Reguleringsplan for E16 frå Oppland grense til Brusestølen, på Filefjell i Lærdal kommune

Transkript

1

2 Forord Statens vegvesen starta hausten 2009 arbeidet med reguleringsplan for E16 frå Oppland grense til Brusestølen, på Filefjell i Lærdal kommune. Planarbeidet er utført i samarbeid med andre offentlege etatar og med Lærdal kommune. Dette framlegget til reguleringsplan er utarbeidd av Statens vegvesen, Region Vest. Formell planprosess Det vart varsla oppstart av reguleringsplanen i Sogn avis og nettavisa Porten.no 5.desember Statens vegvesen legg ut framlegg til reguleringsplan til offentleg ettersyn frå 31.januar til 14.mars 2011 etter 3-7 i Plan- og bygningslova. Etter at høyringsfristen er ute, vil Statens vegvesen ta stilling til alle innkomne merknader. Merknadane og Statens vegvesen si innstilling til desse vert deretter sendt til Lærdal kommune for politisk handsaming. Reguleringsplanen ligg i papirutgåve på Borgund nærbutikk og på Lærdal kommunehus. Den kan også finnast i digital form på Statens vegvesen si nettside / Vegprosjekter/ Høringer vegprosjekter. Merknader og spørsmål kan rettast til: Iren Meisterplass, Statens vegvesen Region Vest, tlf Frist til å komme med merknader til planforslaget er 16.mars Eventuelle merknader må vere skriftlege og skal sendast til: Statens vegvesen, Region Vest Askedalen Leikanger Eller på epost til : firmapost-vest@vegvesen.no Lokalisering E16 utgjer ein viktig del av det ferjefrie stamvegnettet aust-vest mellom Oslo og Bergen. Trafikken opp Lærdalsdalen har ei naturleg fordeling ved Borlaug ved at E16 over Filefjell dekkar det meste av trafikken til/frå det nordre Austlandet, medan Rv52 dekkar mykje av trafikken mot Oslo. På vinterhalvåret har Filefjell ein større del av trafikken, ettersom E16 er den fjellovergangen mellom aust- og vestlandet som har best regularitet og vert rekna som eit tryggare vintersamband. Planområdet ligg på Filefjell og går frå fylkesgrensa mellom Oppland og Sogn og Fjordane og ca 7 km nedover fjellet, langs Smedalsvatna til Brusestølen og Smedalsosen. Kartet viser strekninga for framlegg til reguleringsplan, frå Oppland grense til Brusestølen Mål med planarbeidet Eksisterande veg frå Oppland grense til Brusestølen har for dårleg standard i høve krav til stamvegar. Deler av vegen har dårleg bæreevne pga grunntilhøve med for liten forsterkning av vegkroppen. Strekninga er også den parsellen over Filefjell som er mest utsett i høve til å verte steng eller har kolonnekøyring om vinteren. Målet med planarbeidet er å regulere utbetring og omlegging av E16 til stamvegstandard. Den nye vegen skal også plasserast og utformast slik at både drifts- og køyretilhøve om vinteren vert så gode som mulig. Det fører til store terrenginngrep i eit sårbart fjellområde. Utbetra E16 skal gå i/nær same trase som eksisterande E16, i hht vedteke kommunedelplan. 0

3 Formelt bindande del av planen: Reguleringsføresegnene Reguleringsplan-teikningane C1-C9 Tekstdel til planen: 1. GRUNNLAG FOR PLANARBEIDET Konsekvensutredning for E Overordna arealplanar Andre reguleringsplanar Viktige trekk ved Filefjell, langs E KRAV OG MÅL TIL E Geometriske krav Utforming for gode drifts- og køyretilhøve om vinteren 7 3. UTFORMING AV E16 MED TILGRENSANDE TILTAK Oppland grense til Øvre Smedalsvatn Langs Øvre Smedalsvatn Forbi Buhaugane Langs Nedre Smedalsvatn forbi Brusestølen Estetikk /landskap Kulturminne Natur Riggområde og mellombels anleggsområde ANDRE PROSESSAR UNDERVEGS I PLANARBEIDET Geologi Geoteknikk Støyvurderingar TS-revisjon ROS-analyse Synfaring med brøytesjåførar Andre vurderte alternativ Kostnader og gjennomføring Grunnerverv Grunneigarar og arealoppgjer 22 Oversikt utarbeidde rapportar Teknisk del av planen: Oversiktsteikning B1 Plan- og profil-teikningane C101-C109 for E16 Avkøyrsler, plan- og profilteikningar D1-D7 Typeteikningar avkøyrsler, teikningar E1-E2 Normalprofil vegar, teikningar F1-F7 Forprosjekt kulvert, teikning K1 Kart som viser dominerande vanskelig vindretning, teikning X2 Støysonekart, teikningar X3-X11 Fornminne i konflikt med veganlegget, teikningar X12-X Konstruksjonar Anleggsvegar Massedisponering Andre anlegg 19 1

4 1. Grunnlag for planarbeidet 1.1 Konsekvensutredning for E16 Det vart i perioden utarbeidd konsekvensutgreiing for E16 frå Borlaug til Oppland grense. Det er utarbeidd følgjande rapportar som eit grunnlag for konsekvensutredninga: Rapport frå DR.ing Harald Norem som tilrår tiltak mot drevsnø i dei verste områda. Delrapport Kulturminne og kulturmiljø viser til at det er mange automatisk freda kulturminne på strekninga. Konsekvensutredninga tilrår følgjande undersøkingar i samband med arbeidet med å regulere E16: Som prinsipp er avbøtande tiltak for å redusere inngrep i landskapsbiletet at vegen ikkje skal dele opp landskapsrom. Vegen skal i størst mogeleg grad følgje dei overordna terrengformene. Spesielle landskapsmerke som samanhengande kulturlandskap, viktige vegetasjonsområde og likande skal søkast å unngå inngrep i. For friluftsliv gjeld det at startpunkta på turar skal takast vare på. Det er og skissert mulige stopplassar langs strekninga. Det skal vurderast kvar p-plassar for startpunkt for turruter skal plasserast, i samråd med kommunen. Arkeologar bør undersøke kva som fins under bakken før endeleg val av trase vert gjort. Kongevegen kryssar ned til E16 og her bør det gjerast avbøtande tiltak. 1.2 Overordna arealplanar Det føreligg godkjent kommunedelplan for området Borlaug Oppland grense som er utarbeidd samtidig som KU for ny vegtrase. Framlegg til trase for E16 frå KU vart arbeidd inn i og vedteken gjennom denne kommunedelplanen Framlegget til reguleringsplan for E16 er i hht vedtaket i kommunedelplanen. Kartutsnitta viser vedteken trase med utbetring av E16 langs eksisterande veg, men med mindre avvik frå eksisterande veg pga krav til kurvatur. Kartutsnitt frå konsekvensutgreiinga som viser vedteken trase for E16. Følgjande punkt er det på bakgrunn av kommunedelplanen teke spesielt omsyn til i utforming av vegsystem og tilgrensande inngrep: - Kongevegen og andre gamle vegar er historiske vegane som vert sett på som interessante. Omsyna til desse kulturminna må avklarast i samband med reguleringsplanar. - Smedalsvassdraget har vernestatus. 4

