Asplan Viak AS. Nye bustader på Grønstølen/Rå Støyfagleg utgreiing

Transkript

1 Asplan Viak AS Nye bustader på Grønstølen/Rå Støyfagleg utgreiing

2 RAPPORT Rapport nr.: Oppdrag nr.: Dato: RIAKU Kunde: Asplan Viak AS Nye bustader på Grønstølen Støyfagleg utgreiing Sammendrag: Reguleringsplan for nye bustader på Grønstølen nord for Rå i Bergen kommune er vurdert med omsyn til støy frå vegtrafikk i tråd med gjeldande støyretningsline T-1442 og kommuneplanføresegner for støy. Nærliggjande Rv580 Flyplassvegen gjev høge nivå av vegtrafikkstøy i området. Med omfattande vegnære støy-barrierar vil uteareala på bakkenivå og dei nedste etasjane på bustadene få god støykvalitet. Med gode planløysingar for dei øvste etasjane vil støysituasjonen også for dei verta akseptabel, og tilfredstilla kommuneplanføresegner. Denne rapporten er fullført i same form som utkastet i juni 2012, men utan bustader på sørsida av Flyplassvegen. Rev. Dato Revisjonen gjelder Sign. Utarbeidet av: Sign.: Inge Hommedal Kontrollert av: Sigurd Solberg Oppdragsansvarlig / avd.: Sign.: Oppdragsleder / avd.: Edvard Falch / 519 Inge Hommedal / 519

3 Innhold 1 Innleiing Akustikkfaglege omgrep Føringar for støy i planarbeid Nasjonale føringar Planretningsline Teknisk forskrift Kommunale føringar Metode Føresetnader Situasjon Kartgrunnlag, vegliner, nye bygningar, osv Trafikktal Dagens situasjon Framskriven situasjon Bygningskonstruksjon Støysituasjonen i planområdet utan avbøtande tiltak Avbøtande tiltak Grunngjeving og historikk Framlegg til løysing Illustrasjonsplan Situasjonen nord for Rv Situasjonen sør for Rv Feil! Bokmerke er ikke definert. 8 Støysituasjonen med avbøtande tiltak Allment om presentasjonen av støy Utandørs støy Støy utanfor mest utsette fasadar Støy på uteareal på bakkenivå Kort om andre aktuelle støytypar Innandørs støy Konklusjon Referansar... 9 Vedleggsliste Vedlegg 1 Støysituasjonen utanfor 1. etasje Vedlegg 2 Støysituasjonen utanfor 2. etasje Vedlegg 3 Støysituasjonen utanfor 3. etasje Vedlegg 4 Støysituasjonen utanfor 4. etasje Vedlegg 5 Støysituasjonen utanfor 5. etasje Vedlegg 6 Støysituasjonen på uteareal i

4 Figurliste Figur 1 Reguleringsplanområdet Figur 2 Fartsgrenser i vegsystemet kring planområdet Figur 3 Illustrasjon som syner planlagde bustader (innanfor stipla svarte strek) og støyavbøtande skjermar (heiltrekte svarte strek). Uteareal er synte som grøne område Tabelliste: Tabell 1: Tilrådde grenser for vegtrafikkstøy ved etablering av ny veg og byggjing av bustader, sjukehus, pleieinstitusjonar, fritidsbustader, skular og barnehagar. Alle tal oppgjevne i dba, frittfeltverdiar ii

