REGIONAL PLAN FOR NORDFJELLA - HØYRING OG OFFENTLEG ETTERSYN

Transkript

1 HORDALAND FYLKESKOMMUNE Fylkesrådmannen Arkivsak Arkivnr. 712 Saksh. Taule, Eva Katrine Saksgang Møtedato Fylkesutvalet REGIONAL PLAN FOR NORDFJELLA - HØYRING OG OFFENTLEG ETTERSYN SAMANDRAG Fylkesutvalet i Hordaland vedtok 10. november 2011 Planprogram for Regional plan for Nordfjella. Tilsvarande vedtak vart fatta av fylkesutvala i Buskerud og Sogn og Fjordane, høvesvis 29. november 2011 og 14. desember Styringsgruppa for planarbeidet har gjennomført planprosess i høve til hovudtrekka i planprogrammet og har samla seg om eit planforslag. Fylkesrådmannen rår til at fylkesutvalet vedtar å leggje ut styringsgruppas planforslag til høyring og offentleg ettersyn. FORSLAG TIL VEDTAK 1. Fylkesutvalet legg forslag til Regional plan for Nordfjella, datert , ut til høyring og offentleg ettersyn med høyringsfrist 1. november Høyringsdokumenta består av plankart og planrapport med retningslinjer. 2. Aktuelle kommunar, statlege etatar med ansvarsfelt i planområdet, grunneigarorganisasjonar, næringsorganisasjonar, natur-, miljø- og friluftsorganisasjonar samt andre organisasjonar med interesser i området får skriftleg melding om høyringa. Høyringa skal kunngjerast i alminneleg leste aviser i dei aktuelle kommunane. Høyringsdokumenta vert lagt ut på internett. 3. Fylkesutvalet føreset at resultatet frå høyringa vert drøfta i styringsgruppa og innarbeidd i revidert versjon før planen kjem til slutthandsaming i dei tre fylkeskommunane. Saka skal da leggjast fram for dei tre fylkesutvala som gjer framlegg om slutthandsaming i dei tre fylkestinga. 4. Høyringa vert gjennomført under føresetnad om likelydande vedtak i fylkestinga i Buskerud og Sogn og Fjordane. Rune Haugsdal Fylkesrådmann Bård Sandal Regionaldirektør

2 Vedlegg: 1. Plankart Regional plan for Nordfjella - A3 Høyringsutgåve Nordfjella planrapport (med retningslinjer) Høyringsutgåve

