Føresegner DETALJREGULERINGSPLAN FOR SMEDSMO Behandling Dato Sak Kunngjering av igangsetting av planarbeid 20.09.2013 Godkjenning av planprogram i Formannskapet 03.12.2013 100/13 1. gongs behandling i Formannskapet 08.04.2014 22/14 Lagt ut til offentleg ettersyn frå 08.04.2014 til 20.05.2014 08.04.2014 22/14 2. gongs behandlings i Formannskapet 05.06.2014 41/14 Godkjent av Vågå kommunestyre 17.06.2014 45/14 1. GENERELT Desse føresegnene gjeld for området innafor plangrensa på plankartet. Utbygging av området skal skje i samsvar med plankartet og føresegner. Føresegnene kjem i tillegg til det som vert bestemt i plan- og bygningslova med forskrifter. Etter at plankartet med desse føresegnene er vedteke, er det i planområdet ikkje tillate å inngå privatrettslege avtalar i strid med reguleringsføresegnene. Med låge byggverk er meint bygg med gesims- eller mønehøgd under 9,0 m. Høgde skal målast på vegg som vender mot nabobygg. Byggverk i tilknyting til eller som omsluttar campingvogner, bubilar eller liknande («spikartelt»), er omfatta av føresegnene for låge byggverk. Det er også campinghytter som kjem under nemnte høgde. Også brennbare konstruksjonar som har høgde meir enn 0,5 m over terreng (terrasser, leveggar og liknande) er rekna som ein del av byggverket. 2. REGULERINGSFØREMÅL Området er regulert til følgjande føremål: Bygg og anlegg (pbl 12-5 nr.1 ) Bustadar Fritids-/turistformål Campingplass Bensinstasjon/ vegserviceanlegg Leikeplass Kommunalteknisk anlegg Energianlegg Samferdselsanlegg og teknisk infrastruktur (pbl 12-5 nr.2) Køyreveg Anna veggrunn grøntareal
Kombinert føremål for kollektivanlegg/ parkeringsplass Grønstruktur (pbl 12-5 nr.3) Grønstruktur Turveg Vegetasjonsskjerm Omsynssoner (pbl 11-8 jf. 12-6) Frisiktsone Støysone Fareområde flaum Bevaring kulturmiljø Andre juridiske flater, linjer og punkt (pbl 12-7) Bestemmelsesområde 3. FELLES FØRESEGNER a) Bygg, anlegg og verksemder skal utformast med sikte på å sikre gode arkitektoniske løysingar og ta naudsynt omsyn til eksisterande miljø. b) Ved byggesøknad skal ein sjå til at bygningar innafor det same området får ei einsarta og harmonisk utforming med omsyn til materiale, takvinkel/ takform og farge. Bygg skal påførast farge i den mørke og varme delen av fargeskalaen. Det kan ikkje nyttast skarpe fargar som avvik sterkt frå naturfargeskalaen. For campingområdet (C1 og C2) er det gjeve eigne føresegner om farge. c) Dersom det ved tiltak i marka blir funne automatisk freda kulturminne, skal arbeidet umiddelbart stansast i den grad det rører ved kulturminna eller sikringsona kring dei på fem meter, jf. kulturminnelova 8. Melding skal snarast sendast til kulturminnestyresmaktene i Oppland fylkeskommune for at desse skal kunne kome på synfaring og ta stilling til om tiltaket kan halde fram og eventuelt vilkåra for dette. d) Byggegrense mot fylkesvegen er 30 meter målt frå senterline veg. e) Byggegrense mot riksvegen er 50 meter målt frå senterline veg. 4. BYGG OG ANLEGG 4.1. Camping (C1-C2) C2) a) Området skal nyttast til campingplass. b) Spikartelt i tilknyting til campingeininga er tillate, og er søknadspliktig tiltak. c) Spikartelt/ fortelt skal ikkje overstige størrelsen på transportabel eining. Spikartelt/ fortelt skal ikkje vera høgare enn 25 cm over transportabel eining. Spikartelt skal ha saltak som er røsta på tvers av campingvogna. d) Platting skal ikkje vera høgare enn 0,5 meter over planert terreng og skal ikkje overstige 5 m 2.
