skulle avsettes til boligtomter. Fylkesmannen mente at dette området måtte bevares som LNFområde. Da kan man ikke i etterkant bruke området til veg. - At B2 ble avsatt som boligområdet og ikke området sør for B2 er i utgangspunktet veldig merkelig. For å komme til B2 med bil må man kjøre forbi hele tomta vår. Da hadde det vært mer hensiktsmessig å avsette vår tomt til boliger. Dette ble også kommentert i 2. gangs ettersyn. Når denne merkelige avgjørelsen likevel ble tatt, kan man ikke i etterkant ødelegge vår tomt for å få tilgang til et nytt boligområde. - Vi har også en rad med epletrær som rammer inn hagen på nordsiden av tomta. Det vil være et stort tap hvis disse må fjernes. - Vi har brukt veldig mye tid og penger på å renovere dette småbruket. Vi forventer at kommunen, med ordfører fra Senterpartiet, ikke kan ødelegge dette småbruket med en veg. Forslag - Utvid vegen på vår tomt på østsiden fram til svingen. Utvid vegen på sørsiden av B2 etter svingen. På denne måten vil man også få bedre oversikt i svingen. Det er også mer rettferdig at vegen i størst mulig grad blir lagt på gnr 58 bnr 10, siden det er der det skal bygges boligtomter. De vil tjene mye penger på utbygging, mens vi vil få et stort tap hvis vegen skal ødelegge vår tomt. Kommentar: Bruk av areal til vegføremål: I området har vegutviding skjedd i to omgangar: - Først i 1999 - Og no i tilknyting til denne reguleringa. Utgangspunktet vårt no er å sjå grunnavståinga som skjedde i desse sakene i samanheng slik at grunnavståinga fram til å få den vegstandarden som kommunen no krev vert mest mogleg delt mellom «sørsida og nordsida», her langs bustadfelt B2 si utstrekning. Med bakgrunn i dette er vegen konstruert, men då på slik måte at dei geometriske krava er oppfylt. Ser vi på om disponeringa av arealet til vegføremål vil eigedomane på nordsida avstå ca. 700 m2 og eigedomen på sørsida ca. 660 m 2 rekna i B2 si utstrekning langs Ytrehovdevegen. Frå bustadfeltet B2 og vidare ned over mot tilkomsten til Enokmarka ligg der bebyggelse på nordsida som er utbygde tomter med byggje- og anleggstiltak heilt opp i noverande eigedomsgrense. Her er det vanskeleg å flytte vegareal ned på desse eigedomane utan vesentlege ulemper. Ulempene ved utviding av Ytrehovdevegen må reknast som heller små for landbrukseigedomen 58/41 i høve inngrep i alle dei utbygde bustadeigedomane nord om Ytrehovdevegen. Byggegrensa opp mot eksisterande bebyggelse, langs B2: Byggegrensa bryt allereie med bygning på eigedomane 58/87 og 58/188 /(terrasse/veranda). Dersom vegen skal flyttast enno lenger sør vil også bustadhusa kome i konflikt med byggegrensa. Noko som vil medføre ekstra kostnader i tilfelle i gjennoppbygging som følgje av t.d. brann eller anna skade. Avstand mellom fortau og garasje: Etter planframlegget er den minste avstanden mellom garasjen og «anna trafikkareal» 5,5 m. Dvs fysisk avstand til fortauet er 7,5 m. Dette stettar krava til avstand mellom garasje og off. veg. Bruk av LNF-areal til veg: Vurdering av merknader/innspel ved forvarsling AG Plan og Arkitektur AS

