TILTAKSPLAN KOLLEKTIVTRAFIKKEN SIN INFRASTRUKTUR

Transkript

1 HORDALAND FYLKESKOMMUNE Samferdselsavdelinga Arkivsak Arkivnr. 831 Saksh. Iversen, Erlend Saksgang Samferdselsutvalet Fylkesutvalet Møtedato TILTAKSPLAN KOLLEKTIVTRAFIKKEN SIN INFRASTRUKTUR SAMANDRAG Tiltaksplan for kollektivtrafikken sin infrastruktur vart utarbeidd med utgangspunkt i Kollektivgruppa i Bergensprogrammet i Bergen kommune hadde 31. mai 2011 (sak ) planen til uttale. Byrådet i Bergen gjorde vedtak om å ta planen til etterretning, samstundes som kommunen la til konkrete merknader m.a. når det gjeld innfartsparkering. Fylkesrådmannen legg med dette fram Tiltaksplan for kollektivtrafikken sin infrastruktur for handsaming. Tiltaksplanen for kollektivtrafikken presenterar infrastrukturtiltak for kollektivtrafikken i Bergen utanom Bybanen. Den skal leggje grunnlag for ei samla verkemiddelbruk innan kollektivtrafikken i eit 4-års perspektiv. Hovudfokus er framkomsttiltak for kollektivtrafikken på riks- og fylkesvegar i Bergen, og tiltaka er delt inn 4 grupper: Framkomsttiltak Haldeplassar/ knutepunkt/ terminalar Innfartsparkering Informasjonstiltak/ sanntidsinformasjon Tiltaksplanen deler vidare inn tiltaka i 2 grupper med ulike tidshorisont: Tiltak som kan gjennomførast på kort sikt Tiltak som krev plan etter plan- og bygningslova Tiltaksplanen fungerer som eit arbeidsverktøy og grunnlag for arbeidet med årleg budsjett og byggeprogram i Bergensprogrammet innanfor programområdet kollektiv.

2 FORSLAG TIL INNSTILLING 1. Fylkesutvalet sluttar seg til dei hovudprioriteringar som Tiltaksplan for kollektivtrafikken sin infrastruktur legg opp til. 2. Fylkesutvalet peikar på at utvikling av kollektivtrafikken sin infrastruktur er avgjerande for å kunne nå målsettingane om vekst i talet på kollektivreisande. Det må derfor setjast fullt fokus på arbeidet med planavklaring og gjennomføring av tiltaka i planen. Paul M. Nilsen fylkesrådmann Anne Iren Fagerbakke samferdselssjef Vedlegg: Tiltaksplan kollektivtrafikken sin infrastruktur

3 FYLKESRÅDMANNEN, : 1. Bakgrunn Tiltaksplan for kollektivtrafikken sin infrastruktur vart utarbeidd med utgangspunkt i Kollektivgruppa i Bergensprogrammet i Planen presenterar infrastrukturtiltak på riks- og fylkesvegar for kollektivtrafikken med unnatak av Bybanen. Fylkesrådmannen presiserer likevel at sjølv om arbeidet ikkje har omfatta etablering av bybanetrasear, omfattar arbeidet i stor grad koordinering av bussystemet opp mot banetraseen. Den skal bidra til eit samla fokus på etablering av infrastrukturtiltak for kollektivtrafikken, slik at investeringsmidlane vert nytta på ein mest mogleg effektiv måte, i tråd med politiske vedtak. Formålet med tiltaksplanen er at den skal fungere som eit arbeidsverktøy og grunnlag for arbeidet med årleg budsjett og byggeprogram i Bergensprogrammet innanfor programområdet kollektiv. Tiltaksplanen byggjer på dei økonomiske rammene i handlingsprogrammet for Bergensprogrammet for perioden , med ei samla ramme til kollektivtiltak på 191 mill kr. Fylkesrådmannen vil her kort streke under at vel halvparten av desse midlane vert nytta til opprusting av Bystasjonen/ Bergen bussterminal. I tillegg til ramma på 191 mill kr kjem eventuelle statlege tilskot, i form av belønningsmidlar og tilgjengelegheitsmidlar (BRA-midlar). 2. Politisk handsaming Byrådet i Bergen kommune hadde 31. mai 2011 Tiltaksplan for kollektivtrafikken sin infrastruktur til uttale (sak ). Det vart gjort slikt vedtak: Byrådet har følgende kommentarer til den mottatte "Tiltaksplan for kollektivtrafikken sin infrastruktur for perioden ": Statlig medfinansiering; både ordinære budsjetter, belønningsmidler og BRAmidler, vil utgjøre viktige tilskudd for gjennomføring av prosjektene i planen. Under innfartsparkering inntas mulige tiltak basert på sambruk av parkeringsplasser, som omtalt i saken. Kommunen vil som planmyndighet komme tilbake til de tiltakene der det kreves reguleringsplan eller planendring. Innfartsparkering i tilknytning til Dolviken terminal foreslås inntatt som nytt "Tiltak med behov for reguleringsplan ". Det er på dette tidspunkt ikke tatt stilling til forslag om en bussvei mellom sentrum og Haukelandsområdet via Møllendal. Tiltaksplanen tas for øvrig til etterretning. 3. Tiltaksplanen for kollektivtrafikken sin infrastruktur Tiltaka i planen er delt inn i 4 grupper: 1. Framkomsttiltak Hovudfokuset i tiltaksperioden vil vere etablering av kollektivfelt på strekningar der kollektivtrafikken har dårleg framkomst. I tillegg vil skisseprosjekt, moglegheitsstudie, og utgreiingar knytt til tiltaksbehov og løysingar vere viktig for å opprette ein planreserve 2. Haldeplassar, knutepunkt og terminalar Terminalar og haldeplassar langs stamlinene vil vere hovudprioritet i tiltaksperioden. Det er eit mål at 80 pst av terminalane og haldeplassane langs stamlinene skal vere universelt utforma i

