Detaljregulering Leirgrav 153/1 - referat frå oppstartsmøte

Transkript

1 Vinje kommune Økonomi, plan og utvikling «MOTTAKERNAVN» «ADRESSE» «POSTNR» «POSTSTED» «KONTAKT» Sakshands. Saksnr. Løpenr. Arkiv Dato LOTTENA 2016/ / / Detaljregulering Leirgrav 153/1 - referat frå oppstartsmøte Desse møtte : Telemark Forvaltning as v/ Jarle Andengaard Hansen, Sweco v/ Alexander Stettin og Vinje kommune v/ Lotte Næss (referent). Bakgrunn Området Leirgrav 153/1 er i dag regulert i reguleringsplan for Leirgrav og Holtar frå Rauland Invest as har no blitt samde med grunneigar Kjell Torp om utbygging. Det er då eit ynskje om å oppdatere reguleringsplanen. Tema i planarbeidet - Den nye detaljreguleringa vil inntil vidare ha namnet «Leirgrav». - Tilhøvet til overordna planar : Området er vist i kommunedelplan Rukkemo Torvetjønn som byggeområde H11 H13. Ein har tenkt seg å gå noko ut over byggeområda i kommunedelplanen nordover, oppover i bakken. Samstundes vil ein framleis at noko av jordbruksområdet rundt støylen skal vere LNF. - Planområde : I utgangspunktet tenkte ein at den nye planen skulle dekke alt areal som er att i den gamle planen «Leigrav og Holtar», slik at denne kunne opphevast. Ein ser likevel at «Banktomta» bør stå som den gjer i «Leirgrav og Holtar». Næringsarealet N1 bør med i planområdet. Mot sør går den nye planen heilt ned til Leirbekken, og erstattar då «Holtardalen III» i dette området. Planområdet fylgjer plangrensene til gjeldande plan i aust (langs Leirbekken) og vest (eigedomsgrensa). I nord og nordvest vert planområdet utvida til alpinanlegget. I oppstartsmøtet blei det vurdert å ta med Holtarvegen heilt til krysset med Leirgravstaulen. Dette for å regulere fortauet på nordsida, og fordi planen «Holtardalen III» går dit. Konklusjonen vart at dette arealet framleis skulle vere regulert i Holtardalen III, for å unngå å regulere inn på naboeigedomen. - N1 - vise tilkomst med pil frå nord, og vise kryss i Holtarvegen. Krav om situasjonsplan. - Holtarvegen - fortaug på nordsida, vegbreidde redusert med 1 m, kryss med ny veg oppover i byggeområda. Vinjevegen 192, 3890 Vinje Tlf Fax postmottak@vinje.kommune.no Bankgiro Organisasjonsnummer

2 - Utkast lagt fram på møtet viste buffer mot transportløype i nordaust. Ein vil rå til ein buffer også mot alpinbakken i nordvest. Det kan vere nok med 2 m. Byggjeområdet kan trekkast 2 m inn frå nedfarten, eller ein kan regulere til eit eige grønt føremål. - I møtet blei det skissert tomter oppover i bratt terreng, generelt 1:3. Det ville bli vanskeleg å få fram veg til dei øvste tomtene. Etter møtet har sakshandsamar sett nærare på dette, og vil no signalisere at planadministrasjonen er skeptisk. Det er tidlegare godkjent bygging i område på 1:3 og brattare i Holtardalen planen. I gjennomføringsfasen er erfaringane at det er mange problem knytt til bygging i så sterk helling. Det blir store terrenginngrep, men òg utfordringar knytt til skråningsutslag og handtering av overvatn. Dette gjeld serleg når bratt terreng er kombinert med høg grad av utnytting. Her det aktuelt å bygge på eit areal der det generelt er 1:3 eller brattare i eit større område. Leirgrav har ein sentral lokalisering mellom Holtardalen og Rauland skisenter, I eit større perspektiv er det då naturleg å sjå for seg at her bør ein ha ein god (høg) utnytting av areala. Det er likevel slik at det går ein grense ein stad. At det er vanskeleg få fram veg er òg eit argument mot bygging her. Kva med brann og anna utrykking? Brøyting av gangvegar? Ein reknar med at rasfare vil bli handtert på forsvarleg vis. - Landskap : I planarbeidet generelt bør det greiast ut om fjernverknad, lokale verknader, inkl. terrenginngrep. Profiler av vegar. Plankartet må vise fyllingar og skjeringar der ein har teke omsyn til om det er fjell eller lausmassar i grunnen. Ein må vurdere korleis ein skal handtere bygging i terreng brattare enn 1:4 (grad av utnytting, breidde på hytter mm). Føresegner om situasjonsplan som i Holtar III c. kan òg vere lagleg. - Planadministrasjonen er skeptisk til føresegner om at det skal vere mogleg å dele og slå saman tomter, jfr Holtardalen III føresegner d). Sitat frå innstillinga ved 1. gongs handsaming : «Det er ein del praktiske vanskar med dette, både for sakshandsaminga og for utbyggjar. Nokre av utfordringane er knytt til at det samtidig har vore høy grad av utnytting og bratt terreng. Utbyggjar har vore nøgd med at det har vore mogleg å tilpasse tomtestrukturen etter marknaden, utan mykje sakshandsaming. For dei som kjøpte hyttetomt i starten av utbygginga, har utbygginga vore lite føreseieleg.» - VA : Det må utarbeidast ein plan for vatn og avlaup i samråd med eining for Teknisk Drift og Vedlikehald. Eit utkast må ligge føre til 1. gongs handsaming. Trasear for vatn og avlaup må visast i planen, helst som omsynssoner, evt som informasjon. Pumpestasjonar og andre installasjonar må visast med reguleringsformål. Det må leggjast til rette for brannhydrantar kvar 250 m. I føresegnene for friluftsområde må det evt opnast for terrenginngrep for VA mm. Kommunen må ha tilgang til eventuelle installasjonar. - Rasfare : Holtardalen III hadde føresegner (pkt. 1.2 a) og b)) som innebar krav om vidare utgreiing og deretter avbøtande tiltak for den enkelte tomt og enkelte vegstrekningar. I fleire høve kom dette som ei stor overrasking for utbyggar og tomtekjøpar. Kan ein gå lenger i utgreiinga, eller er det andre måtar å førebu utbyggjar/tomtekjøpar? - Tema elles : ROS-analyse. Biologisk mangfald. - Før varsel om oppstart må ein vurdere om det skal utarbeidast konsekvensutgreiing etter KU-forskrifta. Anna om innhaldet i planen - Kulturminne : Uavhengig av om det er registrert aut. freda kulturminne i området, og om dei skal gravast ut eller ikkje, bør det i alle planar for utbygging vere eit pkt i fellesføresegnene om meldeplikta : "Dersom ein ved tiltak i marka treffer på automatisk freda kulturminne, må ein straks stanse arbeidet og varsle den regionale kulturminneforvaltninga, jf. 8, 2. ledd i kulturminnelova av 9. juni 1978." - Vegrett : Kjøper av hyttetomt må gis vegrett fram til offentleg veg. Det bør difor regulerast Side 2