3 FYLKESRÅDMANNEN, : Bakgrunn for saka Miljøverndepartementet gav fylkeskommunane i brev datert 12. april 2007 i oppdrag å utarbeida planar for «en helhetlig forvaltning av fjellområder som er spesielt viktige for villreinens framtid i Norge». Planane skulle «fastsette langsiktig arealforvaltning som balanserer bruk og vern for de aktuelle fjellområdene med influensområder». Nordfjella er eit av fleire fjellområde der slike planar vert utarbeidd. Hordaland, Sogn og Fjordane og Buskerud fylkeskommunar samarbeider om å løysa dette oppdraget for Nordfjella. Planen involverer følgjande kommunar: Voss og Ulvik i Hordaland fylke Aurland og Lærdal i Sogn og Fjordane fylke Hol, Ål og Hemsedal i Buskerud fylke Planprosess Arbeidet er leia av ein styringsgruppe sett saman av alle ordførarane (eller annan sentral politikar) i dei aktuelle kommunane, to fylkespolitikarar frå kvar av dei tre fylkeskommunane, ein person frå leiinga ved kvart fylkesmannsembete, samt leiar av villreinnemnda. Runolv Stegane frå Buskerud er leiar i styringsgruppa og Mona Haugland Hellesnes frå Hordaland er nestleiar. Ei administrativ gruppe med deltakarar frå dei same instansane følgjer også planprosjektet tett. Administrativ prosjektleiing sit i Buskerud fylkeskommune. Likelydande planprogram for Regional plan for Nordfjella vart vedtatt av fylkesutvala i dei tre fylka i november/desember Dette omhandlar nasjonale, regionale og lokale føringar for planarbeidet og gir rammer for gjennomføringa av planprosjektet. Planprogrammet er hovudsakleg følgt opp, men det er gjort naudsynte praktiske tilpassingar undervegs. Ein viktig føring for planarbeidet ut i frå Miljøverndepartementets invitasjon, har vore å utarbeida ein plan som både tar vare på villrein og som legg til rette for næringsutvikling i fjellområda. Likeeins har felles kommunedelplan for villrein i Nordfjella frå 1998 gitt viktige føringar. Det er gjennomført fleire faglege utgreiingar som har styrka kunnskapsgrunnlaget for planarbeidet. Kommunane har spilt ein sentral rolle i utforming av planforslaget. Dei har gjennomført lokale prosessar for å «få på bordet» kva som er viktig lokalt, og fatta lokalpolitiske vedtak knytt til dette. Fylkesmannen og villreinnemnda har også vore viktige premissgjevarar i dialogen om utforming av planforslaget. Ei førebels drøftingsutgåve av samla planforslag (datert januar 2013) var på intern høyring til kommunane, fylkesmenn, villreinnemnda og fylkeskommunane (alle aktørar i styringsgruppa) sist vinter og vår. Føremålet var at styringsgruppas medlemer skulle ha høve til å sjekke ut forslaget «på heimebane». For kommunane var det viktig å sjå korleis deira innspel var handtert inn i det samla planforslaget. For dei regionale aktørane var det viktig å sjå til at nasjonale føringar var godt nok ivretatt. For alle aktørar var det viktig å sjå sine særlege ansvarsområde i ein større samanheng. Med bakgrunn i denne høyringa vart planforslaget justert og drøfta i styringsgruppa i møte 6. og 7. juni Føreleggjande planforslag inneber ein del kompromiss for å komme fram til semje, men heile styringsgruppa stillar seg bak forslaget. 3

4 Planforslaget Plandokumenta består av: Planrapport med retningslinjer Plankart (M 1: i A1-format) Planrapporten inneheld desse kapitla: 1. Rammer for prosjektet 2. Mål for planarbeidet 3. Om lokalsamfunn, natur og kultur 4. Planprosess 5. Konkurrerande arealbruk 6. Planskildring 7. Handlingsplan 8. Konsekvensutgreiing Planens viktigaste føringar ligg i plankartet som viser ulike arealbrukssoner og i rapportens kap.6 Planskildring og kap.7 Handlingsplan. Retningslinjene til arealdelen er særleg sentrale. Styringsgruppa fastsette i planprogrammet ei ytre grense for utgreiingsområdet. Planområdet vart i prosessen redusert i høve til dette og utgjer no 3753 km2. Hovudføremålet med Regional plan for Nordfjella er å komme fram til ein langsiktig og heilskapleg strategi for bruk av areal som er viktige leveområde for villrein eller påverkar villreinens leveområde. Gjennom prosessen skal ulike brukarinteresser avvegast med sikte på: Å sikre villrein tilstrekkelege leveområde og langsiktig gode livsvilkår. Å bidra til gode moglegheiter for næringsutvikling basert på naturressursar og bygdeutvikling i lokalsamfunna rundt Nordfjella. Å leggje til rette for allment friluftsliv. Hovudtrekk i planen Den interkommunale planen frå 1998 har vore utgangspunktet for den regionale planen. Men oppdatert og ny kunnskap, lokale prosessar om planarbeidet, intern høyring der styringsgruppas medlemer hadde høve for «utsjekk» og drøfting i eigne fora lokalt og regionalt, samt heilskaplege vurderingar i høve til oppdraget, gir ein annleis plan enn 1998-planen. Planområdet er også utvida til å gjelda Raudafjell i Voss kommune. Ein viktig skilnad frå 1998-planen er at det er/var ein interkommunal plan med verknad som ein kommuneplan. Den regionale planen er utforma etter prinsippa for regionale planer. Desse er ikkje juridisk bindande. Det er forventa at kommunane med bakgrunn i den regionale planens rammer, utarbeidar meir detaljerte og juridisk bindande kommuneplanar. Plankartet er så langt praktisk mogleg tilpassa miljøverndepartementets nye (men førebelse) nasjonale standard med teiknereglar for regionale planar. Kartteiknereglane er utforma med tanke på at dette er grovmaska regionale arealsoner, og fargebruken skal vise at dette er noko anna enn kommuneplanar. Areala i Regional plan for Nordfjella er delt inn i følgjande soner: Nasjonalt villreinområde Randområde Stasjonsstader Forsvarets område Planen er avgrensa slik at større utbyggingsområde ligg utanfor planområdet. Skilnaden mellom dei fire ulike arealsonene er særleg knytt til rammer for ferdsel, utmarksnæring, samt noko utbygging. Dei ulike sonene er kort skildra nedanfor. 4

