HORDALAND FYLKESKOMMUNE Regionalavdelinga Planseksjonen Arkivsak 200702612-59 Arkivnr. 712.T07 Saksh. Bakke, Tord, Bjørgo, Tore Saksgang Samferdselsutvalet Kultur- og ressursutvalet Fylkesutvalet Fylkestinget Møtedato 07.09.2011 20.09.2011 22.09.2011 18.10.2011-19.10.2011 VEDTAK AV REGIONAL PLAN FOR HARDANGERVIDDA 2011-2025 SAMANDRAG Fylkesutvala i Hordaland, Buskerud og Telemark vedtok i januar og februar 2011 å leggje forslag til Regional plan for Hardangervidda ut til høyring og offentleg ettersyn. Fylkesutvala i dei tre fylka gjorde parallelle vedtak. Høyring og offentleg ettersyn er nå gjennomført. Styringsgruppa for planarbeidet har drøfta innkomne merknadar og revidert planforslaget på bakgrunn av dette. Det er ei samrøystes styringsgruppe som har oversendt revidert planrapport og revidert plankart for slutthandsaming i fylkesutvala og fylkestinga. Planprosessen har vore grundig med gode arenaer for medverknad, og problemstillingar har vorte avklara undervegs. Det er ei samrøystes styringsgruppe, med alle gjeldande ordførarar, sentrale fylkespolitikarar, alle fylkesmenn og leiinga i villreinnemnda som deltakarar, som stiller seg bak planforslaget. Fylkesrådmannen rår til å vedta planen i samsvar med styringsgruppa si anbefaling 9. juni 2011.
FORSLAG TIL INNSTILLING 1 I medhald av plan- og bygningslova si 8-4 vedtek fylkestinget i Hordaland Regional plan for Hardangervidda, plankart og planrapport datert 9. juni 2011. 2 Fylkestinget ber om at det i samarbeid med Buskerud og Telemark fylkeskommunar blir lagt fram ei eiga sak om vidare oppfølging av handlingsprogrammet. 3 Vedtaket blir gjort under føresetnad av at Buskerud og Telemark fylkeskommunar gjer likelydande vedtak. 4 Fylkestinget ber rådmannen kome tilbake med sak om oppfølging av planen sitt handlingsprogram. Paul M. Nilsen Jan Per Styve Vedlegg: 1. Planrapport - Regional plan for Hardangervidda 2011-2025, datert 9. juni 2011 2. Plankart - Regional plan for Hardangervidda 2011-2025, datert 9. juni 2011 3. Høyringsuttaler: http://www.fylkesdelplan-hardangervidda.no/default.aspx?articleid=99803&menuid=14766 2
FYLKESRÅDMANNEN, 03.08.2011: Bakgrunn Miljøverndepartementet ga fylkeskommunane i brev datert 12. april 2007 i oppdrag å utarbeide ein plan for en helhetlig forvaltning av fjellområder som er spesielt viktige for villreinens framtid i Norge. Planane skulle fastsette langsiktig arealforvaltning som balanserer bruk og vern for de aktuelle fjellområdene med influensområder. Hardangervidda er eit av fleire fjellområde der slike planar blir utarbeidd. Hordaland er i tillegg involvert i regionale planar for Setesdalsheiane og Nordfjella. Planarbeidet for Hardangervidda har gått føre seg sidan årsskiftet 2007/2008. Fylkesutvala i Hordaland, Telemark og Buskerud fylkeskommunar vedtok i januar/februar i år å leggje forslag til Regional plan for Hardangervidda ut til høyring og offentleg ettersyn. Det blir vist til denne saken for meir informasjon om planprosessen fram til då og om planforslaget som vart sendt på høyring (FUV-sak 9/11). Tidlegare handsaming i Hordaland fylkeskommune. FUV-sak 178/07 Oppnemning av medlemmar til styringsgruppe, følgjande vart oppnemnd: o Magnar Lussand o Berit Eldøy FUV-sak 161/08 vedtak om høyring av planprogram FUV-sak 288/08 Vedtak av planprogram FUV-sak 27/09 Nytt vedtak av planprogram etter avvikande vedtak i Telemark fylkeskommune, og utsetting av sak i Buskerud fylkeskommune FUV-sak 211/10 Intern førehandsvurdering av høyringsforslag FUV-sak 9/11 Vedtak om høyring av planforslag Det er ingen strid mellom tidlegare vedtak og det planforslaget som no føreligg. Høyring og offentlig ettersyn Høyringsperioden var frå 10. februar til 1. april. Det vart sendt ut brev om høyringa til offentlege instansar, lag og organisasjonar, samt jaktvald i området. Høyringa vart også kunngjort i aktuelle aviser i planområdet. Høyringsdokumenta var tilgjengelig på internett og på alle kommunehus i dei aktuelle kommunane og fylkeshusa. Meir informasjon om høyringa er å finne på planarbeidet si nettside: www.fylkesdelplan-hardangervidda.no (oppslag datert 10.02.2011). Det kom inn 69 høyringsuttalar. Til styringsgruppemøte 9. juni 2011 vart det utarbeida ei samanstilling av uttalane med kommentarar til kvar enkelt av desse. Denne samanstillinga, sjølve høyringsuttalane, samt referat frå styringsgruppemøtet kan leses på nettsida (oppslag datert 05.07.2011, vedlagt). Revidert plankart og planrapport Med bakgrunn i høyringa vedtok styringsgruppa nokre endringar i kart og i planrapporten både i retningslinjene (kap. 8.3) og elles i rapporten. Det viktigaste blir oppsummert her: Kartinnhald: Areal ved Sundet, ved Møsvatn i Tinn kommune, er omdefinert frå sone for fjell og anna utmark (sone C) til sone for fjell- og fjordbygd (sone E) Ein del av det nasjonale villreinområdet ved Falkeriset i Vinje kommune, er også definert som omsynsone friluftsliv. Avgrensinga av reiselivssona (sone G) ved Vågslid i Vinje kommune, er utvida til å omfatte heile gjeldande kommunedelplan for området. 3
Stølsdal (sone D) ved Røldal, i Odda kommune, er omdefinert til sone for fjell- og fjordbygd (sone E). Villreinen sine trekkvegar blir vist på plankartet som informasjon for m.a. å synliggjere samanhengen mellom dei ulike regionale planane. I tillegg er det gjort nokre mindre korrigeringar i sonegrensa ved Dagali skisenter i Hol kommune og ved Skinnarbu i Tinn kommune, samt planavgrensing i Husvolddalen i Tinn. Alle endringane blir vurdert som å vere så avgrensa at ny høyring ikkje er påkravd. Styringsgruppa anbefaler vidare at nokre konkrete og meir omfattande arealspørsmål skal drøftast ved neste rullering. Dette er angjeve i handlingsdelen (s. 50). Soner på kartet Plankartet er basert på ei sonering av planområdet. Nærare skildring av sonene er å finne i retningslinjene til planen kap. 8.3. Følgjande soneinndeling er brukt: 4
Frå to kart til eitt plankart: Under høyringa vart det lagt fram to kart, eitt temakart med arealsoner og eitt plankart: Arealsonekartet er det kartet planprosessen heile tida har arbeidet ut i frå, og med ein omgrepsbruk i samsvar med omgrepa brukt i planrapporten. Plankartet vart utarbeida rett før høyringa, og vart utforma etter Miljøverndepartementet sine nasjonale teiknereglar for arealplanar (tilpassa kommuneplannivå). Dette plankartet vart laga for å tilpasse den regionale planen til desse formelle reglane og departementet sitt ønskje om standardisering av ulike plankart. Det innebar bruk av andre omgrep og annan kartografi, men intensjonen var å vise det same planinnhaldet. Høyringa viste at det var ein dårlig løysing å ha to kart. Sjølv om intensjonen var å vise same planinnhald, medførte bruk av to kart nokre mistydingar og noko usikkerheit. Etter nærare drøftingar med Miljøverndepartementet etter høyringa, aksepterte dei at denne generasjon regional plan ikkje treng å nytte dei nasjonale teiknereglane. Men dei kravde nokre justeringar for at dei pågåande regionale planprosessane til ein viss grad skal samstemmast. Med bakgrunn i dette anbefaler styringsgruppa eitt plankart med nokre mindre justeringar. Dei viktigaste endringane er at det tidlegare omgrepet arealsone er byttet ut med omsynssone, at nasjonalt villreinområde har fått ein standard grønfarge, at verneområde er vist med standard ruteskravur og at villreintrekk mellom ulike planområde er vist på kartet. Endringar i tekstdelen: Det er gjort ein del mindre korrigeringar. Dei litt større blir kommentert nedanfor: Kap. 5.6 er endra frå Samferdsel til Infrastruktur, og supplert med avsnitt om Energi som gir oversikt over dei største reguleringar og overføringsleidningar i planområdet. Kap 8.1 er skrevet noko om pga. endringa frå to til eitt kart. I retningslinjene, kap. 8.3, o tydeliggjerast intensjonane om gjennomgåande grøne strukturar i sonene for reiseliv og fritidsbustader ( 2.1) inga utbygging over tregrensa eller i øvre skogbelte ( 3.6 og 3.7) omsynet til kulturminnevern ( 2.1) varsemd av omsyn til villrein ( 2.2, 2.3, 2.4) o reduserast perioden med vinterstengt veg over Imingfjell (Fv124) noko ved å settje 30. november som dato for dette ( 