SAKSFRAMLEGG Sakshandsamar: Einar Nedrelo Arkivsaksnr.: 06/1143 Arkiv: L12 REGULERINGSPLAN FOR KVÅLE/GURVIN. * Innstilling: Kommunestyret i Sogndal vedtek reguleringsplan for Kvåle-Gurvin med tilhøyrande føresegner dagsett 01.02.07, jf plan og bygningslova 27-2. Vedlegg: Reguleringsplan og illustrasjonsplan sist dat.1.02.2007 Føresegner dat. 1.02.2007 Tverrsnitt av Åbergevegen Fråsegner/merknader Skriv datert 23.01.07 frå Sogn og Fjordane Fylkeskommune med vedlegg frå Riksantikvaren. Forvaltningsutvalet gjorde fylgjande vedtak i sak 11/07: Kommunestyret i Sogndal vedtek reguleringsplan for Kvåle-Gurvin dagsett.., jf plan og bygningslova 27-2. Før planen vert lagd fram for kommunestyret skal følgjande endringar gjerast: Utvidinga av spesialområdet rundt gravrøysa, som Kulturavdelinga har foreslege vert teke inn planen. 20 i føresegnene vert og omgjort slik kulturavdelinga ber om. Parkeringsplassen mellom Åbergevegen og Rutlinslid vert lagt inn i planen. Gang- sykkelvegen vert planlagt som fortau mellom eigedomen 23/216 og Fylkesvegen, jf. vedlagte skisse frå Arkitektkontoret Locus as. Sikttrekantane i den nye avkøyrsal vert auka til 10x80m. Føresegna 4 pkt.3) 3.setning vert retta slik: Bustadhus kan oppførast i inntil 2 etasjar. Kjellar kan utnyttast i samsvar med kap.iv, 4-1 i forskriftene til Plan- og bygningslova. Nytt pkt.3 i føresegnene 3: Frittliggjande garasjar kan oppførast i ein etasje med bruttoareal inntil 50 m2. Maksimal gesimshøgde skal vere 3,0 m. Avstand til nabogrense og annan bygning skal vere i samsvar plan- og bygningslova 70 og byggeforskriftene med rettleiing, 4.4 og 7.26. Saksutgreiing:
Reguleringsplan, illustrasjonsplan og føresegner datert 01.02.07 er retta i samsvar med Forvaltningsutvalet sitt vedtak i sak 11/07. Bakgrunn: Forvaltningsutvalet vedtok på møte 21.09.06 å leggje planforslaget ut til offentleg ettersyn i samsvar med 27-1.2 i plan- og bygningslova. Reguleringsplan for Kvåle /Gurvin har lege ute til offentleg ettersyn på biblioteket og kommunehuset i Sogndal i tida 18.november 22. desember 2006, planen vart også sendt grunneigarar, rettigheitshavarar og Fylkeskommunen, statlege fagorgan, Sognekraft og televerket for uttale. Vi har motteke merknader frå 11 instansar/personar på planforslaget. 1. Uttale frå Sogn og Fjordane Fylkeskommune kulturavdelinga 2. Fråsegn frå Arne Stein Pedersen, GBNR. 23/100 3. Merknad frå Målfrid og Olaf Skjerdal, GBNR 23/6 fnr.2 4. Merknad frå Ørnulf Nes og Kari Aaberge, GBNR 23/74 5. Uttale frå Fylkesmannen i Sogn og Fjordane 6. Merknad frå Sogn Advokatkontor på vegne av Laila Aardal og Jan Venes 7. Fråsegn frå Statens vegvesen til reguleringsplanen 8. Fråsegn frå Statens vegvesen til gang- og sykkelvegen langs Fylkesvegen 9. Merknad frå Johannes Kvåle til reguleringsplanen 10. Merknad frå Vidar Lerum på vegne av Håvard Flo 11. Merknad frå Hildegunn Tenold og Geir Tøfte, GBNR 23/45 fnr.5 12. Merknadene vert lagt ved saka. I saka vidare referer vi merknadene og kommenterer denne. 