Plannamn: Pe-garden bustadfelt Nasjonal arealplan-id: 15202015003 Side 3 av 8 Det er ikkje kome merknad frå landbruksmynde på bruk av jordbruksareal til vegføremål. Vegføremål er ein overordna arealbruk for å stette viktige samfunnsmessige funksjonar. Vurdering av om fortau er nødvendig vart gjort i kommuneplanen, der det er vist gang-/sykkelveg. No er vegstandarden redusert til fortau og dette sparer då arealet som normalt skal ligge mellom gang-/sykkelvegen og køyrevegen. Frukttre mv.: Før bygging av vegen må det ligge føre grunnkjøp eller ein annan rett til å ta grunnen i bruk til vegføremålet. I slik sak vil erstatning for frukttre og andre verdiar bli vurdert/teke omsyn til i erstatningsforholdet. Samla sett finn vi at vegen er planlagt slik at ulempene er best mogleg fordelt. 5. Møre og Romsdal fylkeskommune Utdrag: Konklusjon: - Det må gjennomførast ei arkeologisk registrering før endeleg plan eventuelt kan godkjennast. - Egna uteareal for barn og unge må bli fastsett i planen. Det må gjennomførast arkeologisk registrering. Det aktuelle utbyggingsområdet innanfor reguleringsplana inneheld potensiale for funn av automatisk freda kulturminne som ligg skjult under markoverflata. Innanfor planområdet er det ein sefrakregistrert grunnmur etter eit eldre hus. Denne har ein viss kulturhistorisk verdi, men berre i lokal samanheng. Vi finn difor ikkje grunnlag for å gå imot at den vert regulert bort. JF. Plan og bygningslova 28-7 (den ubebygde delen av tomta/fellesareal) og Teknisk forskrift (TEK10) 8-1 (uteareal) og 8-4 (uteoppholdsareal), skal ein gjennom planarbeidet sikre uteareal for felles opphald og leik ute i det fri på ein slik amåte at dette arealet får tilstrekkeleg storleik, utforming og plassering i forhold til bygg, tilkomst og parkering. Når det gjeld nærare utforming og plassering av areal for opphald og leik, rår vi til at ein ser nærare på utformingskrava i Rikspolitiske retningslinjer for å styrke barn og unges interesser i planlegging/rundskriv T-2/08.. Det må innarbeidast rekkefølgjekrav som sikrar opparbeiding. Opparbeiding bør vere knyta til ferdigattest for første eining. Kommentar: Arkeologi: Det er gjennomført ei arkeologisk undersøking, jf eigen rapport. Så langt vi kan sjå ligg det ikkje føre vesentlege forhold i høve dei funna som vart gjort som er i konflikt med planframlegget. Born og unge: Leikeplassar er innarbeidde i hht dei krava som er stilt. Leikeareala er gode og tilfredstiller funksjonskrava i T-2/08. Viserelles til planomtalen. 6. Fylkesmannen i Møre og Romsdal Utdrag: Natur- og miljøvern Det går ein sti i ytterkant av pianområdet, og det må takast omsyn til denne slik at ein også etter utbygginga skal ha ein gangkorridor til friluftsområda ovanfor og bak utbyggingsområdet. Området er noko eksponert, og utbygginga må ta omsyn til dette slik at ein unngår uheldige landskapsverknader. Kommunedelplanen har retningsline om at innanfor B2 bør minst 50 % av bueiningane vere konsentrerte buformer. Det er i oppstartsvarslet gjort greie for at det er ønskje om ei lågare utnytting av arealet enn det som leggast opp til i kommunedelplanen, og ei fordeling med 40 % konsentrert og 60 % einebustader er drøfta som løysing med kommunen. Kommunedelplanen for Ørsta sentrum og Hovdebygda legg opp til nedbygging av svært mykje dyrkajord av høg kvalitet, noko som i planarbeidet var grunngjeve med stort behov for utbyggingsareal innanfor Vurdering av merknader/innspel ved forvarsling AG Plan og Arkitektur AS

