AG Plan og Arkitektur AS Rådgjevande arkitekt og ingeniør arkitektbedriftene RIF Ørsta 02.02.2017 Grunneigarar, off. mynde, organisasjonar Tiltak: OPPSTART AV PRIVAT REGULERINGSARBEID I samsvar med 12-8 i Plan- og bygningslova (27.6.2008) vert det med dette varsla oppstart av arbeid med DETALJPLAN FOR B43 OG NAUSTOMRÅDE LEIKONG I HERØY KOMMUNE. Målet med planarbeidet er å leggje til rette for ulike typar bustadar m/ tilhøyrande infrastruktur. I tillegg finn tiltakshavar det tenleg å ta med naustområde som vil stette opp om tilbodet om bustadtomter. Planområde AG Plan og Arkitektur AS Telefon: 70 06 16 00 Sentral Godkjenning: 2002011841 Webjørn Svendsen gate 12 Org.nr: 884 182 042 MVA 6150 ØRSTA www.agplan.no Besøksadr: Webjørn Svendsen gate 12 firmapost@agplan.no 6150 ØRSTA
Side 2 av 6 Tiltakshavar, vedtak om igangsetting av planarbeidet: Tiltakshavar er Raymond Audin Nykrem. Utførande konsulent er AG Plan og Arkitektur AS. Planområde: Det varsla området gjeld omtala fase 2 i planarbeidet der det skal lagast detaljplan. Planområdet er på om lag 40 daa som vist på kartutsnitt under. Arealet kan kome til å bli justert som følgje av arbeid i fase 1, jf. kartskisse side 4. I tilknyting til eksisterande avkøyrsler - til eks bustader og til naustområde/strandsona er teke med ca. areal til frisiktsone om desse vert oppretthaldne/utvida til kryss. Bustadområde Naustområde Planområde /plangrense: Gjeldande planar: Reguleringsplanar: Området er ikkje tidlegare regulert. Kommuneplanen: Kommuneplanen sin arealdel 2013-2025 vart vedteken i kommunestyre i K-sak 137/14 i møte 24.11.2014. Området B43 er vist som framtidig bustadareal med krav om reguleringsplan. Langs stranda er sett av areal til naustføremål, men dette arealet er heller smalt og kan vere vanskeleg å få til god løysing for. Ei utviding medfører avvik frå kommuneplanen, men ikkje i omfang som medfører krav om konsekvensutgreiing.
Side 3 av 6 Utsnitt frå arealdelen i kommuneplanen til Herøy. Spørsmål om oppstart: AG Plan og Arkitektur AS sendte inn spørsmål om oppstart av reguleringsarbeid til Herøy formannskap i brev datert 19.12.2016. Vedtak i Formannskapet - 24.01.2017: Formannskapet godkjenner søknaden om oppstart av detaljreguleringsplan for del av B43. Arealplanarbeidet vil omfatte: Kartutsnittet nedom viser planarbeidet sine fasar. I fase 1 vil vi utgreie overordna forhold av betydning der vi ser heile eigedomen til Nykrem som er lagt ut til bustadbygging i samanheng. Dette slik at delutbygging kan skje på forsvarleg vis. Moment som er tenkt avklara i denne fasen: - Plassering av vegføringar for utnytting av heile eigedomen innan B43/prinsippskisse: kontroll med konstruksjon av lengdeprofil. - Skisse med vurdering av /oppdeling i typar utbyggingsareal, leikeplassar inkl. - Avgrense 1. delområde som kan byggast ut - Avklaring av rasfare - Avklaring av støysituasjon frå fylkesvegen
Side 4 av 6 I fase 2: I denne fasen skal vi ut arbeide ein detaljreguleringsplan for 1. byggetrin av bustadfeltet samt nytt naustområde. Bustadfeltet er tenkt til frittståande bustader og bustader i konsentrerte former. Tal bustader sjåast i samanheng med kostnader knytt til vegtilkomst, overvatn mv. Naustområdet vert ein viktig del av tomtetilbodet. Tenkt avgrensing av naustområde vil avvike frå kommuneplanen. Endeleg avgrensing er ikkje klar. Siktemålet er å få til to rekkjer med naust og båtopptrekk. For å sikre båtopptrekket mot bølgjer kan det vere aktuelt med ein mindre molo utom opptrekket. Planavgrensinga inkluderer fylling i sjø til kote -2.0 NN2000. Omfanget av arealbruken «ut i fjorden»/retning sør/aust vil vere avhengig av utforming av båtopptrekket og ev molo/bølgjesikring av opptrekk. Vi vil under planprosessen avklare med kystverket om det ligg føre eigna kartgrunnlag for å kunne vise all fylling i sjø. Naustområdet