1. Kulturavdelinga opplyser at det ved overflategraving på utvalde felt i området vart gjort fleire funn. Kulturavdelinga har sendt søknad om dispensasjon til Riksanstikvaren der dei tilrår at dei automatisk freda kulturminna som er påviste i juni/juli 2006. Kommunen har ikkje høve til å eigengodkjenne planen før Riksantikvaren har gjort vedtak i saka. Kulturavdelinga ber og om at området kring gravrøysa S1 vert utvida og viser til vedlagte kart. Vidare ber kulturavdelinga om at 20 i føresegnene til planen vert slik: 20 Spesialområde: Område for vern av gravhaug, S.1 I spesialområdet ligg ei gravrøys ( ID nr. 35495). Gravrøysa er freda i medhald av Lov om kulturminne 4. Det er forbod mot inngrep i kulturminnet eller å utføre tiltak som medfører fare for at dette kan skje, jf. Lov om kulturminne 3. Det kan drivast skjøtsel av gravrøysa og av spesialområdet. Gravrøysa kan tilretteleggast til publikum ved skilting. I spesialområdet kan det opparbeidast stiar, m. v. Arbeidet kan setjast i verk etter planar godkjent av Kulturavdelinga i fylkeskommunen, jf. lov om kulturminne 9 og 11 a. Det er høve til å fjerne tre og buskar i området. Graving, planering m. v. må ikkje gjerast utan etter avtale med kulturavdelinga i fylkeskommunen. Pr. telefon har vi fått opplyst at Riksantikvaren sannsynlegvis gjer vedtak den 24.01.07, etter at Riksantikvaren har gjort vedtak kan planen eigengodkjennast. Utvidinga av spesialområdet rundt
gravrøysa, som Kulturavdelinga har foreslege tilrår rådmannen vert teke inn planen. 20 i føresegnene vert og tilrådd omgjort slik kulturavdelinga ber om. 2. Arne Stein Pedersen har ikkje vesentlege merknader til planen, føresett at løysingane vert i samsvar med planen. Mellom Rutlinslid og Åbergevegen eig Pedersen eit areal som i dag vert nytta til parkering. Dei ber om at dette arealet vert sikra mot Åbergevegen etter utvidinga av avkøyrsla til Rutlinslid, slik at dei framleis får parkeringsplass til 2 bilar. Vidare må utbyggar (kommunen) syte for tenleg tilplanting framføre ny mur. Tilplantinga må syte for skjerming mot innsyn og forureining, og gjennomførast i samråd med grunneigar. Dei legg til grunn at garasjane med tilkomst ikkje vert påverka av utvidinga. Ut frå merknaden vert det tilrådd at parkeringsplassen mellom vegane vert lagt inn i planen. I høve tilplanting, er dette tiltak som vert medteke i avtale/eventuelt skjønn mellom grunneigar og utbyggar før opparbeidinga startar. 3. Målfrid og Olaf Skjerdal har merknader til at ein vesentleg del av tomten deira (opparbeidd flat plen) på nedsida av bustadhuset vert teke i bruk til utviding av veg pluss fortau. Dei tilrår av vegbreidda vert redusert og at vegen vert flytta noko ned. Vegbreidda er i dag 3,55m på det smalaste (snitt D/D) på nedsida av tomten til Skjerdal. Arkitekten har vurdert utvidinga av vegen her spesielt, to snitt (D/D og E/E). Tomten på nedsida av vegen er liten, med garasjen (takutstikket) ståande 80 cm frå eksisterande veg og avstanden mellom garasjen og bustadhuset er 2m. Ut frå dette ser vi at å flytte vegen lenger ned vil føre til at tomta på nedsida ikkje får plass til garasje. Breidda på vegen er planlagt med 5,5m og fortau på 1,5m. Med tanke på planlagt køyreveg som vinterveg og passeringsforhold, så vil planlagt vegbreidde vere rett, redusering av vegbreidda vil gi dårlegare forhold. Det må presiserast at utvidinga er planlagt for å få tryggare trafikkforhold, ikkje større fart på vegen. Breidda på fortauet er ei minimumsløysing, og alternativet vil i tilfelle vere å ta dette ut, men det vil heller ikkje vere tilrådeleg ut frå tryggleiksomsyn. Sett ut frå eit samla tryggleiksomsyn rår rådmannen til at omsøkt plan vert godkjent sjølv om dette tek mykje av tomtearealet til Skjerdal. 