5 1 Innleiing Sweco Norge AS har fått i oppdrag av Asplan Viak AS å laga ei støyfagleg utgreiing til detaljreguleringsplan for nye bustader på Grønstølen nord for Flyplassvegen ved Rå i Bergen kommune. Planen omfattar også bustader sør for Flyplassvegen. Utgreiinga er gjort i tråd med gjeldande støyretningsline T Prosjektet omfattar nye bustadblokker i 2-5 etasjar med totalt om lag 240 bu-einingar. 2 Akustikkfaglege omgrep I rapporten vert fylgjande omgrep for akustikk brukte: Langtidsmidla støynivå L den, er eit støynivå over døgn/år der støybidraga om kveldane (kl ) er gjevne eit tillegg på 5 db og støybidraga om nettene (kl ) er gjevne eit tillegg på 10 db. Maksimalt støynivå L 5AF. For vegtransport er maksimalt støynivå definert til det som vert overskride av dei 5% mest støyande hendingane (i praksis tunge kjøretøy). Maksimalt støynivå vert brukt til å vurdera sjanse for uroa svevn der det er stor nattrafikk. I denne saka er ikkje maksimalt støynivå dimensjonerande for støyvurderinga. Døgnmidla støynivå L p,aeq24h er støynivået midla over eit døgn. 3 Føringar for støy i planarbeid 3.1 Nasjonale føringar Planretningsline Miljøverndepartementets planretningsline T har tilrådde grenser for støynivå utanfor nye bustader, mv. sjå tabell 1. Tabell 1: Tilrådde grenser for vegtrafikkstøy ved etablering av ny veg og byggjing av bustader, sjukehus, pleieinstitusjonar, fritidsbustader, skular og barnehagar. Alle tal oppgjevne i dba, frittfeltverdiar. Støykjelde Støynivå på uteplass og utanfor rom med støyfølsam bruk (stove og soverom) Støynivå utanfor soverom, natt kl Vegtrafikk L den = 55 db L 5AF = 70 db Dei tilrådde støygrensene er også omtala i T-1442 som nedre grense for gul sone der gul sone er eit område der støyømfintlege bygg kan oppførast på vilkår av at avbøtande tiltak gjev tilfredsstillande støytilhøve. Den lokale planstyresmakta vil i somme tilfelle opna for eit kompromiss i grensene for utandørs støy - ved til dømes å tillata bygging med éi støyutsett side dersom bu-einingane 1

6 er gjennomgåande og har ei stille side der fleire av dei støyømfintlege romma (soverom og stover) ligg. T-1442 opnar eksplisitt for slike kompromiss på stader der det av ulike grunner er ynskt ei høg arealutnytting. T-1442 er rettleiande, og konkrete krav til støy vert fyrst juridisk bindande om dei vert lagde inn som reguleringsføresegner i ein plan, sjå nedanfor Teknisk forskrift TEK, plan- og bygningslova si tekniske forskrift, har i ein eigen standard NS8175 i gjeve grenser for tillateleg støy som kjem utanfrå og belastar nye bustader, kontor, osv. Minstekrava for nye bustader i standarden er gjevne i ein eigen lydklasse C: Krav til innandørs døgnmidla støynivå høgst 30 dba i rom for varig opphald i bustad. Krav til innandørs maksimalt støynivå 45 dba i soverom dersom det er «mer enn 10 hendelser over dette nivået om natta». I denne saka er det berre kravet til innandørs døgnmidla støynivå som er dimensjonerande. Støynivået på uteplass (privat og felles uteplass) skal ikkje overstiga nedre grenseverdi for gul sone i T-1442, det vil seia L den = 55 db. Støykrava i lydklasse C inneber at inntil 20 % av personane i bustader bygde etter den lydklassen kan ventast å verta uroa av støy. Om utbyggjar ynskjer det kan ein prosjektera for ein betre lydklasse enn lydklasse C. 3.2 Kommunale føringar Bergen kommune vedtok kommuneplanførsegner. I desse føresegnene vert m.a. støygrensene rettsleg bindande forskrifter, ikkje retningsliner. Punkt 15 omhandlar støy: «Kvalitetskrav til uteareal Uteareal ved skoler og barnehager og utendørs oppholdsareal for bolig i henhold til pkt. 11 skal ikke ha støynivå over L den = 55 db... Tiltak mot vegtrafikkstøy og banestøy I støyintervallet L den = db for vegtrafikkstøy og db for banestøy ved byggegrense skal arealplanlegging og søknad om tiltak dokumentere at alle boenheter blir gjennomgående og får lavere støynivå enn L den = 55 db på stille side. Stille side skal også være skjermet i forhold til støy fra andre støykilder. Minst halvparten og minimum 1 av soverommene i hver boenhet skal ha vindu mot stille side. Boenheter som får soverom eller stue på støyutsatt side skal ha balansert ventilasjon, og behov for solavskjerming eller kjøling skal avklares. Ved støynivå over L den = 65 db for vegtrafikkstøy og 68 db for banestøy ved byggegrense kan det ikke bygges boliger eller gis tillatelse til nye boenheter uten at området samtidig skjermes slik at støynivået kommer under 65/68 db. Det må dokumenteres at luftkvalitet innendørs og på utendørs oppholdsareal blir tilfredsstillende, jf. nasjonale mål for lokal luftkvalitet.» I denne saka er dei kommunale føresegnene lagde til grunn for dei støyfaglege vurderingane. 4 Metode Utandørs vegtrafikkstøy er rekna etter gjeldande nordiske reknemetode ii, v.h.a. rekneverktøyet NoMeS iii. 2