ser tiltakshavar på som eit tilbod utover tal bustader i 1. byggetrin for bustadfeltet. Det visast til at arealet i kommuneplanen, jf. fase 1, er vesentleg meir omfattande jf. seinare byggetrinn. Nausta er tenkt med ulik storleik for å gje eit variert tilbod, jf. elles kommuneplanen sine reglar knytt til nauststorleik. Reguleringsføremål: Aktuelle reguleringsføremål er bustader med tilhøyrande anlegg (frittliggjande småhus, konsentrerte småhus i ulike former), vidare naust, leikeareal, samferdselsanlegg (veg, med tilhøyrande areal) og ulike omsynssoner. Fleire føremål kan kome til undervegs i reguleringsprosessen. Strandsone som ikkje inngår i byggeareal vil bli ivareteken i hht kommuneplanen. Tilkomst vegtilknyting offentleg veg: Dei ulike bustadvegane som skal gje tilkomst til feltet og naustområdet vert frå fylkesveg 61. Plassering av kryss mv. avklarast i fase 1 av planarbeidet. Særskilde moment: Arealet inngår ikkje i kommuneplanen sin noverande KU-del. Dette fordi arealet var med i førre kommuneplan og at arealbruken er ført vidare i den nye planen. Rasfare og støy er særskilde moment som
Side 5 av 6 må avklarast. Elles vil avklaringar i høve naturmangfald og kulturminne skje som del av planprosessen. Hovudsaka er å få til ein plan som gjev eit godt attraktivt bustadtilbod. Dette betyr både eit variert bustadtilbod og god disponering av arealet slik at det vert grunnlag for eit godt bumiljø. For realiseringa av utbygginga må planen gjevast ei form som gjer stegvis utbygging av arealet realistisk og at vilkåra elles gjer utbygging økonomisk forsvarleg. Vi vil i den samanheng peike på naustområdet som særleg viktig i høve det samla bustadtilbodet og folk sine forventningar til å kunne nytte kysten i si fritid. Planprosess, medverknad: Opp mot kommunen: Tiltakshavar vil under planarbeidet drøfte/avklare med kommunen ev. overordna forhold som vert berørt av utbygginga. Tiltakshavar vil om nødvendig halde møte med kommunen under planprosessen for å diskutere ev. merknader ved forvarslinga og hovudprinsippa ved reguleringa. Opp mot særskilte grupper: Tiltakshavar vil, om det vert sett fram ønskje om det, kalle inn til og ha drøfting med leiar i dei utvala i kommunen som er sett til å ivareta særskilde grupper/behov: Eldrerådet, Kommunalt råd for funksjonshemma, Ungdomsrådet, og Barn og unge sin representant. Type reguleringsplan: Reguleringsplanen vil bli fremja som ein detaljplan etter plan- og bygningslova 12-3. Konsekvensane av planen, ROS, jf Plan- og bygningslova 4-1, 4-2 og 4-3: Det vil bli utarbeidd ei enkel risiko- og sårbarheitsanalyse (ROS) som del av planarbeidet. Rasfare og støy er særskilde moment som må avklarast. Ut frå dei registreringane som elles ligg føre i tilgjengelege databaser kan vi førebels ikkje sjå potensiale for andre vesentlege konsekvensar i høve ROS. Innspel/merknader til varsel om oppstart: Innspel/merknader til planarbeidet skal vere skriftlege og sendast til: AG Plan og Arkitektur AS (helst på E-post): firmapost@agplan.no Frist: 24.03.2017 eller Webjørn Svendsen gate 12, 6150 Ørsta E-post og ev skriv skal vere merka: DETALJPLAN FOR B43 OG NAUSTOMRÅDE LEIKONG I HERØY KOMMUNE Eventuelle spørsmål til planarbeidet kan rettast til: Underteikna eller tiltakshavar Raymond Audin Nykrem, tlf. 70 08 31 95 Vidare saksgong: Siktemålet er å ferdigstille framlegg til plan innan ½ halvår 2017, ev rett over ferien. Framlegg til plan vil då bli lagt fram for formannskapet i Herøy kommune med sikte på vedtak om offentleg ettersyn av planframlegget. Innspel/merknadar som er komne inn som følgje av denne oppstartsmeldinga/annonsen, vil bli gjort greie for. Planforslaget vert deretter lagt ut til offentleg ettersyn i 6 veker. Interesserte får då nytt høve til å kome med innspel/merknader til planforslaget før vidare politisk handsaming.