5 Kommunedelplan for løypenett på Filefjell vart vedteken i Lærdal kommune Denne planen viser traser for løypenett for ski med startpunkt for turane langs E16 mellom Maristova og Oppland grense. 1.3 Andre reguleringsplanar Reguleringsplan for Buhaugane hyttegrend vedteke i Lærdal kommune , er eit hyttefelt ved Buhaugane som ligg der Øvre og Nedre Smedalsvatn møtes. Deler av hyttefeltet er bygt ut. Reguleringsplan for Buhaugane hyttefelt. Reguleringsplan for Fillestølen hyttegrend vedteken i Området ligg mellom Øvre Smedalsvatn og fylkesgrensa og sør for E16. Denne reguleringsplanen er så gammal at det ikkje vert teke omsyn til eller vurdert konsekvensar i høve denne. Det vert heller fokus på det som er bygt av hytter og vegsystem i området. Reguleringsplan for løypenett på Filefjell vedteke i Lærdal kommune Traseen er regulert som ei 15 meter sone i terrenget. Kartet viser kommunedelplan for løypenettet på Filefjell. Dei blå strekane er skiløyper. Den gamle Kongevegen frå Maristova og areal med vedtekne reguleringsplanar for hyttefelt er og innanfor planområdet. Reguleringsplan for E16 frå Borlaug til Brusestølen vart vedteken i Lærdal kommune i februar Framlegg til reguleringsplan for E16 frå Oppland fylke til Smedalsosen går til plangrense for denne planen. 5

6 1.4 Viktige trekk ved Filefjell, langs E16 E16 over Filefjell går gjennom eit storslage naturlandskap dominert av vassdrag og fjellvidder. Her er verdifulle kulturlandskap knytte til Gramstølen, Stovestølen og Fillestølen. Fjellpartiet er nasjonalt viktig for friluftsliv med startpunkt langs E16 for fotturar, skiturar, jakt, fiske og bær- og soppturar. 2. Krav og mål til E Geometriske krav Tabellen nedanfor definerer ulike parameter som ligg til grunn for prosjektering av vegsystemet. Som grunnlag for å definere parametrane i tabellen nedanfor er: - At E16 er ein stamveg. - Gjennomsnittleg registrert årsdøgntrafikk (ÅDT). I 2008 var ÅDT på strekninga registrert til 750 Andel tunge køyretøy var 21 %. Med 2 % trafikkauke kvart år på denne strekninga og prognoseår 20 år etter at den nye vegen er bygt, blir ÅDT i 2035 berekna til ca Fartsgrense 80 km/t. Biletet viser det storslagne landskapet der E16 går langs og i bortkanten av Øvre og Nedre Smedalsvatn. Det er mange hytteeigedomar langs denne delen av E16. Dei etablerte hytteområda har spreidd utbygging. Det er også eit nytt hyttefelt midt i planområdet ved Buhaugane som har tettare utbygging og meir inngrep for gjennomføring av feltet. Området ligg høgt til fjells, meter over havet. Det er difor store variasjonar i værtilhøva i dette området gjennom året. Kvalitetskrav for E16, dimensjoneringsklasse S2 Parameter Krav Dimensjoneringsperiode 20 år Dimensjoneringsperiode tryggleiksutrustning, støy 20 år ÅDT +20 år 1300 Dimensjonerande kjøretøy Semitrailer Standardklasse E16, stamvegstandard S2 ÅDT Vegbreidd/kjørebanebreidd/skulderbreidd 8,5/ 3,25/ 1,0 Krysstype T-kryss/ rundkøyring Avkjørsler Begrensa antal avkøyrsler, VVP>3600 Fartsgrense 80 km/t Minste horisontalradius 250 Minste klotoideparameter 125 Minste høgbrekksradius 2800 Maks stigning 6 % Maks overhøgde 8 % Maks resulterande fall 10 % Minimum resulterande tverrfall 2 % Minimum horisontalkurve i kryss 425 Minimum høgbrekksradius i kryss 6100 Maks stigning i kryss 5 % Stoppsikt i dagen m, avheng av radius Forbikøyringsstrekning, min 1 per 5 km Min 450 m sikt Vegen skal i tillegg utformast og plasserast for å gi best mogelege driftstilhøve om vinteren slik at det vert lettare både å vedlikehald og halde vegen open. Sjå meir detaljert om dette i kap 2.2 og på F-teikningar. Det er ikkje funne nokon punkt det skal søkast fråvik for. Ny E16 avvik delvis frå eksisterande veg ved at den svingar seg meir gjennom landskapet for å få god linjeføring på vegen og ved at den er lagt lenger inn og opp i terrenget for å få lettare vinterdrift. 6

7 2.2 Utforming for gode drifts- og køyretilhøve om vinteren E16 over Filefjell er ein av fleire fjellovergangar mellom aust- og vestlandet og er oftast den siste av desse vegane som vert kolonnekøyrt eller stengt ved uvær om vinteren. Det er drevsnø og dårlig vær som fører til dette. Målet er at veg med sideareal skal plasserast og utformast slik at den kan trafikkerast sjølv ved svært dårlig vær med minst mogelege ulemper/farar for brøytemannskap og trafikantar. Det er gjennomført synfaring med to erfarne brøytesjåførar for å søke å kartlegge problemområda og kva vindretningar som er vanskelige ved dårlig vintervêr. Deretter er det henta inn ekspertise på utforming av veg og sideareal for god vinterdrift. Resultat og tilrådingar går fram av rapporten "Anbefalinger for utforming av vegen med omsyn til vinterdrift", utarbeidd av Dr.ing. Skuli Thordarson. Kopi av rapport: Rapporten gir strekningsvise vurderingar og tilrådingar på korleis veg og sideareal skal plasserast og utformast. Dette er eit av grunnlaga for korleis E16 med sideareal er utforma. Rapporten tilrår også korleis kryss, avkøyrsler og parkeringsplassar bør plasserast og utformast for å gi best mogelege tilhøve om vinteren. Enkelt-avkøyrsler kan skape farlege situasjonar på grunn av dårleg utbrøytte sikttrekantar. Derfor er det (i hovedsak) planlagt felles avkøyrsler og lokalvegar parallelt med E16. Det ideelle er synfaring av planområde om vinteren før vurderingar og tilrådingar av tiltak. Dette er ikkje gjennomført. Thordarson skal vinteren synfare planområdet for å verifisere tilrådingane i rapporten. Det kan føre til mindre bruk av fresefelt. I rapporten er det ei vurdering av bruk av gatelys for å betre køyretilhøva ved drevsnø og dårlige sikttilhøve. Konklusjonen til Thordarson vart sitat: "å installere vegbelysning på ny veg over Filefjell ikkje vil auke regulariteten i den drag at ulempene ved dette tiltaket kan forsvarast". Det er difor ikkje lagt til grunn i reguleringsplanen at det skal vere gatelys langs E16 på denne strekninga. 7

