Per Jan Bakken 4440 TONSTAD Dykkar ref. Vår ref. (oppgi ved svar) Dato Sak nr. 2014/853 / FMROAOD 17.02.2014 DELEGASJONSSAK RO 03/2014 SVAR PÅ SØKNAD OM DISPENSASJON OM MOTORFERDSLE TIL SANDVASSBU I FRAFJORDHEIANE LANDSKAPSVERNOMRÅDE, GNR/BNR, 11/1, SIRDAL KOMMUNE Viser til din søknad datert 10.02.2014 om motorferdsle i samband med vedlikahald av hytta ved Sandvasskilen i Frafjordheiane landskapsvernområde. Forvaltningssekretariatet for Verneområdestyret for Setesdal Vesthei, Ryfylkeheiene og Frafjordheiene har etter delegert mynde fatta det dette vedtaket 17.02.2014. Med vennleg helsing Alf Odden Verneområdeforvaltar SVR Brevet er godkjent elektronisk og sendast utan underskrift Vedlegg Løyve Kopi Sirdal kommune, Fylkesmannen i Vest Agder, Fylkesmannen i Aust Agder, Miljødirektoratet POSTADRESSE: POSTBOKS 24 N-4748 RYSSTAD BESØKSADRESSE: SULDAL KOMMUNE, GARANESET, TELEFON: 48044583 E-POST: POST@SVR.NO SAKSBEH: ALF ODDEN WEB: WWW.SVR.NO
Side 2/5 Vedtak I medhald av 2, 3, punkt 5.1 og 3, punkt 5.3a. i Forskrift om vern av Frafjordheiane landskapsvernområde, får Per Jan Bakken løyve til å nytte snøskuter til transport av materialer i samband med vedlikehald av hytte ved Sandvasskilen Mangærne i Frafjordheiane landskapsvernområde i Sirdal kommune. Løyve gjeld for inntil 10 transportar i tidsrommet 17.02-30.04.2014. Transportane skal følgje ruta Valevatn Røynesdalen - Dægevatn Mangærne Sandvatn Sandvassbu. Om denne ruta ikkje kan nyttast på grunn av usikker is på Valevatn kan ruta Lortebu Lysebekken Mangærne Sandvatn Sandvassbu nyttast i staden. Løyve blir gjeve med desse vilkåra: Etter at alle transportane er gjennomført skal det sendast ein kort melding til forvaltningssekretariatet over kor mange transportar som vart gjennomført For å unngå konfliktar med brukarane av skiløypene mellom turisthyttane bør ein så langt det er mogleg unngå at transportane blir gjennomført etter kvista løypene i vinterferien eller påskeferien. Andre vilkår går fram av standard løyve. Klagerett Vedtaket kan påklagast til verneområdestyret. Klagefristen er tre veker frå den dagen brevet kom fram til påført adressat. Det er nok at klaga er postlagd innan denne fristen. Skriftleg klage skal sendast til SVR, Postboks 24, 4748 Rysstad. Oppgjev kva for eit vedtak det vert klaga på, dei endringane klagar ynskjer og grunngjeving for klaga. Dersom det vert klaga så seint at det kan vere tvil om det er klaga i rett tid, må det opplysast når brevet kom fram. Bakgrunn for søknaden Viser til søknad datert 10.02.2014. Per Jan Bakken søker om løyve til snøskutertransport av materialar i samband med vedlikehald av ei jaktog gjetarhyttei ved Sandvasskilen i Frafjordheiane landskapsvernområde i samband med bygging av nye bruer. Det søkast om løyve til inntil 10 transportar for vintaren 2014. Det søkast primært om kjøring etter ruta Valevatn Røynesdalen - Dægevatn Mangærne Sandvatn Sandvassbu. Om denne ruta ikkje kan nyttast på grunn av usikker is på Valevatn, søkast det om ruta Lortebu Lysebekken Mangærne Sandvatn Sandvassbu.
Side 3/5 Kart over omsøkte kjøreruter. Formell bakgrunn for vurdering og vedtak Forskrift om vern av Frafjordheiane landskapsvernområde av 30.01.2004. Forvaltingsplan for Frafjordheiane, godkjend mars 2007. Naturmangfaldlova. Heimelsgrunnlag Frafjordheiane landskapsvernområde og dei tilgrensande naturreservata Ørestø og Migaren vart oppretta ved Kronprinsregenten sin resolusjon 19.12.2003. Direktoratet for naturforvaltning vedtok 30.01.2004 ei mindre endring i verneforskrifta Føremålet med opprettinga av Frafjordheiane landskapsvernområde er etter 2 mellom anna:: - å ta vare på eit representativt, særprega og vakkert landskap, med bratte fjord- og dalsider via lågheiar opp til glattskurt høgfjell. - å ta vare på vatn og vassdrag, viktige leveområde for eit særmerkt plante-og dyreliv, geologiske landskapsformer, samt beite- og stølslandskap med automatisk freda og nyare tids kulturminne. Vidare heter det at Allmenta skal ha høve til naturoppleving gjennom utøving av tradisjonelt og enkelt friluftsliv med lita grad av teknisk tilrettelegging. Motorisert ferdsel i verneområdet vert regulert av verneforskrifta 3, punkt 5.1. Her heter det at motorferdsel er forbode på land og i vatn. I 3, punkt 5.3a. heter det vidare at forvaltningsstyresmakta kan etter søknad gje løyve til bruk av båt med motor, motorkjøretøy på frosen eller snødekt mark, eller luftfartøy i samband med.. transport av varer inn til hytter og støler, transport av materialar til vedlikehald og byggearbeid på hytter, klopper o.l. Omsøkte tiltak kjem etter vårt syn inn under 3 punkt 5.1 og krev derfor dispensasjon for å kunne gjennomførast, jamfør 3, punkt 5.3.a.