Plannamn: Pe-garden bustadfelt Nasjonal arealplan-id: 15202015003 Side 4 av 8 tettstadsgrensa. Også utbygging av B2 er negativt med omsyn til tap av jordressursar. Ein føresetnad for arealbruk med så stort tap av dyrkajord som kommunedelplanen legg opp til, var at areala innanfor tettstadsgrensa skulle ha ei høg utnytting. Planen er nylig vedteken, og vi kan ikkje sjå at det ligg føre gode argument for ei lågare utnytting enn det som kommunedelplanen kviler på og som var føresetnadene for at så mykje dyrkajord skulle bli nytta til bustadbygging. Vi viser også til statlege planretningsliner for samordna bustad-, areal- og transportplanlegging, der det gjerast greie for at det i by- og tettstadsområde bør leggast særleg vekt på høg arealutnytting. Ein må legge til grunn at innanfor tettstadsgrensa til Ørsta gjer dette kravet til høg utnytting seg gjeldande i fullt monn. Kommunedelplanen gjer greie for at retningslinene skal følgjast så langt som råd. Ved eventuelt fråvik frå retningslinene skal grunngjeving gå klart fram av vedtaket/plandokumenta. Etter fylkesmannens syn, vil låg utnytting av arealet undergrave føresetnadene som kommunedelplanen bygger på. Ei arealutnytting som ikkje er i samsvar med retningslinene i gjeldande kommunedelplan, kan difor danne grunnlag for motsegn når planen kjem til offentleg ettersyn. Samfunnstryggleik Utbygginga vil medføre behov for gangveg/fortau på Ytrehovdvegen. Dette må takast høgde for som rekkefølgje krav i føresegnene. Barn og unge Fylkesmannen føreset at barn og unge sine interesser blir tatt vare på, jf. 5-1 i plan- og bygningslova og rikspolitiske retningsliner for å styrke barn og unges interesser i planleggingen. Retningslinene omtalar mellom anna kravet til fysisk utforming av leikeareal. I nærmiljøet skal det finnast areal der barn og unge kan utfolde seg og skape sitt eige leikemiljø. Areala må vere store nok og eigne seg for leik og opphald, gi høve til ulike typar leik til ulike årstider og kunne brukast av ulike aldersgrupper, samt gi høve til samhandling mellom barn, unge og vaksne. Barn sin aksjonsradius er avgrensa, og dif or er det ekstra viktig at leikeareal er lett tilgjengeleg og at det er trygt å kome seg dit. Slike areal bør ha gode soltilhøve, vere skjerma for sterk vind, forureining o.a. Der det blir etablert 5 eller fleire bueiningar, skal alle bueiningane innan 50 meter ha: nærleikeplass for dei aller minste barna. Eigna areal må vere sikra i plankart. I tillegg må føresegnene sikre følgjande: - minimum storleik på nærleikeplassen (50 m 2 pr bueining) - areal smalare enn 10m skal ikkje reknast inn i leikearealet - leikeareal skal ikkje vere brattare enn 1:3 - gode sol og vindtilhøve - areal som er sett av til køyreveg, parkering, fareområde og areal lagt med restriksjonar som hindrar barn sin frie leik skal ikkje reknast med - nærleikeplassen skal opparbeidast med minimum sandkasse, benk og eit leikeapparat - nærleikeplassen skal vere opparbeidd før første bustadeining blir ferdigstilt i kvar sine område Kommentar: Natur- og miljøvern: Kommuneplanen har lagt til grunn at det skal vere tilkomst gjennom planområdet til kringliggande LNF-område. Dette er innarbeidd i planframlegget. Eksponering uheldige landskapsverknadar: Det er søkt teke omsyn til ev. landskapsverknader særleg knytt til «brinken» i området. Leikeareal er lagt i dette området og tomtene er rimeleg store slik at bygningsmassen ikkje skal bli for omfattande: BYA er redusert frå 30% til 25% for dei to øvste tomtene. Utnytting i høve tap av dyrkajord. Den utnyttinga som kommunedelplanen har fastsett/rådgivande er lagt til grunn for planen. Samfunnstryggleik: Viser til vedtak i samfunnsutvalet. Rekkjefølgjekrav er lagt inn for del av fortauet, den delen som kan reknast som skuleveg. Barn og unge Leikeareal er lagt inn i hht merknaden, jf. også kommunen sine krav. Vurdering av merknader/innspel ved forvarsling AG Plan og Arkitektur AS