8 3. Utforming av E16 med tilgrensande tiltak 3.1 Oppland grense til Øvre Smedalsvatn For reguleringsplan sjå teikningane C7, C8 og C9. For teknisk plan sjå teikningane C107, C108 og C109. Første delen av denne strekninga ligg nær elva Sula. Vidare går vegen gjennom eit område med store åsar og flatare området. På dei flate områda er det eindel myrer. Innimellom åsar og myrer er det spreidde hytteeigedomar med tilkomstvegar og parkeringsplassar. Biletet viser deler av eksisterande E16 rett aust for Øvre Smedalsvatn. E16 ligg i dag som rette linjer og kurver med vegen lagt på landskapet. Det gir farlige trafikale tilhøve der møtande bilar kan "forsvinne" i lavbrekk på vegen. Det fører også til at snø lett legg seg på vegen. Ny E16 ligg stort sett høgare enn eksisterande veg. Den svingar seg også fram og tilbake langs eksisterande veg for å få betre kurve på vegen. I svingen ved fylkesgrensa er vegen flytta så langt ut som mogeleg utan at det fører til inngrep ned til elva. For å redusere inngrep i hytteeigedomane på andre sida av vegen er vegen heva gjennom kurva. Plassen til fylkessteinen må også hevast. Flyfotoet viser ny E16 i høve eksisterande E16, felles avkøyrsler til lokalvegar og parkeringsplassar omlag der dei ligg i dag. Biletet viser svingen der ny veg vil gi fylling utanfor eksisterande veg. Det er planlagt fresefelt mot elva og rekkverk er flytta til ytterkant av fresefeltet. Plassering av rekkverk i god avstand til E16 er for å redusere snødrev i vegbana. 8

9 Snuplass for brøytebilar og tilkomst til skogsveg og fylkessteinen ved fylkesgrensa vert delvis i Oppland fylke fordi E16 er heva og utvida. Tilgrensande reguleringsplan i Oppland vil regulere naudsynte tiltak der. Dei geometriske løysingane for løysingane som er i Oppland vises på teikningane. Det vert tosidig fresefelt frå fylkesgrensa og ca 200 m vestover. Vidare er det einsidig fresefelt mot elva heilt til Øvre Smedalsvatn. Der E16 kjem nær hytteområde er det bratte fjellskjeringa med breie grøfter for plass til snølagring. Der fylling ikkje er i konflikt med 1840-vegen eller vassdraget, er fylling slak (1:4) til den treff terreng. Den eine parkeringsplassen FP_2 ligg over 20 meter frå ny veg og treng difor ikkje flyttast. E16 si plassering i høgde er også slik at avkøyrsla kan ligge der den er i dag. Felles private vegar til hytteeigedomane er via parkeringsplassen og vidare langs eksisterande vegar eller ny veg plassert i terrenget. Reguleringsplan for løypenettet kjem i konflikt med bygging av ny E16 ved austlege enden av Øvre Smedalsvatn. Dette framlegget til reguleringsplan har eit forslag til justering av løypetraseen i høve til ny veg. Hyttene har samleavkøyrsle med enkle felles grusvegar, fram til eigedomane. Desse grusvegane skal plasserast med minst mogeleg inngrep, tilpassa landskapet. Tilkomst til E16 er ut frå kortast mogeleg lokalveg til dei tre parkeringsplassane tilhøyrande hyttegrendene. Biletet viser eksisterande parkeringsplass (ca profil ) som vert regulert slik den ligg, fordi den ligg langt nok vekke frå ny veg. Dei to andre parkeringsplassane FP_4 og FP_6 tilhøyrande Fillestølen hyttegrend ligg for nær ny E16 og er difor flytta. Ein del av dei felles private vegar til hytteeigedomane kryssar over parkeringsplassane og ligg lågare i terrenget enn E16. Biletet viser at det er trong for betre utforming og plassering av tilkomstar til E16, for å oppnå god sikt og vel definerte avkøyrsler Frå felles parkeringsplass FP_4 og sør - vestover ligg deler av den "Bergenske hovedvei", 1840-vegen som er eit vegrelatert kulturminne saman med snøskjermane av tre som står langs denne vegen. Det er ynskje om å ta vare på vegen og skjermane. Der det er mulig er to delparsellar av lokalvegen regulert til verna turveg. Dei verna vegparsellane og denne lokalvegen elles skal utførast med type materiale og løysingar som tek vare på den gamle vegløysinga. Vern av snøskjermane er ikkje ynskjeleg fordi dei kan gi drevsnø inn på E16. Biletet viser deler av vegen som vart bygt ca 1840, som delvis skal brukast som felles tilkomstveg til hyttene på denne sida av E16. Her vises også snøskjermane i området. 9

10 3.2 Langs Øvre Smedalsvatn For reguleringsplan sjå teikningane C5, C6 og C7. For teknisk plan sjå teikningane C105, C106 og C107. Landskapet langs Øvre Smedalsvatn er prega av kollar mellom myrane, med dei store fjella i god avstand frå vegen. Terrenget langs vegen er delvis ganske flatt og delvis noko brattare der kollane kjem nær vegen. Langs denne strekninga er det lite fritidseigedomar. Fillestølsvegen er ein viktig utfartsveg like ved den austlege enden av vatnet. Dette er den strekninga som har dei vanskeligaste tilhøve om vinteren ved dårlig vær, i lågbrekket ved Steinkyrkja. Dette er truleg pga vindretning og at det ligg kollar nær vegen med bratte skjeringar, som fører til at snøen fonnar seg og gir dårlig sikt. Biletet viser den strekninga av E16 som gir størst problem om vinteren, ved Steinkyrkja. Her er vegen flytta opp og inn i terrenget. Llikevel vert det ny vegfylling utanfor eks vegfylling ut i vatnet. E16 er flytta vekk frå nokre knausar som ligg mellom Løkenelvi og Fillestølsvegen. Dette gir ei fylling i Øvre Smedalsvatn, i lågbrekket ved Steinkyrkja. Her er det ei ujamn vegfylling i stein frå før slik at inngrepet ikkje øydelegg eksisterande vegetasjon i strandsona. Flyfotoet langs Øvre Smedalsvatn viser at ny E16 er flytta vekk frå vatnet og inn i terrenget. E16 er flytta vekk frå vatnet inn og opp i terrenget slik at den vert liggande høgare enn eksisterande veg. Vegen ligg stort sett over terreng, men skjer seg ned i dei høgaste kollane. Biletet viser ein av kollane om lag midt på Øvre Smedalsvatn som E16 er justert vekk i frå, for å unngå drevsnø over denne. For at snø skal blåse over og av vegen er skjeringane anten fjerna heilt eller slakka ut og alle fyllingar er så slake som mulig i høve vassdraget. Biletet viser eksisterande veg langs Øvre Smedalsvatn. Steinkyrkja ligg nede i dumpa. 10

