STATUSRAPPORT PR 01.10.2017
INNLEIING Rådmannen legg med dette fram 2. statusrapport for 2017. Rådmannen meiner at rapporten viser at den økonomiske situasjonen er krevjande. Den faste drifta er under kontroll, men det ligg likevel an til ein ytterlegare reduksjon av planlagt fondsavsetning. Opphavleg budsjett la opp til 2,5 millionar kroner i fondsavsetning. Det ligg nå an til om lag 1,2 millionar. Hovudårsaka til dette er manglande tilknytingar til avløpsanlegget i Kovstulheia- Russmarken. Dei budsjetterte inntektene frå tilknytingane som var basert på Russmarken sin framdriftsplan, har ikkje latt seg realisere på grunn av at grunneigarar har nekta graveløyve. Det ligg ann til ein inntektssvikt på rundt 4,5 millionar kroner. I motsett retning ligg det an til ein meirinntekt knytt til busetting av flyktningar på 2 millionar kroner. Årsaka til dette er nye og høgare satsar for busetting av einslege mindreårige flyktningar, og at vi i 2017 busett både årets vedtekne kvote og etterslepet frå 2016. På investeringsområdet er bygginga av Sauland nye skule i full gang. Økonomi og framdrift i prosjektet er i rute og under kontroll. Prosjektet vekker stor interesse frå andre kommunar på grunn av at vi bygger i massivtre. Planlegginga av nytt omsorgssenter går sin gang. Prosessen med å utarbeide gode planar har teke noko lenger tid enn ønskeleg, men kommunestyret får som avtalt framlagt eit løysingsforslag i samband med økonomiplanen på møtet i oktober. Folketalet har gått kraftig ned siste kvartal og har aldri vore lågare. Sjukefråværet har gått noko ned og ligg nå under målsettinga. Rådmannen og administrasjonen har fokus på å følgje opp dei politiske måla og vedtaka. Nokre punkt er raske å løyse, andre er meir komplekse og krev arbeid over tid. I nokre tilfelle er ein avhengig av prosessar og eksterne partar, andre gonger er det kapasitetsmessig krevjande å følgje opp mange vedtak samtidig. Dette gjeld særleg innafor nærings- og busettingsarbeidet, der det er mange politiske forventningar. Symbolforklaring: I tråd med budsjett, plan, mål eller vedtak. Usikkert. Må justerast. Ikkje i tråd med føresetnadar. Avvik Ikkje relevant
ØKONOMISK UTVIKLING Inntekter Skatt på inntekt og formue Rammetilskot Skatt på eigedom Andre skattar Tilskot Konsesjonskraft Andre inntekter Status Prognose Skatt på inntekt og formue er ca. 800 000 kroner lågare enn budsjett, men ligg ca. 700 000 kroner over same tid i fjor. Mykje av svikten skatteinntektene blir kompensert via rammetilskot i inntektsutjamningsordninga, men samla frie inntekter blir justera ned med kr 200.000,- i budsjettjusteringssak i oktober. På nasjonalt nivå er skatteinntektene til kommunane justert ned. Tilskot til flyktningar ligg ann til å bli ca. 2 millionar høgare enn budsjettert. Dette kjem i hovudsak frå høgare satsar for einslige mindreårige enn føresett i budsjettet. I tillegg ligg det ann til at vi i 2017 busett både årest kvote og etterslep frå 2016. Da Statnett har vunne fram med si sak om feil taksering av sine linjer vil det kome eit krav om tilbakebetaling av i underkant av kr 500.000,- for åra 2014-2017. Det er fortsatt uklart når kravet kjem, men bør korrigerast i inneverande år. Utgifter rammeområda Politisk styring og kontroll Fellesutgifter Barnehage og skule Kultur og kyrkje Helse og velferd Pleie og omsorg Plan, næring og utvikling Teknisk drift Status Prognose Vaksenopplæringa starta på Saulandtunet 1. september. Kostnadane ved etableringa av eigen vaksenopplæring har blitt rundt kr 500.000,- høgare enn det som låg til grunn i budsjettet.
