Dispensasjon og løyve til tiltak - 46/418 - Nybygg næringsbygg, Tools AS, Heiane Vest DS-301/14

Transkript

1 J. Tufteland AS Boks Stord Vår dato: Vår ref: 2014/ /2014 / 46/418 Dykkar ref: Dispensasjon og løyve til tiltak - 46/418 - Nybygg næringsbygg, Tools AS, Heiane Vest DS-301/14 Søknad om dispensasjon og tiltak i eit-trinn, motteke Tiltakshavar: Meatjønnsveien 64 AS Ansvarleg søkjar: J. Tufteland AS VEDTAK: I medhald av 19-2 i plan- og bygningslova (PBL) vert det gjeve dispensasjon frå kommuneplanen slik at søknad om skilt kan handsamast. I medhald av 21-4 i plan- og bygningslova (PBL) vert det gjeve løyve i eit trinn til næringsbygg med skilt, parkeringsanlegg og gasslager mm. som omsøkt. Før igangsetjing gjeld fylgjande vilkår: Vilkår: Kart som syner tilkoplingspunkt til VA-leidningar og kablar lyt sendast til kommunen før tiltaket kan setjast i gang. Dokumentasjon på vurdering av helse, miljø og tryggleik i høve til eksplosjonsfare eller utslepp av giftige gassar/ stoff, lyt sendast til kommunen for handsaming i samsvar med saksutgreiing. Dette før gasslager kan etablerast. Ansvarsrett for uavhengig kontroll av bygningsfysikk i tiltaksklasse 2 lyt sendast inn til kommunen for godkjenning. Tiltaket kan ikkje setjast i gang før ansvarsrett for uavhengig kontroll av bygningsfysikk er godkjent av kommunen. Avkjørsel til eigedommen skal opparbeidast i samsvar med krav i Statens vegvesen si handbok 017. Det lyt sendast inn korrigert gjennomføringsplan i samsvar med ny ansvarsrett. Plassering skal vera som vist på situasjonsplan journalført Topp innvendig golv skal vera på kote + 40,2 meter. Det må sendast inn dokumentasjon på plassering, (koordinatar/kotehøgd), før betongarbeid tek til. Merknader: For godkjenning av føretak for ansvarsrett i prosjektet syner me til saksutgreiinga. Ved tilknyting til offentleg vass- og avløpsleidningar skal Søknad/melding om sanitærabonnement godkjennast av Stord Vatn og Avlaup KF før tilkopling til kommunalt leidningsanlegg. For krav og plikter i samband med tilkopling sjå Sanitærreglement på Stord kommune sine heimesider ( Gravemelding skal godkjennast av Stord Vatn og Avlaup KF før arbeidet tek til. Regulering, byggesak og oppmåling Postboks Stord Rådhuset rbo@stord.kommune.no Org.nr Telefon Telefaks

2 SKL a/s må kontaktast dersom tiltaket er nærare enn 10 meter frå el. kablar i grunnen/leidningar i lufta eller det skal nyttast gravemaskin, betongpumpe, kranar m.m. nærare enn 30 meter frå høgspentleidningar i lufta. Før oppstart av montering av skorstein må løysingar/detaljar avklarast med feiarvesen. Ved montering av eldstad må det på førehand takast kontakt med feiarvesen. Arbeidstilsynet sine vilkår lyt følgjast. Handsaming av avfall skal utførast i samsvar med Byggteknisk Forskrift 9-5 t.o.m 9-9. Plan for avfallshandtering og miljøsanering skal liggje føre i tiltaket. Ved mindre endring som ikkje treng søknad og løyve på førehand skal det ved søknad om ferdigattest/bruksløyve sendast inn som-bygd teikningar. Ved søknad om ferdigattest/bruksløyve skal det for frittliggjande tiltak liggja føre innmålte data for tiltaket. Løyvet fell bort dersom tiltaket ikkje er sett i gong innan 3 år eller stoppar i lengre tid enn 2 år, jf. PBL Vedlagd følgjer saksutgreiing. Vedtaket kan påklagast til fylkesmannen. Klage må vere mottatt/posttempla innan 3 veker frå den dag dette brevet er motteke, jf. Forvaltningslova 28 og 29. Klaga må grunngjevast, vera skriftleg og signerast. Klagen skal sendast via Stord kommune, Regulering, Byggesak og Oppmåling, Postboks 304, 5402 Stord. Med helsing Anne-Lise Næs Olsen sakshandsamar Kopi til: Meatjønnsveien 64 AS Kopi til: Linn Kari Langhelle Håvard Pedersen Jan Ove Anthun Liv Dahl Clausen Jan Tore Bruckner 2