7 5 Føresetnader 5.1 Situasjon Planområdet ligg på nordleg side av Rv580 Flyplassvegen like sørvest for Rådalskrysset og Laguneparken. Med unntak av ein grøntkorridor gjennom planområdet er dette tidlegare jordbruksarealet no avsett til byggjeføremål bustad og idrett. Samla planområde er om lag 115 daa. Planområdet er synt i nedanståande figur. Terrenget i delar av området vert fylt opp med massar frå byggjing av ny E39. N Eikhaugen Figur 1 Reguleringsplanområdet. 5.2 Kartgrunnlag, vegliner, nye bygningar, osv. For støyutrekninga i dette oppdraget er det lagt til grunn digitalt kart tilsendt frå Asplan Viak AS iv. Kartet har ekvidistanse 1 m. Planlagt nytt terreng og planlagde nye bygningar i området er vurderte i mange omgangar i arbeidet som ligg bak denne rapporten. Her er det brukt slikt grunnlag oversendt frå Asplan Viak v. 3

8 5.3 Trafikktal Dagens situasjon Trafikk langs Rv580 er den dominerande støykjelda i reguleringsplanområdet. For Rv580 er trafikktal tilgjengelege i Nasjonal vegdatabank, som gjev ÅDT= køyretøy/døgn for aktuell strekkje forbi reguleringsplanområdet, med ein tungtrafikkdel på 9 % (begge tala gjeldande for år 2010). Nedanståande figur syner fartsgrenser i vegdatabanken per mai N Figur 2 Fartsgrenser i vegsystemet kring planområdet Framskriven situasjon I saker som denne skal ein, i tråd med T-1442, leggja til grunn venta trafikksituasjon år fram i tid. I vegtrafikksaker er det vanleg å leggja til 30 % trafikkauke i den framskrivne situasjonen. Rv580 forbi reguleringsplanområdet vil derimot verta avlasta av ny E39/Rv580, som gjev redusert framtidig trafikk. Framtidig trafikksituasjon er utgreidd tidlegare, med vekt på timesverdiane for trafikken vi. I denne rapporten er det lagt til grunn trafikktal som synte i tabell 2 nedanfor. 4

9 Tabell 2 Trafikktal. Gule felt syner tal som er lagde til grunn for støyutrekingane i denne rapporten. Veglekkje ÅDT i 2010 [køyretøy/døgn] ÅDT i 2035 [køyretøy/døgn] Skiltfart i 2035 [km/t] Tungtrafikk i 2035 [%] Rv580 forbi vestleg del av planområdet (jfr. fig. 2) Rv580 forbi austleg del av planområdet (jfr. fig. 2) Skiltfarten og tungtrafikkdelen på Rv580 er ikkje føresett endra i prognoseråret Vidare er det lagt til grunn by-vegfordeling av trafikken over døgnet: 84 % om dagen (7-19), 10 % om kvelden (19-23) og 6 % om natta (23-7). Det er rekna med ei linekjelde langs kvar av køyreretningane på Rv580. Akustisk effekt av det tette midtrekkrekkverket på Rv580 er vurdert til å vera liten for dei aktuelle bustadene i planområdet og er ikkje medrekna. For andre vegar i/nær planområdet er det ikkje lagt til grunn trafikk som gjev monalege tilskot til vegtrafikkstøyen i planområdet. 5.4 Bygningskonstruksjon For dei nye bygningane er det føresett god og moderne oppbyggjing av fasadar (godt isolerte og med gipsplater som vindtetting). Det er vidare føresett balansert ventilasjon i bygga. 6 Støysituasjonen i planområdet utan avbøtande tiltak Øvre sonegrense for tilrådd vegtrafikkstøynivå for nye bustader (L den = 55 db) vil gå om lag 170 m nord for Rv580, i nordenden av planområdet. 7 Avbøtande tiltak 7.1 Grunngjeving og historikk Utan avbøtande tiltak ville støysituasjonen for dei nye bustadene vorte svært anstrengd, sjå ovanfor. Det vart difor tidleg i arbeidet klart at det laut omfattande avbøtande tiltak til. Ulike løysingar har vore vurderte i perioden frå hausten 2010 til vinteren Av dei løysingane som vart vurderte tidleg var framlegg der planløysinga ivaretok delar av avbøtinga, skjerming nær Rv580, osv. Våren 2012 tok gjeldande framlegg til hovudløysing form. 7.2 Framlegg til løysing Illustrasjonsplan Nedanståande figur syner situasjonsplanen for dei nye bustadene, saman med støyavbøtande skjermar. Skjermane er synte som grøne strek i vedlegg 6, der også ein detalj med ei sluseløysing for tilkomst til G/S veg søraust i området er synt. Opninga i slusa lyt dimensjonerast for gjennomfart med sykkeltilhengjar og relevant brøytemateriell. 1 Avlest i internettversjonen av Nasjonal vegdatabank

