Sakspapir Sakshandsamar Arkiv ArkivsakID Ole Martin Dahle K2 - L12, Gnr/bnr - 27/9 18/1513 Saksnr Utval Type Dato 051/19 Utval for landbruk, miljø og teknikk (LMTutvalet) PS 04.06.2019 Gnr.27 Bnr.9- Planframlegg- Detaljregulering Vinjarheim- 1.gongshandsaming Rådmannen si innstilling Suldal kommune viser til rådmannen si innstilling og vil i medhald av 12-10 i plan- og bygningslova legge framlegget til detaljplan på gnr.27 bnr.9 Vinjarheim ut på høyring og offentleg ettersyn. Sand, 17.06.2019 Øyvind Valen rådmann
Dokumentliste: Gnr 27 Bnr 9 - Planforslag - Detaljregulering Vinjarheim GNR 27 BNR 9 MFL. - DETALJREGULERING FOR VINJARHEIM - AKSEPT AV BUDSJETT - Svar Gnr 27 Bnr 9 - VARSEL OM PLANOPPSTART AV DETALJREGULERING VINJARHEIM - BEHOV FOR EN ARKEOLOGISK REGISTRERING - Kopi av brev til Omega Areal AS SULDAL KOMMUNE -VARSEL OM PLANOPPSTART - DETALJREGULERING VINJARHEIM Gnr 27 Bnr 9 - VARSEL OM PLANOPPSTART - DETALJREGULERING VINJARHEIM - Behov for befaring/registrering - Mellombels uttale - kopi av brev til Omega Areal AS Gnr 27 BNr 9 - Rv. 13 - Uttale til varsel om oppstart av detaljregulering for Vinjarheim Gnr 27 Bnr 9 - Fråsegn til varsel om detaljregulering - Vinjarheim - Kopi av brev til Omega Areal AS Gnr 27 Bnr 9 - Kunngjering på nettsida - Detaljregulering Suldal omsorgssenter utviding og oppdatering. Gnr 27 Bnr 9 -Varsel om planoppstart - Detaljregulering Vinjarheim - Suldal omsorgssenter utviding og oppdatering Vedlegg: Gnr 27 Bnr 9 - Planforslag - Detaljregulering Vinjarheim Planforslag - Detaljregulering Vinjarheim 01 - Omega Areal - Føresegner - v1 02 - Omega Areal - Planskildring - v1 03 - Omega Areal - ROS analyse - v1 18283_0401_Annonse_Vinjar Innkomne_Merknader samla Varsling - nabo Varsling - off Varslingskart Saksopplysningar Samandrag Føremålet med planarbeidet er å legge til rette for utviding av Vinjar bu- og omsorgssenter, ved å utvide området for reguleringsplanen tilsvarande området sett av til byggeområde for offentleg eller privat tenesteyting i kommuneplanen sin arealdel. Årsaka til planarbeidet er at dagens plan frå 1987 ikkje gir nok areal til å utvikle området med omsorgssenteret. Forutan utvidinga av senteret blir planen elles oppdatert etter gjeldande lovverk, med sikte på å vidareføre dagens situasjon så langt det er mogleg. Rådmannen rår til at ein legge planframlegget ut på høyring og offentleg ettersyn. Fakta Reguleringsplanen er utarbeida parallelt med forprosjekt for Vinjar bu- og omsorgssenter. Bakgrunnen for planarbeidet er trong for utviding av området til omsorgssenteret. Kommuneplanen sin arealdel har sett av eit større areal til offentleg eller privat tenesteyting enn eksisterande reguleringsplan.
