VESTNES KOMMUNE Saksframlegg Arkiv: L12 Arkivsaksnr.: 2008/691 Saksbehandlar: Jan Rune Jacobsen Dato: 10.09.2009 Reguleringsplan for Vestnes Renovasjon AS i Øveråslia Utval Møtedato Utvalssak Planutvalet 03.11.2009 93/2009 Kommunestyret 19.11.2009 99/2009 Administrasjonssjefen si innstilling reguleringsplan for Vestnes Renovasjon AS i Øveråslia med føresegner, begge revidert den 24.10.2009. Saksprotokoll i Planutvalet - 03.11.2009 Behandling: Avrøysting: 1 røyst mot innstillinga (Skafti Helgason (SV) 8 røyster for innstillinga (Knut Flølo (Fr.p.),Sonja Flølo (Fr.p.), Arne Jan Steen (Fr.p.), Randi Bergundhaugen (H), Steinar Aasgard (V), Karsten Gjerde (Kr.f.),Tore Gjelsten (Ap), Siv Tomren (Sp) Vedtak: Planutvalet sitt endelege vedtak: reguleringsplan for Vestnes Renovasjon AS i Øveråslia med føresegner, begge revidert den 24.10.2009.
Saksprotokoll i Kommunestyret - 19.11.2009 Behandling: Guttorm Kjelsvik erklærte seg inhabil. Guttorm Kjelsvik vart samrøystes erklært inhabil. Jan Rune Jacobsen erklærte seg inhabil som saksbehandlar. Avrøysting: Innstillinga vart vedteke med: 23 røyster for 1 røyst mot. Vedtak: Kommunestyret sitt endelege vedtak: reguleringsplan for Vestnes Renovasjon AS i Øveråslia med føresegner, begge revidert den 24.10.2009. SAKSUTGREIING: Bakgrunn: Forslag til reguleringsplan for Vestnes Renovasjon er utarbeidd av konsulentfirmaet JOBing. Vedtak om utlegging til offentleg ettersyn vart gjort i Planutvalet den 3. juni 2009. Adm.sjefen legg såleis til grunn at saksbehandlinga skal følgje Plan- og bygningslova av 1985 og ikkje den nye som trådde i kraft 1. juli 2009. Planen omfattar det arealet renovasjonsselskapet nyttar i dag og aktuelt tilleggsareal, samt tilliggande areal for planlagt motorsportsanlegg. Frist for merknader vart sett til 10. juli 2009. Fristen vart seinare utvida til 24. juli etter forespørsel frå grunneigarane på Sørås. Det er mottatt 6 merknader til planforslaget, som alle er kommentert nedanfor. Vurdering av merknader: Møre og Romsdal Fylke har ikkje varsla motsegn til planen, men foreslår at 5.2 i føresegnene vert omarbeidd slik at det er reguleringsplanen som styrer når på dagen motorsportsaktiviteten kan skje, og ikkje eit reglement om skal utarbeidast seinare. Vidare minner dei om at arealet ligg i område med produktiv skog og etterlyser kommunens vurdering av dette. Til slutt meiner dei utgreiinga er noko mangelfull knytt til korleis motorsportsanlegget vil påverke turområdet på Åsfjellet. Adm.sjefen forstår ønsket om styring av opningstidene for motorsportsanlegget, men trur likevel det er lettare å sette opp slikt regleverk i samband med detaljplanlegging av anlegget når fleire moment og detaljar er kjende. Når det gjeld støypåverknad frå motorsportsanlegget på Åsfjellet som turområde, meiner adm.sjefen det er ønskeleg at tiltakshavar i samband med detaljplanlegging utarbeider detaljerte støyberekningar basert på støymålingar med realistisk