e) Det er ikkje tillate med fundamentering som føreset graving for etablering av platting/ terrasse, og desse skal leggast på terrengnivå. f) Mellom spikartelt/ transportabel eining skal det jf. TEK10 vera minimum 8,0 meter innbyrdes avstand, med mindre det er treft tiltak for å hindre spreiing av brann mellom byggverka. Dette gjeld også brennbare konstruksjonar som er høgare enn 0,5 meter. Avstanden kan vera mindre dersom bygg er skilt med brannhemmande bygningsdel. g) Transportable campingeiningar som er sett saman av campingvogn, bubil eller telt og liknande med tilhøyrande fortelt og liknande skal ha ein minste avstand på 4,0 m. Brennbare konstruksjonar med høgde meir enn 0,5 m over terrenget er rekna som ein del av campingeininga. h) Små campinghytter med eitt rom som har direkte utgang til det fri, kan ha mindre avstand enn 8,0 m utan brannhemmande bygningsdelar dersom samla bruttoareal for ei gruppe hytter maksimalt er 75 m 2. Avstanden mellom gruppene må vera minst 8,0 m dersom det ikkje er brannhemmande bygningsdelar. i) Bil som ikkje er tilrettelagt for overnatting kan settast mellom campingeiningane. j) Campingvogner og bubilar skal stillast opp slik at dei umiddelbart kan koplast på bil og fjernast ved ein eventuell brann. Drag på campingvogn må såleis ikkje byggast inn på nokon måte. k) Høgste tillatne areal for utleigehytter er BYA=60 m 2. Takvinkel skal vera mellom 20 o - 35 o. Areal for parkering skal løysast ved kvar utleigeeining, men inngår ikkje i BYA. For utleigehytter i ei etasje er høgste tillatne gesimshøgde 3,5 m over ferdig planert terreng. Det er tillate med oppstugu. På hytter med oppstugu er høgste tillatne mønehøgde 6 meter. l) Spikartelt skal ha farger som harmonerer med den transportable eininga bygget er knytt til, og skal godkjennast av campingplasseigaren. m) Minimum ei eining for overnatting (camping-/utleigehytte) skal tilretteleggast med universell utforming og skal slik vera tilgjengeleg for alle. Felles sanitæranlegg skal vera tilgjengeleg også for personar med nedsett funksjonsevne. n) Brukarar av campingplassen skal nytte tilrettelagt sanitæranlegg og elles nytte seg av godkjend vasskjelde. o) Byggegrense mot Finna samsvarar med føremålsgrense mellom VS2 og C2/ FOT1 og er minimum 15 meter og maksimum 18,5 meter slik det går fram av plankartet. 4.2. Fritids- og turistføremål (FOT1) a) Området kan leggast til rette som aktivitetsområde. Området skal ikkje nyttast til campingføremål. Området skal kunne nyttast både av campinggjestar og andre. b) Det kan førast opp installasjonar som til dømes trampolinar, bord og benkar, leikeapparat, klatretårn og liknande. Det kan etablerast badedam og leggast til rette for bruk av denne. c) På området kan det byggast basseng med høgste tillatne BYA=170 m 2. I tilknyting til bassenget kan det førast opp bygg for sanitæranlegg med høgste tillatne areal BYA=150 m 2. Sanitæranlegg kan førast opp i inntil ein etasje. Bygget skal ha saltak med vinkel mellom 22 o og 35 o, og ved byggesøknad må ein sjå til at bygningane i heile området får ei einsarta og harmonisk utforming med omsyn til materiale,
takvinkel og farge (jf. fellesføresegner pkt 3 b) Høgste tillaten gesimshøgd er 3 meter og høgste tillaten mønehøgde er 5,5 meter. d) Byggegrense mot riksveg 15 er 50 meter jf. plankartet. Innafor byggegrensa mot veg gjeld 30 i veglova. I samråd med Statens vegvesen kan kommunen gje løyve til oppføring av installasjonar som omtalt over. e) Byggegrense mot Finna samsvarar med føremålsgrense mellom VS2 og C2/ FOT1 og er minimum 15 meter og maksimum 18,5 meter slik det går fram av plankartet. f) Byggegrenser elles er synt i plankartet. g) Parkering for gjestar til aktivitetsområdet skal skje på BS1. h) Bygg og installasjonar skal haldast ved like, og også personar med nedsett funksjonsevne skal ha tilgang til området. 4.3. Bustadar (BF1-BF3) BF3) a) Byggeområde BF1-BF3 syner eksisterande bustadar. b) Bustadhus kan utvidast i inntil to etasjar og uthus og garasje i inntil ei etasje. Bygga skal ha saltak med vinkel mellom 20º og 35º, men ved byggesøknad må ein sjå til at bygningane i området får ei einsarta og harmonisk utforming med omsyn til materiale, takvinkel og farge (jf. fellesføresegner pkt. 3 b). Høgste tillatne gesimshøgde er 8,0 m. Høgste tillatne mønehøgde er 9,0 m. c) BF1: I området inngår både bustadhus og uthus/ driftsbygning. Graden av utnytting skal ikkje overstige %-BYA=11. Byggegrense 4 meter målt frå føremålsgrense eller tomtegrense, jf. plankart. d) BF2: Graden av utnytting skal ikkje overstige %-BYA=25. Byggegrense 4 meter målt frå føremålsgrense. e) BF3: Graden av utnytting skal ikkje overstige %-BYA=35. Byggegrense 4 meter målt frå tomtegrense. f) Byggegrense mot fylkesveg 452 er 30 meter. 4.4. Leikeplass (L1) a) Området skal nyttast som leikeplass for gjestar på campingplassen, og det kan førast opp installasjonar til bruk til dette føremålet. 4.5. Energianlegg (E1, o_e2) a) E1 syner målestasjon for straumforbruk knytt til campingplass og bensinstasjonsområde. b) o_e2 syner trafo. c) Areala skal berre nyttast til desse føremåla og vanleg drift og vedlikehald. 4.6. Kommunalteknisk anlegg (o_ ( o_kta1) a) KTA1 syner eksisterande kommunal pumpestasjon.