Side 4/5 Verneområdestyret for Setesdal Vesthei, Ryfylkeheiane og Frafjordheiane har forvaltningsmynde for Frafjordheiane landskapsvernområde. Arbeidsutvalet har i AU sak 11/2013, delegert avgjerdslemynde for dispensasjonssøknadar om ferdsle etter verneføreskriftene til verneområdeforvaltarane. Vurdering Naturmangfaldlova Etter 7 i Naturmangfaldlova skal dei miljørettslege prinsippa i 8 til 12 leggast til grunn som retningslinjer ved utøving av offentleg myndigheit. Forvaltingsmyndigheita må ved alle tiltak som vedkjem naturmangfaldet, vurdere søknadane etter desse paragrafane. Innverknad på verneverdiar og verneføremål Dei omsøkte kjørerutene går i eit ope fjellandskap om lag 700-920 moh, med lynghei og mykje bart fjell. Landskapet er og prega av dei store vasspeglane til Store og Litla Sandvatn. Den omsøkte brua over Mangærne ligg i eit relativt ope fjellandskap om lag 860 moh. Det veks ein del spreidde klynger med fjellbjørk. Feltskiktet er på dei tørre stadane prega av gras- og lyngartar, mens mosar og starr dominerar der det er våtare. Denne delen av Frafjordheian blir i liten grad brukt av villreinen og denne låge bruken har vore mønsteret ei tid. Dette blir og stadfesta av resultata frå NINA sitt GPS-merkeprosjekt (NINA rapport 694/2011). Her er det dokumentert at ingen av dei åtte simlene som har nytta nordområdet har vore i nærleiken av Sandvatn den tida dei hadde sendar. I Norsk Villreinsenters rapport Kartlegging av villreinens arealbruk i Setesdal Vesthei -Ryfylkeheiene og Setesdal Austhei (NVS rapport 6/2010) er det eit villreintrekk ved Sandvatn. Den omsøkte motorferdsla kjem i kontakt med desse villreintrekka, men slik villreinens områdebruk er i dag, vil det ikkje oppstå ei konflikt. Kunnskap om naturmangfaldet i området baserar seg og på Direktoratet for naturforvalting sin naturdatabase med innsyn til sensitiv informasjon (www.naturbase.no), samt eit nyleg utarbeida viltkart for Sirdal kommune. Kunnskap om jaktfalk baserar seg og på samtale med Seniorrådgjevar Odd Frydenlund Steen hos Fylkesmannen i Telemark, samt eit bredt utval av faglitteratur om rovfugl. På viltkartet for Sirdal kommune er det registrert informasjonen om trua eller nær trua arter på Norsk rødliste for arter 2010 og andre verdifulle arter i det aktuelle område. I område aust for Sandvatn og om lag 400m frå vinterløypa mellom Sandvatn og Lortebu er det registrert to hekkelokalitetar for jaktfalk. Jaktfalk er oppført som nær truga (NT) i Norsk raudliste for arter 2010, Denne arten er svært sårbar for forstyrringar i nærleiken av reirplassen. Egglegging skjer i midten av april, men jaktfalken oppheld seg i reirområdet nokre veker før dette, og blir særleg aktiv om lag tre til fem veker før egglegging. Ettersom jaktfalken framleis hekkar på staden etter at vinterløypa har vore kvista i om lag 20 år, er det mykje som tydar på at ferdsla på løypa ikkje utgjer noko større trugsmål mot hekkelokaliteten. Forvaltningssekretariatet har ikkje informasjon om andre sårbare artar, utvalte naturtypar, trua eller nær trua naturtypar på Norsk raudliste for naturtypar 2011 eller andre verdifulle naturtypar som kan ta skade av den omsøkte motorferdsla. Kunnskap om kulturminne i området baserar seg på Riksantikvaren sin kulturminnebase (www.askeladden.no). Her er det ikkje registrert kulturminne som kan ta skade av den omsøkte motorferdsla. Kunnskapsgrunnlaget ( 8) som ligg føre for å vurdere dei omsøkte tiltaka si innverknad på verneverdiar og verneføremål, må derfor vurderast som godt. 9 om Føre var prinsippet vil derfor bli tillagt mindre vekt i dei følgjande vurderingane. 10 tek føre seg den samla belastninga av økosystemet i området. Utover jakt- og gjetarhytta i Sandvasskilen, merka turistløyper og turisthytta Sandvatn, er det ikkje fysiske installasjonar i området rundt Sandvatn. Turisthytta har om lag 500 overnattingar i vintarsesongen. Det er gjeve to andre løyver til snøskutertransport i område, men den samla motorferdsla i område er framleis avgrensa. Etter forvaltningssekretariatet si vurdering vil derfor dei omsøkte transportane for
Side 5/5 vinteren 2014, berre i liten grad føre til større belastning på økosystemet i område. For å ungå unøding forstyrring av skituristar etter dei kvista løypene blir det sett som vilkår blir det sett som vilkår at transportane ikkje skal gjennomførast etter desse løypene i vinterferie og påskeferie. 12 omhandlar miljøforsvarleg teknikkar, driftsmetodar og lokalisering. I høve til transportbehovet som er skissert i søknaden, vurderer forvaltningsmyndigheita bruk av snøskuter som det beste alternativet. 11 legg til grunn at eventuelle kostnader ved miljøforringing skal bærast av tiltakshavar. Tiltakshavar er fullt og heilt ansvarleg for ei miljømessig god løysing. Konklusjon Det omsøkte tiltaket vil berre i liten grad ha ein negativ innverknad på verneverdiane i Frafjordheiane landskapsvernområde og kjem ikkje i konflikt med verneføremålet.