4 3. Innfartsparkering Innfartsparkering for bil ved viktige knutepunkt/ terminalar og sykkelparkering ved viktige haldeplassar langs stamlinene vil vere hovudfokus i perioden 4. Informasjonstiltak og sanntidsinformasjon Trafikantinformasjon er eit viktig satsingsområde i perioden. Tiltak som fell inn under infrastruktur er informasjonssøyler og sanntidsinformasjon. Det er eit mål at alle terminalane skal ha informasjonssøyler og sanntidsinformasjon i løpet av tiltaksperioden. For haldeplassar langs stamlinene er det eit mål at 70 pst skal ha informasjonssøyler og 20 pst skal ha sanntidsinformasjon i Tiltaksplanen deler vidare inn tiltaka i 2 grupper med ulike tidshorisont: a) Tiltak som kan gjennomførast på kort sikt b) Tiltak som krev plan etter plan- og bygningslova Parallelt med dei tiltak som er nemnt i tiltaksplanen arbeidar kollektivgruppa i Bergensprogrammet med ulike skisseprosjekt og andre utredingar og analysar. Dette er ein del av arbeidet med å oppnå ein planreserve, dvs. eit grunnlag for nye infrastrukturtiltak for kollektivtrafikken. Arbeidet med tiltaksplanen har i stor grad vorte koordinert med arbeidet med ny rutestruktur. Sentralt i dette arbeidet har differensieringa mellom stamliner, byliner og forstadsliner, med hovudfokus på infrastrukturtiltak langs stamliner. Stamlinene er ryggraden i kollektivsystemet med høg frekvens og kapasitet, og går mellom dei største reisemåla og langs dei mest trafikkerte transportkorridorane. For detaljert framstilling av dei einskilde tiltak vert det vist til vedlegg 1, Tiltaksplan for kollektivtrafikken sin infrastruktur Fylkesrådmannen si vurdering: Fylkesrådmannen vurderar tiltaksplanen som eit nyttig arbeidsverktøy og grunnlag for arbeidet med årleg budsjett og byggeprogram i Bergensprogrammet. Tiltaksplanen legg grunnlag for ei samla verkemiddelbruk innanfor kollektivområdet. Fylkesrådmannen viser til at for å nå dei politiske målsetnadene om styrking av kollektivtrafikken er det viktig å få gjennomført tiltaka i planen, m.a. framkomsttiltaka. Samstundes merkar fylkesrådmannen seg at ein ikkje er heilt i rute med tanke på gjennomføring av de ulike tiltaka i planen. Det er difor viktig at det vert sett fokus på to hovudområde framover: opparbeiding av planreserve med prosjekt klar til bygging, og gjennomføring av planavklarte tiltak. Byrådet i Bergen uttalte under handsaming av tiltaksplanen eit behov for fokus på innfartsparkering. Fylkesrådmannen vil her vise til fylkesutvalet sitt vedtak i samband med handsaming av sak om innfartsparkering i Bergensområdet (sak 119/11), der fylkesutvalet m.a. slutta seg til ei vidareutvikling av innfartsparkeringstilbodet slik det var skissert i saka, samstundes som fylkesutvalet bad samferdselsutvalet setje ned ei tverrpolitisk gruppe som skal arbeide med ein meir offensiv strategi for innfartsparkering i Hordaland. Det kan i tillegg peikast på at spørsmålet om bussveg frå Nygårdstangen til Haukeland Universitetssjukehus via Møllendal ikkje vert teke stilling til i byrådet på det noverande tidspunkt. Fylkesrådmannen vil halde fast på dette tiltaket som ein del av tiltaksplanen. Den føreslåtte løysinga er å rekne som eit mellombels tiltak i påvente av bybanetrase via Møllendal/ Haukeland. Fylkesrådmannen vil be om at Bergen kommune som planstyresmakt tek aktiv stilling til forslaget som ligg føre. Fylkesrådmannen vil og vise til at tiltaksplanen tek for seg infrastrukturtiltak med hovudfokus på framkomst, men at det samstundes er andre faktorar som kan virke inn på framkomsten til 4

5 kollektivtrafikken. Dette gjeld til dømes anleggsarbeid langs kollektivtraseane, generell trafikkvekst i og rundt Bergen, samt andre forhold som spørsmålet om ulike formar for restriksjonar på biltrafikken. Fylkesrådmannen tilrår at fylkesutvalet sluttar seg til dei tiltak og prioriteringar som går fram av Tiltaksplan for kollektivtrafikken sin infrastruktur