ULSTEIN KOMMUNE SAKSFRAMLEGG Sakshandsamar: Anne Guri Aase Arkivsak: 2011/148 : Utvalsaksnr. Utval Møtedato 15/6 Teknisk utval 21.01.2015 15/6 Ulstein kommunestyre 05.02.2015 Saka gjeld: DETALJREGULERING KVALNESET - HANDSAMING ETTER OFFENTLEG ETTERSYN Vedtak i Ulstein kommunestyre, 05.02.2015: Handsaming: Tilrådinga frå teknisk utval vart vedteke med 25 mot 0 røyster. Tilråding frå Teknisk utval, 21.01.2015: Handsaming: Dokument i saka unnateke offentleg innsyn etter Offentleglova 13, Fvl. 13 vart lagt fram i møtet. Røysting: Tilrådinga frå rådmannen vart vedteken med 7 mot 0 røyster. Tilråding frå Rådmannen:
i arkivsak 2011/148 Side 2 av 5
Saksfakta: Vedlegg: 1. Oversiktskart 1:5000 2. Framlegg til plankart, datert 25.08.2014, sist revidert 08.01.2015 3. Framlegg til føresegner, datert 19.09.2014, sist revidert 08.01.2015 4. Merknad frå Fylkesmannen i Møre og Romsdal, datert 28.11.2014 5. Merknad frå Møre og Romsdal fylkeskommune, datert 26.11.2014 6. Merknad frå Statens Vegvesen, datert 02.12.2014 7. Merknad frå Direktoratet for mineralforvaltning, datert 8. Merknad frå Søre Sunnmøre landbrukskontor, datert 28.11.2014 9. Merknad frå Levekårsutvalet, datert 10.11.2014 10. Merknad frå fellesrådet for eldre og menneske med nedsett funksjonsevne, datert 10.11.2014 11. Merknad frå Ann-Helen og Sigmund Norli, datert 27.10.2014 12. Prinsippsnitt frå Sporstøl Arkitekter AS, datert 09.12.2014 13. Vurderingar av naturmangfaldslova 8-12, datert 16.12.2014 14. Samla saksutgreiing frå TU-sak PS 14/127 Uprenta vedlegg: Plankart offentleg ettersyn datert 25.08.2014 Framlegg til føresegner offentleg ettersyn datert 30.09.2014 Planomtale Kvalneset I samsvar med vedtak i teknisk utval 08.10.2014 har framlegg til detaljregulering for Kvalneset masseuttak vore til offentleg ettersyn i perioden 10.10.2014 28.11.2014. Det har kome fråsegn frå 7 instansar og 1 nabo. Fylkesmannen i Møre og Romsdal skriv at verksemda er regulert av forureiningsforskrifta kap. 30 og skal følgje dei grenseverdiane som er sett der for utslepp av støy, støv og utslepp til vatn. Ved utviding av området må det utarbeidast nytt støysonekart og det må lagast ein plan for måling av støv. Det må gjerast ei systematisk gjennomgang av prinsippa i naturmangfaldslova 8-12, då planomtalen ikkje oppfyller dette kravet. Møre og Romsdal fylkeskommune skriv at det må skiljast betre i plankartet dei to ulike sikringssonene. Det er vist til det ikkje er gjort greie for kva konsekvensar inngrepet har i forhold til registrert hjortetrekk. Likevel er ikkje dette vesentleg for avgjerda og kan tilrå eigengodkjenning. Statens Vegvesen skriv at for å ivareta trafikktryggleiken i området og unngå konflikt ved fortsatt drift, må utbyggjar senke terrenget i frisiktsona og halde busker og kratt nede innanfor området. Det vil vere naturleg å gjere ein geologisk kartlegging for vurdering av permanent sikring av anlegget, dersom det ikkje allereie er gjort. Gamlevegen rundt Kvalneset er offentleg eigd areal og bør ikkje verte innlemma som ein del av anleggsområdet i den daglege drifta. Dei ber om at det i plankartet vert vist ei buffersone mellom vegen og resten av området. Direktoratet for mineralforvaltning skriv at det er krav om konsesjonsplikt etter minerallova 43. Det er i planen lagt inn soner for vegetasjonsskjerming og sikringsgjerde, og dei minner om at det bør vere mogleg å kome til på båe sider av sikringsgjerdet. Elles vert det vist til at det er krav om ein driftsplan knytt til drift av masseuttaket, avslutningsplan, sikring under og etter avslutta drift, økonomisk styring og bergteknisk kompetanse. i arkivsak 2011/148 Side 3 av 5
