SØKNAD OM RUTELØYVE FOR SIGHTSEEINGBUSS I BERGEN SENTRUM

Transkript

1 HORDALAND FYLKESKOMMUNE Samferdselsavdelinga Arkivsak Arkivnr Saksh. Rødseth, Tor Harald Saksgang Samferdselsutvalet Fylkesutvalet Møtedato SØKNAD OM RUTELØYVE FOR SIGHTSEEINGBUSS I BERGEN SENTRUM SAMANDRAG Os Minibuss Service AS, no Osbuss AS, har søkt om ruteløyve for sightseeingbuss i Bergen sentrum. Det omsøkte løyve ser ikkje ut til å kunne kome i konflikt med tilskotsretta persontransportruter, og berre i marginal grad med drosjenæringa. Derimot kan drift av det omsøkte løyve kunne kome i direkte konkurranse med eit ruteløyve som til no ikkje er nytta, og i ein viss mon med eit anna som er i drift, samt i ein viss grad mot ruter som vert køyrd på turvognløyve. Når det gjeld tilhøve til aktuelle kommersielle bussruter, legg fylkesrådmannen vekt på at det er positivt med eit mangfald av tilbod til turistane. Den mest aktuelle konkurrenten til den aktuelle ruta har etter drygt to år enno ikkje nytta det tildelte løyve, og drosjenæringa har ikkje merknader til søknaden. På bakgrunn av ovannemnde rår fylkesrådmannen til at søknaden frå Osbuss vert imøtekomen.

2 FORSLAG TIL INNSTILLING 1. Fylkesutvalet godkjenner søknad av frå Osbuss om løyve for sightseeingbuss i Bergen. 2. Det er eit vilkår for løyve at føresegnene i yrkestransportlova og forskrifter i medhald av denne, om m.a. vandel, kvalifikasjonar, økonomi og driftsplikt, til eikvar tid er oppfylte. 3. Gjeldande ruteplan og takstregulativ skal til eikvar tid vere godkjent av Hordaland fylkeskommune. 4. Vognmateriell som vert nytta skal vera slik innretta at ein oppfyller krava i antidiskrimineringslova. Paul M. Nilsen Magnus Vestrheim Vedlegg: Brev av frå Os Minibuss Service AS E-brev av frå Bryggen Taxi AS E-brev av frå Bergen Taxi E-brev av frå Norgestaxi Bergen AS E-brev av frå Bergensexpressen E-brev av frå Taxi 1 AS E-brev av frå Turistbuss Bergen AS E-brev av frå Tide Buss AS E-brev av frå Bergen kommune 2

3 FYLKESRÅDMANNEN, : Bakgrunn Os Minibuss Service AS har i brev av (vedlagt) søkt om ruteløyve for sightseeingbuss i Bergen sentrum. Heimel for tildeling og delegering av ruteløyve Yrkestransportlova 6 omhandlar behovsprøvd løyve for persontransport i rute med motorvogn, som denne saka gjeld. Fylkeskommunen er løyvestyresmakt ( 13 i lova). I delegasjonsreglementet for Hordaland fylkeskommune er fylkesutvalet gjeve fullmakt til, etter innstilling frå samferdselsutvalet, å tildela løyve for persontransport i rute etter 6 i yrkestransportlova. Saksopplysningar Os Minibuss Service AS har etter at søknaden kom inn skifta namn til Osbuss AS. Samferdselsavdelinga har kontrollert at selskapet oppfyller yrkestransportlova sine krav til selskapet sin økonomi og til den daglege leiaren sin vandel og faglege kvalifikasjonar. Søkaren sitt forslag til takstregulativ og ruteplan går fram av søknadsbrevet. Søknaden oppfyller såleis dei lovfesta krava til ein søknad om ruteløyve. Den omsøkte ruta er planlagt som eit tilbod til reisande som skal ha fleire av- og påstigingar mellom knutepunkta Skolten og sentrumsgatene, og turistattraksjonar som t.d. Gamle Bergen og Akvariet. Den er planlagt å ha halvtimefrekvens i tidsrommet Det er ikkje søkt om tilskot til den planlagte ruta. Samferdselsavdelinga har fått opplyst frå Osbuss AS at bussane som er planlagt nytta i omsøkte rute har ein passasjerkapasitet på ca 30, og er registrert i Euroklasse 3. Bussruter med tilskot i løyveområdet er: Sentrumsbussen som køyrer mellom Busstasjonen og Möhlenpris via Dræggen. Tide Buss sitt rutetilbod. Potensiell konkurranseflate er langs strekningane Sandviken Möhlenpris og sentrum Nordnes. Osbuss si serviceline frå Möhlenpris via Nordnes og Sandviken til sentrum. Aktuelle kommersielle ruteløyve i område er følgjande: Bergensexpressen si sightseeingrute i Bergen sentrum. Denne har lite felles trase med omsøkte løyvetrase, men målgruppa er mykje den same; turistar. Turistbuss Bergen sitt ruteløyve, som etter tildeling for perioden hittil ikkje har vore i drift. Dette er for tilnærma identisk trase som den omsøkte, og etter svært likt konsept som dette. Løyve vart tildelt av Bergen kommune då kommunen, som ei prøveordning var løyvestyresmakt for kommuneinterne ruter. I tillegg driv m.a Tide Reiser AS sightseeingruter i området på turvognløyve. Etter lova gjev ruteløyve både rett og plikt til persontransport i rute. Samferdselsdepartementet har i rundskriv dei siste åra innskjerpa krava til at vognmateriell i persontransportruter skal vere tilgjengeleg for personar med nedsett funksjonsevne, eller ved å gje eit servicetilbod som ivaretek denne gruppa. Frå vart dette ytterlegare innskjerpa i samband med at antidiskrimeneringslova tok til å gjelde. 3

