FYLKESKOMMUNEN SITT ENGASJEMENT I OG ORGANISERING AV HORDALAND OLJE OG GASS

Transkript

1 HORDALAND FYLKESKOMMUNE Strategi- og næringsavdelinga Arkivsak Arkivnr. 322 Saksh. Styve, Jan Per Saksgang Møtedato Fylkesutvalet FYLKESKOMMUNEN SITT ENGASJEMENT I OG ORGANISERING AV HORDALAND OLJE OG GASS SAMANDRAG Hordaland Olje og Gass (HOG) er no samlokalisert med Business Region Bergen (BRB). Leiarstillinga i HOG er ledig. Dette har gjort det naturleg å vurdere eventuell justering av organiseringa av HOG. HOG er ein medlemsorganisasjon med deltaking frå både fylkeskommunen, kommunar og næringslivet. Hovudoppgåva er å ivareta Hordaland sine interesser knytt til olje- og gassverksemd i fylket, og medverke til å gi regionen ny styrke til å møte utfordringar innan petroleumsbransjen i åra framover. Fylkesrådmannen rår til at HOG held fram som medlemsorganisasjon, men at tilskot frå fylkeskommunen for framtida blir ytt gjennom BRB. FORSLAG TIL VEDTAK Fylkesutvalet meiner at Hordaland Olje og Gass (HOG) fortsatt skal ha ein viktig funksjon i arbeidet med å fremje Hordaland sine interesser og styrking av industriell utnytting av naturressursane på norsk sokkel m.a. gjennom tett samarbeid mellom næringslivet og offentleg sektor. Samtidig gjer etableringa av Business Region Bergen (BRB) det nødvendig med tiltak for å sikre eit tett samarbeid mellom HOG og BRB. Fylkesutvalet sluttar seg derfor til ei endra organisering av Hordaland Olje og Gass basert på følgjande hovudelement: 1. Hordaland Olje og Gass held fram som medlemsorganisasjon, men i tett samarbeid med Business Region Bergen.

2 2. Det tilskotet Hordaland fylkeskommune gir til HOG blir frå gitt til BRB, med føresetnad om at dette skal brukast til tiltak innan energifeltet. Kr ,- av tilskotet blir likevel gitt til HOG som medlemskontigent frå fylkeskommunen. 3. Når stillinga som fylkeskommunen har plassert i HOG blir ledig, blir den tilbakeført til fylkeskommunen. 4. Fylkesutvalet vil understreke HOG sin viktige rolle som bindeledd mellom fylkeskommunen/kommunane og næringsaktørane innan olje- og gassverksemd, og føreset at denne rolla fortsatt blir ivaretatt. Paul M. Nilsen Jan Per Styve 2

3 FYLKESRÅDMANNEN, : 1. Hordaland Olje og Gass (HOG) Organisering Noverande HOG vart etablert i 2003 gjennom ei samanslåing av Hordaland olje- og gassenter og Petroleumsrådet. Hordaland olje- og gassenter vart etablert i 1998/99 som ei vidareføring av Trollutvalet. HOG er organisert som ein medlemsorganisasjon med eige styre og representantskap. Styreleiar er f.t. Jakob Bleie. Fylkesordførar Torill Selsvold Nyborg er f.t. leiar i representantskapen. HOG har no 45 medlemer 32 frå næringslivet og 13 kommunar/fylkeskommunen. Kommunane er: Austrheim, Askøy, Bergen, Bømlo, Fjell, Kvinnherad, Lindås, Masfjorden, Os, Stord, Sund og Øygarden. Det er altså stort samanfall mellom kommunane som står bak Business Region Bergen og kommunemedlemane i HOG. Økonomi Fylkeskommunen gir i dag eit årleg tilskot på kr ,-. I tillegg er ei stilling frå Strategiog næringsavdelinga plassert i HOG og finansiert av fylkeskommunen. Fram til hausten 2008 har fylkeskommunen også holdt kontor for HOG i fylkeshuset utan å krevje leige. Dette varte fram til HOG flytta over til samlokalisering med Business Region Bergen. Bergen kommune gir årleg eit tilskot på kr ,- Medlemskontigent utgjer tilsaman ei inntekt på kr ,- pr. år fordelt på kroner frå kommunane og kroner frå bedriftene. I tillegg har HOG fått varierande tilskot på frå nokre større samarbeidspartar/medlemer. Desse inntektene har vore vesentlege men ikkje faste eller sikre. Medarbeidarar HOG har tre ordinære stillingar inkl. stillinga frå fylkeskommunen. I periodar har ein person til vore engasjert på deltid for arbeid med internett o.l. Føremål Etter vedtektene skal HOG saman med andre arbeide for å styrke industriell utnytting av naturressursane på norsk sokkel til vediskaping med utgangspunkt i Hordaland. Visjonen HOG arbeider utfrå er at Hordaland skal være en ledende region innen utvikling og foredling av naturressursene på norsk sokkel Utfrå dette har HOG fastsett slike arbeidsmål: Hordaland Olje og Gass skal sammen med andre være en pådriver og tilrettelegger for utnytting av naturressursene på sokkelen til verdiskaping i Hordaland gjennom å arbeide for: 1. å ta i bruk miljøvennlig naturgass som energikilde, som råstoff og som drivstoff i samferdsel 3

