Arkivref: 2013/2896-18066/2013 Saksh.: Anne-Lise Næs Olsen Saksnr Utval Møtedato 43/13 Forvaltningsstyret 03.10.2013 HANDSAMING AV DISPENSASJONSSAK - 45/237 - REHABILITERING OG UTVIDING AV MOLO, SÆBØVEGEN 28 Framlegg til vedtak: Dispensasjon. Forvaltningsstyret gjev dispensasjon frå formålet «sjø og vassdrag» i kommuneplanen slik at omsøkt molo kan byggjast. Forvaltningsstyret meiner at det er ei overvekt av grunnar som talar for å gje dispensasjon i denne saka. Vedtaket er gjort i medhald av Plan- og bygningslova 19-2. Løyve til tiltak. I medhald av 21-4 i Plan- og bygningslova (PBL) vert det gjeve løyve til å byggje molo som omsøkt. Vilkår: 1. Dersom ein under arbeid i sjøområda finn skipsvrak, keramikk eller andre marine kulturminne, må dette straks meldast til Hordaland fylkeskommune, og alt arbeid stansast til rette forvaltningstyresmakt har vurdert funnet. 2. Plassering skal vera som vist på situasjonsplan, datert 04.06.2013. 3. Topp molo skal vera på kote + 1.3 m.o.h. 4. Det må sendast inn dokumentasjon på plassering (koordinatar) før arbeid tek til. 5. Gravemelding skal godkjennast av Stord Vatn og Avlaup KF før arbeidet tek til. 6. SKL a/s må kontaktast dersom tiltaket er nærare enn 10 meter frå el. kablar i grunnen/leidningar i lufta eller det skal nyttast gravemaskin, betongpumpe, kranar m.m. nærare enn 30 meter frå høgspentleidningar i lufta. 7. Ved søknad om ferdigattest/bruksløyve skal det liggja føre innmålte data for tiltaket. Løyvet fell bort dersom tiltaket ikkje er sett i gong innan 3 år eller stoppar i lengre tid enn 2 år, jf. PBL 21-9. Saksprotokoll i Forvaltningsstyret - 03.10.2013 PS 43/13 - HANDSAMING AV DISPENSASJONSSAK - 45/237 - REHABILITERING OG UTVIDING AV MOLO, SÆBØVEGEN 28 Vedtak: Dispensasjon. Forvaltningsstyret gjev dispensasjon frå formålet «sjø og vassdrag» i kommuneplanen slik at omsøkt molo kan byggjast. Forvaltningsstyret meiner at det er ei overvekt av grunnar som talar for å gje dispensasjon i denne saka. Vedtaket er gjort i medhald av Plan- og bygningslova 19-2.
Løyve til tiltak. I medhald av 21-4 i Plan- og bygningslova (PBL) vert det gjeve løyve til å byggje molo som omsøkt. Vilkår: 8. Dersom ein under arbeid i sjøområda finn skipsvrak, keramikk eller andre marine kulturminne, må dette straks meldast til Hordaland fylkeskommune, og alt arbeid stansast til rette forvaltningstyresmakt har vurdert funnet. 9. Plassering skal vera som vist på situasjonsplan, datert 04.06.2013. 10. Topp molo skal vera på kote + 1.3 m.o.h. 11. Det må sendast inn dokumentasjon på plassering (koordinatar) før arbeid tek til. 12. Gravemelding skal godkjennast av Stord Vatn og Avlaup KF før arbeidet tek til. 13. SKL a/s må kontaktast dersom tiltaket er nærare enn 10 meter frå el. kablar i grunnen/leidningar i lufta eller det skal nyttast gravemaskin, betongpumpe, kranar m.m. nærare enn 30 meter frå høgspentleidningar i lufta. 14. Ved søknad om ferdigattest/bruksløyve skal det liggja føre innmålte data for tiltaket. Løyvet fell bort dersom tiltaket ikkje er sett i gong innan 3 år eller stoppar i lengre tid enn 2 år, jf. PBL 21-9. Handsaming Samrøystes vedteke. 2 av 5