4 Høyring Søknaden blei i brev av og sendt til Bergen kommune, drosjesentralane i Bergen og dei som har ruteløyve for området. Bryggen Taxi AS, som er under oppstart, melder i vedlagte e-brev av at dei ser positivt på tiltaket Bergen Taxi har ingen kommentar til søknaden (jf vedlagte e-brev av ). Norgestaxi Bergen AS har ingen merknader til søknaden (jf vedlagte e-brev av ). Taxi 1 AS er positiv til søknaden, men peikar på at det er viktig med lik handsaming av løyvesøknader. Dei skriv og at [v]i er usikker på om tildeling av rutekonsesjoner utan anbud er i tråd med gjeldende forvaltningspraksis (jf vedlagte e-brev av ). Bergensexpressen har i vedlagte e-brev av bede om ei meir spesifisert orientering om søknaden. Ei eventuell fråsegn frå selskapet vil bli ettersendt. Turistbuss Bergen AS skriv m.a. at [ ] sightseeingopplegget Os Minibuss Service AS nå søker om i all hovudsak [er] et plagiat av vårt opplegg som samferdselsmyndighetene allereie har gitt ruteløyve for og [d]erfor vurderer vi rettslige skritt overfor Os Minibuss Service AS i denne sammenheng (jf vedlagte e-brev av ). Tide Buss AS skriv i vedlagte brev av at dette vil [ ] vere rutekøyring som vil gje reduserte inntekter for dei ordinære bussrutene. Med bakgrunn i dette vil Tide Buss AS gå mot at det vert gjeve ruteløyve for sightseeingbuss i Bergen sentrum. Bergen kommune skriv i vedlagte e-brev av at Os Buss AS må tilpasse seg trafikalt det til enhver tid gjeldende kjøremønster i kommunale veger og gater. Os Buss må etter Samferdselsetaten syn også tilpasse seg den tilskuddsbaserte ruteproduksjonens bruk av holdeplasser langs traséen. Kommunen har elles ikkje kome med merknader. Det har elles ikkje kome inn fråsegner i saka. Behovsvurdering av søknaden Etter det fylkesrådmannen kan sjå, kan drift av det omsøkte løyve i marginal grad kome i konkurranse med dei subsidierte bussrutene, herunder sentrumsbussen som er gratis. Til det er takstane for høge. Eg finn difor ikkje grunn til å leggje vekt på fråsegna frå Tide Buss. Det omsøkte ruteløyve kan kome i konkurranse med gjeldande ruteløyve. Mot Turistbuss Bergen vil konkurransen i så fall vere tilnærma direkte. Merknadene frå Taxi 1 om gjeldande praksis i forvaltninga m.v., og påstanden frå Turistbuss Bergen om plagiat, er etter fylkesrådmannen sitt syn ikkje relevant for saka, ettersom kommersielle ruter ikkje på noko vis er skjerma frå konkurranse. Fylkesrådmannen kan ikkje sjå at fylkeskommunen vil vere part, dersom Turistbuss Bergen tek rettslege skritt mot Osbuss. Når det gjeld konkurranse mot Bergensexpressen vil den vere avgrensa til den generelle marknaden for lokal turisttransport i Bergen sentrum. Den planlagte ruta vil, etter fylkesrådmannen si vurdering, berre kunne ha ei særs avgrensa konkurranseflate mot drosjenæringa. Fylkesrådmannen si vurdering Det er sentralt i mi vurdering at det omsøkte løyve ikkje ser ut til å kome i konflikt med tilskotsretta persontransportruter. Det er og eit viktig moment at den potensielle konkurranseflata mot drosjenæringa ser ut til å vere heilt marginal, og at drosjenæringa i hovudsak ikkje har merknader til søknaden. 4

5 Når det gjeld tilhøve til aktuelle kommersielle bussruter, merkar eg meg at den mest aktuelle kommersielle konkurrenten innanfor rutedrift, etter drygt to år framleis ikkje har nytta det tildelte ruteløyve. For å byggja opp om turistnæringa er det viktig med eit mangfald av tilbod, også på transportområda. Konkurranse fremjar innovasjon og utvikling, og eg vil difor rå til at søknaden frå Osbuss vert godkjent. 5