10 Det er planlagt oppfylling av terreng i området. Oppfyllinga inneber m.a. heving av terrenget like nord for Rv580 med om lag 2 m i høve til før-situasjonen. N Eikhaugen Flyplassvegen Støyskjerm Siljustølvegen Figur 3 Illustrasjon som syner planlagde bustader (innanfor stipla svarte strek) og støyavbøtande skjermar (heiltrekte svarte strek). Uteareal er synte som grøne område Situasjonen nord for Rv580 I samråd mellom Statens vegvesen Region vest, Asplan Viak AS og Sweco Norge AS er det utarbeidd eit framlegg til vegnær støyskjerming langs Rv580. Framlegget ivaretek både vegog støyfaglege aspekt. Overkantane av skjermane lyt vera om lag 4 m høge over lokalt terreng. Eksakt kotehøgd for overkantane går fram av DAK-filer oversende til kunden som ein del av oppdraget. Skjermane lyt ha akustisk absorberande overflate mot Rv580. Om utbyggjingsrekkjefylgja eller andre moment tilseier det kan støybarrieren nord for Flyplassvegen utførast som sekundærbygg kjeda saman med støyskjermar, der desse konstruksjonane dannar ein samanhengjande støyavbøtande barriere. 6

11 8 Støysituasjonen med avbøtande tiltak 8.1 Allment om presentasjonen av støy I arealplanleggjing er støysituasjonen 4 m over lokalt terreng mest relevant, jfr. T Støykart med slikt føremål vert vanlegvis kalla støysonekart etter T Slike kart eignar seg ikkje for reguleringsplanar innehaldande bustadblokker med fleire etasjar (som her), og er difor ikkje synt i denne rapporten. For vurdering av støykvaliteten på uteareala på bakkenivå kan støysituasjonen 1,5 m over lokalt terreng synast. Det er gjort i vedlegg 6, der også namngjevinga av bygga er med. 8.2 Utandørs støy Støy utanfor mest utsette fasadar Prosjektet er omfattande, og det kan vera vanskeleg å illustrera støynivåa utanfor mest utsette fasadar på ein oversiktleg måte. Her er det valt å syna støynivå i punkt på dei mest utsette fasadane i ulike etasjehøgder i eigne fil-vedlegg. For å gjera rapporten komplett er vedlegga også tekne inn her (vedlegg 1 5). Vedlegga er lesbare ved plotting i stort papirformat og ved innzooming på dataskjermen, men ikkje ved utskrift av rapporten i A4-format. Framlegg til differensiert vurdering av årsmidla vegtrafikkstøy Der årsmidla støy overstig L den = 65 db kan ein ikkje byggja bustader, jfr. kommuneplanføresegnene. Med føreslegen vegnær støyskjerming hamnar ingen planlagde fasadar i denne kategorien. Der overskridingane er moderate (60 db < L den 65 db) må planløysingane for bu-einingane i bygga sikra at einingane vert gjennomgåande og at minst halvparten og minimum eitt soverom får vindauga mot stille side, jfr. kommuneplanføresegnene. Der overskridingane er små (55 db < L den < 60 db) kan planstyresmaktene, etter vår meining, vurdera om ikkje andre aspekt i prosjektet (t.d. soltilhøve, utsikt, nærleik til G/S-veg, kollektivtransport, osv) kan vega opp for ulempa med støy-overskridingane. Om ikkje dette er akseptabelt lyt planløysingane for bu-einingane i bygga sikra at einingane vert gjennomgåande og at minst halvparten og minimum eitt soverom får vindauga mot stille side, jfr. kommuneplanføresegnene. Øvste etasje Vedlegg 5 syner at den øvste etasjen på dei næraste blokkene (bygg 1, 2, 3, 4, 5, 8, 9, 10, SR og BTS 1) nord for Rv580 får overskridingar av øvre grense (L den = 55 db) for årsmidla vegtrafikkstøy. Nest øvste etasje Vedlegg 4 syner at den nest øvste etasjen på dei aller næraste blokkene (bygg 2, 5 og BTS 1) nord for Rv580 får overskridingar av øvre grense (L den = 55 db) for årsmidla vegtrafikkstøy. 7

