SAKSDOKUMENT. Utvalsaksnr Utval Møtedato Formannskapet Kommunestyret

Transkript

1 VOLDA KOMMUNE SAKSDOKUMENT Sakshandsamar: Per Ernst Lundberg Arkivsak nr.: 2012/1039 Arkivkode: Q12 Utvalsaksnr Utval Møtedato Formannskapet Kommunestyret KONSEPTVALUTGREIING RV. 15 STRYNEFJELLET, HØYRING Administrasjonen si tilråding: 1. Volda kommune tilrår at konsept B2 vert vald for rv.15 Strynefjellet. 2. Strekninga Skjæringsdalen til Breidalen med lang tunnel må prioriterast fyrst. 3. I staden for midlar til 0+ alternativet, ber Volda kommune om at det tidleg i perioden vert finansiert ny tunnel mellom Skjæringsdalen og Breidalen. 4. Konsept B2 må kombinerast med arm til Opplendskedalen, som 1 av 3 byggetrinn, for å sikre heilårssamband til Verdsarvområdet /Geiranger. Vedleggsliste: Brev frå Statens Vegvesen Uprenta saksvedlegg: +opprusting+av+tunnelar+som+kortsiktig+l%c3%b8ysing cms Samandrag av saka: Statens vegvesen Region vest har sendt på høyring KVU Rv 15 Strynefjellet med høyringsfrist Eg rår til at kommunen går inn for konsept B2. Saksopplysningar:

2 Statens vegvesen Region vest har sendt på høyring KVU Rv 15 Strynefjellet med høyringsfrist KVU med ekstern kvalitetssikring (KS1) skal gjennomførast for statlege investeringsprosjekt over NOK 750 mill m.a. i vegsektoren. Ved innføring av ordninga var beløpsgrensa NOK 500 mill. Finansdepartementet og det aktuelle fagdepartement administrerer ordninga. KVU skal byggast opp i samsvar med krav frå Finansdepartementet (Rammeavtalen) i seks hovuddelar: 1. Behovsanalyse 2. Mål og strategidokument 3. Overordna kravdokument 4. Mulegheitsstudie 5. Alternativanalyse 6. Føringar for prosjektfasen. Statens vegvesen/vegdirektoratet skal gjennom utgreiinga kome med ei drøfting, og vurdere om fastsett samfunnsmål vert oppfylt. Vidare tilrå kva konsept Regjeringa bør legge til grunn for vidare planlegging og prosess. Det er denne tilrådinga som no er på høyring, og samtidig til ekstern kvalitetssikring (KS1) Som del av førebuing til revisjon av Nasjonal Transportplan (NTP) for perioden , vart aktuelle utgreiingar drøfta i møte mellom Finansdepartementet og Samferdselsdepartementet (SD) den 5. mars I brev av 19. mars 2010 fekk Vegdirektoratet (VD) i oppdrag å utarbeide 10 slike KVU-ar i første omgang, og mellom dei Rute 6 C Rv 15 Strynefjellet. Mandatet vart fastsett i brev frå SD til VD Målet til Samferdselsdepartementet er at val av konsept kan vere avklart når Regjeringa legg fram Stortingsmeldinga om Nasjonal Transportplan våren Lovgrunnlag, reglar, føresegner, plandokument: Plan- og bygningslova Nasjonal transportplan Aktuelt sakstilfang: Vedlagt saka: - Konseptvalutgreiing Rv 15 Strynefjellet. Ikkje vedlagt: - Brev frå Statens vegvesen Region vest, dagsett Saksopplysningar: Riksvegrute 6 c går frå Måløy til Otta (xe6) og er totalt 281 km lang, medan strekninga Stryn-Grotli er 64 km lang. Dagens heilårsveg som opna har store manglar m.a. med vegbredde ned mot 5,4 m, låge tunnelar og stor rasfare. Rv 15 er ein svært viktig næringsveg mellom vest og aust. Vegen har ein tungtrafikkdel på heile 25 % og sommardøgntrafikken er om lag 2000 kjt./d. (SDT).