b) Arealet skal berre nyttast til dette føremålet og drift og vedlikehald av pumpestasjonen. c) Kjøretilkomst til KTA1 er via avkjørsel f_kv2, over BS1 og C1. 4.7. Bensinstasjon/ vegserviceanlegg (BS1) a) BS1 syner område for eksisterande bensinstasjon og vegserviceanlegg. b) Området skal berre nyttast til føremål som kan knytast til dette føremålet samt til utleige av dei fire leilegheitene i eksisterande bygg (bensinstasjon og vaskehall). c) Areal innafor BS1 kan kryssast for tilkomst til campingområdet og kollektivhaldeplass, pumpestasjon, trafo, samt til gnr. 65 bnr. 11 og gnr. 65 bnr. 7. d) Bygg skal ha saltak med vinkel mellom 20º og 35º. Høgste tillatne mønehøgde er 9 meter. e) Byggegrense mot fylkesveg 452 er 30 meter. Øvrege byggjegrenser på 4 meter er synt i plankartet. f) Maksimal grad av utnytting er %-BYA=15. g) Området skal vera universelt utforma og tilgjengeleg for alle. Publikumsbygg og toalett-/sanitærfunksjonar skal vera universelt utforma. h) Ved søknad om oppføring av skilt skal det leggast vekt på løysingar som tek omsyn til omgjevnader og eksisterande miljø og som gjev ei harmonisk utforming med omsyn til farge, materiale og ljossetting. 4.8. Kombinert føremål kollektivhaldeplass/ parkering (KST1) a) Området skal nyttast som haldeplass for kollektivtransport og som parkeringsplass for reisande med kollektivtransport. b) Det kan settast opp leskur og naudsynte installasjonar som er naudsynte for å bruke området til kollektivføremål. Det kan merkast opp plassar for parkering. c) Området og tilhøyrande bygg/ installasjonar skal vera universelt utforma og tilgjengeleg for alle. Minimum 10 % av parkeringsplassane skal leggast til rette og merkast for handikappa. d) Byggegrense mot fylkesveg 452 er 30 meter. Byggegrense mot riksveg 15 er 50 meter. Øvrege byggegrenser på 4 meter er synt i plankartet. e) I den grad det ikkje er til hinder for kollektivtrafikken, kan plassen nyttast som kvileplass for trailerar. 5. SAMFERDSELSANLEGG OG TEKNISK INFRASTRUKTUR 5.1. Køyreveg (f_kv1-f_kv2, f_kv2, KV3) a) f_kv1 er tilkomst til gnr. 65 bnr. 19. b) f_kv2 er felles tilkomst til bensinstasjon, camping og kollektivhaldeplass, pumpestasjon, trafo, samt til gnr 65 bnr. 11 og gnr. 65 bnr. 7. c) KV3 er tilkomst til campingområdet samt til bustadane på gnr./ bnr. 65/11 og 65/7.