Plannamn: Pe-garden bustadfelt Nasjonal arealplan-id: 15202015003 Side 5 av 8 7. O. Hovden Lenestolfabrikk AS Utdrag: Viser til tlf med K. Gjengedal der eg gjorde kjent at eg med undring ser at det er teikna inn stipla linje også på sørsida av kommunevegen langs heile veg/parkeringsplass og eigedommen til O.Hovden Lenestolfabrikk as, g.nr 58-78. Forstår det slik at dette er planlagd gangveg/fortau. Grunneigar og initiativtakar til boligfeltet, opplyser at i møte med kommunen, var det snakk om at gangveg/fortau skulle starte der vegen frå bustad-feltet kjem inn på kommunevegen og vidare austover mot skulen. Altså på hjørnet mot nordaust på fabrikktomta. O.H.L. har tidlegare kjøpt ein trekant av naboeigen gnr 58-41, for at store køytetøy skal kunne svinge mot aust. Det er vanskeleg å forstå at trafikken over fabrikkområde vil auke meir enn på resten av Ytre- Hovdevegen mot vest, pga nytt bustadfelt. O. Hovden Lenestolfabrikk as, leiger i dag ut areal og bygningar til ca 15 ulike leigetakarar. Hovden Møbel har flytta produksjonen til Litauen, men leiger i dag ca 400 m2 til administrasjon og showrom. To av leigetakarane, (Møbelringen og Senator) disponerer rampe i kvar sin ende av bygget mot søraust og sørvest. Her er det trailertrafikk, ofte med hengar, fleire gongar pr dag, og dei lengste er avhengig av å køy re rundt bygget for å sleppe å rygge. Det meste av 1.etg er leigd ut (ca 2800 m2) men hallen (ca 500 m2) mot nord er ledig. Ved utleige kan det tenkjast at ein må sette opp port mot vegen. I båe endane av bygget har vi vist velvilje for parkering av privatbilar tilhøyrande trimmarar. Mot vest, dei som går til Ytre-hovdeåsen el Hovdevatnet. Mot søraust, dei som går på sti-nettet på sørsida av Hovdeelva. Hovden Møbel, parkerer 4-5 bilar på nordsida. Skulle det bli innskrenking på det smale område mellom bygninga/parkerte bilar og kommunevegen ville det bli trafikk-kaos. Trailerar ville få store problem, og det ville også bli store problem å levere varer med varebil til dører på bygget på nordsida. Terrenget heller, og det er ofte problematisk vinterstid. Berknes Maskin fjernar all snø mellom kommuneveg og bygning. Det gjer at område er ope og oversiktleg både for fotgjengarar og bilistar. Den store parkeringsplassen blir derfor ofte brukt som snu-plass for større køyrety, det vere seg offentlege eller private. Eg kjenner ikkje til at det har vore ulykker sjølv om det er stor trafikk ved og rundt fabrikkområdet. Det som skaper problema på Ytre-hovdevegen er den uoversiktlege svingen ved foten av «Pebakken». Det som kan vere eit kompromiss, er ei eventuell markering av gangfelt med merking på asfalten. Fysisk skilje på det smale hellande område mellom veg og bygning vil vi på det sterkaste vere imot. Det vil etter vår meining skape farlegare situasjonar enn det er i dag. Kommentar: Fortau: Fortau er avgrensa slik at det stoppar før grensa til O. Hovden Lenestolfabrikk AS sin eigedom. Dette betyr at det ikkje vil vere konfliktar mellom Ytrehovdevegen og tilkomsten til «fabrikken». 