Austevoll kommune TILLEGGSINNKALLING Utval: UTVAL FOR PLAN OG BYGGESAK Møtestad: KOMMUNESTYRESALEN Møtedato: 17.03.2014 Kl. 15.00 Eventuelt forfall skal meldast til tlf. 55 08 10 00 Offentleg servicekontor. Varamedlemmar møter berre etter nærare innkalling frå administrasjonen. Møte er ope for tilhøyrarar. Saksdokument er lagde ut til offentleg gjennomsyn på Offentleg servicekontor. SAKLISTE Sak nr. Saktittel 040/14 Gnr. 26 bnr. 0040 Hille. Reguleringsarbeid på Knappen i Hillevika på Bakkasund, 1.gongshandsaming til offentleg høyring og ettersyn. 041/14 Ny revisjon av kommuneplan 2013/14 - flytebryggjer 042/14 Gnr. 03 Bnr. 0087 Fagerbakke Søknad om dispensasjon -gangsti i friluftsområde Storebø, 13.mars 2014 Helge Andre Njåstad Leiar utval for plan og byggesak Side 1 av1
SAKSFRAMLEGG Saksnr Utval Møtedato Sakshandsamar 040/14 UTVAL FOR PLAN OG 17.03.2014 Elisabeth Aadland BYGGESAK Vaagsbø Arkivsaknr. 11/360 Arkiv: GBNR-26/0040, FA-L12 Gnr. 26 bnr. 0040 Hille. Reguleringsarbeid på Knappen i Hillevika på Bakkasund, 1.gongshandsaming til offentleg høyring og ettersyn. Tilråding frå rådmannen: Utval for plan og byggesak godkjenner i medhald av plan- og bygningslova 12-10 og 12-11 forslag til reguleringsplan for Gnr. 26 bnr.0040 Hille, på Knappen i Hillevika på Bakkasund, vert sendt på høyring og lagt ut til offentleg ettersyn. Tiltakshavar: Jan Peder Kleppe Ansvarleg søkjar: Aarland bygg & eiendomsutvikling AS Plankart er datert: 11.03.2014. Føresegn er datert: 11.03.2014. Planskildring er datert: 11.03.2014. ROS-analyse er datert: 27.09.2013 Utval for plan og byggesak ynskjer at ny formulering av rekkefølgjekravet vedrørande veg takast inn i føresegna: Kryss med tilhøyrande frisiktsoner skal opparbeidast i samsvar med planen før hamneområdet og nye fritidsbustader vert tekne i bruk. Frist for uttale er 6 veker frå kunngjering. Austevoll kommune kunngjer oppstart av planarbeid i minst ei avis, og gjennom elektroniske medium. Austevoll kommune orienterer dei som etter lova har krav på skriftleg varsel om planoppstart (grunneigarar, heimelshavarar, naboar, styresmakter mm.).
Vedlagte saksdokument: Dok.dato Tittel 06.03.2014 Knappen Rosanalyse.pdf 06.03.2014 Innspel og komm Knappen.pdf 11.03.2014 Knappen Planomtale. 11.03.2014.doc 12.03.2014 140311_revidert PLAN A1.pdf Bakgrunn for saka: Planområdet har ikkje vore regulert tidlegare, men skal nå regulerast i samsvar med kommuneplanen. Storleiken på planområdet er ca. 90 daa. Planområdet skal regulerast til fritidsbustad-felt, i tillegg til eit naustområde med småbåthamn og kaifront. Veg, gang- og sykkelveg, samt felles parkeringsplassar skal lagast inne i planområdet. Nærmare skildring av plan går fram av planskildring som er lagt ved. Innkomne merknadar: Statens vegvesen, 21.07.2011 Statens vegvesen hevdar planområdet må leggje til rette for gode interne gangvegar og stiar slik at ein slepp å gå langs fylkesvegen for å kome til båthamna. Dei aksepterar at det berre er ei avkøyrsle inn til planområdet. Avkøyrsla skal utformast som eit kryss, med svingradius 9 meter. Fri siktsoner skal vera 6x52 meter. Frisiktlinjer skal visast med tal og symbol på plankartet. Det skal setjast av ei 3 meter brei arealstripe langs sidane av fylkesvegen som vert vist som anna veggrunn. Byggegrensa må visast med tal og symbol på plankartet. Det må vurderast om det er naudsynt med eit busstopp i planområdet. Det må setjast eit krav til rekkefølgje