SAKSFRAMLEGG Sakshandsamar: Christian Hillmann Arkivsaksnr.: 07/2263 Arkiv: K21 Opprydding av næringsområde i Gaupne Rådmannen si tilråding: ::: Sett inn innstillingen under denne linja Luster kommune gjennomfører ei opprydding på kommunale næringsområde på Gaupnegrandane og Røneidsgrandane som skissert i rådmannen si saksutgreiing. Det vert nytta inntil kr 180.000,- til oppryddinga, finansiert over næringsfondet. ::: Sett inn innstillingen over denne linja... Sett inn saksutredningen under denne linja
Saksutgreiing: Prenta vedlegg: Uprenta vedlegg: Bilete Samandrag: Forvaltningsstyret som handsamar saker innafor ureiningslova, har bede administrasjonen sjå nærare på opprydding av næringsområdet i Gaupne og komme med framlegg om turvande tiltak. Administrasjonen ser for seg at uteseksjonen administrerer opprydding av områda gjennom leige av mannskap og utstyr, etter avtale og i samarbeid med Sunde Gjenvinning. Sunde Gjenvinning fraktar avfallet til mottak på Kaupanger og dei tek metallverdien som ein del av si inntening. Kostnadene med handtering av anna avfall vert sendt kommunen. Utval som har vedtaksmynde: Kommunestyret. Saka vert først førelagt forvaltningsstyret (6.09) og næringsutvalet (12.09) likelydande saker. Forvaltningsstyret sitt vedtak (6.09) vert lagt fram i næringsutvalet (12.09). Fakta: Saksgang Forvaltningsstyret fatta i sak 0014/06 fylgjande vedtak: Forvaltningsstyret ser den store verdien for Luster i å kunna framstå som ein ryddig og rein kommune og ber administrasjonen ha ekstra fokus på problemet med utrangerte køyretøy og anna søppel langs vegar og andre stader, og gjennom pålegg og på andre måtar iverksetja tiltak for opprydding der det ligg til rette for det. Vidare vart det fatta slikt vedtak i sak 22/07: Forvaltningsstyret har drøfta forsøpling av kommunen generelt. Rådmannen blir beden omå vurdera tiltak mot dette. Rådmannen blir spesielt beden om å vurdera tiltak i kommunen sine utbyggingsområde og då særleg utbyggingsområde i Gaupne. Til sak 22/07 vart det halde ei orientering for forvaltningsstyret i møte 19.06.07 og lagt fram kart og div. bilete frå industriområde i Gaupne. Forvaltningsstyret fatta på bakgrunn av dette følgjande vedtak (sak 36/07): Forvaltningsstyret ber administrasjonen laga eit notat om saka, som skal presenterast for næringsutvalet til hausten. For at saksgangen skal tilpassast møteprogrammet i haust, vert det oppretta eiga sak om opprydding som går til forvaltningsstyret som handsamar saker etter ureiningslova, og vidare til næringsutvalet og kommunestyret som forvaltar næringsområda og kan gjera vedtak om løyving. Bakgrunn Det meste av næringsområda på Gaupne- og Røneidsgrandane er eigd av Luster kommune. I 2002 og 2003 sende dåverande plansjef i Luster kommune, Torbjørn Tuften fleire brev til personar og verksemder på grandane som ein gjekk ut frå hadde ureina kommunen sin grunn med kasserte bilar og skrot. Lite eller ingen ting kom ut av dette initiativet sidan fleire av dei som vart
tilskrivne ikkje synte vilje til å rydde opp etter seg. Det var også vanskeleg å dokumentere eigarskap til mykje av skrotet sidan ulike aktørar skulda på kvarandre. Saka har vorte drøfta med leiar av uteseksjonen, Jan Magne Svåi og det har vore møte med Sunde Gjenvinning om saka. Sunde Gjenvinning på Kaupanger kan setje av tid, mannskap og utstyr til å hente og frakte skrot til mottak på Kaupanger. Sunde Gjenvinning tek metallet som ein del av si godtgjering. Anna avfall og metallavfall som krev spesiell handtering, vil koste meir å fjerne enn det Sunde Gjenvinning får i inntekt på metallet. Kommunen må der ta kostnaden med mellomlegget dersom kommunen ynskjer å få rydda områda. For avfallshandtering av t.d. lastebilvrak har Sunde Gjenvinning fastpris på kr 4 000,- pr. køyretøy. Mykje av skrotet på næringsområdet består av gamle og store køyretøy. For å frakte bort t.d. ei anleggsmaskin på opp mot 10 tonn, må ein både dele opp maskina i overkommelege deler ved skjerebrennar og ein må ha krane for å få løfta det opp i container. Uteseksjonen i kommunen kan organisere opprydding og gjere avfallet klart for henting. Uteseksjonen reknar med at ein vil få klargjort alt avfallet og rydda området ved bruk av ca 150 timar arbeidsinnsats som må leigast inn. Mannskap kan t.d. leigast inn frå Luster Mekaniske (LMI) og prisen vert truleg ca 400,- per time. Ein treng også ein dag (7,5t) med hjullastar som vil koste 500,- per time og ein dag med krane som vil koste ca kr 750,- per time. I sum reknar uteseksjonen med at det vil koste maksimalt ca. kr 130 000,- inklusiv mva. for å rydde, klargjere og leige inn masking for å løfte avfallet. Sunde Gjenvinning er usikker på kor mykje det til slutt vert å betale for avfallshandteringa sidan mykje er spesialavfall som ikkje har nokon metallverdi. Dei har likevel signalisert at alt vil verte henta og avfallshandtert for maksimalt kr 50 000,- inkl. mva. når metallet tilfellr Sunde Gjenvinning. For å få rydda kommunen sine område bør ein difor ha