Per Ørpetveit Teknisk sjef

Transkript

1 TYSVÆR KOMMUNE Saksframlegg Dato: Saksnr.: 2011/3083 Løpenr.: 35754/2012 Arkiv: L12 Sakshandsamar: Linda Dehlin Fluvåg ENDRING AV REGULERINGSPLAN FOR AKSDAL NORDRE DEL Saksnr Utval Møtedato 10/13 Teknisk utval RÅDMANNEN SITT FRAMLEGG TIL VEDTAK: Teknisk utval vedtar med dette endring av reguleringsplan for Aksdal nordre del lagt ut til offentlig ettersyn i 45 dagar, i samsvar med plan- og bygningslova Arvid S. Vallestad Rådmann Per Ørpetveit Teknisk sjef BEHANDLING I TEKNISK UTVAL Rådmannen sitt framlegg til vedtak vart samrøystes vedtatt. VEDTAK I TEKNISK UTVAL Teknisk utval vedtar med dette endring av reguleringsplan for Aksdal nordre del lagt ut til offentlig ettersyn i 45 dagar, i samsvar med plan- og bygningslova

2 SAKSUTGREIING: Bakgrunn: Rådmannen tilrår i denne saka endring av reguleringsplanen for Aksdal Nordre del, jf. kommunestyresak nr. 71/11 med mandat for omreguleringsarbeidet. Føremålet med planendringa: Føremålet med endringa av gjeldande reguleringsplan for Aksdal nordre del er å auke utnyttingsgrada på det offentlege området på gbnr. 72/45, samt å endre føremålet frå offentleg føremål barnehage og offentleg føremål aktivitetshus til offentleg område. Føresegna avgrensar bruken til helsetenester, tilrettelagde bustadar og tenester knytt til bustadane. Med tilrettelagde bustadar meinast bustadar tilrettelagd for ei bestemt brukargruppe. Det er ynskjeleg å kunne bygge høgare og tettare enn i dag, samstundes som at ein sikrar gode og tilstrekkelege uteareal for bebuarar og brukarar. Det er òg viktig å ta omsyn til naboane, og sikre at den bakanforliggande husrekka mister minst mogleg av utsikta. Planområdet: Lokalisering: Planområdet ligg sentralt i sentrum av Aksdal like bak Tysværtunet kulturhus og Tysvær kyrkje. Eigedomen har gode tilkomsthøve frå Aksdalsvegen. Langs austre og nordre grense går det gang- og sykkelveg til bustadområdet Alvanutlia. Eigedomshøve: Eigedomen er per i dag regulert til offentleg føremål. I dag står det 4 offentlege bygg på eigedomen. Tysvær kommune er eigar av bygga og eigedomen som vert føreslått omregulert. Eksisterande bygg: Bygningen lengst aust er det gamle kommunehuset som vart sett opp på 60-talet. Bygget har seinare vore barnehage. Bygget blir i dag nytta til kulturskuleaktivitetar. Bygningen i midten er Alvanuten barnehage som vart sett opp i Det var barnehagedrift i bygget fram til 2009 då ny barnehage vart bygd på tomt like ved. Bygget er i forholdsvis god stand, men vert ikkje nytta på permanent basis. Bygget vert i dag nytta som erstatningslokale ved diverse nybygg. Ved dei gamle barnehagebygga er det opparbeidd parkeringsplass med ca. 8 plassar og ein opparbeida hage. Det står framleis leikeapparat på tomta, men desse vert ikkje vedlikehalde og tryggleikstesta. I nordvestre del av eigedomen ligg butiltaket Alvanuten med 3 bustadar og personalbase tilpassa funksjonshemma. Dei delar parkeringsplass for 8 bilar med fysio- og ergoterapitenesta som har lokale i bygget framfor. Framfor fysio- og ergoterapibygget er det ei sone for av- og påstiging. Terreng og vegetasjon: Tomta er relativt flat, men har ein skrent i nord mot gang- og sykkelvegen og bustadane nord for denne. Delar av eigedomen er rikt planta med store og fin hagevekstar. Ved utvikling av eigedomen bør ein søkje å ta vare på nokre av desse som naturlege skilje mellom eigedomane, dei ulike tilboda på eigedomen og framtidige funksjonar som vert planlagt. Kulturminne: Det er ingen kjende kulturminne innanfor området og ingen av bygga på tomta er registert i SEFRAKregisteret. Trafikktilhøve, veg og gangvegar: Eigedomen ligg i Aksdalsvegen som er kommunal veg. Det er god avstand til E39 og E134 og området er såleis lite påverka av gjennomgangstrafikken på hovudvegane gjennom Aksdal. Aksdalsvegen er tilkomstveg for bebuarane i austre Aksdal, i tillegg passerar trafikk til Aksdaltunet sjukeheim, legesenter, frivilligsentralen, Alvanuten barnehage og varelevering til Aksdal senter.

