Konkurransegrunnlag for kjøp av teneste med steinmuring i Nærøyfjorden landskapsvernområde For levering til Nærøyfjorden verneområdestyre POSTADRESSE: NJØSAVEGEN 2 6863 LEIKANGER BESØKSADRESSE: TELEFON: DIREKTENUMMER: E-POST: WEB: ORG.NR:
1 OPPDRAGET OG ADMINISTRATIVE FØRINGAR... 3 1.1 Om Oppdragsgjevar... 3 1.2 Oppdragsgjevars kontaktperson... 3 1.3 Kjøpet gjeld... 3 1.4 Tidsplan... 3 2 KRAV TIL LEVERANDØRANE... 4 2.1 Kvalifikasjonskrav... 4 2.2 Krav til dokumentasjon... 4 2.3 HMS-eigenerklæring... 4 3 KRAV TIL ARBEIDET OG TILDELINGSKRITERIER... 4 3.1 Kravsspesifikasjon/leveranseskildring... 4 3.1.1 Generelt om leveransen... 4 3.1.2 Gjennomførings- og leveringstidspunkt... 4 3.1.3 Kontrakt... 5 3.2 Tildelingskriterier... 5 4 REGLER FOR GJENNOMFØRING AV KONKURRANSEN... 5 4.1 Anskaffingsprosedyre... 5 4.2 Forenkla kunngjering... 5 4.3 Krav til tilbodet og innleveringsstad... 5 4.4 Tilbodsfrist... 5 4.5 Tildeling av kontrakt og grunngjeving... 6 5 VEDLEGG... 6 NÆRØYFJORDEN VERNEOMRÅDESTYRE SIDE 2
1 Oppdraget og administrative føringar Nærøyfjorden verneområdestyre inviterer interesserte tilbydarar til å delta i konkurranse om kjøp av tenester i samband med restaurering av steinmurar i Nærøyfjorden landskapsvernområde. 1.1 Om Oppdragsgjevar Nærøyfjorden verneområdestyre er forvaltningsstyresmakt for Nærøyfjorden verneområde som omfattar Nærøyfjorden landskapsvernområde, Bleia-Storebotn landskapsvernområde, Nordheimsdalen naturreservat, Bleia naturreservat og Grånosmyrane naturreservat. Oppgåvene til verneområdestyret er: Forvalta verneforskrift og anna lovverk Skjøtsle og tilrettelegging i verneområda Formidla informasjon og kunnskap om verneområda og verneverdiane. Nærøyfjorden verneområde og Stølsheimen landskapsvernområde har felles forvaltningsknutepunkt med kontor i Fjordsenteret i Aurland. Det er tilsett ein verneområdeforvaltar som er sekretær og sakshandsamar for verneområdestyra. Forvaltar har ansvar for å fylgje opp vedtak fatta av styret, og fylgje opp tiltak i regi av verneområdestyret. Meir informasjon om Nærøyfjorden verneområdestyre er lagt ut på heimesida www.nasjonalparkstyre.no 1.2 Oppdragsgjevars kontaktperson Namn : Verneområdeforvaltar Anbjørg Nornes E-postadresse : fmsfano@fylkesmannen.no Telefon : 57643129/99499753 Eventuelle spørsmål skal rettast til kontaktpersonen per e-post eller telefon. Det skal ikkje være kontakt/kommunikasjon med andre personer hos oppdragsgjevar enn nemnde kontaktperson. 1.3 Kjøpet gjeld Restaurering av steinmur på Stigen og muring av steintrapp til Skogastova på Skogane. Steinmuren på stien mellom Øvste og Nedste Stigen er rast ut, og skal restaurerast. Stien vert nytta i landbruksamanheng, og som turveg. Arbeidet er rekna til å vera på omlag 30 dagsverk. På Skogane i Dyrdal skal trappa til Skogastova flyttast. Arbeidet er rekna til å vera på omlag 2 dagsverk. I tillegg kan det vera aktuelt med mindre restaureringsarbeid på murar på stiar i landskapsvernområdet på omlag 2 dagsverk. 1.4 Tidsplan Planlagt uke Aktivitet 24 Konkurranse vart kunngjort 26 Tilbodsfrist 26 Tilbodsevaluering og val av tilbod 26 Inngå kontrakt 26 Oppstart av kontrakt NÆRØYFJORDEN VERNEOMRÅDESTYRE SIDE 3