11 Det er fresefelt mot vatnet mellom avkøyrsla til Fillestølen og Steinkyrkja. Det er fresefelt mot terrenget forbi avkøyrsle til Fillestølen og forbi Steinkyrkja. Det er ei brei grøft for akkumulering av snø og slakt sideareal mellom vegen til Fillestølen og Steinkyrkja. Inngrep i denne knausen går heilt til toppen av denne. Vidare vestover ligg vegen for det meste på fylling, som stadvis ligg høgt i terrenget. Dette er søkt å dempe ved at fyllingane er slake og ved å fylle opp groper mellom veg og terreng. 3.3 Forbi Buhaugane For reguleringsplan sjå teikningane C4 og C5. For teknisk plan sjå teikningane C104 og C105. E16 går på denne strekninga rundt Buhaugane mellom Øvre og Nedre Smedalsvatn. Buhaugane er regulert til hytteområde, som er delvis bygt ut. Eksisterande E16 går i skarpe kurver på denne strekninga. Vegetasjonen her er tett skog av fjellbjørk med nokre mindre myrområde imellom. Terrenget er meir sidebratt enn lenger aust. Tilbakeføring ved å legge lausmasse på dei slake sideareala og toppdekke med lokal frøbank vert særs viktig der sideareala er så store som her. Korleis dette skal gjennomførast går fram av kap 3.5. Forbi Løkenelvi ligg vegen slik at det ikkje vert inngrep i elveosen. Det skal byggast kulvert for elva gjennom vegen med naturleg botn, sjå teikning K1. Den langs kulverten og dei slake fyllingane gir at det ikkje er behov for rekkverk. Biletet viser elveosen til Løkenelvi som ikkje vert råka av bygging av ny E16, Ved Fillestølsvegen er det ein offentleg parkeringsplass dimensjonert til ca 50 bilar. Det er to fritidseigedomar langs vatnet som får felles tilkomst til E16. Ved øvste enden av vatnet står eit bygg som skal rivast. Flyfotoet viser omlegging av E16 forbi Darbuviki, hyttefeltet ved Buhaugane og langs elva og tilkomst til Sluten. Dei ulike formåla og formålsgrensene til reguleringsplanen til Buhaugane hyttefelt er teikna med grått. Ny går inn i reguleringsplanen for hyttefeltet. Konflikt i høve hyttefeltet vert vurdert til å vere liten fordi det ikkje vert inngrep i areal regulert til tomter og ein kort strekning av ein veg i feltet må justerast. 11

12 Ny E16 vil gå delvis i skjering og delvis på fylling på denne strekninga fordi terrenget har så stor variasjon. Skjeringane og fyllingane er brattare enn lenger aust for å redusere inngrep og konsekvensar i tilgrensande areal. I Darbuviki blir det ein stor vegfylling ut i vatnet. Biletet viser den skarpe kurva austfrå ned mot Darbuviki. Frå avkøyrsla til Sluten og ned til Darbuviki er eksisterande veg svingete. Bakken opp frå Darbuviki er vanskelig å trafikkere for tunge køyretøy på glatt vinterføre fordi dei mister fart i den skarpe kurva nede i viki. Framlegg til E16 har minste kurvatur for å komme rundt svingen ved Buhaugane og forbi Darbuviki. Bakken opp frå Darbuviki er slakka ut for å lette framkomst for tunge køyretøy. Vegen er plassert slik at inngrep i vassdraget og i Buhaugane hyttefelt gir minst mogelege konsekvensar. Ved å flytte vegen vekk frå vassdraget kjem den nærare hyttefeltet og omvendt ved å flytte vegen vekk frå hyttefeltet kjem vegen nærare vassdraget. Det er også teke omsyn til to verna fornminne innanfor Buhaugane hyttefelt. Ein gammal ferdselsveg som går i vegskråninga ned til elva vert liggande under ny veggrunn. Biletet viser eksisterande vegfylling i Darbuviki, der det skal leggast ny fylling over/utanpå denne. Denne strekninga er vanskelig i dårlig vintervær. Det er difor fresefelt, breie grøfter og bratte skjeringar mot terreng/hyttefelt. Mot vassdraget er det fresefelt og så slake skråningar som det er plass til. Der det står igjen kollar ut mot vatnet skal desse fjernast. Biletet viser elva mellom Øvre og Nedre Smedalsvatn og brua for veg til Sluten. Ny veg er prosjektert slik at det ikkje vert inngrep ned til elva. Den gamle ferdselsvegen i dette området vert derimot øydelagt. Biletet viser haugen mellom Nedre Smedalsvatn og avkøyrsla til Buhaugane hyttefelt. Denne haugen skal fjernast. 12

13 Ny lokalveg til Sluten vert lenger enn dagens veg fordi ny E16 ligg høgare her. Lokalvegen må difor byggast lenger for å ta igjen høgdeskilnaden. Det er ein privat parkeringsplass nede ved vatnet med plass til ca 30 bilar. Eksisterande avkøyrsle til Buhaugane hyttefelt vert knytt til ny E16 slik den ligg i dag. I tillegg er det ein parkeringsplass ved denne avkøyrsla for hyttefeltet. Konsekvensane for Buhaugane hyttefelt er at friområde vert mindre, ein kort del av vegsystemet i hyttefeltet må byggast annleis enn vedteken plan og at det blir mellombels inngrep i andre deler av friområdet for å bygge E16. Kjettingplass ved Darbuviki er fjerna. Ved utbetring av E16 vil framkomst opp bakken frå Darbuviki bli betre slik at det truleg ikkje vert behov for å legge på kjettingar her. Biletet viser eksisterande veg til Sluten der tilkomstveg må forlengast austover til nytt påkoplingspunkt på E16. På det planerte grusområdet midt i biletet er det regulert plass til ein privat parkeringsplass. På 80-talet vart E16 flytta ut i vatnet i Darbuviki og den vart heva noko for å lette framkomst opp bakken. Gammal veg vart liggande igjen innanfor eksisterande veg som eit ruskete areal. Dette arealet skal det ryddast opp i når ny E16 vert bygt, ved at det vert lagt masser over vegen. Det skal leggast til rette for at vegetasjon kan vekse på desse massane. Biletet viser avkøyrsla til Buhaugane hyttefelt sett frå kjettingplassen. Parkeringsplassen vert framom tilkomstvegen, der det står noko småskog. For å føre sideareala best mogeleg tilbake til terrenget skal dei overflate-handsamast i hht kap 3.5. Biletet viser den gamle vegen som ligg igjen innanfor eksisterande veg i Darbuviki. Denne skal fjernast når ny E16 vert bygt. Sideareal skal utformast slik at det ikkje er trong for rekkverk her. 13

14 3.4 Langs Nedre Smedalsvatn forbi Brusestølen For reguleringsplan sjå teikningane C1, C2 og C3. For teknisk plan sjå teikningane C101, C102 og C103. Her går vegen langs skogkledd dalside med vatnet nær på deler av strekninga. Vidare vert terrenget slakare og opnar seg opp på det meir myr-prega området forbi Brusestølen fram mot Smedalsosen. Biletet viser det opne og snaue området lengst sør ved Nedre Smedalsvatn. Lengst bak i biletet går terrenget over i den meir sidebratte dalsida. Avkøyrsle til Brusestølen og parkeringsplassen er bakom haugen til høgre i biletet. Frå Buhaugane og sørover langs nedre Smedalsvatn ligg eksisterande veg langs vatnet med mindre fyllingar ut i vatnet. Vegen går her gjennom ei skogkledd dalside. Biletet viser korleis eksisterande veg ligg nedst i dalsida langs vatnet frå Buhaugane og sørover. Den nye og breiare vegen er justert inn i terrenget for å få minst mogeleg fylling i vatnet. Flyfotoet viser plassering av ny veg langs Nedre Smedalsvatn. Den nye vegen ligg delvis på fylling og delvis i skjering frå Buhaugane til Brusestølen. Sideareala er nok slakare enn lenger aust. Vegen er stort sett plassert inn i terrenget og ligg høgare enn eksisterande E16for å unngå fyllingar ut i vatnet. 14