Dette er i hovudsak investeringskostnader til inventar og utstyr, og kostnader for tilpassing av leigde lokale. Kostnader til ordinær drift av vaksenopplæring vil ligge innanfor rammene som låg til grunn for vedtaket om etablering av eigen vaksenopplæring. På grunn av at enkelte grunneigarar har nekta å gje RVA graveløyve har selskapet heller ikkje i haust kunne starte planlagde prosjekt. Andre felt har i staden blitt prosjektert, men dette fører likevel til at kommunen ikkje vil nå dei framlagde prognosane på tilknytingar for 2017. Alle avvika lar seg korrigere i ei budsjettjustering slik at prognosen for utgangen av året vil vere i tråd med revidert budsjett. Budsjettjusteringa vil innebere at det må brukast kr 714.000,- av disposisjonsfondet i 2017. Som alltid vil det vere ei usikkerheit knytt til pensjonskostnadane. Dei siste prognosane frå KLP viser små avvik frå det som ligg i budsjettet, men den endeleg kostnaden vil ein ikkje få før året er omme. Finans Netto renter Avdrag på lån Likviditet Låneopptak Kredittrisiko Finansieringsrisiko Renterisiko Status Prognose Netto renter På grunn av utsetjing av nytt omsorgssenter og seinare igangsetjing av nye Sauland skule enn planlagt blir rentekostnadane vesentleg lågare enn budsjett. Dette blir korrigert i eigen budsjettendringssak. Avdrag på lån - På grunn av endra framdrift i dei to store investeringsprosjekta vil betalte avdrag på lån bli vesentleg lågare enn budsjettert. Låneopptak - På grunn av at ein nå ser på nye løysingar for omsorgssenter vil det ikkje vere behov for så store låneopptak som budsjettert i 2017. Det kjem eiga sak til kommunestyret om låneopptak for 2017.
Investeringsbudsjettet Sauland skule/fleirbrukshall Omsorgssenter Sauland reinseanlegg Bilpark heimebaserte tenester Oppmålingsutstyr Regionale IKT-tiltak Ressursstyring Digitale tryggingsalarmer Bustader sosiale formål Kommunalt vatn Kåsafeltet Mandat og organisering Ressursar og kompetanse Framdrift Økonomi Omsorgssenter: På grunn av nytt vedtak knytt til omsorgssenter vil det ikkje vere behov for så stort budsjett som vedtatt inneverande år. Investeringa vil bli skuve ut i tid. Sauland skule/fleirbrukshall: På grunn av seinare byggestart enn føresett vil brutto investering i 2017 bli ca. 17 millionar lågare enn budsjett. Samla investeringsramme er uendra. Digitale tryggingsalarmar: Det regionale prosjektet for å kjøpe digitale tryggingsalarmer ligg noko etter opphavleg framdriftsplan. Kan føre til at investeringa blir utsett til 2018.
ORGANISASJON Sjukefråvær 1. kvartal 2017 2. kvartal 2017 2017 hittil Mål 2017: < 8,0 % 8,8 % 6,6 % 7,8 Sjukefråværet i første kvartal 2017 var på 8,8%, og det er ein del høgare enn målsetninga. For andre kvartal 2017 har det vært ein nedgang til 6,6% og første halvår endar da på totalt 7,8%. Foreløpige tal for tredje kvartal tydar på at fråværet er på veg vidare ned, men det er litt tidleg å konkludere. Einingsleiarane har god oversikt over situasjonen i eiga eining, og det jobbast aktivt i heile organisasjonen med problemstillinga. Kvar enkelt situasjon følgjast opp individuelt av nærmaste leiar, eventuelt i samarbeid med bedriftshelsetenesta, lege og /eller NAV. Det er utarbeida ein ny IA-handlingsplan i samarbeid med NAV Arbeidslivssenter, og denne vil blir følgd opp vidare. FOLKETAL 1. januar 2017 1. april 2017 1. juli 2017 Mål 2017: > 1606 1593 1600 1585 SSB sine tal viser at folketalet gjennom heile året har ligge lågare enn målsettinga. Kommunestyret si målsetting tok utgangspunkt i SSB sine framskrivingar. Folketalet per 1. juli 2017 er det lågaste som er notert i SSB sin statistikk som går tilbake til 1951. Etter ein liten oppgang i folketalet i løpet av 1. kvartal sank folketalet kraftig i 2. kvartal. I 1. kvartal var det like mange fødde som døde i kombinasjon med netto tilflytting. I andre kvartal var det både fødselsunderskot og netto utflytting.