3 Det er i dag tre avkøyrsler frå tomta: ein til parkering framfor den gamle barnehagen, ein til parkering for fysio- og ergoterapibygget og Alvanuten butiltak, og ein for å kunne sleppe folk på og av framfor fysio- og ergoterapibygget. Det er ca. 2 meter breie fortau langs begge sider av Aksdalsvegen. Anna teknisk infrastruktur: Det finnes kommunalt leidningsnett for vatn, avlaup og overvatn i området som nye bygg på tomta kan knytast til. Det finnes òg telenett, datanett og leidningsnett for straumtilføring. Straumforsyninga i området er i hovudsak gjort med jordkabel i grøft. Planstatus og tilgrensande planarbeid: Det området som vert føreslått endra inngår i reguleringsplanen Aksdal nordre del. Planen blei vedtatt av kommunestyret Ei mindre reguleringsendring vart vedtatt i kommuneutviklingsutvalet den Saka gjaldt endring av naboeigedomen i vest, gbnr. 72/33, som vart omregulert frå frittliggjande bustadar til konsentrert busetnad med 60 % utnyttingsgrad. Kommunestyresak 71/11 frå den gjer mandat for omreguleringsarbeidet. Det vart då gjort følgjande vedtak: 1. Tysvær kommunestyre går inn for at gnr. 72 bnr. 45 skal tas i bruk til helse- og omsorgsformål og omsorgsbustadar. 2. Kommunestyret ber om at rådmannen startar omregulering av gnr. 72 bnr. 45 snarast muleg med sikte på at tomta kan utbyggast med rundt 20 omsorgsbustadar. 3. Midlar til planlegging/ prosjektering vert sett av i samband med budsjett Tilgrensande planar er Aksdal sentrum frå 1982, som gjeld for områda sør, og Aksdal/ Aksdal aust frå 1973 som gjeld for områda aust for den aktuelle reguleringsplanen. Arealdisponering i planforslaget: Forslag til omregulering tar stilling til korleis tomta skal nyttast vidare. Føresegnene seiar kor stor del av området som kan bebyggast og kor høgt ein kan bygge. Plankartet viser kva delar av området ein kan byggje på, og omtrentleg plassering av nye bygg. Det er ikkje gjort endringar i arealbruk og føresegner for føremåla 1.1. byggjeområde for bustadar, 1.2. konsentrert busetnad, 3. offentleg trafikkområde, 4. friområde, fareområde og spesialområde. Dei to byggjeområda for offentleg føremål: barnehage og offentleg føremål aktivitetshus vert føreslått regulert til offentleg område (offentleg og privat tenesteyting). Området vert òg føreslått utvida til eigedomsgrensa i vest. I gjeldande plan er dette området regulert til friområde, men delar av området er nytta som tilkomstveg for dei eksisterande bustadane, slik at det no berre er eit smalt bed langs grensa til naboeigedomen der det er planter. Byggegrensa vert endra slik at grøntområda vert bevart. Tomteutnyttinga vert auka frå 15 % og 30 % bebygd areal (BYA) til 60 %, det same som på nabotomta i vest. Området vert delt i to, L1 og L2, med ulike krav til utforming og byggehøgde. Dei mest merkbare endringane for naboane ved ei omregulering vil bli auka byggehøgde. Det er ynskjeleg at nye bygg ikkje hindrar utsikt til Aksdalsvatnet og naturområda rundt. Dei nye bygga vil kunne redusera utsynet ned til Tysværtunet. Med god arkitektonisk utforming vil dette ikkje redusere kvaliteten på utsikta. Det er ikkje sett av areal til leikeplass i reguleringsplanen. Området vil ikkje vere eit ordinært bustadområde, men eit område med bustadar tilrettelagt for brukargrupper med særlege behov knytt til sin bustad. Det vert sett krav til minste uteopphaldsareal, med andre ord kor mykje uteareal som skal vere velenga til rekreasjon. Dette utearealet skal vere tilrettelagt for dei brukargruppene som bustadane blir til rettelagt for. Dersom nokon av bueinigane vert tilrettelagt for at det skal kunne bu born der, skal også delar av uteopphaldsarealet tilretteleggast for leik.