15 Der det er fyllingar ut i vatnet er det eksisterande vegfyllingar av stein med lite strand-vegetasjon. Landskapsmessig er det å tilrå etablere strandsone med strandvegetasjon i staden for vanleg steinfylling. Det vil krevje inngrep på større areal. Biletet over viser området ved Brusestølen der det skal ny byggast veg og parkeringsplass, ca midt i biletet. Biletet viser ein av vegfyllingane i Nedre Smedalsvatn, som ny veg vil gi fylling over. Det står ei hytte mellom E16 og vatnet rett nord for Brusestølen. Denne skal fjernast. Gjennom det meir opne landskapet frå Brusestølen til Smedalsosen går vegen over eit område som er ganske flatt og delvis myrete. Herr ligg ny veg høgt i landskapet. Vegbana er justert vekk frå eksisterande veg for å unngå fyllingar ut i vatnet. Den einaste avkøyrsla på denne strekninga er til Brusestølen, om lag der den ligg i dag. Her er også ein privat parkeringsplass kopla til denne avkøyrsla. Kongevegen som går frå Maristova kjem ned til Brusestølen. Veganlegget er ikkje i konflikt med Kongevegen. Det er kjettingplass ved Brusestølen i høve til at stigninga opp dalen slakkar ut her. Biletet viser det opne landskapet ved Brusestølen. Vegen skal flyttast inn mot stølen. Eksisterande vegareal skal nyttast til kjettingplass. For å redusere drevsnø skal hytta ved vatnet rivast. Trase for løypenett går i lia over E16 langs Nedre Smedalsvatn. Bygging av ny E16 kjem i konflikt med store deler av denne traseen. Planteikningane viser forslag til justert trase der veganlegget vil råke eksisterande trase. 15

16 3.5 Estetikk /landskap Rigg og marksikringsplan Det er lagt til grunn i framlegg til reguleringsplan at det skal utførast særskilt varsemd i samband med gjennomføring av veganlegget fordi vegen skal byggast i eit høgfjellsområde. Eit hjelpemiddel er å nytte rigg- og marksikringsplan ved gjennomføring av veganlegget. Framstilling: o Målestokk 1:2000 o Inndeling som samsvarar med C-teikningar. o Så få knekkpunkt på grenselinene som mogleg, og danne samanhengande polygon o Framheve viktige trekk ved landskapet, med tekst som presiserar og forklarar viktige forhold. o Særleg sårbare landskapselement eller vegetasjon skal avmerkast. o Digitalt, slik at det gir entreprenørane høve til å setje ut grensene i terrenget ved hjelp av GPS Vegetasjon generelt Markant og spesiell vegetasjon skal sikrast ved bruk av rigg- og marksikringsplan. Der vegetasjon fungerer som støy- eller visuell barriere mellom rekreasjonsområde eller elv og veg, skal rigg- og marksikringsplan sikre at desse områda ikkje vert råka av inngrep der det er mogleg. Der vegetasjon vert fjerna i anleggsperioden skal det revegeterast Naturleg revegetering frå stadeigne toppmasser Kort vekstsesong, låge temperaturar og ofte turre tilhøve i jordbotn, gjer at naturen brukar lang tid på å reparere skadar etter inngrep i fjellområde. For å unngå ytterlegare øydelegging av landskapet, som til dømes kan oppstå ved erosjon i open jord, er det naudsynt med tiltak for å restaurere den opphavlege vegetasjonstypen. I tillegg vil revegetering vera eit viktig grep for å tilpasse den lineære vegen til dei naturlege omgjevnadane og implementere den i landskapet. Eit høveleg tiltak her er å leggja til rette for naturleg innvandring av stadeigen vegetasjon og spiring frå stadeigne toppmassar. Metoden går ut på å nytte naturen si eiga evne til å reparere inngrep og gjera området grønt att. Eit hovudmål innan revegetering er å leggje til rette for ei rask og økonomisk etablering av eit stabiliserande plantedekke. Ved hjelp av revegetering ynskjer ein også å minimera negative effektar etter naturinngrep, og medverke til å oppretthalde biotopar, plantemangfald og estetiske landskapskvalitetar. Ved bruk av revegeteringsmetodar i samband med vegbygging ynskjer ein å leggja til rette for at naturen kan ta tilbake mest mogleg av areala inn mot asfalten. Framgangsmåte: Revegetering frå stadeigne toppmassar vil krevje areal til mellombels lagring av massar. Ei vellukka revegetering er avhengig av at ulike massar vert lagra kvar for seg, og ikkje vert komprimert under eller etter anleggsperioden. Toppmassar med frøbank og undergrunnsjord skal lagrast i separate rankar i tilstrekkeleg avstand frå areal der anleggsmaskiner ferdast, for å unngå komprimering. Det er difor naudsynt å setje av ekstra areal i reguleringsplanen til dette. Meir detaljert skildring er å finna i kvalitetskravrapport for anlegget Tiltak i fjellskjeringar Fjerning av knattar og småkollar der vegbana skjer gjennom og deler dei opp. Dette vil gi eit meir ryddig sideterreng og gi oppleving av at vegen ligg godt plassert i landskapet. Fjellskjering vert skotne ut med ei minimum djupne på -0,5 meter under ferdig terreng, lausmassar vert så lagt oppå skjering for å slake ut sideterreng og leggje til rette for revegetering Tiltak ved fylling Revegetering på fyllingar som ligg mellom inngrep og sjø kan ta noko tid, og krevje aktive tiltak, som til dømes såing eller utplanting av småplanter. Då slike område er isolerte frå annan i kringliggande vegetasjon og ikkje får noko drahjelp ved at eksisterande vegetasjon veks seg innover i revegeteringsområdet. I eit fjellområde der vegetasjonen er dominert av fjellbjørk og lyng vil det vera uheldig med såing av blomstereng eller gras, då dette skil seg sterkt i frå omgjevnadane. Det bør difor nyttast vegetasjonsflytting som revegeteringsmetode. Tuer med intakt vegetasjon skal flyttast, med så mykje jordklump og røter som mogleg, og leggast oppå eit jordlag på fyllingane. Fyllingane vil verta nokså bratte, og det er difor krav til stabile jordmassar og rask etablering av vegetasjon. Det kan i nokre tilfelle vera betre å bruke ekstra plass på fyllingane for å få til ein stabil skråning der revegetering er mogleg, enn å tvihalde på inngrepsgrenser. Der dette ikkje er mogleg bør det vurderast å nytte mur Tiltak ved nærføring til vassdrag Det skal stillast særskilte krav til utforming av fyllingar mot vassdrag, då desse kan vera godt synlege frå motsett side av vassdraget og vassdraget kan vera av stor eigenverdi, både med tanke på økologi og estetikk. Fleire stadar langs eksisterande veg er det allereie ein del fyllingar som går ut i vatnet. Her kan det vera ein fordel å fylle meir ut, då dagens fyllingar er grove og dårleg tilpassa det ikringliggande terrenget. Ved fylling nær ein holme som går ut i vatnet skal fyllinga skape ei avrunda og naturleg avslutning mot det eksisterande terrenget. Dei organiske og buktande formene skal ikkje bli oppbrotne av skarpe og tydeleg maskinelt skapte fyllingar, men heller etterliknast Bruk av mur Dersom det vert nytta mur i eller langs veganlegget skal det vera einskapleg form- og materialbruk i heile veganlegget. Materialbruk skal samsvare med dei fargar og material som fins i omgjevnadane Tilbakeføring av veg Tilbakeføring av vegbane som ikkje lenger er i bruk ved bruk av revegetering og terrengforming. På heile strekninga skal gamal vegbane, som vert liggande utanfor ny og utbetra veg, fjernast. Terrengforming og revegetering skal utformast slik at sidearealet til den nye vegbana får ein mest mogleg glidande overgang til den i kringliggande vegetasjonen og terrengformene. 16