12 Tredje øvste etasje F.o.m. den tredje øvste etasjen og nedover vil alle fasadane på alle bygga nord for Rv580 unngå overskridingar av øvre grense (L den = 55 db) for årsmidla vegtrafikkstøy. For bygget HR 1 sør for Rv580 vil det vera overskridingar også for denne etasjen Støy på uteareal på bakkenivå Som synt i vedlegg 6 vil alt areal på bakkenivå nord for Rv580 Flyplassvegen få god støykvalitet (L den 55 db), med unntak av arealet heilt sørvest i planområdet og delar arealet sørvest av bygget aust for Eikhaugen (SR). Sør for Rv580 Flyplassvegen vil alt aktuelt uteareal få god støykvalitet (L den 55 db). 8.3 Kort om andre aktuelle støytypar Støy i byggjefasen er ikkje vurdert. Om bustadbygga vert bygde ut etappevis kan avstanden til støyande grave- og byggjearbeid verta liten. I så fall bør denne støytypen vurderast for seg i god tid før inngåing av entraprenørkontrakter og byggjestart. Støyfagleg vurdering av eventuelle ballbingar/ballplassar innanfor planområdet er ikkje ein del av dette oppdraget. Erfaringsmessig bør slike ballplassar og ballbingar liggja i ein viss avstand frå bustader for å unngå støyplagar. Helsedirektoratet rår til, i ein eigen rettleiar vii, at avstanden ikkje bør vera mindre enn 100 m. Ved mindre avstandar bør situasjonen støyutgreiast. 9 Innandørs støy Det vil vera greitt å tilfredsstilla krav etter NS8175 til innandørs støy i alle rom for varig opphald (stover, kjøkken og soverom). På dei mest utsette fasadane må ein bruka vindauge med betre lydkvalitet enn standard, eventuelt supplert med ekstra lydisolasjon i veggane. Detaljvurdering av dette fell utanfor oppdraget, og må utførast før søknad om byggjeløyve, el.l. 10 Konklusjon Med omfattande avbøtande støy-barrierar i form av t.d. støyskjermar vil utearealet og dei nedste etasjane på planlagde bustader få god årsmidla støykvalitet (L den 55 db). Dei øvste etasjane på dei næraste blokkene vil få fasadar som hamnar innanfor støyintervallet 55 db < L den 65 db. Kommuneplanføresegnene for Bergen krev då at desse bu-einingane skal vera gjennomgåande og få L den 55 db på stille side. Vidare krev kommuneplanføresegnene at planløysingane sikrar at alle bu-einingane får minst halvparten og minimum eitt soverom med vindauga mot stille side. For fasadar med små overskridingar (55 db < L den 60 db kan ein likevel vurdera om ikkje andre aspekt i prosjektet kan vega opp for ulempa med støyoverskridingane. Der overskridingane er moderate (60 db < L den 65 db) må planløysingane for bu-einingane i bygga sikra at einingane vert gjennomgåande og at minst halvparten og minimum eitt soverom får vindauga mot stille side, jfr. kommuneplanføresegnene. Med føreslegne støy-barrierar vil ingen bu-einingar få fasadar med årsmidla støy L den > 65 db. 8

13 11 Referansar i NS 8175 Lydforhold i bygninger lydklasser for ulike bygningstyper. Standard Norge, 2.utgave ii Nordisk beregningsmetode for vegtrafikkstøy. Håndbok 064, Statens vegvesen, iii NoMeS 4.5, underversjon dagsett iv Fila «kart3d-nytt.dwg» tilsend v Fila «520517_underlag støy sørside.dwg». vi Notat frå Rambøll Norge AS: «Kapasitetsberegninger av tunnelsystem E39/Rv 580», notat 1.2, dagsett i Trondheim, stila til Statens vegvesen Region vest, oversendt frå Asplan Viak AS vii «Veileder for støyvurdering ved etablering av nærmiljøanlegg», Helsedirektoratet, IS-1693, utgjeven i

14 Vedlegg 1 Støysituasjonen utanfor 1. etasje Vert sett inn etter kunde/asplan-avklaring av relevans Vedlegg 2 Støysituasjonen utanfor 2. etasje Vert sett inn etter kunde/asplan-avklaring av relevans Vedlegg 3 Støysituasjonen utanfor 3. etasje Vert sett inn etter kunde/asplan-avklaring av relevans Vedlegg 4 Støysituasjonen utanfor 4. etasje Vert sett inn etter kunde/asplan-avklaring av relevans Vedlegg 5 Støysituasjonen utanfor 5. etasje Vert sett inn etter kunde/asplan-avklaring av relevans

15 Vedlegg 6 Støysituasjonen på uteareal Det vert ingen bebyggelse på sørsida av Flyplassvegen