i føresegna til planen at evt. busslomme, og kryss med tilhøyrande frisiktsoner skal opparbeidast i samsvar med planen før hamneområdet og nye fritidsbustader vert tekne i bruk. Rådmannens vurdering: Ansvarleg søkjar har teke omsyn til gode interne gangvegar og stiar i planområdet, samt at det berre vert ein avkøyrsle inn til planområdet. Omsyn til frisiktsoner er og teke. Kva som er anna veggrunn går fram av plankartet. Det er ikkje teke omsyn til busstopp/busslomme i planområdet. Det er ikkje korrekt lagt inn i føresegna eit rekkefølgjekrav om kryss med tilhøyrande frisiktsoner. Ny formulering til rekkefølgjekrav går fram nedanfor under Vurdering. Fiskeridirektoratet, region vest, 12.08.2011
Fiskeridirektoratet hevdar at aust for grensa til planområdet er området i vika sett av til fiskeriføremål kast og låssetting. Området er kategori A (høgste grad) og saka er sendt på høyring til Austevoll fiskarlag for nærmare avklaring. Det er krav om at utbygging av naust/småbåthamn ikkje må kome i konflikt med fiskaranes bruk av området. Rådmannens vurdering: Ok. Ansvarleg søkjar har teke omsyn til merknad. Fiskarlaget Vest, 05.09.2011 Fiskarlaget Vest meinar at reguleringsgrensa må gå i strandsona forutan der det er tenkt småbåthamn. Området i aust er registrert som kaste- og låssettingsplass. Ei evt. bygging av småbåthamn må ikkje kome i konflikt med framleis bruk av området til kasting og låssetting. Det gjeld kast, slep, manøvrering og stengsetting. Det må takast omsyn til vidare i planlegginga. Det må og takast omsyn til evt. fortøyingar av flytebryggjer/båtar. Rådmannens vurdering: Reguleringsgrensa går ikkje i strandsona i vest, men rett utanfor. Området i vest er merka på plankart som Bruk og vern av sjø og vassdrag med tilhøyrande strandsone. Det må vera ok. I aust er det teken omsyn til at småbåthamna ikkje skal vera i konflikt med kaste- og låssettingområdet. Hordaland Fylkeskommune, 03.06.2013 Det vart sett krav om ei arkeologisk registrering den 29.08.2011. Kostnadsoverslag vart godkjend av tiltakshavar 02.04.2013. Registreringa vart utført 13.-15.05.2013. Det vart ikkje påvist nye automatisk freda kulturminne i planområdet. Det ligg ei gravrøyse delvis innanfor planområdet den må visast i plankartet med omsynssone d) og c), eventuelt må plangrensa endrast slik at eigedom gnr.25 bnr.9 vert teken ut av planen. Rådmannens vurdering: Ansvarleg søkjar har teke eigedom gnr.25 bnr.9 ut av planen. Det er av den grunn ikkje lenger noko automatisk freda kulturminne i planområdet. Vurdering: Rådmannen har vurdert planforslaget, og innkomne merknader. Ansvarleg søkjar har ikkje retta alle merknader, men har elles oppdatert plankart, føresegn, planskildring og ROSanalyse. Rådmannen rår til at merknaden frå Statens vegvesen om rekkefølgjekrav om kryss med tilhøyrande frisiktsoner vert lagt inn i føresegna, då det berre er sagt i føresegna at Avkøyringa med frisiktsoner mot veg må visast i situasjonsplan ved søknad om tiltak og vere 6x52m til fylkesvegen. Det er og vist til at Statens vegvesen har eit krav som må takast inn i føresegna, men er ikkje formulert korrekt som eit rekkefølgjekrav. Rådmannen sitt forslag til formulering av rekkefølgjekravet er: Kryss med tilhøyrande frisiktsoner skal opparbeidast i samsvar med planen før hamneområdet og nye fritidsbustader vert tekne i bruk. Rådmannen rår til at reguleringsplanforslaget vert lagt ut til offentleg høyring og ettersyn.