5 Arealsone Nasjonalt villreinområde (85,8 % av Randområder (11,4 % av Stasjonssteder (0,3 % av Forsvarets områder (2,6 % av Kort beskrivelse og viktige rammer Omfatter de viktigste leveområdene for villreinstammen i Nordfjella, og skal ivareta villreinens arealbehov på både kort og lang sikt. Av hensyn til villreinen er dette den strengeste sonen. Landbruket har rammevilkår som i eitkvart LNF-område. Det skal ikke bygges nye fritidsboliger eller turisthytter. Det skal normalt ikke etableres nye stier og løyper. Randområdene inkluderer leveområder for villrein som ikke er definert som nasjonalt villreinområde, samt en buffersone utenfor dette i Ål. Dette er viktige områder for friluftsliv og ferdsel, og nye stier og løyper kan etableres. I denne sonen finnes en del hytteplaner som kan gjennomføres som planlagt, men det åpnes ikke for nye planer. Kommunene skal gi rammer for påbygg og tilbygg på etablerte fritidsboliger. Utmarksnæringer har videre rammer enn i nasjonalt villreinområde ved at Landbruk pluss næring, utenfor plan- og bygningslovens landbruksbegrep, kan etableres forutsettes at villreinens behov er tilstrekkelig ivaretatt. Generelt er rammene for aktiviteter mindre strenge enn i villreinområdet, men også her skal det tas hensyn til villrein. Omfatter noen mindre steder langs Bergensbanen med togstopp og fritidssamfunn som naturlig inngår i planområdet. Kommunene kan her avklare videre utvikling i egne planer, men det forventes en forsiktig og stedstilpasset utvikling. Omfatter forsvarets skyte- og øvingsfelt på Mjølfjell, samt Øyradalen i Lærdal som Forsvaret bruker til sprenging. Regional plan henstiller til å ta hensyn til villrein og friluftsliv. Fleire detaljar om dei einskilde sonene går fram av retningslinjenes 2 og 3. Nokre omdiskuterte og/eller viktige punkt Generelt har styringsgruppa vore samstemt om svært mye i planen, men på nokre punkt har meiningane vore delte. Grensa mellom villreinområde og randområde rundt Hallingskarvet, i Kvammadalen i Aurland og ved Systerskard i Hemsedal har vore mye drøfta: Ved Hallingskarvet konkluderte styringsgruppa med at det vesentlege av bremmen kan vere randområde føresett av nye stiar og løyper, med omsyn til villreinens arealbehov, i størst mogleg grad vert lagt langs ytterkanten av bremmen. I Kvammadalen er eit område definert som randområde der reiselivsutvikling kan utgreiast og planleggjast. Dette har tidlegare vore villreinområde, men for Aurland kommune er det viktig å «nedgradera» dette for å kunne utgreia og vurdera moglegheitene for reiselivsutvikling her. Systerskard er også eit tidlegare villreinområde som no vert definert som randområde for å gje friluftsaktivitetar eit noko større handlingsrom. Rammer for utmarksnæringar i fjellet har også vore grundig drøfta. I heile planområdet er landbrukets rammetilhøve som i Landbruks-, natur og friluftsområde (LNF) i kommuneplanane. Det inneber at tradisjonelle utmarksnæringar og dessutan Landbruk Pluss-aktivitetar som inngår i plan- og bygningslovas landbruksomgrep er mogleg. I randområda vert det opna for at kommunane dessutan på visse vilkår skal kunne planlegge for Landbruk Pluss-verksemd som ikkje inngår i plan- og bygningslovas landbruksomgrep. Rettleiar 1443 frå Miljøverndepartementet og Landbruksdepartementet definerer dette nærmare. 5

