Utval Møtedato Utval Saksnr Plan- og miljøutvalet /52 Kommunestyret /47

Transkript

1 Vinje kommune Økonomi, plan og utvikling Arkiv saknr: 2014/224 Løpenr.: 8406/2014 Arkivkode: 99/4/99/6 Utval Møtedato Utval Saksnr Plan- og miljøutvalet /52 Kommunestyret /47 Sakshandsamar: Lotte Næss Framlegg til detaljregulering for Listøyl Vest 99/4 og 99/6-2. gongs handsaming og endeleg vedtak Vedlegg: 1 plankart 2 planomtale med føresegner 3 snitt gjennom utbygging i skråninga 4 hellingskart 5 Skiløype horisontalplan 6 Skiløype lengdeprofil 7 Skiløype tverrprofil Dokument i saka: Framlegg til detaljregulering for Listøyl Vest m/vedlegg Vinje kommune, brev om offentleg ettersyn Vinje kommune, brev om utsett frist til dir. for min.forvaltning og fylkeskommunen Marianne Korsan , spørsmål Merknader ved offentleg ettersyn : Renovest Fylkesmannen i Telemark Telemark fylkeskommune Dir. for mineralforvaltning 13. og Statens vegvesen Nils I. Vikanes Hans Faye Holger Holgersen Rolf Roverud

2 Bakgrunn: Plan- og miljøutvalet vedtok , sak 14/19, å leggje framlegg til detaljregulering for Listøyl Vest ut til offentleg ettersyn i samsvar med pbl Brev om offentleg ettersyn var sendt ut , med frist for merknader To bad om utsett frist og fekk det : Direktoratet for mineralforvaltning og Telemark fylkeskommune. Statens vegvesens merknad kom etter fristen pga ein feil. Merknader er referert og kommenterte under vurdering. Vurdering: For rådmannens generelle vurderingar visar ein til 1. gongs handsaming, plm- sak 14/19. Renovest AS Eksisterande hyttereturpunkt for Listøyl er for trongt. Ein har vore i dialog med Renovest. Det beste løysinga for returpunktet ville vere å flytte Listøylvegen ein vegbreidde, slik at returpunktet vart monaleg breiare. Planadministrasjonen meinar dette vil bli urimeleg kostbart, og rår til at det vert opparbeidd eit 8 m breitt areal i 40 m lengde langs vegen mot E134, visavis dagens returpunkt. Arealet må regulerast til returpunkt. Planområdet må utvidast. Det må vere rekkjefylgjekrav for opparbeiding tilsvarande skiløypa. Fylkesmannen i Telemark Minnar om omsyn til landskap, ressursbruk og estetikk, men er elles positive til at det vert teke sikte på å sikre samanhangande grønstruktur/skiløype gjennom området. Telemark fylkeskommune Det er ikkje avklart om planen vil komme i konflikt med automatisk freda kulturminne. Det må gjerast arkeologisk registrering i planområdet. Pga snotilhøve ber dei om utsett frist for svar til Kommunen kan ikkje vedta reguleringsplanen før tilhøvet til kulturminnelova er avklart. Det inneber at fylkeskommunen må ha gjennomført registrering, og uttalt seg i saka. Dersom fylkeskommunen ikkje finn automatisk freda kulturminne, kan planframlegget vedtakast utan endringar. Dersom dei finn kulturminne må endeleg vedtak utsetjast. Kulturminne må innarbeidast i planen, eller ein må få dispensasjon frå kulturminnelova. Direktoratet for mineralforvaltning vurderar det slik at det primære føremålet med uttak av massar i området er å etablere ein skiløypetrasè. Minerallova gjeld difor ikkje for dette uttaket.

