Forslag til detaljreguleringsplan. for Ottogrenda (H60, H62 mfl.) på Roaldsida i Hevsdalen i Stranda kommune

Forslag til detaljreguleringsplan for Ottogrenda (H60, H62 mfl.) på Roaldsida i Hevsdalen i Stranda kommune Utsyn frå tomt 3 øvst i Ottogrenda mot Strandadalen og Sunnmørsalpane 28. juni 2016. Oppdragsgjevar/tiltakshavar: Solsiden Strandafjellet AS v/martin V. Vollen, Langrabben 56, 6013 Ålesund Tlf. 90 98 92 30 E-post: martin@mivo.no Prosjektleiar: Grinaker Utvikling AS v/arealplanleggar/seniorrådgjevar Knut Sterud Grinakerlinna 144, 2760 Brandbu Tlf. 90 66 70 00 E-post: post@grinaker.net Brandbu 9. mars 2017

INNHALD VEDLEGG... 3 1. BAKGRUNN OG PROSESS... 4 1.1 Forslagsstillar og planleggarar... 4 1.2 Grunneigarar i planområdet... 4 1.3 Bakgrunn for planarbeidet... 4 1.4 Planstart og medverknad... 5 1.5 Innspel etter varsel om planstart... 6 1.6 Områdeavgrensing... 8 1.7 Endring innanfor planområdet i forhold til kommunedelplanen... 9 2. EKSISTERANDE TILHØVE OG VURDERINGAR... 9 2.1 Kommunedelplanen for Hevsdalen... 9 2.2 Reguleringsplan for H56-H58 mfl. område frå 2006... 10 2.3 Arealdisponering... 10 2.4 Lokalisering... 10 2.5 Naturgrunnlag, landskap og vegetasjon... 11 2.6 Landskapstilpassing og estetikk... 11 2.7 Naturmangfald... 11 2.8 Fritidsbustader og anlegg i nærområdet... 11 2.9 Økslevegen... 11 2.10 Mindre bekk og overflatevann... 12 2.11 Vatn, avløp, oppvarming og straum... 12 2.12 Grønstruktur, friluftsliv og rekreasjon... 12 2.13 Kulturminne... 12 2.14 Landbruk... 12 2.15 Støy og støv... 13 2.16 Renovasjon... 13 3. PLANFORSLAGET... 13 3.1 Arealdisponering... 13 3.2 Bebyggelse og anlegg... 13 3.3 Økslevegen som hovudveg til fleire område... 14 3.4 Vegtilkomst og vegar... 14 3.5 Bekk og overflatevatn... 15 3.6 Renovasjon... 16 3.7 Straumforsyning og VA... 16 4. VERKNADER AV PLANEN... 16 4.1 Landskap og estetikk... 16 4.2 Naturmangfald... 16 4.3 Vegar, trafikk og trafikktryggleik... 17 4.4 Kulturminne... 17 4.5 Friluftsliv og folkehelse... 17 4.6 Utforløypa og nye områder for aking, skiløype og tursti... 17 4.7 Barn og unge... 17 4.8 Forureining inkludert klimaverknader... 17 4.9 Kommuneøkonomi og næringsutvikling... 17 4.10 Risiko og sårbarheit samla... 18 REGULERINGSFØRESEGNER FOR OTTOGRENDA HYTTEOMRÅDE I HEVSDALEN I STRANDA KOMMUNE... 19 Side 2

