Søknad frå Nordic Mining ASA. Konsesjon for erverv av utmål på rutil Engebø i Naustdal

Transkript

1 Fylkesutvalet Side 1 av 6 Ansvarleg sakshandsamar sign. for utført handling: Saka er godkjend av fylkesdirektøren: Saka er godkjend av fylkesrådmannen: Dokumentoversyn: Tal prenta vedlegg: 1 Tal uprenta vedlegg: 2 Søknad frå Nordic Mining ASA. Konsesjon for erverv av utmål på rutil Engebø i Naustdal Fylkesrådmannen rår Hovudutval for plan og næring til å gje slik tilråding: Fylkesrådmannen rår fylkesutvalet til å gjere slikt vedtak: 1 Sogn og Fjordane fylkeskommune ser positivt på at det no kjem inn ny eigar på utmåla. Vi vil derfor rå til at departementet gir selskapet Nordic Mining ASA konsesjon på overtaking av dei 9 utmåla frå Conoco Phillips Investments Norge. 2 Fylkeskommunen ber om at departementet stiller klåre krav om aktivitetetsplan til den nye utmålshavaren. Vi ber om konkret pålegg om å greie ut alle miljøaspekt, inkludert fjorddeponi ved framtidig gruvedrift på Engebø. Prenta vedlegg: Oversendingsbrev frå Nærings- og handelsdepartementet datert Uprenta vedlegg: Søknad om konsesjon på 9 utmål ved Engebøfjellet ved advokatfirma Kvale & Co Rapport om Nordic Mining ASA frå PWC etter oppdrag frå Rutilnett

2 Fylkesutvalet Side 2 av 6 Saksframstilling 1. SAMANDRAG 2. BAKGRUNN Nærings- og handelsdepartementet (NHD) har i brev datert oversendt søknad frå Nordic Mining ASA (NMASA) ved advokatfirma Kvale & Co ANS, datert om overtaking av 9 utmål ved Engebø i Naustdal kommune. Utmåla er tidlegare eigd av Conoco, seinare ved fusjon Conoco Phillips Investments Norge AS (CPIN). Fylkeskommunen saman med Naustdal kommune er høyringspart. Høyringsfrist er av dapertementet sett til Nordic Mining har forretningsadresse Munkedamsveien / Stranden 57, 0251 OSLO. Nordic Mining vil ved denne søknad be om utmål på rutilressursane ved Engebø for ein periode av 10 år. Utmålet fordrar aktivt arbeid med prospektet i perioden. Utmåla er basert på reglar etter lov av , nr 70. (Bergverkslova) som regulerer uttak av mutbare mineral. Med mutbare mineral meinast metall og malmar med særvekt over 5, titan og arsen malm samt magnet- og svovelkis. I medhald av lova kan ein mutar krevje utmål av Bergvesenet dersom han gjer det sannsynleg at førekomsten, i dette tilfelle mineralet Rutil (TiO2), har ein slik menge, storleik og form som kan vera eller innan rimeleg tid, vil bli drivverdig. ( 23). I medhald av 36 i Berglova vil ein utmålshavar kunne starte gruvedrift (dag- eller underjordsdrift) når vilkåra etter kap. II i lov av om erverv av vannfall, bergverk og annen fast eiendom m.v.. (Industrikonsesjonslova) ligg føre. Utover bergverkslova vil også anna lovverk regulera aktivitetar knytta opp mot uttak av mineralressursar. Det gjeld m.a. Plan- og bygningslova, kulturminnelova, ureiningslova og lov om motorferdsel i utmark. Nordic Mining ASA Selskapet blei stifta og registrert i Foretaksregisteret i Brønnøysund ved ein fisjon av firma Rocksource ASA. Opningsbalansen i selskapet er pr sett til kr. 10 mill. Målsetting for selskapet: 1) Undersøke og utvikle kjende eksisterande mineralførekomster. 2) Få på plass undersøkingsrettar på nye strategiske førekomster 3) Bygge opp tilstrekkelig finansiell kraft gjennom aksjeutvidingar på børsen 4) Jobbe med industrimineral og metall av høg sluttverdi. 5) Introdusera avansert elektro - magnetisk undersøkingsteknologi ved mineralleiting. Forutan utmåla i Engebø i Naustdal, eig Nordc Mining rettar på gullprospekt i Equador og har rettar på kvarts i Hordaland. Nordic Mining ASA har gått inn i ein samarbeidsavtale med Gudvangen Stein AS i Aurland. I den siste tida er det blitt kjent at selskapet har lagt inn ein opsjon på kjøp av gruveselskapet Rana Gruver AS i Nordland. Dei har i pressemelding varsla eit opsjonstilbod på kr. 90 mill.