4. Kari Aaberge og Ørnulf Nes viser og til at eigedomen deira vert redusert og får ulemper på grunn av utviding/omlegging av veg. Dei er spesielt opptekne av at prosjekteringa tek omsyn til plassering av ny garasje og innsyn til hage og uteplass. I prosjekteringa av både gangvegen og utvidinga vegen vil omsynet til avkøyrsle til og ny garasje måtte ivaretakast. I avtale / eventuelt skjønn må beplanting og eventuelt andre tiltak mot innsyn takast opp. 5. Fylkesmannen har ikkje avgjerande merknader til planframlegget. 6. Laila Aardal og Jan Venes representert av Sogn Advokatkontor protesterer mot at nokon del av deira eigedom Gbnr. 23/216 vert teke i bruk til gang og sykkelveg. I planforslaget som har lege ute til offentleg ettersyn var gang- sykkelvegen lagt inn på deira tomt. Årsaka til dette var at bustadhuset på eigedomen ikkje var lagt inn i kartet (kartet fotografert før bustadhuset var ført opp). Det vert vist til vedlagte skriv datert 10.januar 2007 frå arkitektkontoret LOCUS as, der det er foreslege å leggje gang- sykkelvegen som fortau mellom eigedomen 23/216 og Fylkesvegen. Spørsmålet om endringa vart teke opp med vegkontoret i møte torsdag 11.01. 2007. Vegkontoret aksepterte planlagt løysing.
7. I fråsegna av 20.12.07 krev vegkontoret at sikttrekantane i krysset skal utvidast slik at sikttrekantane vert 10x80m. Det vert vidare opplyst at fylket ikkje tek ansvar for bygging av vegen. Før gangvegen vert bygd skal detaljplan godkjennast av vegvesenet. Kommunen vert bedt om å vurdere 3m grøntstripe mellom fylkesvegen og gangvegen. I møte med vegvesenet v/finn Sundby den 11januar 07 vart det godkjent at avstanden mellom vegen kunne vere 2m, og med overgang til fortau på nedsida eigedomen Gbnr. 23/216. Sundby var og samd i at 50 km skiltet vart flytta fram om avkøyrsla frå Kvåle. Sikttrekantane tilrår vi vert auka til 10x80m. 8. Spørsmålet frå arkitektkontoret Locus er om del av skråningsarealet på oppsida av gang- /sykkelvegen kan takast i bruk som tomteareal. Det er vegvesenet som er eigar av arealet. Spørsmålet er sett i samanheng med at dersom det er private som eig skråningsarealet kan det verte betre vedlikehalde (slege). Vegkontoret svarar at dette er avhengig av korleis gang sykkelvegen vert bygd ( detaljprosjekteringa). Svaret på om skråningsarealet kan takast i buk som tomteareal (uteareal) vert tilrådd utsett til etter detaljprosjekteringa av gang- sykkelvegen er ferdig godkjent. Byggelina bør uansett gå i føremålsgrensa mellom vist bustadareal og vegareal i reguleringsplanforslaget. Utviding av tomtearealet vil ha innverknad på utnyttinga og må handsamast som endring av planen. 9. Merknad frå Johannes Bondevik. Under pkt.1. viser Bondevik til privatrettsleg avtale, om 3da av arealet innfor felt B2, der dette går på utnytting med 3 tomter pluss eit tilleggsareal til eksisterande tomt. Vidare under pkt. 2 og 3 viset Bondevik til privatrettsleg avtale om tilkomstveg til område F1 over/mellom område B.7 og B.6.Vidare er Bondevik interessert i å få regulert inn bustadføremål på F1 i tilknyting til B7. Sogndal kommune har med retningsliner i kommuneplanen som seier at sentrumsnære bustadfelt skal tett utnyttast. Utnyttinga som er vist i B2 er eit minimum av det kommunen kan godkjenne i område som er planlagt nytta til bustadføremål i sentrum. I forhold til område F1 så er dette reguleringsarkitekten sitt forslag, og grunngjevinga for dette er at S1 ikkje skal verte inneklemt mellom bustadhus, samtidig som bustadhus i denne skråninga vil verte særleg eksponerte. Spørsmålet om bustadhus i dette området er teke opp med Fylkesmannen si kulturavdeling og dei går mot bustadhus i dette området, grunngjevinga er at gravhaugen ikkje må verte inneklemt mellom bustadhus, jf. og uttale frå kulturavdelinga. 