Rådmannen, 10.09.2013 Vedlegg 1. Søknad om byggjeløyve og dispensasjon frå Engevik & Tislevoll AS, journalført 11.06.2013 2. Situasjonsplan datert 04.06.2013 3. Teikning journalført 11.06.2013 4. Oversynskart i målestokk 1:5000 5. Fråsegn frå Hordaland fylkeskommune, Kultur- og idrettsavdelinga av 14.08.2013 6. Fråsegn frå Hamnesjefen i Stord av 11.07.2013 Innleiing Her er søkt om dispensasjon og byggjeløyve for rehabilitering og utviding av molo på eigedomen 45/237 på Sæbø/Krenkjelsneset. Saka har vore på høyring hjå Hordaland fylkeskommune, Fylkesmannen i Hordaland og hjå hamnesjefen i Stord. Hordaland fylkeskommune gjer merksam på meldeplikta etter kulturminnelova 8, og Stord Hamnestell har kome med fråsegn i saka. Saka vert no å handsame i Forvaltningsstyret. Saksutgreiing Søkjar: Engevik & Tislevoll AS Tiltakshavar: Per Digranes Søknad journalført: 11.06.2013 Omtale av tiltaket: Her er søkt om dispensasjon og byggjeløyve for å rehabilitere og utvide molo på eigedomen 45/237 på Sæbø/Krenkjelsneset. Her er eit sommarhus og eit naust på eigedommen i dag. Det er opplyst at her ligg steinar/eit lite nes i sjøen i framkant av naustet. Dei ynskjer å forlenge eksisterande nes og byggje molo. Moloen skal forlengjast med om lag 3 meter slik at den samla no vert 15 meter lang. Moloen er planlagt å verte 3 meter brei. Om lag 5 meter av moloen er planlagt å liggje på land, slik at molo i sjø vert om lag 10 meter lang. Søknaden er grunngjeven med at omsøkt eigedom er regulert til sommerhus, men at reguleringsplanen ikkje viser tiltak i sjø. Dei grunngjev vidare at dei ynskjer å ha ein molo slik at dei kan ha båten liggjande ute på den årstida den er mest i bruk, og slik at det vert mogeleg å kome inntil med båt. Planstatus: Om lag 5 meter av omsøkt molo ligg innafor reguleringsplan R-019-000, vedteken 28.02.1978. Området er regulert til «sommerhus». Reguleringsplanen strekkjer seg ikkje ut i sjø. Om lag 10 meter av omsøkt molo ligg i uregulert område som i kommuneplanen sin arealdel er avsett til formålet «sjø og vassdrag noverande». Tiltaket krev dispensasjonshandsaming for den delen av moloen som ligg i sjø. Nabotilhøve: Naboar er varsla. Det er ikkje kome merknader i saka. Veg, vatn og avløp: Ingen endring 3 av 5
Forholdet til andre mynde: Saka har vore på høyring hjå Hordaland fylkeskommune, Fylkesmannen i Hordaland og hjå hamnesjefen i Stord. Hordaland fylkeskommune gjer merksam på meldeplikta etter kulturminnelova 8, og Stord Hamnestell har kome med fråsegn i saka. Fylkesmannen i Hordaland har ikkje kome med fråsegn. Fråsegn frå Hordaland fylkeskommune, Kultur- og idrettsavdelinga av 14.08.2013: Hordaland fylkeskommune har ingen avgjerande merknad til tiltaket, men gjer merksam på meldeplikta etter kulturminnelova 8, 2. ledd. Dersom ein under arbeid i sjøområda finn skipsvrak, keramikk eller andre marine kulturminne, må dette straks meldast til Hordaland fylkeskommune, og alt arbeid stansast til rette forvaltningstyresmakt har vurdert funnet.. Fråsegn frå Hamnesjefen i Stord kommune av 11.07.2013: Stord Hamnestell ser at inngrep i strandsona kan føra til hinder for alminneleg ferdsel for ålmenta. Hamnestellet kan ikkje sjå at sjølve utbygginga i sjøområdet er til hinder for andre båtar i