3 Fylkesutvalet Side 3 av 6 Rana Gruver AS driv underjordsdrift på ein Jernmalm i Dunderlandsdalen i Mo i Rana. Store deler av produksjonen går til framstilling av pigment. Møter med Nordic Mining ASA Nordic Mining ASA har presentert seg to gonger i fylket. Først i eit møte med Naustdal kommunestyre og seinare i eit ope Rutilseminar i Førde. Selskapet er eit juniorselskap med ei målsetting om å byggje seg opp som eit fullverdig og integrert gruveselskap i Noreg. Selskapet er norsk, men med ein god del investorar frå utlandet. Pr er det utstedt aksjar i selskapet, pålydande kr Selskapet er notert på OTC-lista til Oslo Børs. Dei har førebels ikkje fått ordinær tilgang til Oslo Børs. Omsettinga og verdiane i selskapet har vore for liten. Etter det som er nemnd frå selskapet si side, tar dei mål av seg å til å greie ut viktige strategiske tilhøve: miljøkonseptet og oppreidingsutfordringane. Når det gjeld miljøspørsmålet, vil største utfordringa vera kva ein skal gjera med gråbergavgangen. Det vil bli store mengder som det må finnast plass til eller bruk for. Eit alternativ kan vera deponering i fjorden. Rutilnett har sett i gang arbeid som så langt viser at malmen og eklogitten i høve EU føresegner er reint materiale (inert). Når det gjeld oppreidning er det betydelege teknologiske utfordringar. Her vil det vera aktuelt med meir forskingsarbeid, tildømes i samarbeid med NTNU og avdeling for bergteknikk. Førekomsten ved Engebø Rutilførekomsten ved Engebø er lokalisert i ein større eklogittkropp. Storleiken er rundt 400 mill. tonn med rutilrik malm. Malmgehalten er i snitt ca. 4%. Det er likevel påvist lokalitetar med Rutilinnhald opp mot 10%. Så langt har ein rekna på at det finns om lag 15 millionar tonn med rutil (TiO2). Nordic Mining har til hensikt å overta alle 9 utmåla frå Conoco Phillips InvestmentsNorge. Verdien på rutilmalmen er vurdert til om lag kr. 100.mrd. Historikk Førekomsten av eklogitt blei oppdaga i 1970 i samband med veg og tunnelbygging mellom Vevring og Engebø. På slutten av-70 talet var det stor merksemd omkring førekomsten, både som tung bergart (særvekt over 3) og innhald av malm (rutil TiO2). Både Hydro og Elkem hadde mutingar på staden. Etterkvart blei det etablert eit samarbeid mellom NGU og det amerikanske firmaet Dupont. NGU gjorde kartleggingsarbeid på rekning for Dupont. Dupont er eit multinasjonalt selskap med base i Florida. Dei har ein stor portefølgje innan pigment industrien. TiO2 er eit råstoff som blir nytta til framstilling av fargestoffet titankvitt. Dupont var på denne tida på leit etter nye ressursar og nye kjelder. På denne tida var Conoco Noreg eit heileigd selskap av Dupont. Selskapet var også registrert som oljeselskap i Noreg. Av ymse grunnar, blei det til at mutingane i Engebøfjellet blei