støykjelde, som del av grunnlag for beslutningsprosessen ved eventuelt realisering av motorsportsanlegget. Føresegnene 5-2 er endra slik at det vert sett krav til dette før anlegget kan godkjennast. Adm.sjefen vurderer derfor føresegnene som tilstrekkelege og betryggande. Når det gjeld produktiv skog viser adm.sjefen til vedlagt notat frå skogbruksansvarleg i Vestnes som utifrå ei totalvurdering ikkje har skogfaglege innvendingar mot dei føreslegne endringane av bruken i området. Barnerepresentanten i Vestnes kommune ber om at ein så godt som råd forsikrar om at anlegget ikkje vil deponere avfallsstoff som kan skade barn og unge som driv sin sport i Øveråslia. Adm.sjefen viser til at Vestnes Renovasjon understrekar at det avfallet dei tek imot i dag og i framtida ikkje er av ein slik karakter at det representerer fare eller helserisiko. Tekniske tenester i Vestnes kommune meiner at avløp frå nytt deponeringsareal, motorsportsareal og eksisterande komposteringsareal må førast inn på avløpsnettet. Adm.sjefen føresett at forvaltninga set dei krav til anlegget som til ein kvar tid er passande etter gjeldande lovverk. Helge Øverås vil ikkje ha avmerka lunneplass i planen på sin eigedom gnr 56 bnr 1. Ordet lunneplass på gnr 56 bnr 1 er fjerna frå plankartet. Bodil Bryn og Inge Kvistad ønsker ikkje å ha motorsportsanlegg i Øveråslia og ber om at andre lokaliseringar vert vurdert. Dei er redde for støy og ønsker meir utgreiing både om støy og korleis landskap, flora, fauna og friluftsliv vert påverka. Adm.sjefen viser til sine kommentarar i sakutgreiing til Planutvalet ved 1. gongs behandling av planforslaget sak 45/09 den 03.06.09: Adm.sjefen er einig i at det er mest ideelt med ein overordna planprosess inkl. vurdering av fleire lokalitetar, som grunnlag for reguleringsplan for motorsportsanlegg. Det må likevel registrerast som positivt at initiativtakarane saman med velvillige grunneigarar har kome fram til eit muleg forslag, samtidig som det truleg er vanskeleg å finne gode alternativ. Med bakgrunn i lokalkunnskap vil adm.sjefen legge til at det er vanskeleg å finne eit betre eigna og meir avskjerma område i Vestnes kommune som samtidig har god tilkomst til offentleg veg. Når det gjeld spørsmålet om ytterlegare utgreiingar held adm.sjefen fast på vurderingar og konklusjon ved 1. gongs behandling: Utgreiinga viser at planen ikkje er i konflikt med områder med særleg verdifullt landskap, naturmiljø, kulturminne eller verneinteresser. Planområdet vil berre i mindre grad berøre Åsfjellet som friluftsområde. Støyberekningane viser at støy frå motorsportsanlegget ikkje vil vere til sjenanse for busetnaden. I samband med friluftsaktivitet kan avstandsstøy frå slike anlegg likevel vere sjenerande, sjølv om berekna verdiar ligg innafor regelverk. I sum vurderer adm.sjefen det likevel slik at planane ikkje vil gi vesentlege verknader for miljø, naturressursar og samfunn og at det dermed ikkje er relevant å kreve KU. Når det gjeld støypåverknad, viser adm.sjefen viser elles til kommentar under merknaden frå Fylket. Grunneigarane på Sørås v/jon Søraas, Jan Eirik Søraas, Else og Øystein Solbakken: 1. Viser til at tiltaket er etablert i område for friluftsformål og syns det er merkeleg at dette ikkje har vore tema i kommuneplanens arealdel. 2. Meiner det burde vore utgreidd andre lokalitetar for motorsportsbane. 3. Hevdar at det er automatisk krav til KU etter forskrifta 2 sidan avfallsanlegget truleg har kapasitet på meir enn 100 tonn pr. dag. 4. Kritiserer at adm.sjefen har vurdert tiltaket etter 3 i KU-forskrifta og konkludert med at KU ikkje er nødvendig. Grunneigarane er ikkje einige i konklusjonen og insinuerer at adm.sjefen har vektlagt einsidige interesser og at adm.sjefen såleis ikkje er nøytral.