17 3.5.9 Lokalvegar og avkøyrsler Det er mange hytter og små avkøyrsler langs dagens veg. Med tanke på landskapsbiletet er det ein fordel å oppretthalde så mange avkøyrsler som mogleg, i staden for å opprette fleire atkomstvegar som går parallelt med hovudvegen. Av omsyn til trafikktryggleik er ikkje dette mogleg, og talet på avkøyrsler vert difor i framlegg til reguleringsplan redusert i høve dagens situasjon. Eit kompromiss vert då å tilpasse atkomstvegane best mogleg til terrenget. Lengda skal vera så kort som mogleg, med dimensjonering og plassering som gjer vegen underlegen terrenget Dekke Asfaltdekket skal ha jamn og tydeleg avslutting mot ikringliggande terreng. Dette gir eit meir roleg og ryddig uttrykk, samstundes som tydelege avsluttingar gir signal om at inngrepet er avgrensa i staden for utflytande Parkeringsplassar Parkeringsplass skal vera tydeleg åtskilt frå ikringliggande terreng. Det tilgrensande terrenget bør ha ein noko brattare helling heilt inntil parkeringsplassen, slik at grensa mellom parkering og omgjevnadar vert tydeleg og ikkje utflytande. Ved bruk av ein slik brattare kant unngår ein også at grusdekket på parkeringsplassen kjem ut i terrenget ved brøyting mm Lyssetting Det bør ikkje vera veglys på strekningen. Lysmaster vil skjera seg ut i høgfjellsmiljøet som er dominert av låg og karrig vegetasjon. Vegstrekninga går gjennom eit fjellområde med mange hytter og rekreasjonsaktivitetar, veglys vil synast godt på lang avstand og påverke naturopplevinga. Veglys vil forsterke opplevinga av inngrepet, og gjera det både større og meir synleg Friluftsliv Det bør leggjast vekt på å behalde vegetasjon som kan fungere som støy- og visuell barriere mellom kjende rekreasjonsområde og vegen. I reguleringsplan for området er det lagt inn ein trasé for rekreasjonsaktivitetar, denne går tidvis i svært bratt terreng og kjem nokre stadar nært innpå vegen. Då denne traséen ikkje er bygd enno vil det vera ein fordel å flytte på reguleringsgrensene for denne, slik at traséen ligg betre i terrenget og kjem lenger unna vegen. Dette kan gi ei betre naturoppleving. 3.6 Kulturminne Automatisk freda kulturminne Sogn og Fjordane fylkeskommune gjennomførde sommaren 2010 registreringar av mulige fornminne innanfor området Statens vegvesen definert som yttergrense for reguleringsplan for E16 frå Oppland grense til Brusestølen. I samband med reguleringsplan for Buhaugane hyttefelt har fylkeskommunen tidlegare gjennomført registreringsarbeid i det området. Sogn og Fjordane fylkeskommune har samla resultat av registreringane i ein rapport. Konklusjon i rapporten er at planarbeidet for E16 er i konflikt med automatisk freda kulturminne heilt tilbake til steinalderen. Planområdet er også i konflikt med nyare tids kulturminne. Dette viser at området ved Smedalsvatna har vore i bruk over lang tid. Dei fleste lokalitetane som vart funne er små, medan ein lokalitet ved Øvre Smedalsvatn synes å vere større. Dei fleste funna er kolgroper og kokegroper. Dette kan tyde på at her har vore jakt og fiske og/eller stølsdrift. Ein kjenner til at her var jernutvinning i jernalderen, med intensiv drift for utvinning av jern. Det er også registrert tufter, som kan gi meir informasjon om kvar folk budde. Registreringane som er utførde har gitt ny og viktig kunnskap om ferdsel og opphald ved vatna. Aktiviteten i dette området må og sjåast i samanheng med kulturminne på Oppland-sida. Fleire registrert funn er i konflikt med tiltaka i framlegg til reguleringsplan. Sjå teikningane X12 - X16 som viser kvar desse ligg. Det vert søkt om å få desse frigitt og gravd ut før veganlegget startar. Det er 4 registrerte funn som vert liggande så nær veganlegget at framlegg til reguleringsplan har med sikringssone rundt desse funna: Lok 7 inneheld ei tuft frå vikingtid/tidleg mellomalder. Tufta er automatisk freda og bandlagd etter kulturminnelova. Det er ikkje tillete å setje i gong tiltak som kan skade, øydelegge eller utilbørleg skjemme kulturminnet med mindre det er gjeve løyve til dette av kulturminnemyndigheita, jf. 3 i Lov om kulturminne. Det kan drivast skjøtsel av området etter planar godkjent av Kulturavdelinga i fylkeskommunen, jf. Lov om kulturminne 11 a. Lok 11 er ei samling med to kolgroper som er automatisk freda og bandlagd etter kulturminnelova. Det er ikkje tillete å setje i gong tiltak som kan skade, øydelegge eller utilbørleg skjemme kulturminnet med mindre det er gjeve løyve til dette av kulturminnemyndigheita, jf. 3 i Lov om kulturminne. Det kan drivast skjøtsel av området etter planar godkjent av Kulturavdelinga i fylkeskommunen, jf. Lov om kulturminne 11 a. Lok 9 er ei samling med 6 tufter som er datert til etter reformasjonen. Området der tuftene ligg er å oppfatte som eit kulturmiljø med stor historisk verdi. Alle tiltak i området skal leggast fram for fylkeskommunen til uttale. Deler av området må frigivast som del av utbetring av E16. Lok 20 har ei tuft av ukjent alder. Alle tiltak i området skal leggast fram for fylkeskommunen til uttale. 17