4 2. feltutvikling og haleproduksjon i modne områder, som kan gi økt aktivitet i fylket 3. at Hordalandsbedriftene rettet mot petroleumsvirksomheten styrker sine posisjoner nasjonalt og internasjonalt, utvikler sin kompetanse og opprettholder sin konkurransekraft 4. å sikre og videreutvikle Bergen som driftsby 5. å styrke FoU-miljøene i fylket Representantskapen har no vedtatt at HOG også skal satse sterkare på arbeid innan felta fornybar energi og miljø. Dette kan resultere i navneendring. Oppgåver Med utgangspunkt i ovannemnde føremål, mål og strategiar har HOG både tatt initiativ til og gjennomført ein breidde av oppgåver og aktivitetar for å styrke olje- og gassverksemda i Hordaland. HOG har både jobba med oppgåver initiert av næringsaktørane og oppgåver initiert av kommunane/fylkeskommunen. Bergen kommune og fylkeskommunen har nok spelt hovudrolla som offentlege aktørar i HOG. I mange store saker har HOG gjort nyttig arbeid med påverknad av sentrale styresmakter og store industrielle aktørar for å fremje Hordaland sine interesser. HOG har no ei sentral rolle i det såkalla Mongstadprosjektet m.a. med fokus på å sikre næringsutvikling i regionen med basis i Mongstadutbygginga og CO2-prosjektet. 2. Vurdering Etter fylkesrådmannen si vurdering har HOG vore viktig for Hordaland. Rolla som fellesorgan for samspel mellom kommunane/fylkeskommunen og næringa har vore særs viktig. HOG representerer kompetanse og arbeidsressursar som alternativt måtte blitt bygd opp i fylkeskommunen og Bergen kommune. Men med ei slik løysing ville ein neppe klart å utvikle tilsvarande partnarskap med næringslivet. HOG har også virka til å samordne interessene i Hordaland knytt til olje- og gassverksemda, og sikra felles haldningar og aksjon i viktige saker. 3. Tid for endring? Når det no blir reist ein diskusjon om eventuelle endringar i organisering og innplassering av HOG, så skuldast det særleg to forhold: - Leiarstillinga er ledig. Det er naturleg at ein då vurderer situasjonen før rekruttering av ny leiar - Business Region Bergen er etablert, med sterk medverknad frå Bergen kommune og fylkeskommunen som også er dei to tunge bidragsytarane til HOG. BRB har i noko grad overlappande oppgåver med HOG når det gjeld utvikling av Bergensregionen sine tunge næringar og marknadsføring av regionen som ein attraktiv næringsregion. HOG er no også samlokalisert med BRB HOG vil ha stor nytte av BRB sin kompetanse og oppgåver innan marknadsføring. Vidare vil HOG kunne trekkje veksler på BRB sitt administrative apparat og tenester. Det er også slike 4