3 Det er venta auke i trafikken når E39 Kvivsvegen opnar hausten Utgreiingsoppdraget var avgrensa til strekninga Stryn-Lom. Seinare vart planområdet utvida noko mot nord og vest, for å dekke alle aktuelle konsept for kryssing av Strynefjellet. Gjennom verkstadsamling og referansegruppe har aktuelle fylkeskommunar, kommunar, brukarar, næringsorganisasjonar, m. fl vore inviterte til å kome med synspunkt før Statens vegvesen/vegdirektoratet la fram si tilråding. KVU-en omtalar i alt 10 ulike konsept. På grunn av krav til tryggleik i tunnelar på riksvegnettet, vil tunnelane måtte stengast for trafikk dersom ingenting vert gjort. Vegdirektoratet, som ansvarleg myndigheit for sikkerheitsgodkjenning, fastsette difor eit sett minimumstiltak. Dette konseptet vart då kalla 0+. Eit 0-alternativ der ingen tiltak vert gjort, er ikkje vurdert som aktuelt konsept å gå vidare med. KVU side 33, Fig Oversyn over konsept: Totalt er 3 konsept forkasta: Konsept 0: Dagens situasjon (etter pågåande oppgradering). Konsept A: Erdal-Sota. Konsept D: Mindresunde-Frøysa-Opplendsedalen-Lægervatn. 7 konsept er med i den vidare vurderinga: Konsept 0+ (Minimumstiltak for sikkerheitsgodkjenning) I kostnadsvurdering for konsept 0+ er lagt inn tiltaka beskrive på side 34 og 35 i KVU-en, samt kostnad ved sikring av Grasdalen. Sikring av Napefonna, Gotiskardfonna og Kleivane er ikkje muleg med dette konseptet. Med dei tiltaka som er foreslege her, vil tunnelane kunne sikkerheitsgodkjennast, men vil likevel ikkje heilt kome på same sikkerheitsnivå som andre tunnelar. Kostnadsanslaget på 411 mill (2011 kr) kan hindre at tunnelane på Rv 15 Stryn-Skjåk kan verte stengd i 2019 grunna EU-krav på det Europeiske TEN-T vegnettet. Rv 15 inngår ikkje i

4 det vegnettet i dag, men det er venta at EU-kravet kan verte gjort gjeldande for alle riksvegtunnelane i Noreg. Statens vegvesen/vegdirektoratet tilrår at dette konseptet vert valt som ei midlertidig løysing. Konsept 0++ (Oppgradering utan behov for avbøtande tiltak) I konsept 0++ er det lagt inn det Statens vegvesen antek er naudsynt opprusting av tunnelane for å kunne få ei sikkerheitsgodkjenning utan avbøtande tiltak som vil redusere forholda for gods- og persontransport ut over det som gjeld på tilsvarande riksvegar. Det ligg føre risikoanalyser. Konseptet vert ikkje tilrådd å gå vidare med som reint konsept av Vegdirektoratet Konsept B1 Skåre Lægervatn Ny tunnel frå Skåre til Lægervatn. Dette konseptet eliminerer svingane opp til Ospelitunnelen og med det Napefonna, Gotiskarfonna og Kleivane på strekninga frå Ospelitunnelen og ned mot Skåre. Konseptet er vist med ein lang sidetunnel til fv.63 i Opplendskedalen noko som vil gje vintersikker veg til Geiranger. Løysinga føreset at det kan tillatast kryss i tunnelen. Kort tunnel til Djupvatnet er ikkje mogleg. Konseptet vert ikkje tilrådd å gå vidare med av Vegdirektoratet. Konsept B2 Ospelitunnelen Lægervatn Konseptet kan byggast ut i to trinn. Første trinn vil vere ny tunnel frå Skjerdingsdalen til Lægervatn. Trinn 2 er tunnel vidare til Folven for å unngå svingane opp til Ospelitunnelen og kome seg unna den årvisse Napefonna samt Gotiskarfonna og Kleivane. Dersom trinn 2 vert utsett utover 2019, må ein ruste opp Ospelitunnelen. Konseptet er vist med kort sidetunnel til Djupvatnet som eliminerer problema med Stavbrekkefonna på fv.63 til Geiranger. Konseptet liknar på B3, men gjev ikkje moglegheit for å nytte dagens tunnelar til redningstunnelar. Fv.63 kan koplast på med ein lang tunnel til Opplendskedalen, eller kort tunnel til Djupvatn. Dette forutset at ein tillet kryss i tunnelen. Konseptet vert ikkje tilrådd å gå vidare med av Vegdirektoratet.