10. På vegne av Håvard Flo har Vidar Lerum merknad til føresegnene 4 punkt 3. Han ber om at høgda på bustadhuset vert bestemt ut frå gesims og mønehøgd og subsidiert at småhus vert tillate i to etasjar. Han ber og om at BYA vert sett til 25% i B2 som i B1. Årsaka til at arkitekten har detaljert føresegnene såpass som det er gjort her, er at høge og volomiøse bygningar vil verte særleg eksponerte her. Ut frå dette er gesimshøgde på inntil 4,5m og mønehøgde på inntil 7m teke inn i føresegna. Utnyttingsgraden er sett til 22%- BYA,og det er opplyst at kjellar og loft kan utnyttast i samsvar med kap. IV, 4-1 i forskriftene til Plan- og bygningslova. Etter ei nærare vurdering vil rådmannen tilrå at føresegna 4 pkt.3) 3.setning vert retta slik: Bustadhus kan oppførast i inntil 2 etasjar. Kjellar kan utnyttast i samsvar med kap.iv, 4-1 i forskriftene til Plan- og bygningslova. 13. Hildegunn Tenold og Geir Tøfte har fleire tiltak som dei ynskjer teke inn i avtale ved
gjennomføring av foreslegen utviding av vegen. Dette er eventuelle tiltak som kommunen må ta opp når ein er komen så langt i prosessen. Avkøyrsla vil kome nærare huset slik dei skriv, og tilkomst til garasje og parkering på nedsida av huset må løysast på beste måte ut frå den situasjonen som kjem. Dei har elles ikkje protestar/merknader til sjølve planen. I føresegnene hadde 3 pkt. 3 falle ut, dette må inn i føresegnene att: Frittliggjande garasjar kan oppførast i ein etasje med bruttoareal inntil 50 m2. Maksimal gesimshøgde skal vere 3,o m. Avstand til nabogrense og annan bygning skal vere i samsvar plan- og bygningslova 70 og byggeforskriftene med rettleiing, 4.4 og 7.26. Vurdering: Rådmann rår til at forvaltningsutvalet godkjenner planen med fylgjande endringar: Utvidinga av spesialområdet rundt gravrøysa, som Kulturavdelinga har foreslege vert teke inn planen. 20 i føresegnene vert og omgjort slik kulturavdelinga ber om. Ut frå merknaden frå Arne Stein Pedersen vert det tilrådd at parkeringsplassen mellom Åbergevegen og Rutlinslid vert lagt inn i planen. Gang- sykkelvegen vert planlagt som fortau mellom eigedomen 23/216 og Fylkesvegen, jf. vedlagte skisse frå Arkitektkontoret Locus as. Sikttrekantane i den nye avkøyrsal vert auka til 10x80m. Føresegna 4 pkt.3) 3.setning vert retta slik: Bustadhus kan oppførast i inntil 2 etasjar. Kjellar kan utnyttast i samsvar med kap.iv, 4-1 i forskriftene til Plan- og bygningslova. Nytt pkt.3 i føresegnene 3: Frittliggjande garasjar kan oppførast i ein etasje med bruttoareal inntil 50 m2. Maksimal gesimshøgde skal vere 3,o m. Avstand til nabogrense og annan bygning skal vere i samsvar plan- og bygningslova 70 og byggeforskriftene med rettleiing, 4.4 og 7.26. Etter at rettingane er føreteke vert planen lagt fram for kommunestyret i samsvar med 27-2 nr.1. Arthur Langeland -tenesteleiar- Jostein Aanestad -rådmann-