8. Samfunnsutvalet (SFU) møte 26.01.2016 Utdrag: Som grunnlag for handsaminga i Samfunnsutvalet henta rådmannen inn uttale frå Born- og ungerepresentanten og Råd for likestilling av funksjonshemma. I saksutgreiinga heiter det frå desse: Born- og ungerepresentant (BUR) BUR ber om at det vert opparbeidd gang/sykkelveg langs Ytrehovdvegen innan plangrensa. BUR ber vidare om at det vert starta eige planarbeid for regulering av GS-veg langs Ytrehovdvegen frå Ytrehovdevegen 33 til planområdet, m.a. med visning til barnetrakkregistreringa i 2011 der deler av strekninga er markert som skuleveg med eit farleg kryss. Vurdering av merknader/innspel ved forvarsling AG Plan og Arkitektur AS

Plannamn: Pe-garden bustadfelt Nasjonal arealplan-id: 15202015003 Side 6 av 8 Råd for likestilling av funksjonshemma Råd for likestilling av funksjonshemma ber om at universell utforming blir lagt til grunn i planarbeidet, og at løysingane/strategi for universell utforming blir skissert i reguleringsplanen/byggetiltaket. Samfunnsutvalet (SFU) Vedtak: Samfunnsutvalet (SFU) syner til varsel om oppstart av detaljreguleringsplan for Pe-garden bustadfelt i Hovdebygda. SFU har ikkje merknader til at det vert starta planarbeid i samsvar med overordna plan, men ser likevel eit klart behov for fortau langs Ytrehovdevegen. SFU ber om at planområdet vert utvida slik at det omfattar naudsynt areal for fortau på strekninga frå Hovden Møbel til krysset med fylkesveg 47 (ved Ervingen). SFU ber vidare om at det vert stilt krav til utbyggingsavtale og rekkefølgjekrav til utbygging på strekninga frå Hovden Møbel til første vegkryss som fører til Enokmarka. SFU viser også til gjeldande krav og retningsliner i høve leikeplassar og born- og unge sine interesser. Kommentar: Merknaden er teken omsyn til i planframlegget. 9) Statens vegvesen dat. 29.02.2016 Utdrag: Statens vegvesen har utifrå sitt ansvarsområde ingen merknad til ny melding om oppstart av reguleringsarbeid. 10) Møre og Romsdal fylke dat. 30.03.2016 Utdrag: Vi har ingen særskilte merknader til at planområdet vert utvida. Dersom ikkje særskilt tilhøve dukkar opp vil den arkeologiske registreringa kunne utførast etter gjeldande budsjett. 11) Landbrukskontoret dat. 08.03.2016 Utdrag: Av varselet går det fram at ein planlegg fortau, og ein føreset at det ikkje vert laga store rabattar og anna om tek areal. Ein føreset og at overgangane mot dyrka jord vert gode slik at ein ikkje får ulemper ved drift. Ut frå at fortauet vil vere til stor nytte for mjuke trafikantar har ein ikkje særleg merknad til varselet. Kommentar: Ingen vesentlege. 12) Margit Krøvel dat. 09.03.2016 Utdrag: Viser til brev av 09.03.16 og telefon til Deres kontor 16.03.16, der jeg gjorde oppmerksom på at jeg dessverre ikke kan være med på dette planlagte veiprosjektet. Da dette prosjektet blir et stort økonomisk anliggende beklager jeg min avgjørelse, og håper på forståelse for dette. Kommentar: I brev av 09.03.2016 fekk Margit Krøvel tilbod om å inngå i planen på vilkår av at tomta vart rekna med i areal som skal dekke kostnadene ved feltutbygginga. Svaret frå Margit Krøvel tok tiltakshavar til vitande. Vurdering av merknader/innspel ved forvarsling AG Plan og Arkitektur AS

