MØTEPROTOKOLL. Personalutvalet. Møtestad: Formannskapssalen Møtedato: Frå: til 19.30

Transkript

1 OS KOMMUNE Personalavdelinga MØTEPROTOKOLL Personalutvalet Møtestad: Formannskapssalen Møtedato: Frå: til Innkalte: Funksjon Leiar Nestleiar Medlem Tilsette repr Tilsette repr Namn Laila Reiertsen Marie Bruarøy Nils-Olav Nøss Jonny Christensen Åse M. Gjerde Forfall Møtt for Frå adm. : Andre: Personalsjef Eva K. Røttingen Merknader: I møteprotokollen skal det nyttast funksjon og namn når det vert vist til nokon av medlemmene i utvalet. Behandla saker: Frå sak 10/09 t.o.m. sak 13/09 Underskrifter: Vi stadfestar med underskriftene våre at møteboka er ført i samsvar med det som vart vedteke på møtet. Os, Laila Reiertsen Leiar FØREBELS MØTEPLAN FOR VÅREN 2010: 8. FEBRUAR 19. APRIL 21. JUNI ADRESSE TELEFON WEB/EPOST INFO Rådhuset Sentralbord: postmottak@os-ho.kommune.no Bankgiro: Torggata 7 Telefax: Org.nr.: Pb.84, 5202 Os Dir. innval:

2 SAKLISTE Saksnr. Arkivsaksnr. Tittel 10/09 09/80 POLITISK KVARTER - PERSONALUTVALET 11/09 09/2522 PRAKTISERING AV PERMISJONSREGLEMENTET 12/09 09/2523 RULLERING AV OVERORDNA PLAN FOR KOMPETANSEUTVIKLING 13/09 09/2524 HELSEMESSIGE KONSEKVENSAR FOR KVINNER SOM ARBEIDAR PÅ NATT

3 10/09 Arkiv: 033 Arkivsaknr.: 09/80 POLITISK KVARTER - PERSONALUTVALET Praksis for å kunna ta fagbrev Tilsette representant Åse M. Gjerde, htv Delta, viste til at tilsette som ønskjer å ta fagbrev, treng praksis frå ulike arbeidsplassar i kommunen. Ho lurte på korleis det vert lagt til rette for det. Personalsjefen svarta at Os kommune ønskjer at tilsette tar fagbrev, og strekkjer seg langt for å leggja til rette for tilsette som treng praksis. Dei det gjeld må melda frå til næraste overordna og til aktuell personalkonsulent. Røyking utanfor Rådhuset Leiar Laila Reiertsen (Frp) viste til at ho får melding frå innbyggjarar i kommunen som reagerer på tilfelle der tilsette dei ber om å snakka med Rådhuset, ikkje er til stades, men er observert røykande utanfor. Ho sa at ho hadde tatt dette opp tidlegare og lurte på om det er gjort noko. Personalutvalet ber rådmannen vurdera ulike røykjebegrensande tiltak eller full røykestopp i arbeidstida. Personalsjefen sa at leiarane på Rådhuset er beden om å ta dette opp direkte med dei tilsette det gjeld. Ho lova at leiargruppa skulle ta saka opp igjen. Tilsetjingssak Medlem Nils-Olav Nøss (Ap) viste til tilsetjingssak i oppvekst- og kulturområdet der stilling som psykolog i førebyggjande teneste er omgjort til stilling i kommunalsjefen sin stab. Dei som søkte psykologstillinga, reagerer på prosessen og innhald og form i meldinga om at det ikkje vert tilsett i stillinga. Personalsjefen sa at det i løpet av tilsetjingsprosessen kom opp akutte behov i barnevernet. Kommunalsjefen måtte gjera noko med dette innanfor eksisterande rammer, og valde å omgjera psykologstillinga. Saka var drøfta med dei tillitsvalde. Tilsette representantane stadfesta at saka hadde vore drøfta med dei. Vinlotteri Tilsette representant Jonny Christensen, htv Fagforbundet, meiner at han ikkje har fått klart nok svar når det gjeld Os kommune sitt syn på vinlotteri i arbeidstida. Han ber om å få eit tydeleg svar; ja eller nei. Kantine bruk av arbeidstid Tilsette representant Jonny Christensen, htv Fagforbundet, lurte på når det vert kantinedrift igjen. Han reagerer på at det går mykje tid vekk for tilsette som bruker arbeidstida til å kjøpa mat eller gjera andre private ærend. Utvalet var samd i at det ikkje er bra for kommunalt tilsette sitt omdømme dersom det fester seg ei oppfatning om dårleg utnytting av arbeidstida. Personalsjefen kunne elles opplysa at det no er gått ut tilbod til ein tilbydar som ønskjer å driva kantina i Rådhuset. Vital-sydenturar (for menneske med utviklingshemming) Tilsette representant Jonny Christensen, htv Fagforbundet, har stilt fleire spørsmål om desse turane men han har ikkje fått svar. Personalsjefen sa at det hadde vore ein svært travel periode for dei som skal svara på spørsmåle. Ho lova at han skulle få svar. Ho viste vidare til