2 Krav til leverandørane 2.1 Kvalifikasjonskrav Krav til leverandøren: Leverandøren skal ha ordna forhold med omsyn til skatte- og meirverdiavgiftsinnbetaling. Leverandøren må ha spesialkompetanse på restaurering av steinmurar og stiar i bratt og veglaust terreng ved bruk av stein og ved bruk av manuelt reiskap og utstyr. Leverandør må ha erfaring med arbeid i verna og/eller sårbar natur. 2.2 Krav til dokumentasjon Tilbodet skal innehalde: Skatteattest for meirverdiavgift frå skattefuten og skatteattest for skatt utstedt av kemner/kommunekasserar, ikkje eldre enn 6 månader rekna frå tilbodsfristen Leverandør skal dokumentera god og relevant erfaring frå tilsvarande arbeid. Me ber om at det vert lagt ved ei liste over dei viktigaste leveransane dei siste tre åra. 2.3 HMS-eigenerklæring Den tilbydar som får tildelt kontrakta forpliktar seg til å underteikne ei HMS-eigenerklæring seinast ved inngåing av kontrakt. 3 Krav til arbeidet og tildelingskriterier 3.1 Kravsspesifikasjon/leveranseskildring 3.1.1 Generelt om leveransen Steinmuringa vil vera i bratt terreng, der området er utan tilgjenge frå veg. Arbeidet må difor gjerast utan bruk av maskinelt utstyr. Berre manuelt reiskap som spett, krafse, slegge, sleggehammar, spade med meir vil kunne nyttast. Tilbydar må ta omsyn til at det skal arbeidast i eit verna område, og fylgje dei reglar, føringar og pålegg som det fører med seg. Det er eit krav at berre stadeigen stein skal nyttst til oppbygging av murane. Der det er trong for revegetering av erodert område ved stien, skal det nyttast torv/humus frå nærområdet når det er tilgjengeleg. Det skal generelt arbeidast etter smae metode og kvalitet som arbeid på ulike andre stiar og murar i Nærøyfjorden landskapsvernområde. For øvrig vert det gjort avtale om konkrete arbeidsoppgåver, arbeidsområde og prioriteringar i eigen arbeidsplan. Leverandør held sjølv utstyr og reiskap, og har ansvar for eigen kost og losji. 3.1.2 Gjennomførings- og leveringstidspunkt Arbeidet skal utførast i perioden frå veke 26 til veke 40 2014. NÆRØYFJORDEN VERNEOMRÅDESTYRE SIDE 4
3.1.3 Kontrakt Avtaleforholdet vil verta regulert av vedlagte kontraktsvilkår, «Kontrakt steinmuring i Nærøyfjorden» 3.2 Tildelingskriterier Tildeling av kontrakt skal skje på basis av lågaste pris. 4 Regler for gjennomføring av konkurransen 4.1 Anskaffingsprosedyre Konkurransen vert regulert av lov og forskrift om offentlige anskaffelser. Denne anskaffelsens anslåtte verdi er under den nasjonale terskelverdi på kr 500 000 ekskl. mva. og er fritatt frå kunngjeringsplikta. Konkurransen vert gjennomført etter forskriftens alminnelige reglar (del I) og dei reglane som følgjer av dette konkurransegrunnlag. Anbodskonkurranse Konkurransen vil bli gjennomført som ein anbodskonkurranse. Forhandlingar er ikkje tillate. Leverandøren oppfordrast til å gje sitt beste tilbod. 4.2 Forenkla kunngjering Konkurransen er offentleggjort med annonse i ei lokalavis, samt på nettsida www.nasjonalparkstyre.no/naroyfjorden 4.3 Krav til tilbodet og innleveringsstad Tilbodet skal leverast på norsk og i lukka og merka sending. Tilbodet skal merkast «Anbod på steinmuring i Nærøyfjorden». Ved innlevering skal det følgje med eit tilbodsbrev (fylgjebrev) som skal vere datert og signert av bemyndiga person kor det tydeleg skal gå fram: Verksemda sitt namn Adresse Organisasjonsnummer Kontaktperson med e-postadresse og telefonnummer Eventuelle atterhald skal gå klart fram av tilbodsbrevet. Tilbodet skal leverast til: Namn: Nærøyfjorden verneområdestyre Adresse: Njøsavegen 2, 6963 Leikanger Det er ikkje tillate å levera tilbod per e-post. 4.4 Tilbodsfrist Tilbodsfrist er sett til 23.06.2014 kl. 10.00 NÆRØYFJORDEN VERNEOMRÅDESTYRE SIDE 5
Tilbodet skal vere oppdragsgiver i hende på innleveringsstad før utløpet av tilbodsfristen. For sent innlevert tilbod vil bli avvist. Dette gjeld og om forseinkinga skyldes tredjepart (posten, budfirma, etc.). 4.5 Tildeling av kontrakt og grunngjeving Leverandørar som har delteke i konkurransen vil få ei skriftleg tilbakemelding om kven oppdragsgjevar vil inngå kontrakt med og grunngjeving for valet. 5 Vedlegg Vedlegg 1: Kontraksvilkår Vedlegg 2: HMS-eigenerklæringsskjema NÆRØYFJORDEN VERNEOMRÅDESTYRE SIDE 6