OPPRETTING AV ADMINISTRASJONSSELSKAP FOR BOMPENGESELSKAPA I HORDALAND

Transkript

1 HORDALAND FYLKESKOMMUNE Samferdselsavdelinga Arkivsak Arkivnr. 81 Saksh. Midtgård, Bjørn Inge Saksgang Samferdselsutvalet Fylkesutvalet Valnemnda Fylkestinget Møtedato OPPRETTING AV ADMINISTRASJONSSELSKAP FOR BOMPENGESELSKAPA I HORDALAND I 2005 utarbeidde Hordaland fylkeskommune rapporten Organisering og administrasjon av bompengeselskapa Administrasjonsselskap eit steg på vegen mot fylkeskommunalt eller regionalt bompengeselskap. Rapporten vart handsama i fylkestinget 13. desember Fylkestinget vedtok då å etablere eit felles administrasjonsselskap for bompengeselskap i Hordaland. Fylkesrådmannen legg med dette fram sak om godkjenning av stiftingsdokument, lokalisering av selskapet, midlar til aksjekapital, fullmakt til å løyva finansiell stønad i samband med etablering/ oppstart av selskapet og oppnemning av styrerepresentantar.

2 FORSLAG TIL INNSTILLING 1. Fylkestinget godkjenner utkast til stiftingsdokument med vedteker og aksjekapital for administrasjonsselskapet for bompengeselskapa. 2. Fylkestinget godkjenner at selskapet si forretningsadresse skal vera i Bergensområdet. 3. Hordaland fylkeskommune løyver kr til kjøp av 10 aksjar à kr i administrasjonsselskapet for bompengeselskapa. Budsjettet for 2009 vert endra slik: Tilleggsløyvingskonto Interne finansieringstrans Kjøp av aksjar Interne finansieringstrans Fylkestinget gjev fylkesrådmannen fullmakt til å løyva finansiell stønad i samband med etablering og oppstart av selskapet. 5. Til styret for administrasjonsselskapet for bompengeselskapa nemner fylkestinget opp: Medlemer: Leiar: Varamedlemer: Paul M Nilsen Vedlegg: Magnus Vestrheim 1. Utkast til stiftingsdokument. 2. Høyringsbrev frå HFK datert Høyringsuttale frå Jondalstunnelen AS datert Brev frå Eidfjord Utvikling AS datert Høyringsuttale frå Hardangerrådet datert Høyringsuttale frå Bømlo Vegselskap AS datert Høyringsuttale frå Sunnhordland Bru- og Tunnelselskap AS datert

3 8. Høyringsuttale frå Bergen- Os bompengeselskap AS datert Høyringsuttale frå Osterøy Bruselskap AS datert Høyringsuttale frå Voss- og omland bompengeselskap AS datert Høyringsuttale frå Fastlandssamband Halsnøy AS datert Brev frå Samarbeidsrådet for Sunnhordland datert Høyringsuttale frå Austevoll Bruselskap AS datert