5 forhold som har gjort det naturleg å samlokalisere HOG med BRB. Ved ei samlokalisering har BRB no overtatt den rolla som fylkeskommunen har hatt m.o.t. å stille kontorplass til disposisjon. Både fylkeskommunen og Bergen kommune yter store tilskot til BRB. Fylkeskommunen gir eit fast årleg driftstilskot på 2,5 mill. og inntil 2,5 mill. i prosjektmidlar. Aksjonærane i BRB er i stor grad dei same kommunane som er medlemar i HOG. Det er såleis fleire forhold som gjer det naturleg å reise spørsmålet om å interegrere HOG endå tettare i BRB. Etter det eg forstår meiner også Bergen kommune dette er eit viktig spørsmål som no må vurderast. På den andre sida meiner eg det er særs viktig å ta vare på den spisskompetanse, erfaring og nettverk som HOG representerer. HOG er etablert som eit merkenavn med god legitimitet blant bedriftene innan olje- og gassverksemd. Særleg er det viktig å leggje til rette for fortsatt tett samspel med næringslivet. Ein eventuell ny modell må ha i seg element som sikrar dette. Det vil ikkje bli forstått i næringslivet om vi no kuttar det samarbeidet som har funne sin plass gjennom HOG. Styret i HOG gjorde i møte slikt vedtak i samband med drøfting av tiltak i samband med at dagleg leiar sluttar: Saken legges frem for representantskapet Representantskapets medlemmer må drøfte om HOG skal fortsette som egen organisasjon eller om HOGs arbeidsoppgaver skal legges inn under BRB. Administrasjonen utarbeider notat som omhandler fordeler/ulemper ved de to organisasjonsmodellene. Representantskapen i HOG drøfta i møte i desember Vidareføring av HOGs arbeid. Saka vart drøfta, men det vart vedtatt å utsette vidare behandling til møtet i februar. På møte i slutten av januar vedtok styret i HOG å sette ned ei arbeidsgruppe for å vurdere nærare framtidig organisering av HOG. Både fylkeskommunen og Bergen kommune vart invitert til drøftingar saman med arbeidsgruppa. Styret i HOG behandlar saka 10. mars. Det har elles vore god dialog mellom Bergen kommune og fylkeskommunen i denne saka. 4. Drøfting og tilråding Det synes klart at fleirtalet av medlemer i HOG ønskjer å oppretthalde HOG som medlemsorganisasjon med medlemer både frå næringslivet og offentleg sektor. Særleg medlemer frå næringslivet legg stor vekt på dette. Fylkesrådmannen sluttar seg derfor til å oppretthalde denne modellen. På den andre sida er det viktig å dra mest muleg nytte av samlokaliseringa med BRB, og utvikle eit tett samspel mellom desse to organisasjonane. Dette kan m.a. skje ved at BRB tar hand om administrative og økonomiske funksjonar og tenester. Vidare ved at ein trekkjer vekslar på BRB sine satsingar og kompetanse innan marknadsføring/profilering, og elles utviklar felles prosjekt og aktivitetar. Dette vil også sikre at regionen opptrer meir heilskapleg og effektivt. Utfrå dette går eg inn for at fylkeskommunen sitt tilskot til HOG heretter blir gitt til BRB med 5

6 føressetnad om at midlane skal brukast til tiltak innan energifeltet kroner av tilskotet blir gitt som medlemskontigent til HOG for at også fylkeskommunen skal vere ordinært medlem. Fylkeskommunen har plassert ei stilling frå strategi- og næringsavdelinga i HOG. Det er naturleg at denne blir tilbakeført til fylkeskommunen når den blir ledig. Etter det eg forstår er det rimeleg samanfallande standpunkt mellom fylkeskommunen og Bergen kommune i denne saka. Bergen kommune legg opp til å gjennomføre endra tilskotsmodell frå Det er naturleg at fylkeskommunen legg til grunn same dato. 6