5.2. Anna veggrunn grøntareal (o_vg1-o_vg5) o_vg5) a) Kan såast og plantast til med maks høgd på eventuell beplanting 0,5 meter. Elles normalt vedlikehald. Høgstamma tre, trafikkskilt og lysmaster kan plasserast innafor føremålet, dersom dei ikkje hindrar fri sikt. 6. GRØNSTRUKTUR 6.1. Grønstruktur (G1-G3) G3) a) Det er ikkje høve til å føre opp bygg innafor areala. b) G1 kan plantast til. Det skal vera fri tilgang og det kan settast ut bord og benkar i området. c) G2 skal fungere som buffer mellom vegareal og turveg. Kan plantast til. d) I G3 kan det førast opp gjerde. Utføringa skal vera i tre, til dømes skigard, og det er ikkje tillate å føre opp trådgjerde eller liknande. 6.2. Turveg (TV1-TV2) TV2) a) TV1 skal haldast fri for vegetasjon i ei breidde på to meter. b) TV2 skal opparbeidast med universell utforming med breidde på to meter. Dekket skal vera fast og turvegen skal elles haldast ved like slik at den er farbar for alle. Det stillest ikkje krav til brøyting av turvegen vinterstid. 6.3. Vegetasjonsskjerm (VS1-VS2) VS2) a) I områda sett av som vegetasjonsskjerm skal trær og busker og anna vegetasjon ikkje takast bort, men det kan drivast vanleg vedlikehald av vegetasjonen. Vegetasjonen kan berre fjernast i tilknyting til naudsynt arbeid og vedlikehald knytt til forbygginga, eller for å sikre naudsynt framkome langs forbygginga. b) Det skal vera fri tilkomst og det skal ikkje førast opp bygg innafor føremålet. c) I VS2 kan det førast opp gjerde. Utføringa skal vera i tre, til dømes skigard, og det er ikkje tillate å føre opp trådgjerde eller liknande. Gjerdet skal ikkje vera til hinder for tilkomst til forbygginga langs Finna og skal heller ikkje hindre naudsynt framkomst langs forbygginga. d) Det kan ikkje setjast opp master, pålar eller andre installasjonar som enten reduserer funksjonen til forbygginga (sikringsanlegget) eller som hindrar tilgangen til anlegget. Innafor areal som omfattar sikringsanlegg (forbygginga) kan det ikkje vere vegetasjon som har stammestorleik på meir enn 10 cm i diameter. 7. OMSYNSSONER 7.1. Bevaring kulturmiljø (H570_1-H570_5) H570_5) a) Områda er regulert til bevaring av bygningar.
b) Riving er ikkje tillate. Tiltak ut over vanleg vedlikehald er søknadspliktig. Tradisjonelle metodar og materiale skal nyttast ved istandsetting, og tilbygg skal tilpassast eksisterande bygg. c) Tiltak skal sendast kulturminnestyresmaktene for uttale og det skal leggast vekt på uttale frå desse. 7.2. Frisiktsoner (H140_1-H140_2) H140_2) a) I området mellom frisiktline og køyreveg (frisiktsona) skal det vera fri sikt i ei høgd på 0,5 meter over nivået til dei tilstøytande vegane. Inn- og utkøyringar skal vera oversiktlege og mest mogleg trafikksikre. Høgstamma tre, trafikkskilt og lysmaster kan plasserast i frisiktsona, dersom dei ikkje hindrar fri sikt. 7.3. Faresone flaum (H320_1-H320_2) H320_2) a) Fareområda syner potensiell faresone for ein 200-årsflaum. b) Innafor faresona skal det ikkje førast opp bygg for varig opphald. c) Området er oppbygd i tilknyting til utbygging av ny riksveg 15 i 2006, og samsvarar ikkje med høgdekotene som finst i kartgrunnlaget. 7.4. Støysone, gul (H220_1-H220_2) H220_2) a) Eksisterande bustad i BF1 ligg innafor H220-2. Eventuelt påbygg bør fortrinnsvis byggast utanfor støysone. Dersom krav til utandørs støynivå ikkje blir oppfylt, må det synast og dokumenterast tiltak for å oppfylle krava i rundskriv T-1442 frå MD dersom det skal gjerast tiltak på eksisterande bustadar. 7.4 Støysone, raud (H210_1) a) Det er ikkje opna for etablering av nye bygg med støyfølsame funksjonar innafor sona. BESTEMMELSESOMRÅDE (reguleringsføresegn 8) a) Området synt i plankartet skal nyttast som tilkomst til Finna i beredskaps- og krisesituasjonar. b) Området skal haldast fritt i ei breidde på 3 meter. Med dette er meint at arealet ikkje skal plantast til, og det skal ikkje førast opp bygg eller andre installasjonar som til dømes campingvogner eller gjerde i det synte området.