REGULERINGSPLAN FOR ÅMOT PlanID FØRESEGNER

Transkript

1 REGULERINGSPLAN FOR ÅMOT PlanID FØRESEGNER Reguleringsplanen vart vedteken i kommunestyret , stadfest av fylkesmannen i brev , revidert (sjå plankart). Mindre endring av føresegnene vart vedteken i plan- og miljøutvalet , sak 11/44 og , sak 11/76. 1 Det regulerte området er på planen vist med reguleringsgrense. Innanfor denne avgrensingslina skal utbygging skje som vist på planen. Møneretninga vert rekna i lengderetninga av huset. Byggeområde for bustader 2 Bygningsrådet kan tillate andre former for bustadhus enn det som er vist på planen, under føresetnad av at det gjennom tomtedeling vert fastsett tomteeiningar som etter bygningsrådet sitt skjønn høver til innpassing i den bustadforma det gjeld. Bygningsrådet kan i så fall krevje utarbeidt tomtedelingsplan for heile kvartalet før byggemelding for eit einskild bygg vert handsama. Bygningar kan førast opp i inntil 2 etasjar, der lendet ligg til rette for det. 3 a. Største rafthøgde for 2-etasjes hus er 6m, for 1-etasjes hus 3,5 m. b. Der lendet ligg til rette for det kan Bygningsrådet når det gjeld 1-etasjes hus, tillata bustadrom innreidd i sokkeletasje innanfor den ramma bygningsforskriftene gjev. Rafthøgde på sokkelsida må då ikkje vera over 5,5 m. c. Rafthøgda mæler ein frå ferdig planert grunn slik bygningsrådet fastset det. For bygningar langs ein vegstrekning kan bygningsrådet fastsetje rafthøgder i høve til høgda på vegbanen. 4 a. Bygningar skal ha saltak. Takvinkelen skal normalt vera 22,5-25. Bygningar som ligg i same bygningsflukt skal ha same takvinkel. b. Det er ikkje tillatt med arkar eller nedskjæringar i takflata. c. Taktekking skal ha matt og mørk verknad og varsame fargar. Papptekking og bylgjeplatar i metall er ikkje tillate. 5 a. Som ytterkledning skal nyttast tømmermannspanel- På hus med sokkeletasje skal fri vegg i full høgde i sokkeletasjen vera markert inntrekt og helst ha same ytterkledning som hovudetasjen. grunnmur og vegg i sokkeletasje kan ikkje vera i kvit eller gul murstein. b. Som utvendig behandling skal nyttast beis eller måling i varme fargetonar. Kvitt og andre skarpe farger i grønt, gult, blått og raudt skal ikkje brukast. Utvendig farge skal godkjennast av bygningsrådet. 1

2 6 a. Garasjar og /eller uthus skal tilpassast bustadhuset i form og farge. Garasje kan byggast opp til 70m² BYA, det er høve til å innreie loftsrom. Mønehøgda skal ikkje overstiga 5,5 meter, takvinkel skal ligge mellom 22 og 38 grader. b. Det skal på eigen grunn avsetjast plass for minst ein garasje pr bustad + ein oppstillingsplass pr bil. På stader der desse krava av terrengmessige eller andre grunner er særs vanskelege eller kostbare å fylle, kan bygningsrådet gjere unntak. c. I samband med byggemelding skal byggherren syte for at plassering av garasje og/eller uthus er teikna inn på situasjonskartet jamvel om dette ikkje skal byggjast samstundes som bustadhuset. Dei kan innanfor føresegnene i bygningsforskriftene byggjast i nabogrense. Endeleg plassering vert fastsett av bygningsrådet. 7 Butikkar eller andre verksemder skal ikkje drivast i området. Bygningsrådet kan gjera unntak frå dette dersom det etter rådet sitt skjønn ikkje førar til ulemper for trafikken eller dei som bur rundt. 8 a. Dei delane av tomta som det ikkje vert bygd på, skal såast og plantast til. Opphavleg verdifull vegetasjon skal så langt råd er, takast vare på ved graving på tomta og plassering og oppføring av bygningar. Ved nyplanting skal ein sjå til at dette ikkje kan verta til ulempe for trafikk eller grannar. b. For hus som naturleg høyrer saman i ei gruppe eller rekkje, kan bygningsrådet krevje utarbeidd ein felles plan for utforming og tilplanting av tomtene. c. I samband med byggemelding bør byggherren syte for at det på situasjonskartet er teikna inn korleis tomta er tenkt planert. der opphavleg terreng føres med seg støttemurar mot veg og grannetomt, kan bygningsrådet krevje at planeringslinjene lyftast eller senkast, eller at ein nytar skråningar som regulerar høgda av støttemuren. d. På situasjonskartet skal ein syne avkøyrsle til tomta, og elles bør plass for søppelstativ, stativ for klæstørk m.v. synast. 9 Det kan setjast opp gjerde på maks 0,8 m inkludert sokkel. 10 Maksimal tillatt utnytting er grunnflata av bygningane rekna i høve til nettoarealet av kvar tomt, og er medrekna garasje/uthus. Einebustader 20 %, eventuelle rekkehus 30%, eventuelle kjede/atriumhus 35%. Byggeområde for handel og service og offentlege bygg. 11 Bygningar skal førast opp i dei materialar og med den brannseksjonering som forskriftene krev i høve til kva slags bygning det er, etasjetal og grunnflate. 2