5. Viser vidare til pågåande reguleringsplan med KU for masseuttak på Furneset og saknar den fullverdige debatten om restarealet på denne halvøya 6. Meinar at fisken i Søråsvatnet er infisert av måsemark, som følgje av at store måseflokkar mellomlandar i Søråsvatnet på tur til og frå renovasjonsanlegget. Vidare at aukande kråkefuglebestand fortrenger andre naturlege skogsfuglartar. 7. Er bekymra for kva påverknad støy kan ha for viltet i området. 8. Meiner dei har rett på buffersone på 30 50 m mot Søråseigedomen og at dette må vere inkludert i reguleringsplanen. 9. Er til slutt opptatt av at gjeldande vegrettar vert sikra for all framtid til Søråseigedomen. 1. Adm.sjefen er einig i at renovasjonsanlegget burde vere inkludert i kommuneplanens arealdel. Dette er ein av fleire manglar i arealplanen, som gjer den til eit dårlegare styringsreiskap enn den burde vere. Det er ei utfordring å rette på dette ved neste høve. 2. Vedkomande alternative lokalitetar for motorsportsbane viser adm.sjefen til kommentaren under merknaden frå Kvistad. 3. Slik adm.sjefen les KU-forskrifta, kjem ikkje planane inn under 2. I følgje vedlegg 1 til forskrifta gjeld dette avfallsanlegg for behandling av hushaldningsavfall ved forbrenning eller kjemisk behandling, noko som ikkje skjer ved Vestnes Renovasjon sitt anlegg. 4. Avfallsanlegg er konkret nemnt i 3 pkt. 1e i KU - forskrifta og skal såleis vurderast etter 4. Denne paragrafen listar i pkt. a j opp kriteria for vurdering av om tiltaket har vesentlege verknader for miljø, naturressursar og samfunn. Av desse punkta vurderer adm.sjefen pkt a, b, c og g som mest relevante. Adm.sjefen legg vekt på etter beste skjønn å gjere ei så balansert og nøytral vurdering som muleg, men held fast på at tiltaket ikkje er lokalisert i, eller i konflikt med, område nemnt i 4 pkt. a, b eller c. Tiltaket gir heller ikkje vesentleg auke i talet på personar som vert utsett for høg belastning av støy eller luftforureining etc., slik teksten lyder i 3 pkt g. Adm.sjefen vurderer såleis miljømessige forhold som tilstrekkeleg utgreidd i plandokumenta og at tiltaket ikkje har vesentleg negativ effekt på miljø, naturressursar eller samfunn. KU etter forskrift 3 er dermed ikkje relevant. Det kan likevel vere ønskeleg med meir detaljert informasjon om korleis støy frå motorsportsanlegget vil influere på friluftsområdet. Dette er ivaretatt i dei reviderte føresegnene. Sjå kommentar under merknaden frå Fylket. 5. Det er rett at renovasjons-/motorsportsanlegget på eine sida og masseuttak på andre sida kan skape press på resterande friluftsareal på Åsfjellet. Ein debatt om avgrensing av vidare etableringar i randsona til friluftsområdet på Åsfjellet er derfor eit naturleg tema ved neste rullering av kommuneplanens arealdel. Tilrettelegging og vern av friluftsområde er viktig, på same måte som tilrettelegging for samfunnsnyttige tiltak som eit renovasjonsanlegg og masseuttak. Vidare er tilretteleging av kulturtiltak som motorsportsanlegg, kunstgrasbaner, skytebane etc. også viktig tiltak, m.a. anna for å skape gode arenaer for ungdomsaktivitetar. Det er såleis svært mange omsyn å ta. Adm.sjefen viser til at areala til motorsport legg beslag på ein svært liten del av dei totale friluftsareala på halvøya og er tett integrert i arealet til renovasjonsanlegget. 6. Når det gjeld måsemark i fisk frå Søråsvatnet, tyder nye observasjonar på at bestanden av måse alt er redusert som følgje av at det er slutt på kompostering av avfall frå hushaldningar. Denne utviklinga vil venteleg fortsette. Som følgje av dette vil også bestanden av kråkefuglar bli redusert. Tvistar og ev. erstatningsspørsmål mellom Vestnes Renovasjon og naboane på Sørås må visast til det allminnelege rettsapparat. 7. Etableringa og inngjerding av dei aktuelle tiltaka kan påverke trekkmønsteret til hjorten, men vil truleg ikkje ha nokon vesentleg påverknad på hjortestammen i området. 8. Vedkomande bufferareal viser adm.sjefen til at det i samband med detaljplanlegging av motorsportsanlegget skal visast nødvendige buffersoner og gjerast direkte akustiske målingar i terrenget. Eventuelle støydempande tiltak skal konkretiserast i samband med søknad om godkjenning av anlegget. 9. Vestnes Renovasjon har lagt fram skriv som viser at vegrettane til Sørås blir ivaretatt og adm.sjefen legg til grunn at dette vert følgd opp av begge partar.
