Saksnr. Utval Møtedato 068/17 Teknisk-og samfunnsutval Detaljreguleringsplan for masseuttak i Hjelmelandsdalen - Offentleg ettersyn

Transkript

1 Eid kommune FA - L13, HIST - Arkiv: 15/1210, PLANID JournalpostID: 17/12300 Saksbehandlar: Marte Lindberg Vedtaksdato: Saksframlegg Saksnr. Utval Møtedato 068/17 Teknisk-og samfunnsutval Detaljreguleringsplan for masseuttak i Hjelmelandsdalen - Offentleg ettersyn Bakgrunn for saka: Nordplan AS har på vegne av private forslagsstillarar Torulf Hjelmeland og Håvard Orheim utarbeidd eit framlegg til detaljreguleringsplan for masseuttak i Hjelmelandsdalen. Formålet med planframlegget er å legge til rette for uttak av masser. Saka blir no lagt fram for teknisk- og samfunnsutvalet for vedtak om utlegging til offentleg ettersyn. Rådmannen sitt framlegg til vedtak: Med heimel i plan- og bygningslova vert privat framlegg til detaljreguleringsplan for masseuttak i Hjelmelandsdalen, vedteke lagt ut til offentleg ettersyn i seks veker, slik det ligg føre med endringar som nemnt i vurderinga under. Vedlegg i saka: _RIAKU01_REV1-Hjelmeland massetak, Eid Støyfaglig vurdering_a _memo01_Rev01_Hjelmeland_Støvutredning Plankart_ Føresegner_Hjelmeland_ Planomtale_ Innspelsskjema_ Vs masseutak av stein Naboar klagemerknader til masseuttak i Hjelmelandsdalen på gnr bnr Gjeld varsel om oppstart av arbeid med reguleringsplan for Hjelmeland masseuttak - Del av GBnr Eid kommune HSA EID Fråsegn til oppstart av arbeid med detaljreguleringsplan for Hjelmeland masseuttak på gbnr _ Eid kommune - innspel til varsel om oppstart av arbeid med reguleringsplan for Hjelmeland masseuttak Teknisk-og samfunnsutval : Handsaming:

2 Fellesframlegg frå TSU: Med heimel i plan- og bygningslova vert privat framlegg til detaljreguleringsplan for masseuttak i Hjelmelandsdalen avvist, med bakgrunn i at veisystemet i området ikkje er eigna til eit slikt tiltak. Det vart røysta alternativt mellom fellesframlegget og tilrådinga til rådmannen. Fellesframlegget vart vedteke samrøystes. TSU- 068/17 Vedtak: Med heimel i plan- og bygningslova vert privat framlegg til detaljreguleringsplan for masseuttak i Hjelmelandsdalen avvist, med bakgrunn i at veisystemet i området ikkje er eigna til eit slikt tiltak. Saksopplysningar: Ein detaljreguleringsplan består av ei planomtale, føresegner og eit plankart. Plankartet og føresegnene er juridisk bindande for framtidig bruk og vern i det regulerte området. I planomtalen finn du meir informasjon om bakgrunnen for utforming av plankart og føresegner. Forhold til kommuneplanen sin arealdel Forslaget til detaljreguleringsplan er avgrensa til området som er sett av til råstoffutvinning i kommuneplanen sin arealdel , jf. område BRU02 i Hjelmelandsdalen. Planforslaget er med dette i samsvar med vedteken overordna arealbruk for Eid kommune. Spesielle føringar ved regulering av masseuttak/steinbrot Ansvaret for regulering av uttak av mineralske førekomstar er delt mellom Direktoratet for mineralforvaltning, Fylkesmannen og kommunen. Mineraluttak er regulert av konsesjon etter minerallova og driftsplanen er forankra i minerallova. Forvaltar av minerallova er Direktoratet for mineralforvaltning, som har ansvar for å sjå til at drifta av masseuttaket skjer i samsvar med driftsplan og konsesjon. Tilhøva til forureining, slik som støy, støv og avrenning, vert styrt gjennom forureiningslova, med tilhøyrande forureiningsforskrift. Kapittel 30 i forureiningsforskrifta omfattar forureining frå produksjon av pukk, grus, sand og singel spesielt. Det er Fylkesmannen som forvaltar dette lovverket. Planavklaring, dvs. bruken av området som masseuttak, vert gjort gjennom plan- og bygningslova, der kommunen er planmynde. Til reguleringsplanar for masseuttak kan det gjevast føresegner om støy, driftstider, og andre forhold som fell inn under både kommunen, Fylkesmannen og Direktoratet for mineralforvaltning sitt ansvarsområde. Reguleringsplanane er kommunane sine planar, og det er kommunen som er ansvarleg for å sjå til at reguleringsplanen vert følgd. Det er såleis viktig at det i reguleringsplanen ikkje vert gjeve føresegner for tilhøve som kommunen ikkje rår over, dette vert også presisert i Temaveileder - Uttak av mineralske forekomster og planlegging etter plan- og bygningsloven. I temarettleiaren er det lagt til grunn at forhold som vert avklart i driftsplanen godkjent av direktoratet ikkje bør gjentakast i reguleringsplanen. Driftsplanen har som føremål å ta i vare omsynet til sikkerheit og god drift, og dette bør etter statleg mynde sitt syn ikkje kommunen forsøke å regulere og følgje opp i reguleringsplan. Når det gjeld ureining, er det i rettleiaren