3 12 Bygningar kan ikkje førast opp i meir enn 3 etasjar. Største gesimshøgde som kan godkjennast er 11 meter. 13 Bygningane skal ha god form og materialverknad, og utbygging skal vera harmonisk og einskapleg. Bygningsrådet skal ha dette for auga ved si handsaming av byggemeldingar. Bygningsrådet skal godkjenne utvendig materialval og fargar. 14 Området kan delast etter det kvar bedrift treng, etter grenser som i kvart tilfelle skal godkjennast av bygningsrådet. Grunnstykka skal ha mest mogleg regelmessig form. 15 Det må avsetjast turvande grunn på eigen grunn til lasting og lossing, og personkøyring til og frå. For kontor- og forretningsbygg må der avsetjast ein parkeringsplass pr 50 m2 brutto golvflate. For anna verksemd fastset bygningsrådet krav om parkeringsplass avhengig av kva slag verksemd det er. 16 a. Vegar og plassar skal opparbeidast på ein fullgod permanent måte for deira bruk, med fast dekke med turvande avløp for overflatevatn. b. Areal som ikkje vert nytta til veg, plass eller husplassering, skal såast og plantast til, og haldast vedlike med turvande slått o.l. c. For areal som ligg opptil kvarandre og kan sjåast i samanhang, kan bygningsrådet krevje ein sams plan for opparbeiding, tilsåing og planting. 17 I samband med byggemelding skal byggherren leggje fram situasjonskart som syner bygningar, avkøyrsle, vegar, parkeringsplassar, og det ikkje utbygde areal med planering og handsaming av terrenget. Byggeområde for industri 18 Bygningar skal førast opp i dei materialar og med den brannseksjonering som forskriftene krev i høve til kva slags bygning det er, etasjetal og grunnflate. 19 Bygningar skal ikkje vera over to etasjar, eller ha gesimshøgde over 8 m. Bygningsrådet kan gjera unntak frå dette. der den verksemda som skal drivast, krev særlege bygningshøgder. 20 Verksemder som etter bygningsrådet sitt skjønn kan føre til ulemper for grannar, kan av bygningsrådet verta vist til anna industriareal i kommunen. 3

4 21 Bustadar er ikkje tillatt. Bygningsrådet kan i særlege høve gjeva løyve til bustad for vaktmeister, under føresetnad av at helserådet gjev si godkjenning. 22 a. Bygningar som ligg i same byggeflukt, skal så sant det er mogleg, ha same takvinkel eller takform. Bygningar som ligg i same gruppe skal så sant det er råd, gjevast same mørke, varne fargar. Skarpe fargar i kvitt, blått, gult, raudt eller grønt er ikkje tillatt. b. Taktekking skal ha matt og mørk verknad. dette gjeld og eventuell tekking med metallplater. 23 Områda kan delast etter det som er turvande for kvar einskild verksemd, etter grenser som i kvart høve skal godkjennast av bygningsrådet. Grunnstykka skal ha mest mogleg regelmessig form. Ved utparsellering skal det sytast for god køyrbar veg til kvar einskild tomt. 24 Bygningane skal ha så god form og materialverknad som deira funksjon gjer det mogleg, og utbygginga skal vera einskapleg og harmonisk. Bygningsrådet skal ha dette for auga ved si handsaming av byggemeldingar. Bygningsrådet skal godkjenne utvendig materialval og fargar. 25 a. Det må avsetjast turvande plass på eigen grunn for lasting og lossing. Bygningsrådet lan krevje ein parkeringsplass pr 50 m2 brutto golvflate. For verksemder som førar ned seg særleg mykje trafikk, kan byggingsrådet auke dette kravet. b. Vegar og plassar skal gjevast i skikkeleg og permanent opparbeiding for deira bruk, med turvande avløp for overflatevatn. c. Område mellom offentleg veg og byggeline kan ikkje nyttast som opplagsplass, men såast til og haldast vedlike med turvande slått m.v. Bygningsrådet kan gjeva løyve til at ein del av dette ver nytta til bilparkering, der det ikkje medfører ulemper for trafikk med dårleg fri sikt. 26 Opphavleg og verdifull vegetasjon mellom byggeline og offentleg veg skal takast vare på. Dette gjeld og vegetasjon inne på den einskilde tomt, dersom det ikkje kjem i vegen for turvande graving, oppføring av bygningar eller vegar og opplagsplassar. 27 I samband med byggemelding skal byggherren leggje fram situasjonskart som syner bygningar, avkøyrsle, vegar, parkeringsplassar, lagerareal og det ikkje utbygde areal med planering og handsaming av terrenget. 4

5 Landbruksområde 28 I landbruksområde kan bygningsrådet gjeva løyve til bygging av hus, driftsbygningar og andre anlegg som har samanhang med bruken av arealet til landbruk. Andre bygningar eller anlegg skal ikkje byggjast eller drivast. Friområde 29 I friområda kan bygningsrådet gjeva løyve til bygging av hus eller andre anlegg som naturleg har samanhang med bruken av områda, td badeplass med stupebrett, barnepark med lokale o.s.b. Sams føresegner 30 Ved sida av desse reguleringsføresegnene kjem føresegnene i bygningslova og bygningsvedtekter for Vinje kommune til bruk. 31 Bygningsrådet kan gjera unntak frå desse reguleringsføresegnene innanfor ramma av bygningslovgjeving og bygningsvedtekter, når særlege grunnar talar for det. 32 Etter at reguleringsføresegnene er sette i kraft, er det ikkje tillatt med private servitutt å skape tilhøve som strid i mot desse reguleringsføresegnene. 5