MØTEINNKALLING Formannskapet Dato: 25.11.2013 kl. 9:00 Stad: Ordførar sitt møterom Arkivsak: 13/00018 Arkivkode: 033 Forfall meldast snarest til postmottak@aal.kommune.no eller tlf 32 08 50 00 Det vil bli gitt orientering om Hallingdal barnevernteneste. Det vil og i møte bli lagt ut sak; Søknad til Husbanken Ål bu og behandlingssenter. SAKSKART Side Møteinnkalling 79/13 13/02144-4 Høyringsuttale til jernbaneverket sin handlingsplan 2014-2023 3 80/13 81/13 13/00133-21 13/00134-29 Meldingar til formannskapet 25.11.2013 6 Open post formannskapet 25.11.2013 7 Ål, 20.11.2013 Ivar M. Brevik Ordførar 1
Møteinnkalling 2
Behandling av utvalgssak 79/13 Høyringsuttale til jernbaneverket sin handlingsplan 2014-2023 Arkivsak-dokument: 13/02144-4 Arkivkode: --- Q62 &13 Saksbehandler: Kjersti Myro Saksgang Møtedato Saknr 1 Formannskapet 25.11.2013 79/13 Saka vert avgjort av: Formannskapet Vedlegg: Heile handlingsprogrammet er lagt ut i pdf-format på Jernbaneverket sine nettsider: www.jernbaneverket.no/handlingsprogrammet. Dokument i saka: Skriv inn dokument i saka her Saksopplysningar: Jernbaneverket har sendt ut utkast til handlingsprogram for innspel og kommentarar. Frist for merknad er 20. desember 2013. Utkastet er basert på stortingsmeldinga om Nasjonal transportplan (NTP) 2014-2023. Planen er delt inn i to periodar (2014-2017 og 2018-2023). Heile handlingsprogrammet er lagt ut i pdf-format på Jernbaneverket sine nettsider: www.jernbaneverket.no/handlingsprogrammet. Det er ei overordna målsetjing å overføre meir gods frå veg til bane. I NTP er det sett som mål at kapasiteten på jernbanenettet skal aukast med 20-50 % fram til 2023. Bergensbanen er ein av dei viktigaste strekningane for godstransport. I utkastet til handlingsprogram er det sett av ca 1 milliard kr (av ca 7 milliardar nasjonalt) til prosjekt som skal auke kapasiteten for godstransport på Bergensbanen. Desse prosjekta er planlagt til andre del av planperioden (2018-2023). Tiltaka vil gje auka driftsstabilitet og kapasitet, føre til fleire tog i rute og færre stengde jernbanestrekningar. Klimaendringar har gjeve auka fare for stengte jernbanestrekningar grunna ras, skred osb. Ved stenging av bane treng ein ei alternativ rute for gods. Eit slikt alternativ finst ikkje for Bergensbanen og trafikken vert difor overført til veg på heile strekninga sjølv om berre delar av strekning vert stengd. Ved å etablere terminalar for omlasting av gods undervegs, for eksempel i Hallingdal kan den distansen som må køyrast med vogntog halvverast. Desse terminalane vil og kunne nyttast til for eksempel tømmertrafikk eller anna godstrafikk. 3
Bergensbanen er ein av dei strekningane som har størst behov for sikringstiltak knytt til ras, skred og liknande og dette er det sett av midlar til. Jernbaneverket skal innføre det felles europeiske signalsystemet ERTMS som nytt signalsystem og teknologisk plattform for det norske jernbanenettet. Bergensbanen vil vere av dei fyrste strekningane som får ERTMS allereie i 2020. Prioritering av rekkjefølgja har teke utgangspunkt i blant anna fornyingsbehovet for signalanlegg. Av teksten kjem det fram at det finst eit anna alternativ for prioriteringsrekkjefølgja, men ikkje kva den er. ERTMS gjer at ein ikkje treng lyssignal og hastigheitsmerker som i dag