dekning for ca. kr 180 000,- totalt. Stoda Naturforvaltaren og sjef for uteseksjonen, Jan Magne Svåi, gjennomførde synfaring på næringsområda i Gaupne (Gaupnegrandane og Røneidsgrandane) tidleg i juni (vedlegg). På Gaupnegrandane står det ein kassert brøyt (bilete 1), understellet til ein lastebil (bilete 2), ein container (bilete 3), ei brakke (bilete 4) og mykje røyr (bilete 5). Store delar av området på Gaupnegrandane er grasdekt og tilvakse med bjørketre (bilete 6 og 7), og det ligg fint til attmed Engjadalselva. Det er også laga til ei sandvolleyballbane på staden (bilete 8). Det er mogleg å gå tur langs Engjadalselva ned til ei gangbru som ligg over utløpet av elva. Området har eit høgt potensial for rekreasjon i nærmiljøet. Spesielle kvalitetar i området er moglegheit for fiske i Engjadalselva, observasjonar av fugl knytt til vatn og ved korte, tilrettelagde spaserturar for folk i Gaupne. Området rundt båthavna kan også med fordel ryddast (bilete 9). Synet som møter ein på Røneidsgrandane er ein kassert brøyt (bilete 10), ein kassert personbil og ein kassert lastebil (bilete 11) som står i den kommunale vegen utanfor Vigdal betong. Sør for Vigdal betong er det blant anna fråsett tre lastebilvrak, ein kompressor og ein brøyt. I tillegg ligg det gamle dekk og mykje anna skrot der (bilete 12, 13, 14 og 15). Området rundt sorteringscontainerane er prega av mindre avfall som burde vore vekkrydda (bilete 16 og 17).
Kommunen sitt mynde Kommunen har grunneigars rett i brorparten av næringsområda som er forsøpla. For desse områda kan ein i utgangspunktet umiddelbart setje i gang turvande tiltak. Kommunen er ureiningsmynde etter ureiningslova Lov om vern mot forurensninger og om avfall. Forbod mot ureining er regulert etter 28: - Ingen må tømme, etterlate, oppbevare eller transportere avfall slik at det kan virke skjemmende eller være til skade eller ulempe for miljøet. Bestemmelsen i første punktum gjelder også skipsvrak, flyvrak og andre liknende større gjenstander. Første ledd er ikke til hinder for at avfall blir tatt hånd om på opplagsplass eller i behandlingsanlegg med tillatelse etter 29 eller for at avfall blir levert dit. Den som har overtrådt forbudet i første ledd, skal sørge for nødvendig opprydding Kommunen kan gi pålegg om opprydding eller gi pålegg om betaling for opprydding etter 37: - Kommunen kan gi pålegg om at den som har etterlatt, tømt eller oppbevart avfall i strid med 28, skal fjerne det, rydde opp innen en viss frist, eller at han skal dekke rimelige utgifter som noen har hatt til fjerning eller opprydding. Slikt pålegg kan også gis overfor den som har overtrådt 35 første eller tredje ledd dersom dette har ført til at avfallet er blitt spredd. Forurensningsmyndigheten kan også gi pålegg om opprydding og fjerning til den som var eier av motorkjøretøy, skip, fly eller annen liknende større gjenstand, da det ble etterlatt i strid med 28 eller som er eier når pålegget gis. Har noen bedt kommunen gi pålegg om opprydning eller betaling av utgifter etter første eller annet ledd, er avgjørelsen enkeltvedtak også om pålegg ikke blir gitt. Vurdering: Felles for kommunen sine område på både Gaupne og Røneidsgrandane er at dei er relativt dårleg utnytta og at det frå kommunen si side har vore gjort lite for å halde områda ryddig. Spesielt Røneidsgrandane gjev i dag meir eit inntrykk av å vere eit område der ein enkelt kan bli kvitt skrot, enn å være eit attraktivt næringsområde. Kvalitetsheving av områda gjennom opprydding vil både betre marknadsverdien av områda og dermed gjere dei meir attraktive, og samstundes også gjere det meir triveleg for dei som allereie har arbeidsplassane sine der. Det er samstundes eit poeng at kommunen bør gå føre og ha ei streng handheving av ureiningslova på sine område når kommunen både er ureiningsmynde og kan utforme pålegg om opprydding andre stader. Prinsippet om at ureinar skal rydde opp eller betale for opprydding er vanskeleg å oppfylle sidan det er svært vanskeleg bevise eigarskap til alt skrotet. Dette har også vorte prøvd tidlegare utan hell. Aktuell framgangsmåte for opprydding av næringsområda 1. Kommunestyret vedtek opprydding og gjev rådmannen fullmakt til å gjennomføre oppryddinga innanfor fastsett kostnadsramme, finansiert over næringsfondet. 2. I samråd med Sunde Gjenvinning set uteseksjonen av tid for opprydding seinhaustes. 3. Opprydding vert i førekant varsla om gjennom brev til dei ulike aktørane på næringsområda og ved pressemelding i Sogn Avis. Det vert samstundes gjeve tilbod om levering av større jernskrap til innbyggarar som har slikt som dei vil bli kvitt. 4. Oppryddinga vert utført under leiing av kommunen sin uteseksjon på fastsett dato. 5. Det vert sett opp skilt om bosstømming forbode. I tida etter opprydding bør ein raskt reagere dersom det på nytt vert fråsett avfall på næringsområdet.
Dato 04.09.2007 Tore Eriksen Steinulf Skjerdal rådmann landbrukssjef Særutskrift skal sendast: m/kopi til:... Sett inn saksutredningen over denne linja