FYLKESKOMMUNAL FORSKOTTERING TIL FRAMSKUNDING AV E39 SVEGATJØRN-RÅDAL ANLEGGSVEG TIL ENDELAUSMARKA

Transkript

1 HORDALAND FYLKESKOMMUNE Samferdselsavdelinga Arkivsak Arkivnr. 812 Saksh. Utne, Bente Saksgang Samferdselsutvalet Fylkesutvalet Fylkestinget Møtedato FYLKESKOMMUNAL FORSKOTTERING TIL FRAMSKUNDING AV E39 SVEGATJØRN-RÅDAL ANLEGGSVEG TIL ENDELAUSMARKA SAMANDRAG Prosjektet E39 Os-Bergen er eit viktig vegtiltak med høg prioritet både frå Os kommune, Hordaland fylkeskommune og Statens vegvesen. Prosjektet har blitt forseinka fleire gongar, og framdriftsplanen viser no at fysisk oppstart tidlegast vil kunne starte opp mot slutten av Os kommune og Statens vegvesen Region vest har retta ein førespurnad til Hordaland fylkeskommune om å forskottere framtidige bompengar for å realisere anleggsveg med tilhøyrande konstruksjonar i Endelausmarka i Os kommune. Ei tidlegare realisering av denne anleggsvegen vil kunne framskunde gjennomføring av hovudprosjektet med anslagsvis 3-6 månader. Dette inneber at fylkeskommunen forskotterar inntil 30 mill. kr. Forskotteringa må godkjennast av Samferdselsdepartementet. Beløpet vert refundert av Bergen-Os Bompengeselskap AS når Stortinget har godkjent bompengeprosjektet E39 Os-Bergen. Hordaland fylkeskommune har den formelle risikoen om Stortinget avslår bompengesøknaden. Rentekostnaden for fylkeskommunen utgjer rundt 1 mill. kr pr år, og Os kommune vil dekke halve rentekostnaden med eit øvre tak på kr Anleggsvegen er ein del av prosjektet E39 Os-Bergen. Statens vegvesen legg til grunn at vegen vert omklassifisert til fylkesveg etter anleggsperioden. Dersom forskotteringa vert godkjent kan arbeidet med anleggsvegen ta til seinhaustes 2012.

2 FORSLAG TIL INNSTILLING 1. Under føresetnad av godkjenning av Samferdselsdepartementet vedtek fylkestinget å forskottera inntil 30 mill. kr av framtidige bompengeinntekter til anleggsveg til Endelausmarka, for å framskunda E39 Os-Bergen. 2. Fylkestinget legg til grunn at forskotteringsbeløpet vert tilbakebetalt av Bergen-Os Bompengeselskap AS snarast mogeleg etter at Stortinget har handsama bompengeprosjektet E39 Os-Bergen. Paul M. Nilsen fylkesrådmann Anne Iren Fagerbakke samferdselssjef Vedlegg: 1. Brev frå Os kommune av Notat frå Statens vegvesen Region vest av

3 FYLKESRÅDMANNEN, : Bakgrunn Os kommune og Statens vegvesen Region vest har retta ein førespurnad til Hordaland fylkeskommune om forskottering av 30 mill. kr for å realisere anleggsveg med tilhøyrande konstruksjonar i Endelausmarka i Os kommune. Anleggsvegen er ein del av bompengeprosjektet E39 Os-Bergen, og går frå Fv 161 ved Åsen til Endelausmarka. Endelausmarka vil vera riggområde på Os-sida for E39 Svegatjørn-Rådal. Statens vegvesen legg til grunn at vegen blir omklassifisert til fylkesveg etter at anleggsperioden er over. Ei eventuell forskottering av framtidige bompengeinntekter må godkjennast av Samferdselsdepartementet. Føremålet med forskottering Føremålet med forskotteringa er å framskunda bygginga av E39 Svegatjørn-Rådal. Det mest tidkrevjande delprosjektet på denne vegen er bygginga av Lysehornstunnelen, som vil ta om lag fem år. I tillegg kjem byggetida for anleggsvegen. Dermed er det tidssparande om anleggsvegen er klar til Stortinget skal handsama prosjektet. Os kommune viser til at prosjektet Svegatjørn-Rådal er forseinka i høve til tidlegare planar, og at kvar månad som kan hentast inn igjen har stor verdi for næringsliv, pendlarar og folk flest i regionen. Eit anna moment er at SVV meiner vegen bør byggjast om vinteren. Dette primært fordi det er den mest gunstige årstida i forhold til klekketida til den freda augestikkaren stor torvlibelle. Dessutan vil tele i jorda gjera bygginga enklare. Det er derfor ønskjeleg med byggestart seinhaustes SVV anslår byggetida til anleggsvegen inklusive bruene til 4-5 månader. Anleggsvegen vil då vera ferdig tidleg i 2013, og stå klar til anleggsstart på Svegatjørn-Rådal som tidlegast kan skje ved slutten av For å nytta tunnelmassane frå E39 rasjonelt ønskjer Os kommune og SVV at anleggsvegen vert bygd vidare vestover frå Åsen og mot Helleskaret (Lysefjordarmen). Kommunen har spelt inn dette som eit prioritert prosjekt til Regional transportplan for Hordaland, som skal leggjast fram for fylkespolitiske organ våren Denne saka gjeld berre forskotteringa av anleggsvegen. 3