4 Fylkesutvalet Side 4 av 6 overført frå Dupont til Conoco. Det blei så gjort eit aktivt undersøkingsarbeid på Engebøfjellet, m.a. ved kjerneboringar. Det er i alt sett ned 50 hol og det er tatt ut kjerneprøver på meter. Desse er lagra ved NGU sitt depot ved Løken i Orkdal. I 1997 søkte Conoco og fekk 9 utmål på Engebøfjellet. Meininga var å gå vidare med undersøkingsarbeidet på vegner av Dupont. Conoco meinte på den tida at førekomsten ville kunne bli drivverdig. I 2000 blei Conoco seld ut frå Dupont. Dermed forsvann hovudaktøren frå prosjektet. Det blei på denne tida også ny leiing i Dupont. Sidan mineralressursar og gruvedrift ikkje høyrde til kjerneområdet for Conoco, prøvde selskapet å selge utmåla. Det blei laga til eit salsprospekt, utan at det førte til nye eigarar til førekomsten. Conoco valde då å leggje heile rutilprosjektet på is. Som følgje av dette blei RutilNett skipa i 2001 med føremål å bringe prosjektet vidare. RutilNett er ein ideell dugnadsorganisasjon som består av medlemmer frå: Naustdal kommune, IFE, NGU, NTNU, Multiconsult, SMBSecurities og fylkeskommunen. Aktuelle paragrafar etter Industrikonsesjonslova av 1917, (Lov om erverv av vannfall, bergverk og annen fast eiendom m.v.) Kapitel II. Om bergverk. 11. Uten konsesjon kan ingen andre enn staten, norske kommuner og fylkeskommuner, med full rettsvirkning erverve eiendomsrett eller bruksrett til forekomster av mutbart mineral som andre har mutet eller fått utmål på i henhold til bergverkslovgivningen. Konsesjon er dog ikke nødvendig ved erverv av rettigheter til forekomster av mutbart mineral ved skifte av ekteskapelig felleseie eller ved arv eller overdragelse når erververen (arvingen) er overdragerens (arvelaterens) ektefelle eller beslektet eller besvogret med ham i opp- eller nedstigende linje eller i første eller i annen sidelinje. Er det tidligere meddelt konsesjon på erverv av vedkommende forekomst, skal de i konsesjonen fastsatte betingelser også gjelde overfor den nye erverver (jfr. dog 27). Uten konsesjon må heller ikke regelmessig bergverksdrift (jfr. dog 18) på mutbare malmer og metaller her i riket settes i gang av andre enn staten, norske kommuner og fylkeskommuner. Endret ved lover 19 juni 1969 nr. 65, 30 juni 1972 nr. 70, 27 nov 1992 nr. 118 (i kraft 1 jan 1994). 12. Erverv av mutbare forekomster ved muting og utmål i henhold til bergverkslovgivningen, medfører plikt for erververen til innen 10 år fra utmålbrevets datum å iverksette prøvedrift etter 18 eller å søke konsesjon for regelmessig drift etter 13. Vedkommende departement kan etter søknad forlenge fristen. Forlengelse av fristen bør ikke nektes dersom forekomsten av mutbart mineral må anses å være en rimelig reserve for erververens gruvedrift. Med mindre andre grunner tilsier det, bør forlengelse heller ikke nektes, hvis det ikke er rimelig grunn til å anta at drift på forekomsten kan komme i gang om forlengelse blir nektet. Fristen kan forlenges med inntil 10 år om gangen. Såfremt det ikke i rett tid er iverksatt prøvedrift eller innsendt søknad om driftskonsesjon, får reglene i 31 og 32 tilsvarende anvendelse. Endret ved lover 19 juni 1969 nr. 65 (se dens VIII), 30 juni 1972 nr. 70.