3 peika på at grenseverdiane for støy går direkte fram av forureiningsforskrifta kap. 30 og ikkje bør gjentakast i reguleringsplanen. Innkomne uttaler ved varsel om oppstart Ved varsel om oppstart kom det inn 7 uttaler til planarbeidet. Samandrag og vurdering av desse er å finne som vedlegg til planomtalen; Innspelskjema_ Uttalene er frå desse aktørane: 1. Bebuarar på Hjelmeland 28 underskrifter frå grunneigarar 2. Knut Johan Hjelmeland for Ester Hjelmeland, Gbnr. 24/7 3. Direktoratet for mineralforvaltning 4. Statens vegvesen region vest 5. Noregs vassdrags- og energidirektorat (NVE) 6. Sogn og Fjordane fylkeskommune 7. Fylkesmannen i Sogn og Fjordane Innhaldet i uttalene er også oppsummert i planomtalen kapittel 3.4: Naboar og grunneigarar er bekymra for konsekvensane av planlagd masseuttak når det gjeld hjortejakt og nærliggande beiteareal, støy og støvplager, terrenginngrep, tap av friluftsområde og vegstandard. Offentlege høyringsinstansar har trekt fram trafikksituasjonen og avkøyrsel til fylkesvegen, støv og støy, konsekvens for barn og unge, samt for landbruk. Vurdering: Rådmannen meiner at framlegget til detaljreguleringsplan for masseuttak i Hjelmelandsdalen følgjer opp hovudtrekka i kommuneplanen sin arealdel og tilrår difor at planframlegget vert lagt ut til offentleg ettersyn slik det ligg føre med følgjande endringar: Føresegner: Støy: Gul omsynssone (H220) er markert i plankartet, med tilhøyrande føresegn som seier at støyreduserande tiltak skal setjast i verk dersom krav i rundskriv T-1442 frå Miljøverndepartementet ikkje er tilfredsstilt. I følgje støyrapport utarbeida av SWECO, er grenseverdiane for alle naboeigedomane tilfredsstillande, med unntak av fritidsbustad på gbnr. 91/3. Fritidsbustaden ligg utanfor planområdet, og er såleis ikkje omfatta av støysona. Føresegn 8.2 vil såleis ikkje sikre støyreduserande tiltak for eigedomen. Med bakgrunn i dette er det lagt inn eit bestemmelsesområde med tilhøyrande føresegn 9.1 #1 Redusert driftstid; For å redusera støynivåa ved fritidsbustaden på gards/bruksnr. 91/3 må avdekka jordmassar leggjast opp som vollar vest for og tett på områda der ein borar, samt redusert driftstid maksimalt 8 timar per arbeidsdag (mellom kl :00). Dette må gjerast ved boring innanfor område #1. Driftstider er regulerte i kap. 30 i Forureiningslova, og det er ikkje ønskjeleg å gå utover forureiningsforskrifta med eigne føresegner knytt til driftstid. Ein foreslår følgjande endring: 9.1 #1 Driftstider skal forhalde seg til den forureiningsforskrifta som til ei kvar tid er gjeldande. For å redusera støynivåa ved fritidsbustad på gards./bruksnr. 91/3 må avdekka jordmassar leggjast opp som vollar vest for og tett på områda der ein borer. Dette må gjerast før boring innanfor område #1. Støv: Drivar av masseuttaket vil vere ansvarleg for å vurdere støvdempande tiltak. Ein rår såleis til at siste del av føresegn 5.1 h)..ved knusing skal støvdempande tiltak vurderast, som t.d. tildekking eller vatning vert teken ut. Som nemnt i tidlegare