Arealbruken innanfor området i dag er offentleg eller privat tenesteyting, og private bustadar. Det er tre private enkeltståande bustadar, og eit rekkehus med fire einingar, kor tre er festa bort. Vinjar buog omsorgssenter sine anlegg ligg også innanfor området. Det består av tre samanhengande bygg frå 1954, 1990 og 2003. Senteret har 24 leilegheiter; 16 på senteret og åtte i dei tre kringliggande bygningane. Senteret leiger ut leilegheitene til brukarar på døgnbasis. Det er 36 tilsette på senteret. Parkeringsplassen innanfor området er offentleg, og vert nytta av kyrkja på andre sida av vegen. Planen vidareførar område for offentleg eller privat tenesteyting, bustadar, føresegner om høgder, utnyttingsgrad og byggegrense i størst mogleg grad. Eit areal på ca. 6 daa er tilføydd planområdet for å kunne utvide og vidareutvikle omsorgssenteret. For ytterlegare detaljer viser ein til vedlagt planomtale. Lover, føresegner, rundskriv Plan- og bygningslova kapittel 12 Økonomiske konsekvensar Folkehelse ROS-analysa har ikkje avdekka uakseptabel risiko og sårbarheit for området som ikkje er tilfredsstillande ivareteke i byggteknisk forskrift og av naudetatar. Gjeldande planar, retningsliner og vedtak Gjeldande kommuneplan 2015-2024 og gjeldande reguleringsplan for Vinjarheim frå 15.12.1987. Innkomne uttalar Planarbeidet er varsla i samsvar med 12-8 i plan og bygningslova. Frist for merknader var 13.02.2019. Følgjande merknader ligg føre med kommentarar frå forslagsstillar: Arne S. Mehus i skriv av 28.12.2018: Det blir bedt om nærmare forklaring på kva planarbeidet inneber. Han ønsker at det blir tatt omsyn til bustadane og tilkomsten til dei. Tilkomstvegen er strekt prega av bilar i høg fart til og frå omsorgssenteret. Vegen er brukt av gåande både til senteret, og til fotgjengarfeltet over Rv13. Han ønsker også å vite kva som vil skje med dagens bygningsmasse, og plassering og utforming av nye
bygningar og uteområde. Kommentar: I mail av 09.01.2019 er det gitt ei nærare forklaring av planprosessen, og kva den inneber. I samband med reguleringsplanen vil vegen med tilkomstar til bustadane bli vidareført, men det er planlagt ny tilkomstveg til parkering for omsorgssenter. Nærare detaljar rundt bygningsutforming og utforming av uteareal vil komme ved nabovarsling av sjølve tiltaket. Fylkesmannen i Rogaland i skriv av 10.01.2019: Fylkesmannen føreset at videre planarbeid skjer i samsvar med overordna plan. Fylkesmannen ber om at ein unngår omdisponering av dyrka jord så langt det er mogleg. Kommentar: Planforslaget er i samsvar med overordna plan. Det er i føresegnene sett krav til at matjord skal gjenbrukast til landbruksføremål. Haugaland Kraft i skriv av 16.10.2019: Haugaland Kraft har sendt kart som visar anlegga deira i området. Det går lågspentkablar til bustadane under vegen. Dagens omsorgssenter får straumforsyning frå ei lågspentkabel som kryssar Rv13 inn til området ca. ved fotgjengarfeltet, og ligg under vegen. Fiberliner i grøft kjem inn i området frå nord. Kommentar: Innspelet er teke til orientering, og kraftlaget vil bli nærare kontakta før utbygging. Statens vegvesen region vest, 17.01.2019: Statens vegvesen opplyser om at kryss til Rv13 er regulert i reguleringsplan for Mehushaugen, og at det ser ut til å oppfylle krava i vegnormal N100. Rv13 er vist i klasse 1 i rammeplan for avkøyrsler og byggjegrenser på riks- og fylkesvegar i Region vest, med tilrådd byggegrense på 50 meter der det normalt ikkje er tillaten med arealbruk som er naudsynt for å ta hand om eigedommen sin funksjon. Kommentar: Innspelet er teke til orientering. Med omsyn til bustadane er byggegrense på 20 meter frå senterlinja til Rv13 vidareført frå eksisterande plan. Omsorgssenteret sine anlegg blir trekt bort frå vegen. Fylkesrådmannen sin kulturavdeling, Seksjon for kulturarv i skriv av 22.01.2019: Kulturavdelinga viser til automatisk freda kulturminne tilhøyrande kyrkja. Med utgangspunkt i dette, og topografien finn dei det naudsynt å synfare planområdet for å vurdere om det er potensielle kulturminne innanfor planområdet. Synfaringa vil kunne avdekke behov for arkeologiske