5 Fylkesutvalet Side 5 av Norske statsborgere og utlendinger samt aksjeselskaper, allmennaksjeselskaper og andre selskaper med begrenset ansvar, korporasjoner og stiftelser kan, når ikke almene hensyn taler imot det, få konsesjon til å erverve og drive gruver eller mutbare forekomster innen ett eller flere bestemt angitte felter på de nærmere betingelser Kongen fastsetter. Konsesjonen med betingelser skal tinglyses for konsesjonærens regning. Den som yder eller har ydet lån mot pant i bergverk, kan, når betingelsene for erverv etter denne lov for øvrig er til stede, på forhånd meddeles konsesjon etter denne paragraf til å erverve og drive dette, såfremt ervervet skjer ved tvangssalg og vedkommende ved tvangssalget fortsatt er panthaver. Koncessionstiden regnes fra koncessionens meddelelse, mens de øvrige vilkaar indtræder, naar erhvervelsen finder sted. Har bergverkets eier, før panthaveren erholder koncession, erhvervet det i henhold til tidsbegrænset koncession, skal koncessionen til panthaveren meddeles for den gjenstaaende del av eierens koncessionstid. Planstatus I fylkesplanens strategi og handlingsplan er Rutilprosjektet i Naustdal nemnd. Det er viktig å halde oppe trykk på statleg og regionalt forvaltningsnivå med sikte på forsking og kartlegging av mineralressursar. Samstundes må det skapast haldningar om at bergverk er positiv næringsutvikling til bate for distrikta. Verdiskaping og sysselsetting ved bryting av malm kan ikkje eksporterast. På den andre sida må vi legge til rette for at foredling og anna verdiskaping i størst mogeleg grad skjer i eige fylke. Det er også viktig å vera vaken for mogeleg industriell kopling mellom mineralressursar / mineralindustri og industrien offshore. Rutilprosjektet har potensiale for linking mot offshoreindustri mellom anna ved bruk av CO2 binding i rutilkonsentrat. I kommuneplanen for Naustdal er Engebøfjellet lagt ut til næringsområde for gruvedrift. Handlingsplanen for Sunnfjordkommunane peikar også på at Rutilprosjektet i Engebøfjellet er viktig for næringsutviklinga i området. Deler av Engebøfjellet er regulert til steinuttak. Det gjeld eklogitt som tungstein og ballastmateriale. Framlegg om å gjere Førdefjorden om til ein verna Laksefjord (alternativt referansefjord) er ikkje avklara, heller ikkje i høve gruvedrift på Engebø. 4. KONKLUSJON/TILRÅDING Fylkeskommunen har brukt ressursar på å utvikle og halde oppe interessa for rutilressursane i Naustdal kommune. M.a. gjennom aktivt arbeid i Rutilnett. Prosjektet har lenge lege nede, som følgje av at utmålshavar ikkje har vore interessert i å utvikle førekomsten. Det må derfor oppfattast som positivt at det no kjem inn ny utmålshavar, som i alle fall signaliserer interesse for å utvikle ressursane vidare. Det er sagt at Nordic Mining er eit juniorselskap med begrensa ressursar. Vi har likevel tru på at selskapet kan tilføre meir kapital med sikte på å utgreie miljøaspektet og ny teknologi ved oppreidningsforsøk på Engebø.

6 Fylkesutvalet Side 6 av 6 Framtidig gruvedrift vil vera svært krevjande. Nordic Mining må truleg på sikt alliera seg med tyngre gruveselskap, for å kunne starte tradisjonell gruvedrift ved Engebøfjell. Sogn og Fjordane fylkeskommune ser positivt på at det no kjem inn ny eigar på utmåla. Vi vil derfor rå til at departementet gir selskapet Nordic Mining ASA konsesjon på overtaking av dei 9 utmåla frå Conoco Phillips Investments Noreg. Fylkeskommunen bør likevel ommoda om at departementet stiller klåre krav om aktivitetetsplan til den nye utmålshavaren. I dette ligg at vi ber om konkret pålegg om å greie ut alle miljøaspekt, inkludert fjorddeponi ved framtidig gruvedrift på Engebø.