4 saksopplysningar, er dette også med omsyn til at ein vil unngå å gjenta tema i detaljreguleringsplanen som allereie er regulert av forureiningsforskrifta. Veg: Tilkomst fram til avkøyrslene til massuttaket skal vere dimensjonerte etter dimensjoneringsklasse A2 - Tilkomst til industriområde. Her må det innarbeidast eit rekkjefølgjekrav i føresegner: Tilkomstveg f_sv1 skal oppgraderast til dimensjoneringsklasse A2 før avkøyrsle SV3 blir etablert. Tilbakeføring av areal: Arealet skal ha etterbruk som LNF-føremål. Det må innarbeidast føresegner som sikrar at arealet vert tilplanta og tilbakeført, slik at det kan nyttast til nemnte formål: Vegetasjon av stadeigne artar skal etablerast i overgangssoner og på pallar etter kvart. Toppdekket bør vere min cm av naturleg grus og jord for at planterøtene skal kunne feste seg og ha høve til å ta opp vatn. Ved avslutning av masseuttaket skal området setjast i stand i samsvar med avslutningsplan som følgjer av godkjend driftsplan. Planomtale: Skogbrann: I ROS-analysen er skogbrann vurdert til å vere ei problemstilling som ikkje er relevant, då skogen innanfor området er fjerna. Kringliggande skog, utrykkingstid og tilgang til sløkkevatn er ikkje vurdert. Dette må vurderast. Uttak av masser og trafikk: Av planomtalen kjem det fram at det samla uttaket vil vere på m³, der årleg uttak vil vere på m³. Dette utgjer rundt 230 år med drift, og ein burde såleis sei noko om når arealet er tenkt tilbakeført til LNF-føremål. Barn og unge sine interesser: I kap. 7.7 blir det vurdert til at auka trafikk på fylkesveg til riksveg vil kunne gje ein negativ verknad for mjuke trafikantar. I neste kapittel er barn og unge sine interesser berre vurdert innanfor planområdet, og det manglar såleis ei vurdering av dei eksterne verknadane av planen i forhold til dette. Plankart: Veg (f_sv1) må endrast til 6 meter, jf. Vurdering av tilhøyrande føresegn ovanfor. Offentleg ettersyn skal sikre at offentlege organ, naboar, interesseorganisasjonar og andre får høve til å uttale seg om planforslaget før endeleg vedtak. Når høyringsfristen er ute vil rådmannen vurdere planforslaget på nytt med utgangspunkt i innkomne uttaler. Oppsummering:

5 #1 Driftstider skal forhalde seg til dei forskrifter som til ei kvar tid er gjeldande. For å redusera støynivåa ved fritidsbustad på gards./bruksnr. 91/3 må avdekka jordmassar leggjast opp som vollar vest for og tett på områda der ein borer. Dette må gjerast før boring innanfor område # h)..ved knusing skal støvdempande tiltak vurderast, som t.d. tildekking eller vatning vert teken ut. 3. Rekkjefølgjekrav: Tilkomstveg f_sv1 skal oppgraderast til dimensjoneringsklasse A2 før avkøyrsle SV3 blir etablert. 4. Vegetasjon av stadeigne artar skal etablerast i overgangssoner og på pallar etter kvart. Toppdekket bør vere min cm av naturleg grus og jord for at planterøtene skal kunne feste seg og ha høve til å ta opp vatn. 5. Ved avslutning av masseuttaket skal området setjast i stand i samsvar med avslutningsplan som følgjer av godkjend driftsplan. 6. Faren for skogbrann med omsyn til kringliggande skog, utrykkingstid og tilgang til sløkkevatn må vurderast tilstrekkeleg i ROS-analysen. 7. Det må gjerast greie får når arealet er tenkt tilbakeført til LNF-formål. 8. Eksterne verknader av planforslaget med omsyn til barn og unge sine interesser og auka trafikk må vurderast. 9. Veg f_sv1 må endrast til 6 meter i plankart. Økonomiske konsekvensar: Behandling av private framlegg til detaljreguleringsplanar inngår i kommunen si daglege drift.