6 Spørsmål om moglegheitene for tamreindrift i Nordfjella vart tidleg spelt inni prosessen. Styringsgruppa har utan store motsetningar konkludert med at dette ikkje kan sameinast med villrein og følgjeleg ikkje kan tillatast. Verknad av planen Den regionale planen har ikkje juridisk binding, men retningslinjenes 1 slår fast at det regionale plankartet og retningslinjene er retningsgjevande. Tidlegare vedtekne reguleringsplanar innanfor planområdet gjeld uavhengig av denne planen. Vedtekne kommune(del)planar gjeld inntil neste kommuneplanrevisjon. Handlingsplan For at Regional plan for Nordfjella skal få den verknaden den er meint å få, er det føresett at alle aktørar vidareførar intensjonane og føringane i meir utdjupande og bindande planlegging, i forvaltning, gjennom dialog og ved gjennomføring av nye kunnskapssøkjande prosjekt. I handlingsplanen (kap.7) er ei rekkje oppfølgingspunkt skissert. Etter at den regionale planen er vedtatt, vil desse punkta verte utdjupa i eit oppfølgjande handlingsprogram der faglege rammer, tid for gjennomføring, prosjektansvarlege og kostnader vert meir konkretisert. Handlingsprogrammet kan da verte noko justert. Det vil bli fremja eige fylkespolitisk sak om handlingsprogrammet. Konsekvensutgreiing Planrapportens kapittel 8 gir ei konsekvensutgreiing i samsvar med krava i plan- og bygningslova og naturmangfaldlova. Kapitlet tar for seg verknadene av planforslaget for samfunn og miljø, verknad av planavgrensing og einskildområde, samt særskild vurdering etter naturmangfaldlova. Villrein og reiseliv er gitt særleg merksemd. Konklusjon Fylkesrådmannen meiner at framlagte planforslag svarar på oppdraget opphavleg gitt i oppdragsbrev frå Miljøverndepartementet 12.april 2007 og planprogram frå hausten Fylkesrådmannen rår til at vedlagte Regional plan for Nordfjella vedtakast lagt ut for høyring og offentleg ettersyn. Dersom fylkesutvalet er usamd i planforslaget eller forslag til vedtak, rår fylkesrådmannen at fylkesutvalet sendar saka tilbake med endringsforslag. Styringsgruppa bør da kallast inn att for å vurdera endringsforslag og etter dette fremja nytt sameint forslag. Dette fordi det er naudsynt at dei tre fylka sender identiske planforslag på høyring. Fylkesrådmannen minner også om at dette er ei høyring og at eventuelle endringsforslag enklast kan handterast etter høyringa i lys av innkomne høyringsfråsegner. Det vert lagt opp til at styringsgruppa drøftar høyringsfråsegnene og utarbeidar revidert versjon med bakgrunn i høyringa før saka vert lagt fram for fylkespolitisk slutthandsaming. 6