3 Statens vegvesen synest det er positivt at det innan kort tid vil bli utarbeida ein reguleringsplan som omfattar nærliggjande atkomstvegnett utanfor planen frå og med krysset ved E134. Siste grusveg frå E134 som tek av mot høgre før hovudatkomsten til hytteområda når ein følgjer E134 frå Edland må stengast. Det er krav om sanering av denne i gjeldande reguleringsplan. Her vert det vist til dialog og møte mellom vegvesenet og grunneigar i området om planar for opparbeiding av campingplass og utbygging på Bukkeneset. I samband med desse planane vil det være aktuelt å leggje om Tyrvelidkrysset. Kommunen skal syte for stenging av grusvegen. Nils Vikanes Der ein planlegg skiløype er der det i dag er mogleg å ferdast med ski til skianlegg og turterreng. Delar av løypetraseen er lagt i så bratt terreng at ein ikkje kan etablere traseen utan stor fare for snøras og store terrenginngrep. Dette kjem truleg ikkje fram før området er bygd ut med tomter. Ber om at desse tilhøva blir utgreidd, og at det blir stilt rekkjefylgjekrav om at trygg løypetrasè skal vere utbygd før ein opnar for frådeling av tomter og søknader om rammeløyve. Ein legg til grunn at det er rett som utbyggjar legg fram, at det ikkje er for bratt der løypa skal opparbeidast. Utbyggjar ser for seg at det ikkje skal hoggast mykje skog, og at det skal murast med storstein på utsida av løypetraseen i dei brattaste områda, i staden for å grave seg innover. I framlegg til føresegner er det rekkjefylgjekrav om at skiløypa skal vere bygd før kommunen gjev mellombels bruksløyve for dei siste 50 % av tomtene. Hans Faye Utbyggingen inneber store planfaglege utfordringar på grunn av terrenget. Gjer framlegg om føresegner med krav til utforming og avslutning av vegnettet, lågare grad av utnytting, forbod mot sokkeletasje i dei brattaste partia, og krav om samla plan for utforming av bygningar og infrastruktur. Skiløypa må krysse Listøylvegen planfritt. Det er skredfare i området, og ein legg til grunn at det vert gjennomført tryggingsmessige tiltak, men minner òg om at blir lagt store snomassar i skråninga ovanfor hyttene. Avkøyrsle må etablerast slik at trafikktryggleik er ivareteke sommar og vinter med høge brøytekantar. Ein er samd i at det er store utfordringar pga terrenget, og planadministrasjonen har vore usikker på om det er rett å byggje ut her, sjå innstillinga til 1. gongs handsaming. Det er redusert grad av utnytting i dei brattaste partia. Ein samla plan for utforming ville vere lagleg, men rådmannen vil ikkje krevje det. Utbyggjar har signalisert at dei i skråninga vil gjere det terrengmessige arbeidet, inkl. opparbeiding av tomter, veg, vatn, kloakk mm i eitt samla arbeid. Planfri kryssing skiløype/listøylvegen er nok ynskjeleg, men vanskeleg å få til her. Ein vil rå til å regulere inn frisiktsoner i kryss. Holger Holgersen Har ikkje fått brev i samband med offentleg ettersyn. Er kritisk til utbygging av to tomter LV 24 og LV 25. Tilførselsvegen til hans hytte stansar i dag ved ham. Vegen vert no forlenga til to nye tomter der det i dag er friområde, akebakke og einaste ski-out for hyttene nedanfor.

