DNT Sør Postboks 633 4665 KRISTIANSAND S Deres ref. Vår ref. (bes oppgitt ved svar) Dato Sak nr. 2017/6885 / AOD 09.07.2017 Delegasjonssak RO 24/2017 Svar på søknad om dispensasjon til helikoptertransport til Sloaros i Setesdal Vesthei - Ryfylkeheiane landskapsvernområde, gnr/bnr, 1/4, Bykle kommune Viser til søknad datert 04.07.2017 om dispensasjon til motorferdsle i samband med reperasjon av ei bru ved Sloaros i Setesdal Vesthei-Ryfylkeheiene landskapsvernområde. Forvaltningssekretariatet for Verneområdestyret for Setesdal Vesthei, Ryfylkeheiene og Frafjordheiene har etter delegert mynde fatta det dette vedtaket 09.07.2017. Med vennleg helsing Alf Odden Verneområdeforvaltar SVR Brevet er godkjent elektronisk og sendast utan underskrift Kopi Bykle kommune, Fylkesmannen i Aust og Vest Agder POSTADRESSE: POSTBOKS 24 N-4748 RYSSTAD BESØKSADRESSE: TELEFON: E-POST: POST@SVR.NO SAKSBEH: ALF ODDEN WEB: WWW.SVR.NO
Side 2/5 Vedtak I medhald av kapittel III og kapittel IV, punkt 5.4, bokstav c i Forskrift om vern av Setesdal Vesthei - Ryfylkeheiane landskapsvernområde, får DNT Sør løyve til å bruke helikopter i samband med nødvendig reperasjon av ei ei bru ved Sloaros Løyvet gjeld for tidsrommet 01-18.08.2017 inntil 8 transportar etter flygeruta som er teikna inn på kartet i saksutgreiinga. Verneområdestyret har ikkje heimel til å gje løyve til persontransport, men det er høve for arbeidsmannskap å sitte på med helikoptertransportar som uansett skal gjennomførast. Forvaltningssekretariatet for SVR oppmoar på det sterkaste om at transportane blir gjennomført i god tid før villreinjakta i området tek til 20. august. Løyve blir gjeve med desse vilkåra: Om ein observerar villrein langs flygeruta må transporten avventast eller flygeruta leggast om slik at ein ungår forstyrring. Flyginga mellom landingspunkta skal skje etter kortaste rute For å redusere forstyrring av bufe, vilt og fotturistar, skal helikopteret så langt det er råd ikkje flyge lågare enn 300 m over bakken mellom landingspunkta Vedtaket med tilhørande kart må takast med under gjennomføringa av transportane. Søkar pliktar å innhente nødvendig løyve og samtykke frå Bykle kommune og grunneigar. Klagerett Vedtaket kan påklagast til Miljødirektoratet. Klagefristen er tre veker frå den dagen brevet kom fram til påført adressat. Det er nok at klaga er postlagd innan denne fristen. Skriftleg klage skal sendast til SVR, Postboks 24, 4748 Rysstad. Oppgjev kva for eit vedtak det vert klaga på, dei endringane klagar ynskjer og grunngjeving for klaga. Dersom det vert klaga så seint at det kan vere tvil om det er klaga i rett tid, må det opplysast når brevet kom fram. Bakgrunn for søknaden Viser til søknad datert 04.07.2017. DNT Sør, søker om dispensasjon til inntil 8 helikoptertransportar i samband med nødvendig reperasjon av ei bru ved Sloaros som datt ned i 2017. Det søkast om transport av boreutstyr, bygningsmaterialar og arbeidsfolk. Transportane vil ta til ved Hovden og gå inn til brustaden ved Sloaros. Om lag 6 km av denne flygeruta går over verneområdet.