4 FYLKESRÅDMANNEN, : Bakgrunn I 2005 utarbeidde Hordaland fylkeskommune rapporten Organisering og administrasjon av bompengeselskapa Administrasjonsselskap eit steg på vegen mot fylkeskommunalt eller regionalt bompengeselskap. Rapporten vart handsama i fylkestinget 13. desember 2005, etter at han hadde vore på høyring til mellom anna bompengeselskapa i fylket. Fylkestinget vedtok då å etablere eit felles administrasjonsselskap for bompengeselskap i Hordaland. Vedtaket vart gjort av førre fylkesting for fire år sidan. Fordi det har gått så lang tid sidan vedtaket vart gjort, legg fylkesrådmannen opp til at denne saka også vert fremma for fylkestinget. Om prosessen med å etablera administrasjonsselskapet Fylkestinget gjorde følgjande vedtak : 1. Fylkestinget vedtek å etablere eit administrasjonsselskap for bompengeselskap i Hordaland, herunder sende søknad til Vegdirektoratet om løyve til å samordne administrasjonen av bompengeselskapa. Administrasjonsselskapet skal organiserast som eit heileigd fylkeskommunalt aksjeselskap. 2. Fylkestinget gjev fylkesutvalet fullmakt til å løyve midlar til aksjekapital, ta stilling til lokalisering av selskapet, og godkjenne nødvendige stiftingsdokument. Søknad om samordna administrasjon av bompengeselskap og fylkestinget sitt vedtak, vart sendt til Statens vegvesen Region Vest Ein har i lengre tid venta på svar frå Vegdirektoratet på søknaden. Fylkesordføraren bad i brev Statens/vegvesen/Vegdirektoratet om å handsame søknaden med von om eit snarleg svar. Fylkesordføraren sendte nytt brev og ba om møte med vegdirektøren for å drøfte korleis vi kan komme oss vidare i spørsmålet om å etablere eit felles administrasjonsselskap for bompengeselskapa i Hordaland Møte med Vegdirektoratet vart halde , og Vegdirektoratet har no gjeve klarsignal til å oppretta eit sams admininstrasjonsselskap for bompengeselskapa i Hordaland. Fylkesrådmannen har i høyringsbrev datert 27. august bede om innspel frå dei 12 bompengeselskapa i fylket i samband med skipinga av administrasjonsselskapet. Om føremål, oppgåver, etablering og oppstart Føremålet med selskapet er å sikra ein mest mogleg kostnadseffektiv administrasjon knytt til forvaltning av bompengeinntekter og å ivareta og utvikla kompetanse knytt til sentrale oppgåver i bompengeprosjekt som til dømes å utforma og forvalta låneavtalar. Administrasjonsselskapet skal utføra oppgåver som vert definerte som fellesoppgåver for bompengeselskapa. Styra i bompengeselskapa er ansvarleg for eige prosjekt og tek avgjerd i større saker og syter for at bompengeavtalen vert etterlevd. Administrasjonsselskapet tek seg derimot av dagleg drift av selskapa. Følgjande oppgåver vil kunna vera aktuelle: Dagleg leiarfunksjon Styreadministrasjon Sentralbord Rapportering Økonomiforvaltning, låneforvaltning Rekneskap og budsjettering Personaladministrasjon Administrativ forvaltning, kjøp og avtaleforvaltning Lista er ikkje uttømande og vil kunne tilpassast bompengeselskapa sine behov. 4

5 Ein legg opp til at dei selskapa der HFK er majoritetseigar automatisk vil bli kundar av administrasjonsselskapet. I tillegg vil dei andre bompengeselskapa og få tilbod om å nytta administrasjonsselskapet sine tenester. Aksjekapital Minimum aksjekapital etter aksjeloven er kr Ein legg opp til at aksjekapitalen for administrasjonsselskapet vert kr. kr fordelt på 10 aksjar - kvar aksje pålydande kr Hordaland fylkeskommune skal, i samsvar med vedtaket frå , eiga 100% av aksjane. Midlar til etablering og oppstart Når selskapet kan kome i operativ drift vil avhenga av avtalebindingar dei enkelte bompengeselskapa har i dag. Det vert lagt opp til at administrasjonsselskapet gradvis tek på seg oppgåver for bompengeselskapa så snart dette er praktisk mogleg. I ein etablering og oppstartsfase kan det av likviditetsgrunnar verta behov for å løyva midlar. Stiftingsdokument For å stifta eit aksjeselskap skal den eller dei som skal teikna aksjar i selskapet (stiftarane), oppretta eit stiftingsdokument med vedtekter. Utkast til stiftingsdokument følgjer som vedlegg 1 til saka. Høyringsuttalar I Hordaland er det i dag 14 aktive bompengeselskap1. HFK er bompengeselskap for to bompengeprosjekt og har fleirtal i styret i 9 bompengeselskap. HFK er mindretalseigar i Osterøy Bruselskap AS. HFK er ikkje medeigar i Bergen Bompengeselskap AS og Folgefonntunnelen AS. Høyringsbrev vart sendt til dei 12 eksterne bompengeselskapa i fylket: Selskap der HFK er fleirtalseigar: Hardangerbrua AS Sunnhordland Bru- og tunnelselskap AS Austevoll Bruselskap AS Jondalstunnelen AS Fastlandssamband Halsnøy AS Voss og omland bompengeselskap AS Kvam Bompengeselskap AS Bergen Os Bompengeselskap AS Bømlo vegselskap AS Selskap der HFK har mindretal Osterøy Bruselskap AS Selskap der HFK ikkje er eigar: Bergen Bompengeselskap AS Folgefonntunnelen AS Det har kome inn høyringsuttalar frå alle bompengeselskapa med unnatak av Hardangerbrua AS, Bergen Bompengeselskap AS, Folgefonntunnelen AS og Kvam Bompengeselskap AS. I tillegg har Eidfjord Utvikling AS, Hardangerrådet og Samarbeidsrådet for Sunnhordland sendt brev om lokaliseringa av selskapet. Om kundetilhøvet Bømlo Vegselskap AS, Sunnhordland Bru- og Tunnelselskap AS, Voss - og omland bompengeselskap AS, Jondalstunnelen AS og Fastlandssamband Halsnøy AS er positive til etableringa av eit administrasjonsselskap. Austevoll Bruselskap AS uttalar at det er ein føresetnad for etableringa/deltakinga at det ikkje vil bli dyrare for bruselskapet å nytta administrasjonsselskapet enn kr per år, som er prisen Austevoll kommune skal ha pr. år for sekretærarbeid og føring av rekneskapen. 5