2.3) o kravet til stig- og løypeplanar mjukast noko opp ( 3.6 og 3.7) Handlingsdelen (kap 9) o påpeikar ein del konkrete arealspørsmål som bør drøftast ved første rullering o setter Lufsjåprosjektet med høg prioritet o utvidar og tydeliggjer prosjektet Friluftsliv som tar hensyn til villrein noko. Konsekvensutgreiinga (kap. 10) Som oppføljing av høyringa vart det gjennomført ei konsulentutgreiing om naturmangfald som konsekvens av ny naturmangfaldlov (vedteke 2009). Konklusjonane frå dette er teke inn i rapporten (s. 58). Planprosess Det planforslaget som nå føreligg er eit resultat av ein omfattande prosess leia av ei engasjert styringsgruppe med alle gjeldande ordførarar, sentrale fylkespolitikarar, alle fylkesmenn og leiinga i villreinnemnda som deltakarar. Prosessen har hatt brei medverknad med gode lokale prosessar i dei aktuelle kommunane, ei intern førebels høyring i 2010 og til slutt offentleg ettersyn og høyring i 2011. I siste styringsgruppemøte den 9. juni 2011 var det voteringar over nokre få enkeltspørsmål. Viktigast her var alternative forslag knytt til vinteropen veg over Imingfjell og avgrensing av nasjonalt villreinområde ved Grungedalstangen i Vinje og i Valldalen i Odda. Det var likevel ei samrøystes 5
styringsgruppe som til slutt samla seg om planen. Problemstillingane kring Valldalen er mellom dei arealspørsmåla som styringsgruppa anbefalar drøfta i første rullering. Arbeidet har vore prega av ei styringsgruppe der alle partar har lytta, drøfta og ønskja å finne løysningar det er semje om. Planen sin verknad og vidare oppfølging av handlingsprogrammet 1 i retningslinjene fastslår at det regionale plankartet og retningslinjene er retningsgivande for vidare kommunal planlegging. Det blir forventa at kommunane legg dette til grunn i vidare kommunal planlegging, og at regionale styresmakter uttaler seg til kommunane sine planer med bakgrunn i dei same føringane. Tidlegare godkjente og gjeldande kommuneplanar og reguleringsplanar innanfor planområdet skal gjelde uavhengig av denne planen ( 1). Det er utført konsekvensutgreiing i samsvar med planens detaljeringsnivå. Planforslaget legg ikkje opp til endringar som medførar nemneverdig negativ konsekvens for dei elementa som har vore vurdert. Handlingsprogrammet (kap. 9.) skisserer ei rekkje oppfølgingspunkt, både av forvaltningsretta, planretta og kunnskapsretta art. Realisering av dette krev både organisering og økonomi. Rådmannen vil i samarbeid med dei to andre fylkeskommunane komme tilbake med ei politisk sak om oppfølging av handlingsprogrammet og kostnader knytt til dette snarast mogleg etter slutthandsaminga. I saka vil det kome ei avklaring i forhold til vidare koordinering og oppfølging av handlingsprogrammet. Handlingsprogrammet inneheld desse punkta: Etablere Hardangerviddarådet (Fylkeskommunane) Rullere regional plan for Hardangervidda (Fylkeskommunane) Kommunal planoppfølging (Kommunane) Samferdsel over Hardangervidda (Hardangerviddarådet) Fjellandbruket (Hardangerviddarådet) Kommunale stig- og løypeplanar (Kommunane) Kommunale motorferdselsplanar (Kommunane) Utmarksnæringar i Landbruks-, natur og friluftsområde (Fylkeskommunane) Villreinens arealbruk (Fylkeskommunane) Lufsjåtangen (Fylkeskommunane) Friluftsliv som tek omsyn til villrein (Fylkeskommunane) Ferdsel og verknad på villrein (Fylkeskommunane) Kartlegging av fritidsbruk og opplevingar (Fylkeskommunane) Villrein som reiselivsattraksjon (Fylkeskommunane) Miljøsertifisering av reiselivet (Kommunane) Gondolbane ved Odda (Odda kommune) Konklusjon Fylkesrådmannen rår fylkestinget til å vedta planen i samsvar med styringsgruppa si anbefaling 9. juni 2011. Dersom fylkestinget er usamd i planforslaget eller forslag til vedtak, anbefaler fylkesrådmannen at fylkesutvalet sender saka tilbake med endringsforslag. Styringsgruppa, eventuelt ei nyoppnemnd styringsgruppe, bør i så fall igjen komme saman for å vurdere endringsforslaget og deretter fremje nytt forslag til politisk slutthandsaming. Dette fordi det er sterkt ønskjeleg at dei tre fylka vedtek planen likelydande. 6