Oppsummering Det er ikkje reist motsegn til planforslaget. I tillegg til fjerning av teksten lunneplass på gnr 56 bnr 1, er revisjonen i plankartet avgrensa til ei presisering av at innteikna skogsveg også er tenkt nytta som tilkomstveg for motorsportsanlegget. Grunneigarane har heile tida vore innforstått med dette, noko som også er stadfesta i eige skriv. I tillegg er føresegnene gjort noko tydelegare kva gjeld krav til støyvurderingar. På denne bakgrunn vurderer adm.sjefen at ny utlegging til offentleg ettersyn ikkje er relevant. Planen kan dermed leggast fram for planutval og eigengodkjenning i kommunestyre. Særutskrift til: Etter adresseliste Vedlegg: 1 Kommentarar til merknadene etter offentlig ettersyn 2 Jordskiftesak 3 Notat om skogsvegrettar 4 Merknader frå grunneigarane på Sørås 5 Merknad frå Bodil Bryn Kvistad og Inge Kvistad 6 Uttale frå Barnerepresentanten 7 Merknad frå Helge Øverås 8 Fråsegn frå Møre og Romsdal Fylke 9 Informasjon om deponerte mengder i 2008 - kopi av brev til Søraas og Solbakken 10 Miljørapport - 2008 11 Svar på krav om forlenga høyringsfrist 12 Krav om forlenga høyringsfrist 13 Referat frå drøftingsmøte tekniske tenester 14 Reguleringsplan Vestnes Renovasjon - Plandokument del 1 - revidert 15 Melding om offentleg ettersyn Reguleringsplan for Vestnes Renovasjon AS 16 Annonse offentlig ettersyn - Reguleringsplan Vestnes Renovasjon AS 17 Referat frå oppstartskonferanse - Reguleringsplan - Vestnes Renovasjon AS 18 Melding om oppstart reguleringsplan i området ved Vestnes Renovasjon AS 19 2007.03.22. Oppstartnotat 20 Kontakt med Guttorm Kjelsvik - notat 21 Privat forslag til reguleringsplan Vestnes Renovasjon AS - oversendingsskriv 22 Adresseliste - Reguleringsplan Vestnes Renovasjon AS 23 Innkomne merknadar Reguleringsplan Vestnes Renovasjon AS 24 Støyberekningar - Reguleringsplan Vestnes Renovasjon AS 25 NMK Vestnes - omtale av anlegg og aktivitet Reguleringsplan Vestnes Renovasjon AS - Plandokument 1 26 Notat om skogvegrettar - Reguleringsplan Vestnes Renovasjon AS 27 Vestnes Renovasjon AS - Plandokument 2 28 Vestnes Renovasjon AS - Plankart 29 Vestnes Renovasjon AS - Illustrasjon 30 Stader for måling av støy - Vestnes Renovasjon AS 31 Skogfagleg uttale til reguleringsplan Vestnes Renovasjon AS 32 Forskrift om konsekvensutredningar 33 Reguleringsplan Vestnes Renovasjon AS - stadfesting bruk av skogsveg 34 Reguleringsplan Vestnes Renovasjon AS reviderte reguleringsføresegner 35 Reguleringsplan Vestnes Renovasjon AS - revidert plan