18 3.6.2 Nyare tids kulturminne Den Bergenske Hovedvei vegen er del av eit større historisk veganlegg.. Eit anna synleg nyare tids kulturminne er dei lange snøskjermane i tre som er eit vegrelatert kulturminne. Innspel frå fylkeskommunen er at samla utgjer 1840-vegen og snøskjermane er eit viktig kulturminne langs vegen og at det er ynskjeleg å ta vare på desse så langt råd er. Den Bergenske Hovedvei ligg i større eller mindre parsellar mellom fylkesgrensa og Øvre Smedalsvatn. Dette kan lesast av teikningane C101-C109: Ved profil på teikning C101/C1 går den gamle 1840-vegen gjennom stølsområdet Brusestølen og vidare over fjellet. Det er i framlegg til reguleringsplan plassert ein privat parkeringsplass som har same avkøyrsle som tilkomst til Brusestølen. Tilkomstvegen og parkeringsplassen skal tilretteleggast på ein måte som ikkje gjer dei dominerande i terrenget vegen vidare som ikkje vert råka av tiltakt vert ikkje teken med i reguleringsplanen som verneverdig veg fordi den ligg utanfor plangrensa. Mellom profil og profil på teikning C104/C4 er det ein tydelig sti som truleg er spor etter ei gammal ferdselsåre frå vegen og ned mot brukara ved elva, som kan vere restane etter den gamle Vardevegen aust-vest. Ny E16 i framlegg til reguleringsplan ligg generelt høgt i høve til terrenget for å lette driftstilhøve på vinterstid. Den ligg spesielt høgt i terrenget på denne strekninga pga forma på terrenget og for at vegen skal henge saman med vegen både aust- og vestover. Skråninga frå vegen ned mot terrenget vert arealkrevjande pga stor høgdeskilnad mellom veg og terreng. I framlegg til reguleringsplan vert difor deler av denne gamle ferdselsåra vekke under ny veggrunn. Mellom ca profil og profil på teikning C106/C6 ligg restar etter 1840-vegen. Denne vert i framlegg til reguleringsplan liggande under nytt vegareal. Mellom ca profil og profil på teikningane C107/C7 og C108/C8 ligg ein lenger strekning av 1840-vegen. Den er delvis i god stand og delvis grodd igjen. Langs denne parsellen er det i framlegg til reguleringsplan lagt ein lokalveg til fritidseigedomane så nært opptil den gamle vegen som mogeleg. Der tilkomstveg til hyttene er på den gamle 1840-vegen, vert denne regulert til verneverdig veg. Der denne vegen ligg langt nok frå anleggsområdet for utbetring av E16, vert det lagt omsynssone langs vegen. På 1840-vegparsellane som vert regulert som verneverdig veg eller lagt i omsynssone skal det ikkje settast i verk framtidige tiltak før plan for tiltaket er godkjend av kulturminnestyresmaktane (Sogn og Fjordane fylkeskommune). Desse vegane kan nyttast som køyreveg til eksisterande fritidseigedomar i området, men all transport skal då skje med lettare transportmiddel og på ein måte som ikkje skadar vegen. Føremålet med vernet er å ta vare på eksisterande vegmiljø med sin opphavelege karakter, byggeteknikk og kulturhistoriske verdiar. Ved vedlikehald og reparasjonar skal same type materialar og løysingar nyttast som då vegen vart bygd. Det er ikkje lov å fjerne eller rive deler av veggrunnen, murar, stikkrenne eller andre detaljar knytt til sjølve vegen. Det er i framlegg til reguleringsplan ikkje forslag til vern av snøskjermane, da desse kan gi driftsproblem om vinteren. Synfaring med drivsnøekspert vinteren 2011 vil avklare dette nærare. På bakgrunn av dette og punkta ovanfor om 1840-vegen er framlegg til reguleringsplan i høve desse nyare tids kulturminna å: Etablere gangveg i parsellen til 1840-vegen ved profil 11160, mellom E16 og Brusestølen. Bruke parsellen mellom og til lokalveg til hyttene. Dei delane som kan brukast urørt vert regulert til verna turvegar. 3.7 Natur Det er ikkje registrert viktige naturtypar langs vegen. Utbetring av vegen har heller ikkje innverknad på viktige lokalitetar for fugl. Langs både nedre og øvre Smedalsvatn blir veglinja lagt lenger inn mot terrenget slik at det vert større avstand mellom køyreveg og vatn, noko som i utgangspunktet er positivt for naturmiljøet. Det er nokre punkt som er viktige å sikre i høve naturmiljø langs traseen. Nedanfor er desse lista opp. Dei er regulerte til LNFR-område med bevaring av naturmiljø. På desse strekningane er areal til å bygge vegen minimale, slik at det må utførast spesiell varsemd i anleggsarbeidet. Langs nedre Smedalsvatn på strekninga profil Mellom nedre og øvre Smedalsvatn rundt Buhaugane, mot elva og forbi avkøyrsle og parkeringsplass ved Sluten. Profil Langs elva Sula frå ca profil til fylkesgrensa. Det er to mindre og ei stor utfylling i nedre Smedalsvatn og ei mindre utfylling i øvre Smedalsvatn. Utfylling i vassdrag er uheldig, men omfanget er relativt lite og for det meste lokalisert på tidlegare vegfyllingar slik at konsekvensar for naturverdiar knytt til vassdraget vert små. Omsynet til naturmiljø vert følgt opp i YM-plan (ytre miljø plan) for gjennomføring av veganlegget. 3.8 Riggområde og mellombels anleggsområde Alle inngrepa på desse områda er mellombelse. Dei er omfattande i anleggsperioden. Områda skal ryddast opp før anlegget vert avslutta. I område som i dag er heilt urørde vil rigging og anleggsdrift føre til endringar på arealet, sjølv om det vert rydda opp, pga tilrettelegging for anleggsdrift. All grunn som er regulert til vegføremål og mellombels trafikkområde kan i tillegg til areal for midlertidig anleggsområde nyttast til riggområde. Det er ikkje regulert areal til massedeponi. Her skal ikkje vere permanent lagring av masser utanfor det som er naudsynt for å bygge sidearealet til vegen. Sidan vegkroppen og inngrepet er så breitt, er det nok areal til mellombels lagring av masser langs anlegget innanfor vegformål og areal for midlertidig anleggsområde. Mellombels anleggsområde langs veganlegget er omfattande fordi det er trong for eige areal der frøbank vert lagra, sjå omtale i kapittel 3.5. For at frøa ikkje skal bli øydelagt må lagring av andre masser langs veganlegget skje utan konflikt med rankane med lagra frøbank. 18