3 til felles veg i hyttefeltet. Føresegnene må da angi at felles veg er felles for grunneigar og td alle hyttetomtene i innanfor planområdet. - Vegstandard : Det er eit krav at ein skal kunne komme fram mot alle hytter med brannbil og anna utrykkingskøyrety. Vegane skal difor tilfredstille krava til landbruksveg klasse 3. - Planomtala skal innehalde arealoppgåve for enkelte kategoriar med tanke på kostrarapportering. Dette gjeld areal regulert til omsynssone bevaring kulturmiljø, særlege landskapsomsyn og naturvern (jfr pbl 12-5, nr 5, eller 12-6, jfr. 11-8, 3.ledd c.). Sakshandsaming - Ved varsel om oppstart legg ved referat frå oppstartsmøte. Her også varsle oppstart av forhandlingar om utbyggingsavtale. Annonse også på kommunens heimeside, men tekst og materiale går via kommunens sakshandsamar. - Fylkesmannen, fylkeskommunen, vegvesenet og NVE skal ved varsel om oppstart ha referat frå oppstartsmøte, varselbrev, dokument i pdf og Sosi-fil med omriss av planområde på epost : o Telemark fylkeskommune, post@t-fk.no, o Fylkesmannen i Telemark, postmottak@fmte.no o Statens vegvesen region sør, firmapost-sor@vegvesen.no, og. o NVE, rs@nve.no. - Veg- og VA-anlegg er søknadspliktige i tråd med Pbl 20-3, jf. Pbl 20-1 a) og l) 1. Kommunen vil handheve dette framover. - Framdrift : Ein kan ta sikte på 1. gongs handsaming oktober - november. Generelt tek ein atterhald om ein klarar framdrift i tråd med lovpålagt frist jfr. pbl : 1. gongs handsaming (avgjerd om utlegging til offentleg ettersyn) 12 veker etter godkjent planframlegg. - Gebyr : oppstart 7500, godkjent til 1.gongs handsaming Faktura sendast til Telemark Forvaltning as, Torggt 3, 3724 Skien. Org nr Kartframstilling mm - Ved varsel om oppstart leverast SOSI-fil med omriss av planområde. PlanID Planframlegg til 1.gongs handsaming, offentleg ettersyn og vedteken plan leverast som SOSI - fil, i tillegg til pdf. Sosi-filer skal vere i til einkvar tidgjeldande standard, for tida 4.5. Kvalitetssjekk skal dokumenterast. Kommunen sjekkar igjen, og returnerar dersom det ikkje er godkjent. Det skal leverast også ei sosi-fil med ikkje-juridisk informasjon, dersom det er aktuelt. - Ved endringar er det viktig at planavgrensinga fylgjer eksisterande planavgrensing heilt nøyaktig (såframt det ikkje er endringar). Der ny plan ligg inntil eller har overlapp med eldre plan, bør ein ha ein gjennomgang av gamal og ny plan der en ser på avgrensing mm, for å sleppe små "hull" o.l. I tillegg må ny plan tilpassast eksisterande plan. I tvilstilfelle - kontakt kommunen. - Dersom endringa inneber at det trengs nye vegnamn, dvs > 6 tomter : Seinast før kommunestyrevedtaket skal forslagsstiller lage kart med framlegg til vegnamn, viser til at det er krav om ansvarlege føretak medan 20-1 viser til dei søknadspliktige tiltaka. Det står lite om søknadsplikt for slike anlegg i gjeldande saksbehandlingsforskrift SAK 10 men gamle SAK 97 er vidareført: VA-anlegg er eit teknisk anlegg og er etter dette søknadspliktig. Side 3

4 nummerering av hus/hytter i samsvar med kartverket sin adresseringsforskrift. Då vert adressene vedtekne samtidig med planen. - Kart kjøpast av kommunen. - Endeleg vedteken plan revidert i tråd med kommunestyrets vedtak leverast med separat planomtale og føresegner. Føresegner i word. Omtale av dei ulike føremåla må vere revidert i tråd med kommunestyrets vedtak. Med helsing Lotte Næss arealplanleggjar Brevet er sendt elektronisk og har difor ingen signatur. Vedlegg: Side 4

5 Sendt til: Sweco as v/ Alexander Stettin Rauland Invest v/ Jarle Andengaard Hansen Side 5