Side 3/5 Kart over flygerute og landingspunkt Formell bakgrunn for vurdering og vedtak Forskrift om vern av Setesdal Vesthei - Ryfylkeheiane landskapsvernområde av 28.04.2000. Forvaltningsplan for verneområda i Setesdal Vesthei, Ryfylkeheiane og Frafjordheiane, godkjent 2015 Naturmangfaldlova. Heimelsgrunnlag Setesdal Vesthei-Ryfylkeheiane landskapsvernområde vart verna ved Kronprinsregentens resolusjon av 28. april 2000. Føremålet med vernet er etter kapittel III i Føreskrift om vern av Setesdal Vesthei-Ryfylkeheiane landskapsvernområde: 1. Å ta vare på eit samanhengande, særmerkt og vakkert naturområde med urørte fjell, hei og fjellskogsområde med eit særmerkt plante- og dyreliv, stølsområde, beitelandskap og kulturminne. 2. Å ta vare på eit samanhengande fjellområde som leveområde for den sørlegaste villreinstamma i Europa. Motorisert ferdsel i Setesdal Vesthei-Ryfylkeheiane landskapsvernområde blir regulert av verneforskrifta kapittel 5, punkt 5.1a, kor det heiter at motorisert ferdsle på land er forbode. Det omsøkte tiltaket kjem etter vårt syn inn under kapittel 5, punkt 5.1a, og krev derfor dispensasjon etter kapittel 5, punkt 5.4, bokstav c for å kunne gjennomførast. I kapittel 5, punkt 5.4, bokstav c heiter det at forvaltningsstyresmakta kan etter søknad gje løyve til Naudsynt luft- og snøscootertransport av materialar til hytter, klopper mv. og av brensle, utstyr og proviant til hytter og buer. Verneområdestyret for Setesdal Vesthei, Ryfylkeheiane og Frafjordheiane har forvaltningsmynde for Setesdal Vesthei- Ryfylkeheiane landskapsvernområde og Lusaheia landskapsvernområde. Arbeidsutvalet har i AU sak 11/2013, delegert avgjerdslemynde for dispensasjonssøknadar om ferdsle etter verneføreskriftene til verneområdeforvaltarane. Vurdering
Side 4/5 Naturmangfaldlova Etter 7 i Naturmangfaldlova skal dei miljørettslege prinsippa i 8-12 leggast til grunn som retningslinjer ved utøving av offentleg myndigheit. Forvaltingsmyndigheita må ved alle tiltak som vedkjem naturmangfaldet, vurdere søknadane etter desse paragrafane. Innverknad på verneverdiar og verneføremål Det omsøkte landingspunktet ligg om lag 1040 moh i eit ope heilandskap. Vegetasjonen i området består av rik gras- og urtevegetasjon i lesider og snøleier, samt lyngvegetasjon på rabbane. Det aktuelle flygeruta går over ei kalvingssone for villrein (Storenos 1) kor det er ferdselsforbod i perioden 25.04-31.05. Kunnskap om villreinens bruk av området er henta frå Miljødirektoratet sin naturdatabase med innsyn til sensitiv informasjon (www.naturbase.no), samt data frå NINA sitt pågåande GPS-merkeprosjekt. Dette dreier seg særleg om NINA rapport 694/2011 og nyare registreringar frå www.dyreposisjoner.no. I tillegg har ein brukt data frå Norsk Villreinsenters rapport Kartlegging av villreinens arealbruk i Setesdal Vesthei - Ryfylkeheiene og Setesdal Austhei (NVS rapport 6/2010). Ut frå dette samla datamaterialet går det fram at villreine i første rekke brukar det aktuelle området som vinterbeite. Tidvis har det og vore registrert kalving i dette området. Kartutsnittet under viser posisjonane som er samla inn gjennom GPS-merkeprosjektet dei siste fem åra for perioden juli-september. Som ein ser er det i dette tidsrommet inga registreringar frå dei merka dyra i området ved Sloaros. Ein må likevel være klar over at umerka dyr kan ha vore i området, og at GPS registreringane inneheld lite data frå bukkar som kan bruke delar av det aktuelle områda om sommaren. GPS plott frå Sloarosomrpdet for juli-september 2012-2016. Så langt forvaltningsstyresmakta kjenner til etter søk i Naturbase, er det ikkje registrert informasjon om prioriterte arter, trua eller nær trua arter på Norsk rødliste for arter 2015 eller andre verdifulle arter. Det er heller ikkje registrert informasjon om utvalte naturtypar, trua eller nær trua naturtypar på Norsk rødliste for naturtypar 2011 eller andre verdifulle naturtypar som kan ta skade av den omsøkte motorferdsla. Kunnskap om kulturminne i området baserar seg på Riksantikvaren sin kulturminnebase (www.askeladden.no). Her er det ikkje registrert kulturminne som kan ta skade av motorferdsla det er søkt om. Kunnskapsgrunnlaget ( 8) som ligg føre for å vurdere dei omsøkte tiltaka si innverknad på verneverdiar og verneføremål, må derfor vurderast som godt. 9 om Føre var prinsippet vil derfor bli tillagt mindre vekt i dei følgjande vurderingane.
Side 5/5 10 tek føre seg den samla belastninga av økosystemet i området. Ved Sloaros står det to turisthytter og det går merka turistløyper til Hovden og Holmavasshytta/Bleskestadmoen. Talet på overnattingar på Sloaros i barmarksperioden er relativt lågt med 369 overnattingar i 2016. I tillegg er det noko ferdsel i samband med dagsturar frå Hovdenområdet. Det er ikkje gitt andre dispensasjonar til helikoptertransport i dette området for sommaren 2017. Etter forvaltningssekretariatet er den samla belastninga på områda ved Sloaros låg til moderat i barmarkssesongen. Helikoptertransportane det er søktom vil til ein viss grad auke denne belastninga, men ikkje til eit nivå som er kritisk for villreinen. 12 omhandlar miljøforsvarleg teknikkar, driftsmetodar og lokalisering. I høve til transportbehovet som er skissert i søknaden, vurderer forvaltningsmyndigheita helikopter til det beste alternativet. 11 legg til grunn at eventuelle kostnader ved miljøforringing skal bærast av tiltakshavar. Tiltakshavar er fullt og heilt ansvarleg for ei miljømessig god løysing. Konklusjon Den omsøkte motorferdsla vil berre i liten grad medføre forstyrring av villreinen i området, og såleis i liten grad ha ein negativ innverknad på verneverdiane i Setesdal Vesthei Ryfylkeheiane landskapsvernområde. Motorferdsla vil heller ikkje være i konflikt med verneføremålet.