OPPFØLGING AV KOMMUNESTYREVEDTAK Omorganisering av ungdomsarbeidet Avtaleadministrasjon Vurdere bruk av hytter som bustad Vurdere oppheving av buplikta Strategi for marknadsføring og sal av bustadtomter Utarbeide avtale om fakturering mellom kommunen og Russmarken VA AS Forprosjekt vassforsyning Kovstulheia- Russmarken Hjartdal nye omsorgssenter Kommunedelplan for idrett og fysisk aktivitet Legevakt Ladestasjon i Sauland Eigarstrategi RVA AS Tematisk kommunedelplan for stigar og løyper Ressursar Organisering og kompetanse Framdrift Økonomi Avtaleadministrasjon: Anskaffing av verktøy for avtaleadministrasjon skjer som eit samarbeid i Kongsbergregionen. Anskaffingsprosessen er utsett til 2018. Strategi for marknadsføring og sal av bustadtomter: Det har ikkje vore kapasitet til å utarbeide ein strategi, men ledige bustadtomter blir marknadsført via eigedomsmeklar og på facebook. Det er i tillegg utarbeidd ei brosjyre om kommunen, med potensielle tilflyttarar som målgruppe. Utarbeide avtale om fakturering mellom kommunen og Russmarken VA AS: Tiltaket er ikkje starta på grunn av mangel på kapasitet. Arbeidet med ny avtale mellom kommunen og RVA vil bli starta saman med utarbeiding av ny eigarstrategi. Etter tilsyn frå fylkesmannen er det også påpeika uklare ansvarsforhold i gjeldande avtale. Dette vil også bli tatt omsyn til i arbeidet med ny avtale. Avtale er planlagd ferdigstilt innan nyttår. Fakturering blir gjennomført i tråd med dei endringar som blei synleggjort for kommunestyret i desember 2016.
Forprosjekt vassforsyning: Kommunestyret får som orientert om i førre kommunestyremøte saka ein månad seinare enn signalisert. Kostnaden med forprosjektet har blitt dyrare enn forventa. Årsaka til dette er meir omfattande utgreiingar enn først tenkt og behov for innleige av ekstern prosjektleiar. Kommunedelplan for idrett og fysisk aktivitet: Endeleg vedtak av planprogram blir lagt fram i oktober ein månad seinare enn i utkast il framdriftsplan. Legevakt: Den juridiske vurderinga av legevaktavtala har hatt ein kostnad som det i utgangspunktet ikkje var tatt høgde for i budsjettet, men mindre bruk av jurist generelt gjer at det ikkje er behov for budsjettjustering. Eigarstrategi Russmarken VA AS: Det er avgrensa med ressursar i administrasjonen til å arbeide aktivt med saka. Arbeidet vil starte opp før nyttår, men dette er ei omfattande sak og vil ikkje bli ferdigstilt før i 2018. Det er fleire sider ved eigarskapen av RVA som vurderast og selskapet må også involverast og kome med innspel. Stig- og løypeplanen: Når statusrapporten blir skrive er det usikkert kva kommunestyrevedtaket inneber av ressursbehov i eigen organisasjon og økonomi. Rådmannen tar sikte på å orientere munnleg om dette ved framlegging av statusrapporten i kommunestyret.