3 Rådmannen, den Saksutgreiing for sak DS-301/14 Dokumentoversyn: Som grunnlag for denne handsaminga ligg føre følgjande dokument: Søknad om løyve i eit trinn datert vedlagt: Teikningar i plan, snitt og fasade i M=1:200 journalført Situasjonsplan i M=1:500 journalført Gjenpart av nabovarsel datert Søknad om ansvarsrettar Gjennomføringsplan datert Søknad om dispensasjon datert Omtale av tiltaket: Søknaden viser følgjande tiltak: Næringsbygg med butikk, lager, verkstad, kontor og gasslager mm. BYA= 1128 m 2 BRA= 1557 m 2 H01= 1097 m 2 H02= 460 m 2 Bygget er planlagt å verte 9,8 meter høgt. Tilkomst/vatn/avløp: Eigedomen er sikra rett til offentleg veg, vatn og avløp, jf til 27-4 i plan- og bygningslova. Ved tilknyting til offentleg vass- og avløpsleidningar skal Søknad/melding om sanitærabonnement godkjennast av Stord Vatn og Avlaup KF før tilkopling til kommunalt leidningsanlegg. Kart som syner tilkoplingspunkt til VA-leidningar og kablar lyt sendast til kommunen før tiltaket kan setjast i gang, jf. føresegner Ny avkjøring frå eksisterande veg har vore sendt til kommunalt vegmynde for uttale. Ansvarleg søkjar opplyser i dokument av at vegen er privat, men vegen kan i framtida verta overteken av kommunen. Kommunalt vegmynde sendte uttale i saka, og avkjørsel med frisikt skal opparbeidast i samsvar med krav i Statens vegvesen si handbok 017, jf. uttale. Vurdering: Reguleringsmessige forhold: Omsøkt eigedom er omfatta av reguleringsplan Nye Heiane Vest, og arealformålet er næringsverksemd, forretning, kontor og industri. Tiltaket krev difor dispensasjonshandsaming. I pkt. 2.4 om Helse, miljø og tryggleik, i føresegnene til planen heite det: I samband med utarbeiding og melding av byggeplanar, kvalitets og HMS-planar skal det dersom tiltak er av ein slik art at fare for eksplosjonar eller utslepp av giftige gassar/ stoff, kan oppstå, gjennomførast ei vurdering av bedrifta si verksemd med råvarer og ferdige produkt, med tanke på fare under bygging eller drift. Vidare skal det gjennomførast ei vurdering av naudsynte sikringstiltak for gåande/køyrande gjennom anleggsområdet. Dokumentasjon på at dette er utført skal leggjast ved byggemeldinga i samband med søknad om tiltak innafor planområdet. Då det her er planlagt eit gasslager langs nabogrense mot vest, så lyt utbyggjar gjennomføre ei vurdering av bedrifta si verksemd med råvarer og ferdige produkt, med tanke på fare under 3

4 bygging eller drift. Vidare må det gjennomførast ei vurdering av naudsynte sikringstiltak for gåande/køyrande gjennom anleggsområdet. Dokumentasjon på at dette er utført lyt sendast til kommunen for vurdering før gasslager kan etablerast. Tiltaket er elles i samsvar med reguleringsplan og kommuneplan. Dispensasjonsvurdering. Omsøkt bygg er eit stort næringsbygg som skal nyttast til ei bedrift. Når eit så stort bygg berre inneheld ei bedrift, så vurderer administrasjonen at det er det urimeleg dersom bedrifta berre får føre opp eit skilt. Kommunen er difor positiv til å gje dispensasjon for dette. Det vil verte ein stor fordel for utbyggjar å få skilte som omsøkt medan kommunen vurderer at tiltaket medfører få ulemper. Omsyna bak bestemminga det skal dispenserast ifrå vert såleis ikkje vesentleg sett til side. Kommunen er positiv til dispensasjon og meiner det er ei overvekt av grunnar som talar for dispensasjon i denne saka. Naturmangfaldlova ( 8 12) Ikkje relevant. Teknisk forhold oppfylling av krav i TEK avvik: Næringsbygg med uteareal, parkering mm. skal byggjast i samsvar med TEK10. Nabomerknader: Naboar er varsla i saka og her er ikkje kome merknader i saka. Forholdet til andre mynde/lovgjeving: Kommunen vurderer at statlege og regionale interesser ikkje vert særleg råka i denne saka, og at dispensasjonsvedtaket kan gjerast utan uttale frå regionale myndigheiter. Vedtaket vert ikkje sendt regionale styresmakter for klagevurdering. Ansvarsrettar: Det vert vist til søknadane om ansvarsrett og gjennomføringsplanen: Følgjande føretak har søkt om ansvarsrett i prosjektet: Søkjarfunksjon: J. Tufteland AS Prosjektering: Link Arkitektur AS - Arkitektur J. Tufteland AS - Konstruksjonstek. Stål/betong, Oppmålingsteknisk, Grunnarbeid, utvendig VA Geoteknikk Hopland Brannrådgivning AS - Brannkonsept Apply TB AS - Sanitæranlegg Utføring: Apply TB AS - Sanitæranlegg FRONTA Bolig Bygg AS - Grunnarbeid, utv. VA-anlegg og Plassering FRONTA Bygg AS - Overordna ansvar for utføring Grov Forskaling AS - Betongarb. Uavh. kontroll: Ing Øyvind Jørgensen AS - Konstuksjonsteknikk Trygcon AS - Brannsikkerhet Føretak som har søkt ansvarsrett har sentral godkjenning for omsøkte fagområde. Ut frå dette finn me å kunne godkjenne føretaka for ansvarsrett for dette tiltaket. Alle aktuelle fagområde for tiltaket vert dekka av ansvarsrett med unnatak av uavhengig kontroll for bygningsfysikk i tiltaksklasse 2. 4

5 Ansvarsrett for uavhengig kontroll av bygningsfysikk i tiltaksklasse 2 lyt sendast inn til kommunen for godkjenning. Likeins lyt det sendast inn korrigert gjennomføringsplan i samsvar med denne. Tiltaket kan ikkje setjast i gang før ansvarsrett for uavhengig kontroll av bygningsfysikk er godkjent av kommunen. Konklusjon: Søknad om løyve til næringsbygg, parkeringsanlegg og gasslager m.m. på eigedom 46/418 vert godkjent på nærare fastsette vilkår. Saka er avgjort etter 21-4 i plan- og bygningslova i samsvar med delegasjonsfullmakt. 5