VEDLEGG Vedlegg 1 Referat frå oppstartsmøte i Stranda kommune 22.08.2016. Vedlegg 2 Brev til Stranda kommune 03.10.2016. Søknad om regulering og forslag til planområde med kart over planområdet. Vedlegg 3 Vedtak i Fast utval for plansaker i Stranda kommune, sak 088/16 den 01.12.2016. Vedlegg 4 Varsel om oppstart av planarbeid Vedlegg 5 Kart over planområde Vedlegg 6 Oversikt over grunneigarar og naboar Vedlegg 7 Annonse i Sunnmøringen Vedlegg 8 Brev til hytteeigarar i nærområdet Informasjon om planarbeidet 22.12.2016 Vedlegg 9 Brev med informasjon og invitasjon til informasjonsmøte 07.01.2016. Vedlegg 10 Brev til hytteeigarar med invitasjon til informasjonsmøte 09.01.2016. Vedlegg 11 Statens Vegvesen, brev 28.11.2016: Merknad til oppstart av planarbeide. Vedlegg 12 Møre og Romsdal fylkeskommune, brev 13.12.2016: Merknad til oppstart av planarbeide. Vedlegg 13 Norges vassdrags- og energidirektorat, brev 15-12.2016: Merknad til oppstart av planarbeide. Vedlegg 14 Fylkesmannen i Møre og Romsdal, brev 11.12.2016: Merknad til oppstart av planarbeide. Vedlegg 15 John Kåre Flo, Stine Vågsæter Flo og Tore Paulsen (nabohytteeigarar), brev 29. 11.2016. Vedlegg 16 Merknad frå Jon-Ola Wattø (nabohytteeigar), brev 29.11.2016. Vedlegg 17 Felles merknad frå nabohytteeigarar 52/5/42 v/astrid og Jan Furset, 52/5/43 v/ann Kristin og Hans Morten Midtsand, 52/5/37 v/camilla Uhlin Hansen og Geir Egil Haug, 52/386 v/torill og Pål Myklebust og 52/5/41 v/svein Erik Flydal og 52/5/40 Anita og Dagfinn Helsem. Vedlegg 18 Merknad frå Camilla Uhlin Hansen og familien, e-post 01.03.2017 Vedlegg 19 Merknad frå Tore Sylte, e-post 31.01.2017. Vedlegg 20 Merknad frå Jan Furset, e-post 01.02.2017. Vedlegg 21 ROS-analyse Vedlegg 22 Rapport NGI 20061367-1 Moldskreddalen, Habostaddalen og Hevsdalen Faresoner for skred 24. april 2007. Side 3

Illustrasjon 1: Planområdet og nærområdet (Norgeskart) 1. Bakgrunn og prosess 1.1 Forslagsstillar og planleggarar Planforslaget er utarbeidd på vegne av Solsiden Strandafjellet AS v/martin V. Vollen, Postboks 9553 Flisnes, 6047 Ålesund. Planarbeidet er leia av Grinaker Utvikling AS v/arealplanleggar/seniorrådgjevar Knut Sterud. MjøsPlan AS v/gis-konsulent Lisbeth Tuven har medverka med planvurderingar og framstilling av digitale plankart. Sivilarkitekt MNAL Gitte Langlo i ART arkitekter og ingeniører AS har utført vurderingar for det nedre området i forhold til tomteavgrensing og type bygg. 3Dillustrasjonar er utarbeidd av Sivilarkitekt MNAL Oddbjørn Gjøsund i ART arkitekter og ingeniører AS. 1.2 Grunneigarar i planområdet Gnr/Bnr 52/2 Anders Ringstad, Nymarkvegen 41, 6200 Stranda Gnr/Bnr 52/5 Otto Andreas Opshaug, Movegen 110, 6200 Stranda Naboar i følge oversikt frå Stranda kommune: Sjå vedlegg 6. 1.3 Bakgrunn for planarbeidet Solsiden Strandafjellet AS kjøpte fire tomter i området av grunneigar Otto Opshaug i 2016. Det framkom deretter eit behov for å sjå nærare på heile plansituasjonen i området med endring av tomter, nye tomter, nye vegløysingar, grønstruktur, VA- Side 4