området. Ansvarsrettar: Det er sendt inn søknad om ansvarsrett og gjennomføringsplan frå Engevik & Tislevoll AS for tiltaket. Aktuelle lovheimlar: Dispensasjon pbl 19-2: Det omsøkte tiltaket krev dispensasjon etter plan- og bygningslova 19-2 frå formålet «Sjø og vassdrag» i kommuneplanen. Dersom det skal gjevast dispensasjon, lyt fordelane ved å gje dispensasjon etter ei samla vurdering, vere klart større enn ulempene. Dispensasjon kan ikkje gjevast dersom omsyna bak bestemminga det skal dispenserast ifrå, eller omsyna i formålsbestemminga i lova, vert vesentleg sett til sides. Kommunen bør heller ikkje dispensere frå pbl eller planar når eit direkte berørt statleg eller regionalt mynde har gjeve negativ fråsegn. Vurdering Generell vurdering Tiltakshavar ynskjer å byggje molo fordi den vil fungere som tilkomst via sjøvegen og fordi molo vil gjere det lettare å kom inntil med båt. Kommunen meiner at dette inngrepet i sjø i liten grad vil påverke formålsbestemminga i lova. Her ligg eit lite nes i sjøen utanfor omsøkt eigedom, og bygging av molo vil medføre litt endring men ikkje vesentlege endringar. Stranda er allereie privatisert då her er eit sommarhus og eit naust på eigedommen. Her er vidare ein gamal reguleringsplan i området. Kommunen har endra reguleringsføresegnene for mange andre gamle reguleringsplanar gjennom føresegnene til kommuneplanen. I endra føresegner for LNF - spreidd heiter det t.d : «I forlenging av kai/brygge kan det tillatast utlagt flytebrygge på inntil 15 m 2 med maks lengde 7 m og maks breidde 3 meter. I tilknyting til flytebrygga kan det tillatast 1 landgang med lende inntil 4 meter og breidde inntil 1 meter.» Samla lengde på flytebrygger vil såleis verte krig 10 meter. Planlagt molo som vert liggjande i sjø vil verte på kring 10 meter med om lag same breidde som det dei endra føresegnene opnar for. Dersom reguleringsplanen i omsøkt område vert søkt endra, så vil kommuneplanen sine føresegner liggje som føringar for vidare planlegging, og truleg verte ført vidare til nye planar og planendringar. Her er ikkje nemneverdige atterhald frå høyringsinstansar i saka, og kommunen meiner at det vil verte ein stor fordel for søkjar å få byggje molo slik at han får tilkomst via sjøvegen. Kommunen kan ikkje sjå særlege ulemper med dispensasjon i denne saka. 4 av 5
Økonomiske konsekvensar Bygging av molo vil etter kommunen sitt syn kun få økonomiske konsekvensar for utbyggjar. Miljømessig konsekvens Her er ikkje registrert viktige naturtypar eller biologisk mangfald på eller kring omsøkt areal. Her er heller ikkje registrert automatisk freda kulturminne på staden. Området er allereie privatisert og ein molo vil ha liten innverknad på allemannsretten langs stranda. Folkehelse Kommunen vurderer at eventuell molo ikkje har noko innverknad på folkehelsa. Universell utforming Ikkje aktuelt i denne saka. Beredskap Ikkje aktuelt i denne saka. Konklusjon Kommunen rår til at det vert gjeve dispensasjon slik at omsøkt molo kan byggjast. Kommunen meiner ut frå vurderingane ovanfor, at omsyn i lova sine bestemmingar ikkje vert vesentleg sett til side. Kommunen meiner vidare at fordelane ved å gje dispensasjon er klart større enn ulempene. 5 av 5