19 3.9 Konstruksjonar For kryssing av Løkenelvi skal det byggast kulvert, sjå teikning K1. Kulverten og sideareal til vegen er utforma slik at det ikkje er trong for rekkverk forbi kulverten. Det er ingen andre konstruksjonar på parsellen Anleggsvegar Ved prosjektering av forslag til reguleringsplan er løysingar for anleggsvegar vurderte for å sikre at veganlegget kan trafikkerast samtidig med at det vert bygt. Det er også vurdert trong for areal til anleggsvegar for å komme til deler av veganlegget for gjennomføring av løysingar Andre anlegg El- linjer og kablar Telenor har kabeltrase med hovudlinje fiberkabel mellom aust- og vestlandet, delvis langs eksisterande E16, forbi Buhaugane. Konsekvensar for denne og mulig omlegging må vurderast ved detaljprosjektering av veganlegget. Det står eit el-skap ved eks E16 i Darbuviki som truleg forsyner hyttefeltet ved Buhaugane med El-linjer. Det er eit el-skap rett aust for eksisterande avkøyrsle til Sluten på hovedlinja til fiberkabelen. Skapet i Darbuviki kjem i konflikt med ny E16 og må flyttast. Skapet ved Sluten vert truleg liggande under ny vegfylling og må leggast om eller hevast. Det skal langs heile parsellen byggast breie grøfter og store sideareal for å gje gode drifts- og køyretilhøve om vinteren. Arealet regulerte til offentleg vegareal kan brukast til å avvikle trafikken på i anleggsperioden. Det er difor ikkje regulert ekstra areal til avvikling av trafikken i anleggsperioden Massedisponering Det er eit underskot av masser for å bygge E16 slik framlegg til reguleringsplan viser. Som det går fram av kapittel 4.1 er det tre ulike typar grunnfjell på denne strekninga, med ulike kvalitetar i høve til å bruke i veg-bygging. Tabellen nedanfor viser teoretisk massebruk for veganlegget, ca i underskot. Fyllingar m3 Forsterkningslag m3 Uttak fjell m3 Uttak lausmasse m3 Sum m3 Underskot av gode masser til forsterkningslaget og vegkjerna, er det tilgang til frå ny tunnel som skal byggast frå Borlaug til Honingane, på parsellen Brusestølen - Borlaug. Dette anlegget har byggestart i Mellombels lagring av gode steinmasse som skal brukast til å bygge vegen frå Sogn grense til Brusestølen, kan leggast i mellombels deponi ved Brøytestasjonen slik vedteke reguleringsplan for denne parsellen viser. Reguleringsplan for E16 frå Varpe bru til Nystuen er under utarbeiding. I hht NTP skal Varpe bru - Nystuen byggast i tidsrommet fram til Det skal byggast ein tunnel mellom Tyinkrysset og Nystova på denne parsellen. Grunnfjellet her er fyllitt, som ikkje kan nyttast til å bygge sjølve vegkroppen, men er godt egna til å legge på sideareal og under vegkjerna. Det vert overskot av masser på Varpe bru - Nystuen slik at sprengstein kan brukast til sidearealet og under forsterkningslaget til E16 på Sogn grense - Brusestølen. Dersom framdrift på dei ulike parsellane vert slik at det ikkje er tilgang til sprengstein av fyllitt frå Varpe bru - Nystova, eller det ikkje er nok masser på denne strekninga til å overføre masser til andre parsellar, er det tilgang til meir sprengstein frå parsellen Borlaug - Brusestølen. Rett ved eksisterande E16 over Darbuviki står eit elskap. Det står eit el-skap som aust for eksisterande avkøyrsle til Sluten, rett på nordsida av Buhaugane hyttefelt. Den må flyttast El- linjer og kablar Det går ei høgspent luftlinje på 22 kv frå Borlaug og vidare opp heile dalen og over Filefjell. Framlegg til reguleringsplan for E16 kjem i konflikt med denne luftlinja langs Nedre Smedalsvatn. Der er regulert inn fareområde langs luftlinja. Vatn- og avløp Lærdal kommune har ikkje VA-anlegg i eller nær området. Det er heller ikkje kjennskap til at det er slike private anlegg som kan komme i konflikt med gjennomføring av veganlegget. 19

20 4. Andre prosessar undervegs i planarbeidet 4.1 Geologi Det er ikkje funne at det er rasfare langs E16, frå Oppland grense til Smedaslosen. Det er gjennomført Los Angeles testing av kvalitet på fjellet langs parsellen, for å finne om sprengstein kan brukast til å bygge veg. Resultat av arbeidet er levert i rapport nr... Frå fylkesgrensa og fram til sørenden av Buhaugane består berggrunnen av Mangeritt. Denne bergarten kan brukast til bærelag og forsterkningslag. I tillegg bør bergarten testast kontinuerlig under drift pga fare for mikrobrudd i denne bergarten. Bergarten mellom Brusestølen og Buhaugane er fyllitt. Denne er uegna til bruk i vegbygging. Pga. denne bergarten bør det vere ekstra fokus på korleis vegen vert bygt opp på denne strekninga. Frå brusestølen og vidare sørover er bergarten granittisk gneis. Stein som blir teke ut på denne strekninga, kan brukast i vegbygginga dersom det vert følgt opp under drift. 4.2 Geoteknikk Det er gjennomført grunnboringar langs ny E16 som grunnlag for geotekniske vurderingar for korleis stabil veg skal byggast. Dette går fram av rapport Grunnboringane avdekka djupne på myrer. Myrene skal skiftast ut med sprengstein. For to av fyllingane i Nedre Smedalsvatn er det funne at det øvste laget er laust lagra organisk materiale over laust til middels fast lagra silt, som igjen ligg over fjell eller faste masser. Løysing for å sikre stabil veg er å fjerne eller fortrenge det organiske materialet. For ei av fyllingane i Nedre Smedalsvatn er det registrert faste masser. Fylling kan leggast ut utan ekstra tiltak. For fyllinga i Øvre Smedalsvatn er det funne stadvis organisk materiale over middels fast silt over faste masser. Det vert difor tilrådd stabiliserande tiltak på heile denne fyllinga. Rapporten tilrår vegen frostsikra slik at forsterkningslaget inkludert overbygning vert 1,5 meter tjukt. 4.3 Støyvurderingar Det er kun fritidseigedomar langs planområdet. For fritidseigedomar som får berekna støy over tilrådd støygrense eller der støy endrar seg meir enn 3 dba, gitt i Miljødepartementet sitt rundskriv T-1442, kan det gis tilbod om lokal skjerm i samband med gjennomføring av tiltaka i reguleringsplanen for å redusere støy til under 55 dba. Det er gjort ei grov berekning og funne støysoner for trafikkprognose i år 2035 for eksisterande og ny veg, sjå teikningane X3-X11. Desse viser at: Reguleringsplan for hyttefeltet på Buhaugane får noko meir areal med gul sone ved ny veg enn ved eksisterande veg. Dei to fritidsbustadane ved Løkenelvi får noko høgare støy ved ny veg enn ved eksisterande veg, men ligg i gul sone for begge vegsystema. 16 fritidseigedomar i Fillestølen hyttegrend ligg i gul sone ved eksisterande vegsystem. Det er lite endringar på støytilhøva for dei fleste av desse fritidseigedomane. Støysonekarta viser ei grov berekning av støy berekna utan støyreduksjon i høve bygningar og vegetasjon. Generelt vert støy funne å vere lågare enn slik grov berekning viser. Støysonekarta er ei rettesnor for kva eigedomar som må vurderast nærare i høve til støy. Kart frå rapport om Los Angeles testing som viser bergartar i området. Ved nærare vurderingar og berekningar vert det avklara om eigedomane som ligg i gul sone har tilfredsstillande støytilhøve eller om det må gjennomførast tiltak for å etablere eit uteområde med låg nok støy. Denne kartlegginga vil bli gjennomført som ein del av arbeidet med planlegging for gjennomføring av vegtiltaket. 20