lokomotivføraren vil få all nødvendig informasjon på ein skjerm. Toget bremsar automatisk om det køyrer fortare enn det som er tillate. Ei erfaringsstrekning mellom Ski og Sarpsborg er allereie starta opp. Det er i tillegg lagt opp til fylgjande oppgradering/fornying: Fornying av skinner på strekninga Nesbyen-Ål. Forlenging og nybygg av kryssingsspor Hønefoss Bergen. Geilo og Gol stasjonar utviklast som knutepunkt. Dobbeltspora jernbane mellom Sandvika og Hønefoss (Ringeriksbanen) som vil kunne redusere reisetida mellom Bergen og Oslo med 1 time. Forhold til overordna plan: Ikkje vurdert Miljøkonsekvenser: Ein vil få ein markant reduksjon i utslepp av klimagassar som følgje av meir godstrafikk på bane. Fjerning av sviller med kreosot er og positivt. Helse-/miljø og beredskapstilhøve: Overføring av gods frå veg til bane vil på landsbasis føre til ein reduksjon i talet på drepne og hardt skadde i trafikken på om lag ein person i året. Økonomiske konsekvensar: Ingen direkte for Ål kommune. Ein velfungerande Bergensbane har store positive ringverknader for heile Hallingdal. Vurdering: Positivt for Ål og Hallingdal at det er planlagt utbetringar som vil kunne auke godstransporten, korte ned reisetida og betre driftsstabilitet. Ein kan tenkje seg at den auka godstransporten på bane vil føre til ein like stor nedgang i tungtransport på Rv7. Det hadde vore ei styrke om desse utbetringane kunne koma tidlegare enn det planframlegget legg opp til. Ål kommune kan spela inn at det fins tre alternative stader i Ål kommune som kunne eigne seg godt for etablering av ein godsterminal for Hallingdal slik planframlegget legg opp til. Rådmannen ser både Torpo stasjon, Oppsjøtippen og Kleivi som eigna stader. Rådmannen si innstilling: Ål formannskap har følgjande innspel til jernbaneverkets høyringsframlegg til handlingsplan 2013-2023: 4
1. Ål kommune er positiv til at det vert gjort utbetringar på Bergensbanen som kan auke godstransporten, korte ned reisetida og betre driftsstabilitet, men kunne ynskje at desse utbetringane kunne koma tidlegare. 2. Ål kommune er opptatt av at alle persontog framleis stoppar på Ål stasjon, sjølv om nabostasjonane Gol og Geilo vert vald ut som knutepunkt. 3. Ål kommune har tre ulike aktuelle stader som eignar seg for etablering av ein framtidig godsterminal i Hallingdal og ynskjer å gå i dialog med Jernbaneverket om desse: Torpo stasjon, Oppsjø næringsområde og Kleivi næringspark Reidun Aaker Drifts- og utviklingssjef Kjersti Myro Sakshandsamar 5
80/13 Meldingar til formannskapet 25.11.2013 Arkivsak-dokument: 13/00133-21 Arkivkode: 061 Saksbehandler: Tone Tveito Eidnes Saksgang Møtedato Saknr 1 Formannskapet 25.11.2013 80/13 Saka vert avgjort av: Formannskapet. Vedlegg: 1. Godkjenning av ny stedfortreder for salsløyvet, Kiwi Ål. 2. Søknad om utvida skjenkeløyve Thon Hotel Hallingdal 23.11.2013. 3. Søknad om ambulerande skjenkeløyve 22.11.2013, Torpomoen Drift AS. Rådmannen si innstilling: Ingen. Ål, 20.11.2013 Tone Tveito Eidnes Rådmann 6
81/13 Open post formannskapet 25.11.2013 Arkivsak-dokument: 13/00134-29 Arkivkode: 061 Saksbehandler: Tone Tveito Eidnes Saksgang Møtedato Saknr 1 Formannskapet 25.11.2013 81/13 Saka vert avgjort av: Formannskapet. Rådmannen si innstilling: Ingen. Ål, 20.11.2013 Tone Tveito Eidnes Rådmann 7