5 Konsept B3 Ospelitunnelen Lægervatn Nye tunnelar parallelt med dagens tunnelar, men samanhangande tunnel forbi Grasdalen. Dagens tunnelar vil kunne nyttast som redningstunnelar gjennom tverrslag, evt. til omruting av trafikken ved større vedlikehaldsarbeid. Ein variant av dette konseptet er utbetring av dagens tunnelar til fullgod standard med sikker framføring gjennom Grasdalen. Erfaring frå andre anlegg tyder på at dette er ei dyrare løysing, men ei detaljvurdering av dette vil vere aktuelt å gjennomføre dersom konseptet vert vald. Dette konseptet kan òg kombinerast med konsept 0++ ved t.d. å ruste opp Ospelitunnelen, men så bygge nye tunnelar vidare frå Skjerdingsdalen til Lægervatn. Fv.63 er kopla på med kryss i dagen ved Lægervatn. Ny tunnel frå Lægervatn og forbi Stavbrekka vil kunne gje tidlegare opning av fv.63, men åleine sikrar ikkje dette tiltaket vinteropen veg til Geiranger. Konseptet løyser ikkje problema med kryssing av Breiddalen og sikring av Napefonna, Gotiskarfonna og Kleivane er ikkje muleg med dette konseptet. Konseptet vert tilrådd å gå vidare med av Vegdirektoratet, som ei langsiktig løysing, etter at 0+ er utført. Konsept C Mindresundet Lægervatn Tunnel frå Mindresundet til Flo. Vidare ny tunnel til Skjerdingsdalen og deretter ny tunnel til Lægervatn. Kan koplast med både lang (til Opplendskedalen) og kort (til Djupvatnet) tunnel til fv.63 mot Geiranger, samt kryss i dagen ved Lægervatn. Konseptet gir trygg veg til Flo som no har samband til omverda via ein rasutsett fylkesveg. Konseptet vert ikkje tilrådd å gå vidare med av Vegdirektoratet. Konsept E Langedalen Frøysa Opplendskedalen Lægervatn Traseen forutset ny fv.60 frå Tomasgard ved Grodås og opp gjennom Langedalen. Den går så inn i tunnel til Frøysa, kryssar dalen og inn i ny tunnel frå Bjørdal/Vollset til Opplendskedalen med kryss med fv.63. Deretter går den i tunnel opp til Lægervatn. Dette konseptet gjev heilårsveg til Geiranger. Konseptet vert ikkje tilrådd å gå vidare med av Vegdirektoratet.

6 Effektberekningar Berekna anleggskostnad, netto nytte og reduksjon av miljøutslepp er omtala i KVU-en side 51, jfr. tabell 9.4 Effektar: At betra regularitet gjennom rassikring ikkje inngår i standard EFFEKT- berekningar, gjer at netto nytte, slik det går fram i tabellen, må vektleggast deretter. Som referert under konsept B3, inneber det konseptet ikkje rassikring av Napefonna, Gotiskardfonna og Kleivane. B3 løyser heller ikkje sidevind- og fokkproblematikk ved Oppljostunnelen i Breiddalen, eller betrar trekktilhøve for villreinstammen der. Det gjer B1, B2, C og E konsepta og har difor ein høgare anleggskostnad. Transporttid

7 Rv 15 Måløy Otta gir hausten 2012, når E39 Kvivsvegen opnar, det raskaste sambandet mellom Søre Sunnmøre og Oslo-området. Også for ytre Nordfjord vil dette sambandet vere ferjefritt, i motsetnad til ruta over Sogn/Hemsedal. Rv 15 betyr i tillegg mindre høgdeskilnad og mindre drivstofforbruk. Vurdering og konklusjon: Riksvegrute 6 c og Rv 15 er viktig for store deler av Nordvestlandet, ikkje berre som eit aust/vest samband til Lillehammer og Oslo, men også mellom Stryn og Trondheim. For næringslivet er det avgjerande å få eit vegsamband som er å lite på. Ikkje berre skal ferdige varer ut av regionen og fram til sentrallagera i nord og sør til rett tid, men råvarer og ferdigvarer inn til eit ekspansivt næringsliv på Nordvestlandet må også sikrast effektiv transportkorridor. Transport av m.a. livdyr og næringsmiddel frå Ottadalen og vestover må ha kortast mogleg framføringstid. For reiselivet i heile regionen og etablering av heilårs arbeidsplassar, vil det dessutan vere heilt avgjerande at ein får etablert samband mellom Rv 15 og Geiranger/Verdsarvområdet med arm til Opplendskedalen. Ved val av konsept må det tenkast i eit langsiktig perspektiv på minst år. Så vel nærings- som kollektivtransport må sikrast eit framtidsretta og rassikkert konsept. Å legge til rette for betre trekkruter og kalvingsområde for villreinstammen i Breiddalen vil vere eit viktig miljøtiltak. Val av konsept som kan byggast ut stegvis utan å hindre eksisterande trafikk vil vere viktig, særleg for næringslivet. Utviding/strossing av eksisterande tunnelar med stenging i inntil 4 år, vil gje store negative ringverknader. B2 konseptet vil derimot gjennom trinnvis utbygging løyse dei 3 hovudutfordringane med: rassikring av Grasdalen, heilårssamband til Geiranger og rassikker veg frå Skjæringsdalen til Hjelledalen. På kort sikt vil rassikring av Grasdalen med tunnel frå Skjæringsdalen til Lægervatn vere viktigast. Helse og miljøkonsekvensar: Er vurdert i konseptvalutgreiinga. Økonomiske konsekvensar: Ingen for kommunen. Beredskapsmessige konsekvensar: Konsept B2 vil gje klart best beredskap Rune Sjurgard rådmann Utskrift av endeleg vedtak: Statens Vegvesen

8