4 at desse turane er eit godt tiltak for brukarane, og at det er engasjerte og inspirerte medarbeidarar som gjer at kommunen har fått dette til. Men det må vera klare retningsliner for turane og for tilsette som skal vera med. Dette vil bli laga i god tid før neste tur. Tillitsvalde skal vera med på å utarbeida retningslinene. Personalutvalet ber om å få saka opp igjen i utvalet når retningslinene er laga. 11/09 Arkiv: 460 &00 Arkivsaknr.: 09/2522 PRAKTISERING AV PERMISJONSREGLEMENTET Personalutvalet har drøfta praktisering av kommunen sitt permisjonsreglement. Det var semje om at det er uheldig med utstrakt bruk av permisjonar. Det medfører m.a. mange vikariat. Det bør ikkje gjevast permisjon i meir enn eitt år. Utvalet meinte også at det bør vurderast om tilsette som får tilbod om anna fast stilling i kommunen, bør få permisjon for å prøva seg i anna stilling. Vedkomande eig då i realiteten to stillingar i kommunen. Personalutvalet har drøfta praktisering av kommunen sitt permisjonsreglement og ber om at følgjande punkt vert vurdert med sikte på innstraming/endring: Overgang til anna kommunal stilling Ein arbeidstakar som har vore minst 2 år i kommunal teneste, kan få permisjon frå si stilling i 1 år for å arbeida i ei anna stilling i Os kommune. Etter høyringsrunde til leiarar og tillitsvalde, vert saka vert lagt fram for personalutvalet til avgjerd. 12/09 Arkiv: 430 Arkivsaknr.: 09/2523 RULLERING AV OVERORDNA PLAN FOR KOMPETANSEUTVIKLING Personalutvalet ber om at Overordna plan for kompetanseutvikling vert evaluert og rullert i 2010.

5 Utvalet peika på at kompetanseutvikling er viktig, og at det bør vera nokonlunde lik praksis frå eining til eining. Kommunen manglar ein strategisk opplæringsplan som gjeld for 4 år om gongen og som viser kva konkrete kompetansetiltak som skal gjennomførast i perioden. Dei tillitsvalde skal vera med å utarbeida opplæringsplanane. Personalutvalet ber om at Overordna plan for kompetanseutvikling vert evaluert og rullert i 2010, og at det vert laga ein strategisk opplæringsplan som gjeld for 4 år. 13/09 Arkiv: 403 &32 Arkivsaknr.: 09/2524 HELSEMESSIGE KONSEKVENSAR FOR KVINNER SOM ARBEIDAR PÅ NATT Personalutvalet er orientert om helsemessige konsekvensar for kvinner som arbeidar på natt og ber om at denne problemstillinga vert tatt opp i arbeidsmiljøutvalet for vidare arbeid og tiltak. Utvalet viser til resultat frå forskning og er uroleg for helsa til tilsette som går på natt over lang tid. Det er ikkje alltid lett å ta tak i dette, for mange tilsette liker å gå på natt og ønskjer ikkje å slutta med det. Men det er viktig at arbeidsgjevar er oppteken av dette og set det på dagsorden. Utvalet ber om å få meir informasjon om kva som blir gjort i dag og korleis prosedyrane er for dei som går på natt. Personalutvalet er orientert om helsemessige konsekvensar for kvinner som arbeidar på natt og ber om at denne problemstillinga vert tatt opp i arbeidsmiljøutvalet for vidare arbeid og tiltak. Aktuelle leiarar må gjerast merksam på dette og informera og snakka om det med sine medarbeidarar på natt; t.d. i samband med medarbeidarsamtalen. Utvalet ber om å få meir informasjon om kva som blir gjort i dag og korleis prosedyrane er for dei som går på natt. Saka vert så lagt fram for utvalet igjen.