Søre Sunnmøre landbrukskontor har ingen merknadar til planarbeidet. Levekårsutvalet tek detaljreguleringa til vitande. Fellesrådet for eldre og menneske med nedsett funksjonsevne har ingen merknadar til detaljreguleringa. Delar av merknaden frå Ann-Helen og Sigmund Norli er unnateke offentlegheita, og merknaden i si heilheit vert utlevert på møtet. Forholda er ikkje direkte plansak, men er viktig å setje fokus på. Kommuneoverlegen er informert om saka. Dei skriv i merknaden at dei er mykje plaga med støv frå knuseverket, og spesielt på tørre dagar der det er mykje køyring. Vegvesenet har hatt støyberekningar ved bustaden, men berekningane var på 40 db (42 db er grensa for å få dekt støyskjerm). Viser til at sprengingsarbeidet har tatt skikkelig tak i huset, bilete har falt frå vegg og ting velta i hyller. I dag får dei vatn frå ein brønn ovanfor huset, og er redd dei kjem til å misse vatnet når uttaket vert utvida. Vurdering: Ut frå merknadane frå fylkesmannen har det vore gjort tilføyingar i føresegnene med tanke på støyberekningar, støy- og støvmålingar: 9.4 Støysonekart for masseuttaket skal utarbeidast seinast ved oppstart av masseuttak i BSM 4. Det skal gjennomførast støymålingar på gnr. 20, bnr. 22 (Garnes), gnr. 29, bnr. 1 (Kjerringneset), og gnr. 21, bnr. 2 (Botnen) seinast ved oppstart av masseuttak i BSM 4. Tiltak skal gjennomførast om støynivåa som følgje av drift i masseuttaket ikkje er tilfredstillande etter kap. 30 i forureiningsforskrifta. 9.5 Det skal gjennomførast undersøkingar og utarbeiding av plan for måling av støv frå verksemda seinast ved oppstart av masseuttak i BSM 4. Plankonsulent har gjort ei systematisk gjennomgang av prinsippa i naturmangfaldslova 8-12, sjå her vedlegg 13. Det er i tråd med merknad frå Statens Vegvesen sett inn krav i føresegnene om ei utbetring av eksisterande vegtilkomst, ved at utbyggjar senke terrenget i frisiktsona mot tunnelen. Vidare vert det frå Ulstein betongindustri opplyst om at det vert gjort kontinuerlige tiltak i siktsona med tanke på kratt og skog, og at det er gjort geologiske undersøkingar i tilknyting til denne. 9.6 Det skal før oppstart av masseuttak i BSM 4 gjerast utbetringar ved eksisterande tilkomst til fylkesvegen ved senking av terreng og fjerning av buskar og kratt. Det er i plankartet lagt inn eit område med vegetasjonsskjerm mellom gamlevegen rundt Kvalneset og anleggsområdet, regulert som GV 1 vegetasjonsskjerm. Plankonsulent skriv at arbeidet med konsesjonssøknaden er starta og snart vert sendt over til Direktoratet for mineralforvaltning. Det er også sikra tilkomst til begge sider av sikringsgjerdet i føresegnene: 6.1 Sikringsgjerdet skal vere tilgjengeleg frå begge sider. i arkivsak 2011/148 Side 4 av 5
Ut frå merknaden frå Direktoratet for mineralforvaltning har 4.b vorte fjerna, medan ny 4.b har fått følgjande ordlyd: 4.b Området BSM 1 skal nyttast til område for knuseverk og driftsveg i heile driftstida til masseuttaket og deponiet. BSM 2 BSM 4 skal nyttast til område for masseuttak og deponi av reine massar. Når det gjeld sprenging opplyser Ulstein betongindustri at dei har rutinar for varsling av nabo ved sprenging. Oppstår det problem med vatnet til nabo, vil Ulstein betongindustri få utbetra dette. Ulstein betongindustri vil ta kontakt med naboen for å få klargjort kvar brønnen er lokalisert. Det har vorte gjort nokre mindre redaksjonelle endringar i plankartet ved at einingane for dei ulike arealføremåla har vorte oppdatert i samsvar med nasjonal produktspesifikasjon, samt ei tydligare skildring mellom dei to sikringssonene. Konklusjon: Med endringar i føresegner og plankart i samsvar med vurderingane ovanfor, vert framlegg til detaljregulering for Kvalneset masseuttak å sende over til kommunestyret for godkjenning. 08.01.2015 Einar Vik Arset Rådmann Arne Runar Vik Kommunalsjef teknisk Dokumentet er elektronisk godkjent og har ingen signatur. i arkivsak 2011/148 Side 5 av 5