4 Status for E39 Svegatjørn-Rådal SVV reknar med at Stortinget kan handsama prosjektet i tidleg i Dei reknar med det vil ta minst 6-7,5 månader frå Stortingsvedtaket til entreprenøren kan starta opp arbeidet (grunnerverv, anbodskonkurranse, opprigging mv.). Byggetida for Lysehorntunnelen på fem år føreset at tunneldrivinga skjer både frå Bergen-sida og Os-sida. Pr januar 2012 er det uavklart kvar overskotsmassane frå tunnelen i Bergen kan nyttast / dumpast. Dersom ein i verste fall ikkje finn ei løysing på dette, og heile tunnelen må byggjast frå Ossida, opplyser SVV at prosjektet vil ta minst eitt år ekstra. Dersom Lysehorntunnelen kan byggjast frå begge sider reknar SVV med å spara tre månader på at anleggsvegen er klar på førehand. Om ein må byggja hovudsakleg frå Os-sida, som altså vil ta minst seks år, vil anleggsvegen spara prosjektet for 5-6 månader. Kostnader for anleggsvegen Det må byggjast ei bru over Sjøbøelva, og ei bru over verna område i Endelausmarka. Desse bruene er kostnadsrekna til høvesvis 10 og 7 mill. kr. Anleggsvegen er kostnadsrekna til 10 mill. kr. Totalt er kostnadsoverslaget på 27 mill. kr, og SVV tilrår dermed ei forskottering på inntil 30 mill. kr. Kostnader for forskotteringa Pr januar 2012 vil eit ekstra utlån kosta HFK mellom 3% og 3,5% p.a. i auka lånekostnad / tapte renteinntekter. Eit utlån på 30 mill. kr i eitt år vil dermed kosta mellom og kr. Os kommune tilbyr i brevet av å dekkja 50% av finanskostnadene ved forskotteringa, men avgrensa oppad til kr Tilbakebetaling av forskotteringa skal skje ved bompengar frå Bergen-Os Bompengeselskap AS. Når Stortinget har godkjent prosjektet kan selskapet ta opp lån. I beste fall kan dermed forskotteringa tilbakebetalast i Men det er også realistisk at tilbakebetaling først kan skje i Lånekostnaden for Hordaland fylkeskommune vert følgjande: Forskotteringsperiode 1 år: ca 1 mill. kr, minus Os kommune sin del 0,5 mill.kr, altså 0,5 mill. kr. Forskotteringsperiode 2 år: ca 2 mill. kr, minus Os kommune sin del 0,5 mill kr, altså 1,5 mill. kr. Formelt sett er det Hordaland fylkeskommune ber risikoen ved forskotteringa. Skulle Stortinget avslå bompengesøknaden vil fylkeskommunen ikkje få refundert forskotteringa. Andre fylkeskommunale forskotteringar Fylkeskommunen har følgjande forskotteringar på riksveganlegg: - 5 millionar kr til Rv 13 Bratlandsdalen millionar kr til bygging av kollektivfelt for Rv 555 Breivikskiftet Drotningsvik - Søknad om forskottering på 80 millionar kr til Bystasjonen søre del, er sendt i desember 2011 Fylkesrådmannen sine merknader Fylkesrådmannen meiner at ei framskunding av E39 med minst tre månader er eit gode for næringslivet, trafikantane og innbyggjarane i Hordaland. Estimert kostnad for Hordaland fylkeskommune, 0,5-1,5 mill. kr, er etter fylkesrådmannen sitt syn akseptabelt i forhold til denne fordelen. 4

5 Risikoen for at bompengeprosjektet ikkje vert godkjent av Stortinget, ser fylkesrådmannen som liten. Formelt sett er det likevel slik at Hordaland fylkeskommune ber risikoen ved forskotteringa. Dersom prosjektet ikkje vert godkjent, vil fylkeskommunen ikkje få refundert forskotteringa. Fylkesrådmannen vil vidare gjera merksam på at behovet for eventuell ny veg frå Åsen til Helleskaret ikkje er vurdert i denne samanhengen. Eventuelle innsparingar ved å byggja denne vegen i samband med realisering av hovudprosjektet er ikkje tilstrekkeleg grunnlag for å realisera eit slikt prosjekt. Med dei store utfordringane på fylkesvegnettet i Hordaland må grundige behovsvurderingar av alle nye tiltak vurderast på sjølvstendig grunnlag. Eventuell ny veg vert vurdert som eit innspel frå kommunen til framtidige prioriteringar på fylkesvegnettet i Hordaland i samband med arbeidet med Regional Transportplan for Hordaland for perioden