4 Det er ofte problematisk å fortette, fordi ein gjerne tek i bruk akebakkar, tilkomstar ut i skiterreng mm. I dette tilfellet er tap av tilkomst ut til skiløypa det viktigaste. Holgersen har framleis tilkomst nord for 99/122, mens naboane i sør nok må gange lenger neste tilkomst ut er ved LV 13 og LV 14. Anten må LV 24 og LV 25 gå ut, eller ein kan sette som vilkår for sal og utbygging av dei tomtene (føresegner om rekkjefylgje) at utbyggjar kjøpar tilbake areal til ein passasje ut mellom 99/237 og 271, evt 272. Passasjen må regulerast. Det kan ikkje gjerast utan at partane får uttale seg i saka. Av omsyn til framdrifta rår ein til å ta området med LV 24 og LV 25 ut av planen, og løyse dette spørsmålet ved revisjon av Tyrvelid-planen. Rolf Roverud I forkant av hans hytte 99/416 er det regulert inn to nye tomter LV 22 og LV 23. I planomtala er det sagt at det vil vere 7 m høgdeforskjell mellom hans tomt og den øvste av dei nye tomtene. Det må ikkje gjerast endringar eller gis dispensasjonar som inneber ein mindre høgdeforskjell mellom hans tomt og dei nye enn dei 7 m som er nemnde i planomtala. Hytta hans ligger på 941 m. Føresegnenes pkt e) seier at tomt LV 22 skal planerast til 931 m, og LV 23 til 935 m. Mønehøgde er sett til maks 6,3 m frå topp grunnmur. Oppsummering av framlegg til endringar : - Utvida returpunkt med rekkjefylgjekrav som for skiløypa. - Frisiktsoner i alle kryss - Området ved LV 24 og 25 tas ut av planen. Framlegg til endringar er ikkje så vesentlege at det er nødvendig med ny høyring eller offentleg ettersyn. Saka går til kommunestyret. Dersom fylkeskommunen gjer funn av automatisk freda kulturminne, vert saka trekt frå handsaming i kommunestyret. Rådmannens framlegg til vedtak: Framlegg til detaljregulering for Listøyl Vest vert vedteke i medhald av pbl 12-12, med endringar som nemnde i rådmannens vurdering. Rådmannen, Hans Kristian Lehmann, rådmann /s/ Handsaming i Plan- og miljøutvalet : Framlegg frå H v. Nils Vågslid: Tillegg: - Område LV24 og 25 blir tatt inn igjen i planen.

5 Framlegg frå utvalet: Endring i føresegnenes pkt. 8.1.a og 8.1.c: 8.1.a: 2. setning skal lyde: Opparbeiding av løypetrase i terrenget gjennom planområdet, fram til der løypa møter Listøylvegen-hyttevegen, skal vera utført innan kommunen gjev ferdigattest for hytter på dei siste 50 % av tomtene. Siste setning i punktet skal ut. 8.1.c: Intern hytteveg/parkering på tomta, skal såast til seinast innan 1 år etter at ferdigattest er gjeve. Framlegget frå rådmannen med endringsframlegg frå Vågslid og utvalet blei samrøystes vedteke. Framlegg til detaljregulering for Listøyl Vest vert vedteke i medhald av pbl 12-12, med desse endringane: - Område LV24 og 25 blir tatt inn igjen i planen. - Føresegnene pkt 8.1.a: 2. setning skal lyde: Opparbeiding av løypetrase i terrenget gjennom planområdet, fram til der løypa møter Listøylvegen-hyttevegen, skal vera utført innan kommunen gjev ferdigattest for hytter på dei siste 50 % av tomtene. - Føresegnene pkt 8.1.a: Siste setning i punktet skal ut. - Føresegnene pkt 8.1.c: Intern hytteveg/parkering på tomta, skal såast til seinast innan 1 år etter at ferdigattest er gjeve. og elles som nemnde i rådmannens vurdering. Saksordførar: Johan Vaa Handsaming i Kommunestyret : Framlegget frå plan- og miljøutvalet blei samrøystes vedteke. Framlegg til detaljregulering for Listøyl Vest vert vedteke i medhald av pbl 12-12, med desse endringane: - Område LV24 og 25 blir tatt inn igjen i planen. - Føresegnene pkt. 8.1.a: 2. setning skal lyde: Opparbeiding av løypetrase i terrenget gjennom planområdet, fram til der løypa møter Listøylvegen-hyttevegen, skal vera utført innan kommunen gjev ferdigattest for hytter på dei siste 50 % av tomtene. - Føresegnene pkt. 8.1.a: Siste setning i punktet skal ut.

6 - Føresegnene pkt. 8.1.c: Intern hytteveg/parkering på tomta, skal såast til seinast innan 1 år etter at ferdigattest er gjeve. og elles som nemnde i rådmannens vurdering.