registreringar. Det vil komme nytt fråsegn basert på resultatet av synfaringa. Det ble gjennomført synfaring av planområdet 26.02.19 og konkludert med behov for arkeologisk registrering av dei ubygde delane av planområdet. Formell varsel om dette, med budsjett blei motteke 08.03.2019, og akseptert 15.03.2019. Kommentar: Det må takast stilling til korleis området skal nyttast om det vert gjort funn av automatisk freda kulturminne i området. Då det er ventetid på registreringar, så vert planen handsama og lagt ut til offentleg ettersyn sjølv om dette tema ikkje er endeleg avklart. Arne S. Mehus i skriv av 23.01.2019: Mehus ber om at naboar blir ivaretatt best mogleg. Grøntarealet bør bli verande på dagens plassering, og bygningsmassen bør bli lagt i nord framfor opp mot bustadane. Det blir påpekt at bustadar er del av arealbruken i området, og at det må bli tatt omsyn til dei. Tilkomstvegen må vere vurdert i forhold til bustadane. Kommentar: I mail av 09.01.2019 er det gitt ei nærare forklaring på kva planarbeidet inneber. For informasjon om plassering og utforming av nye bygningar og uteområde blei det vist til Suldal kommune. Det er ønskeleg å oppnå eit mest mogleg samla anlegg utan store avstandar. Utvidinga av omsorgssenteret vil difor i stor grad skje mot nord og vest. Det har vore dialog med nabo, og det er føreteke endringar i detaljprosjektet der merknader frå nabo er teke omsyn til. Mellom anna er det nå planlagt ny hovudtilkomstveg for tilsette og besøkjande til omsorgssenteret. Eksisterande veg er regulert til gatetun, og vil bli mindre trafikkert enn tidlegare. Fylkesrådmannen sin regionalplanavdeling i skriv av 28.01.2019: Fylkesrådmannen ber om at universell utforming, landskapsomsyn, friluftsliv/nærmiljø og barn og unges interesser tas opp i det vidare planarbeidet. Det blir vist til kirkeloven 21, femte ledd, med oppfordring om at sjølve bygningane ikkje blir planlagt innanfor 60 meter til kyrkja, og at ein bør gå i dialog med kyrkjelege mynde for å ivareta omsynet til kyrkja. Kommentar: Tema er omtalt i planskildringa og det er lagt inn krav i føresegner. Det har vore dialog
med kyrkjemynde, og omsyn til kyrkja er ivareteke. Den Norske Kyrkja, Stavanger Bispedømme i skriv av 20.02.2019: Det er uttalt i e-post at Stavanger Bispedømme har vurdert det som ikkje naudsynt å gi ytterlegare fråsegn i saka, då tiltaka skal skje utanfor 60 metersgrensa i kyrkjelova si 21. Det blir lagt til grunn at tiltaket ikkje skal nytte parkeringsplassane som kyrkja bruker. Kommentar: Merknaden er teke til orientering. Planen legg ikkje opp til parkering på plassane som kyrkja nyttar, men parkeringsplassen bør kunne nyttast til sambruk for gjester for å få ei best mogleg arealeffektiv bruk av området. Vurdering og konklusjon Etter rådmannen si vurdering er planframlegget utforma og fremja i samsvar med reglane i kap 12 i plan- og bygningslova. Utvidinga av pleie- og omsorgssenteret vil ta dyrka mark, men utifrå ei samfunnsmessig avveging vil ei lokalisering knyta til eksisterande bygningsmasse og infrastruktur gi minst landbruksmessige ulemper slik rådmannen ser det. I samsvar med reglane i 12-10 i plan- og bygningslova, rår rådmannen til at planframlegget blir lagt ut til høyring og offentleg ettersyn. 04.06.2019 Utval for landbruk, miljø og teknikk (LMT-utvalet) Handsaming: Røysteresultat: Samrøystes vedtak i samsvar med innstillinga. LMT- 051/19 Vedtak: Suldal kommune viser til rådmannen si innstilling og vil i medhald av 12-10 i plan- og bygningslova legge framlegget til detaljplan på gnr.27 bnr.9 Vinjarheim ut på høyring og offentleg ettersyn.