Plannamn: Pe-garden bustadfelt Nasjonal arealplan-id: 15202015003 Side 7 av 8 I planskisse som vart sendt til og gått gjennom av kommunen/planavdelinga vart det såleis fremja ei planløysing der eigedomen 58/93 ikkje hadde tilkomst frå bustadfelt B2. Dette innebar då også at leikearealet vart dimensjonert utan denne eigedomen. Kommunen kravde likevel at eigedomen 58/93 skulle vere knytt til bustadfelt B2 ut frå planavgrensinga i kommunedelplanen. Dette slik at tomta ev kan delast. Eigedomen har i dag vegrett over 58/71 og 176 til kommunal veg. Skal tomta «kjøpe» seg inn i vegtilkomsten gjennom bustadfeltet, veg o_skv5, vil dette medføre at tomteeigar også dekkjer alle delkostnader med grunn og tekniske anlegg som feltutbygginga medfører/vert påført - høvesvis likt med tomtearealet elles i feltet. Slik vi forstår Margit Krøvel ønskjer ho ikkje slik løysing, men vil nytte den vegretten eigedomen allereie har. Grunna kravet frå kommunen er tilkomsten til eigedomen no vist som privat veg. Ut frå kommunen si vurdering vil då tiltakshavar framleis ha grunnlag for økonomisk dekning av utgifter knytt til feltutbygginga om den viste vegtilknytinga vert aktuell å bruke. Tiltakshavar legg til grunn denne forståinga og føreset då at slik tilkomst ikkje kan etablerast utan etter nærmare avtale om kjøp av grunn frå 58/10, ev. seinare definert matrikkelnr. vedkomande det aktuelle vegarealet. Planframlegget tek omsyn til tomtedeling av 58/93 ved at leikearealet i feltet er dimensjonert for ei ev. deling. 13) Geir Aamund Hovden dat. 08.04.2016 Utdrag: Det må innregulerast å byggast overgangsfelt for fotgjengarar som vist på vedlagt skisse. Overgangsfelta MÅ være opphøgde for å redusere fart. Dei nevnte plassane sin tilførsel av fotgjengarar og syklistar er delvis ikkje synleg for trafikken på Ytrhovdevegen grunna gjerder, hekkar, støyvoll og høgdeforskjellar. Dette er skuleveg for fleire born i området. Sjømyrane bustadfelt er i eit generasjonsskifte slik at det er naturleg å anta at antall skuleborn vil auke i åra framover. Det er i dag for høg fart på Ytrehovdevegen i planområdet sett i samanheng med forholda som nevnt ovanfor. I seinare år har det i tillegg vorte ein trafikkauke på Ytrehovdevegen grunna opning av Eiksundtunnellen. Dette då reisande i Hovdebygda nyttar vegen og samt andre trafikantar som vel å bruke Ytrehovdevegen for å spare tid/distanse. På grunn av redusert distanse ut mot Helgehorntunnelen opplever oppsitjarane ofte fart over fartsgrense på Ytrehovdevegen. Fartsgrensa bør setjast ned til 30 km/t då det er oversiktlig i området. Som samanlikningsgrunnlag er det på samlevegen Sætrevegen i bustadfeltet i Stryn eit stort tal fartdemparar og 30 km/t sone for å redusere farta. Kommentar: Plassering av gangfelt og korleis desse skal byggjast må følgje av ein skiltplan for vegen. Slik plan inngår ikkje i reguleringsplanen (-saka). Oppsummering dei viktigaste innspela som vedkjem planframlegget: Vi protesterer mot at vegen skal utvides sør for B2. Vegen kommer for nært huset og garasjen på gnr 58 bnr 41. Da kommunedelplanen var under planlegging, var det i utgangspunktet meningen at området sør for B2 skulle avsettes til boligtomter. Fylkesmannen mente at dette området måtte bevares som LNF-område. Da kan man ikke i etterkant bruke området til veg. Vi har også en rad med epletrær som rammer inn hagen på nordsiden av tomta. Det vil være et stort tap hvis disse må fjernes. Forslag: - Utvid vegen på vår tomt på østsiden fram til svingen. Utvid vegen på sørsiden av