4 Det er ynskjeleg å nytte eksisterande parkeringsplassar og avkøyrslar ved ombygging av tomta. Dersom det skal etablerast nye avkøyrsler må dette avklarast i samband med byggjesøknaden. Verknadar av planendringa: Forslag til endra arealføremål er i hovudsak i samsvar med gjeldande plan og i tråd med gjeldande kommuneplan for Konsekvensutgreiing for vurdering av planen sine verknadar for miljø og samfunn vert difor ikkje naudsynt. Auka grad av utnytting er noko ein må rekne med i denne sentrale delen av kommunesenteret, og bygg i fleire etasjar vil ikkje ta utsikten frå naboane bak så lenge ein følgjer krav i dei føreslåtte føresegna. ROS-analyse: ROS-analyse er gjennomført i samsvar med krava i plan- og bygningslova 4-3. Vedlagte risiko- og sårbarheitsmatrise visar ingen særskilte risikohøve i samband med utbygging av området. Planendringa legg til rette for at området skal kunne nyttast til tilrettelagde bustadar. Dette vil medføre brukargrupper som er særleg sårbare med tanke på til dømes brann, tilgong på elektrisitet og teletenester. I samband med byggjesøknad må det dokumenterast korleis tryggleiken til bebuarane og andre som nyttar området er planlagd ivaretatt. Leikeplassen rundt den gamle barnehagen vert i dag i nokon grad nytta som leikeplass for nærområdet. Ettersom barnehagen ikkje er i drift er det ikkje regelmessig vedlikehald på leikeapparata, og det er alternative leikeareal i nærleiken. Det er eit stort grøntområde søraust for tomta som er tilrettelagt for leike og fritidsaktivitetar, og det er leikeplassar i bustadfelta rundt. Områda rundt Tysværtunet kulturhus vert òg nytta til leik og opphald for born og unge. Planendringa vil bidra til at det kan byggast nye omsorgsbustadar i Aksdal nær eksisterande sjukeheimar, helsetenester og andre servicetilbod. Tomta er svært godt egna til føremålet og vil kunne romme tilbod til fleire ulike brukargrupper. Planendringa vil såleis bidra positivt til å styrke Aksdal som kommunesenter og servicesenter for innbyggjarane i Tysvær. Kunngjering og varsling: Varsel om planoppstart for endring av reguleringsplan Aksdal nordre del vart annonsert i Tysvær Bygdeblad, Haugesunds Avis og lagt ut på kommunen sine nettsider i slutten av desember 2011, med høyringsfrist Grunneigarar, naboar og andre høyringsinstansar vart også varsla særskilt. Merknadar til oppstart av planarbeid: Etter høyringsfristen hadde det kome inn nokre innspel/merknader til varsel om oppstart av planarbeid. Naboar i Alvanutlia er opptatt av høgda på bygningane. Dei meiner omsorgsbustadar i terrasser på 3 etasjar vil passe godt for dei som skal bu der, og vil passe inn i heilskapen i Alvanutlia der det allereie er terrassebusetnad. I ein annan merknad blei det sagt at rammene for eksisterande fysio- og ergoterapiteneste må ivaretakast anten i dagens lokale eller i ny bygningsmasse. Fagansvarleg ved tenesta må trekkjast med i vidare planarbeid som vedkjem verksemda. Fysio- og ergoterapitenesta har høg kompetanse på universell utforming som bør nyttast i utforminga av bygg og areal på eigedomen. Rådmannen meiner at desse innspela/ merknadene er kommentert og tatt tilfredsstillande omsyn til i planforslaget, og har då ingen ytterligere kommentarer til desse punkta enn det som kjem fram i planforslaget. Administrative uttalar til oppstart av planarbeid: Det føreligg ingen administrative uttalar til den føreslåtte omreguleringa av reguleringsplanen for Aksdal nordre del. Rådmannen sin kommentar: Den framlagde endringa av reguleringsplanen for Aksdal nordre del vil mogleggjera utnytting av eit sentralt område i Aksdal, til oppføring av bustadar for bebuarar som treng ein godt tilrettelagt busituasjon med tilknytte tenester. Denne endringa er sterkt ynskjeleg for å på best mogleg måte å nyttiggjera seg av dei areala som kommunen har og legge til rette for å kunne møte dei raskt

5 aukande demografiutfordringane og anna behovsutvikling i åra framover. Som nemnt i planforslaget vil planendringa bidra til å styrke Aksdal som kommunesenter og servicesenter for innbyggjarane i Tysvær. Vedlegg: - Planomtale - Plankart - Reguleringsføresegner