6 Bergen- Os bompengeselskap AS legg vekt på at det må vera opp til det enkelte selskap å avgjera tidspunkt eller fase i prosjektet for eventuelt å kjøpa slike administrative tenester og at det må vera reell konkurranse om drifta av administrasjonsselskapet. Osterøy Bruselskap AS meiner ein i dag har gode tenester til ein rimeleg kostnad. Bompengeperioden går mot slutten og styret ynskjer i utgangspunktet ikkje å endra ordningar og samarbeid som har fungert godt i heile perioden. Dersom bruselskapet på nytt må ut å innhenta tilbod på ei eller fleire tenester, skriv bruselskapet at det felles administrasjonsselskapet vil vera ein aktuell leverandør. Om lokaliseringa av selskapet Bømlo Vegselskap AS, Sunnhordland Bru- og tunnelselskap AS, Fastlandssambandet Halsnøy AS og Samarbeidsrådet for Sunnhordland ønskjer å lokalisera administrasjonsselskapet til Bømlo. Hardangerrådet og Eidfjord utvikling ønskjer å lokalisera administrasjonselskapet til Eidfjord. Fylkesrådmannen sine merknadar Fylkesrådmannen rår til at fylkestinget godkjenner utkast til stiftingsdokument med vedteker og aksjekapital for administrasjonsselskapet for bompengeselskapa. Fylkesrådmannen vil, basert på fylkestinget sitt vedtak i saka, ta hand om den endelege utforminga av stiftingsdokumentet. Fylkesrådmannen ser at det kan argumenterast for ulike lokaliseringsstadar. Fylkesrådmannen meiner likevel at det er viktig at administrasjonsselskapet vert lokalisert i nærleiken av fylkesadministrasjonen Dessutan er fleire av dei store eksisterande og planlagde bompengeprosjekta plasserte i Bergensområdet. Fylkesrådmannen rår difor til at administrasjonsselskapet vert lokalisert til Bergensområdet. Fylkesrådmannen legg til grunn minimum aksjekapital og rår til at fylkestinget løyver kr til kjøp av 10 aksjar à kr Aksjekjøpet vert løyvd frå fylkesutvalet sin tilleggsløyvingskonto. Det kan vera behov for å tilføre likviditet i samband med etableringa av selskapet og i oppstartsfasen. Fylkesrådmannen rår til at fylkestinget gjev fullmakt til fylkesrådmannen til å kunna løyva finansiell stønad i samband med etablering og oppstart av selskapet. Fylkesrådmannen rår til at fylkestinget oppnemner fem medlemmer inkludert leiar og varamedlemmer til styret for administrasjonsselsakpet for bompengeselskapa. 6