B2 etter svingen. Det må gjennomførast ei arkeologisk registrering før endeleg plan eventuelt kan godkjennast. Egna uteareal for barn og unge må bli fastsett i planen. Ei arealutnytting som ikkje er i samsvar med retningslinene i gjeldande kommunedelplan, kan difor danne grunnlag for motsegn når planen kjem til offentleg ettersyn. Utbygginga vil medføre behov for gangveg/fortau på Ytrehovdvegen. Dette må takast høgde for som rekkefølgje krav i føresegnene. Vurdering av merknader/innspel ved forvarsling AG Plan og Arkitektur AS

Plannamn: Pe-garden bustadfelt Nasjonal arealplan-id: 15202015003 Side 8 av 8 Forstår det slik at gangveg/fortau skulle starte der vegen frå bustad-feltet kjem inn på kommunevegen og vidare austover mot skulen. Altså på hjørnet mot nordaust på fabrikktomta. O.H.L. har tidlegare kjøpt ein trekant av naboeigen gnr 58-41, for at store køytetøy skal kunne svinge mot aust. O. Hovden Lenestolfabrikk as, leiger i dag ut areal og bygningar til ca 15 ulike leigetakarar. Hovden Møbel har flytta produksjonen til Litauen, men leiger i dag ca 400 m2 til administrasjon og showrom. To av leigetakarane, (Møbelringen og Senator) disponerer rampe i kvar sin ende av bygget mot søraust og sørvest. Skulle det bli innskrenking på det smale område mellom bygninga/parkerte bilar og kommunevegen ville det bli trafikk-kaos. Trailerar ville få store problem, og det ville også bli store problem å levere varer med varebil til dører på bygget på nordsida. Eigedomen 58/93 ønskjer ikkje å ha tilkomst frå bustadfelt B2. Oppsummering korleis innspela er tekne omsyn til i planframlegget: Etter planframlegget er den minste avstanden mellom garasjen og «anna trafikkareal» 5,5 m. (Dvs fysisk avstand til fortauet er 7,5 m). Dette stettar krava til avstand mellom garasje og off. veg. Før bygging av vegen må det ligge føre grunnkjøp eller ein annan rett til å ta grunnen i bruk til vegføremålet. I slik sak vil erstatning for frukttre og andre verdiar bli vurdert/teke omsyn til i erstatningsforholdet. Kommunen har i kommunedelplanen bestemt at det skal byggast gang- /sykkelveg/fortau langs Ytrehovdevegen. Dette er såleis avklara som prinsipp også frå landbruksmynde. Arealbruken er fordelt slik at ulempene vert minst mogleg i høve tiltaket. Slik vi ser det er eigedomane langs Ytrehovdevegen rimeleg belasta med inngrepet i høve dei samla ulempene som bygging av fortau og vegutbetringa elles vil medføre. Arkeologiske registreringar er utført. Endeleg rapport ligg ikkje føre i skrivande stund. Registringa er lagt inn på basen Askeladden. Så langt vi forstår er det enno litt usikkert kva verdi funna har, men vi «tolkar» førebels tilbakemelding frå fylkeskommunen slik at det kan vere grunnlag for å gje dispensasjon frå kulturminnelova. Endeleg rapport vil klargjere funnverdien. Planframlegget legg opp til søknad om frigjeving/dispensasjon om dei aktuelle funna vert endeleg fastsett som automatisk freda. Leikeareal er sett av i hht merknader og styrande dokument i tilknyting til plansaka. Planframlegget tek i vare kommunedelplanen sine føresetnader. Fortau inngår i planframlegget. Rekkjefølgjebestemming inngår for del av fortauet. Inngrep tilknytt O. Hovden Lenestolfabrikk AS er avgrensa til regulering av køyreveg og anna trafikkareal. Dette bør ikkje skape vanskar for drifta av eigedomen. Eigedomen 58/93 er vist tilkomst, som følgje av krav frå kommunen, men tiltaket vert ikkje å realisere utan som følgje av deling av eigedomen, jf. kommunedelplanen, og ved at det vert etablert nødvendig kjøpsavtale vedkomande areal, tilkomst og tilhøyrande anlegg. Kåre Gjengedal Siv.ing./planleggar RIF Vurdering av merknader/innspel ved forvarsling AG Plan og Arkitektur AS

Statens vegvesen AG Plan og Arkitektur AS Webjørn Svendsen gate 12 6150 ØRSTA Behandlande eining: Sakshandsamar/telefon: Vår referanse: Dykkar referanse: Vår dato: Region midt Per Norvald Walderhaug / 15/225534-6 29.02.2016 90288380 Fv. 47 - Detaljregulering - Reguleringsplan B2 - Hovdebygda gnr. 58 bnr. 10 med fleire i Ørsta kommune - Oppstart reguleringsarbeid Vi viser til e-post datert 25.2.2016 med melding av oppstart av detaljregulering av område B2 Hovdebygda gnr. 58 bnr. 10. Statens vegvesen ga i skriv av 19.11.2015 fråsegn til melding om oppstart av reguleringsarbeid til eit noko mindre avgrensa område enn det som no vert lagt fram. I den nye avgrensinga er opphavleg areal forlenga mot aust for å kunne gi areal til gang- /sykkelveg heilt fram til fylkesveg 47. Statens vegvesen har utifrå sitt ansvarsområde ingen merknad til ny melding om oppstart av reguleringsarbeid. Plan- og trafikkseksjonen Med helsing Lisbeth Smørholm seksjonssjef Per Norvald Walderhaug Kopi Fylkesmannen i Møre og Romsdal, Postboks 2520, 6404 MOLDE Møre og Romsdal fylkeskommune, Postboks 2500, 6404 MOLDE Ørsta kommune, Dalevegen 6, 6153 ØRSTA Dokumentet er godkjent elektronisk og har difor ingen handskrivne signaturar. Møre og Romsdal fylkeskommune har ansvaret for fylkesvegene, avgjør hvilke prosjekter som skal gjennomføres hvert år og gir politiske føringer for utvikling av fylkesvegene. Det er Statens vegvesen som normalt planlegger, bygger, drifter og vedlikeholder fylkesvegene på vegne av fylkeskommunen. Postadresse Telefon: 02030 Kontoradresse Fakturaadresse Statens vegvesen Vestre Olsvikveg 13 Statens vegvesen Region midt firmapost@vegvesen.no 6019 ÅLESUND Landsdekkende regnskap Postboks 2525 6404 MOLDE Org.nr: 971032081 9815 Vadsø

ØRSTA KOMMUNE INTERNT NOTAT X utan oppfølging Til: Frå: Kopi: Sak: Matias Kårstad Børild Skåra Detaljreguleringsplan for Pe-garden bustadfelt B2 Hovdebygda Saksnr / arkivkode Løpenr. Stad Dato 2015/1708 / 07 3544/2016 Ørsta 08.03.2016 Landbruksfagleg fråsegn til varsla utviding av planområde B2 i Hovdebygda Syner til oversendt varsel om utvida planområde for B2 i Hovdebygda. Av oversendinga går det fram at planområdet er utvida då det er teke med areal til fortau langs Ytrehovdevegen. Gnr 58 bnr 41 vert råka av utvidinga. Dette er ein landbrukseigedom som vart spart i kommunedelplanen for sentrum og Hovdebygda, slik at arealet framleis er avsett til landbruk. Det er difor uheldig når ein no i etterkant vil utvide B2 sørover, kort tid etter godkjenning av kommunedelplanen. Den nye plangrensa tilseier at ein vil ta dyrka jord to stader i hjørnet mot NV og i hjørnet mot SA. Totalt er om lag 0,4 daa dyrka jord innanfor plangrensa. Av varselet går det fram at ein planlegg fortau, og ein føreset at det ikkje vert laga store rabattar og anna om tek areal. Ein føreset og at overgangane mot dyrka jord vert gode slik at ein ikkje får ulemper ved drift. Ut frå at fortauet vil vere til stor nytte for mjuke trafikantar har ein ikkje særleg merknad til varselet. Med helsing Børild Skåra rådgjevar