løysing og tidlegare «utforløype». Det er eit stort behov for tomter på Strandafjellet, men gjeldande reguleringsplan for dette området har vist seg å ha store manglar. Det er bakgrunnen for denne og andre detaljreguleringsplanar i området. Føremålet med planforslag er planlegging av i hovudsak ordinære enkelttomter, men også meir konsentrerte fritidsbustadar i tre mindre områder. Forslaget inneber ei endring innan planområdet i forhold til kommunedelplanen for Hevsdalen. 1.4 Planstart og medverknad Det vart gjennomført oppstartsmøte i Stranda kommune 22. august 2016. J.fr. vedlagt referat frå oppstartsmøtet. Vedlegg 1. Søknad om regulering og forslag til planområde vart sendt Stranda kommune 03.10.2016. Vedlegg 2. Fast utval for Plansaker i Stranda kommune fatta samrøystes vedtak i sitt møte 20.10.2016 i sak PLA-077/16 kor ein tilrår oppstart av planarbeidet. J.fr. vedlagt saksdokument. Vedlegg 3. Brev med varsel om oppstart er sendt til offentlege høyringsorgan og tilgrensande naboar 11. november 2016 med frist for merknad 23. desember 2016. J.fr. vedlagt brev. Vedlegg 4. J.fr. vedlagt varslingskart. Vedlegg 5. J.fr. oversikt over grunneigarar og naboar. Vedlegg 6. Planstart er meldt sett i verk i Sunnmøringen 23.11.2016. Vedlegg 7. I tillegg har kommunen varsla oppstart på heimesida si. I løpet av høyringsfristen var det kontakt med fleire hytteeigarar langs Økslevegen. Fleire hytteeigarar langs Økslevegen ynskte meir informasjon om planarbeidet og fleire var bekymra for trafikkauke langs Økslevegen. Etter innspel frå hytteeigarar øvst i nærområdet, vart det sendt informasjonsbrev til fleire av desse 22.12.2016. Vedlegg 8. På bakgrunn av stort engasjement blant hytteigarar vart det sendt ut informasjonsbrev til ca. 60 grunneigarar og hytteeigarar 7. og 9. januar 2017. Samtidig vart det invitert til felles informasjonsmøte på Strandafjellet torsdag 19. januar for hytteeigarar i Ringstadsætra hyttegrend, naboar i H32/nærområdet og hytteeigarar langs Økslevegen. Frist for merknad til planarbeidet vart utsett til 1. februar 2017. J.fr. vedlagt brev. Vedlegg 9 og 10. På informasjonsmøtet 19.01.2017 vart det informert om planarbeidet og plansaka vart grundig drøfta. Det framkom fleire innspel. Dei fleste av desse gjekk på trafikkforholda langs Økslevegen. Forhold til bekken og vannføring i periodar med mykje nedbør vart også drøfta. Det vart også ytra ynskje om at grønkorridor langs delar av den gamle utforløypa ikkje måtte bli for bratt, slik at denne kunne brukast som skiløype for alle grupper. Fleire framheva også behovet for akebakkar. Fleire innspel gjekk på bruk av Økslevegen og trafikkauking. Det vart derfor gjennomført eit eige møte på Oslo Lufthavn med leiaren av Roaldsida Veglag 9. Side 5

februar 2017, kor drift og vedlikehald av Økslevegen under utbyggingsperioden, fartsdempande tiltak og andre forhold vart grundig drøfta. 1.5 Innspel etter varsel om planstart Statens vegvesen - brev datert 28.11.2016. Vedlegg 11. Dei har ingen merknader til varsel om oppstart. Våre kommentar: Brevet er tatt til fylgje. Møre og Romsdal fylkeskommune brev datert 13.12.2016.Vedlegg 12. Møre og Romsdal fylkeskommune påpeikar at området er delvis utbygd, men at det ikkje er føretatt arkeologiske registreringar i området tidlegare. Dei stiller krav om at det blir gjennomført arkeologisk synfaring i området, jfr. 9 i Kultuminnelova. Dei ber om aksept på forslag til kostnadsoverslag. Vår kommentar: Brevet er tatt til fylgje. Norges vassdrags-og energidirektorat brev datert 15.12.2016. Vedlegg 13 Dei viser til aktsemdkart for skred i NVE Atlas som syner at delar av området ligg innanfor potensielt fareområde for skred. Dei ber om at skredfaren blir vurdert nærare. Våre kommentar: Området er i ikkje utsett for skredfare. Det blir vist til rapport frå NGI av 24.04.2007 (j.fr. pkt 2.10). Området er ein del av eit allereie utbygd område nedanfor hovudvegen, Økslevegen. Brevet er tatt til orientering. Fylkesmannen i Møre og Romsdal - brev datert 20.12.2016. Vedlegg 14. Det må gjennomførast ei analyse av alle risiko- og sårbarheitsforhold for området. Dei rår til at det blir lagt inn rikeleg med grønstruktur og turdrag innanfor hytteområdet. Våre kommentar: Brevet er tatt til fylgje. Naboar John Kåre Flo, Stine Vågsæter Flo og Tore Paulsen brev datert 29. 11.2016. Vedlegg 15. Dei påpeikar at tidlegare utforløype og grønstruktur blir teke omsyn til i planarbeidet. Delar av utforløypa blir brukt i stor grad av hyttefolket i Øvre Roalden, Orrehaugen, Hjellhaugmarka og Andersgrenda. Barn brukar også området nord for eigedomen 52/423 som akebakke, noko dei håpar ein kan bevare. Dei ynskjer ikkje at nedfarten blir blokkert slik at skiløparar blir slusa ned over deira eigedom. Dei ynskjer at tidlegare utforløype består slik at den blir ein framtidig, naturleg nedfart for hyttefolket og at akebakke vert sikra. Vår kommentar: Merknaden er tatt til fylgje. Tidlegare utforløype er rett nok avskore gjennom fleire vegar i andre prosjekter som er vedteke i Stranda kommune. Flo si tomt 52/423 går Side 6

inn i grønkorridor/tidlegare utforløype. Her har vi justert område for aking og skiløype slik at ferdsel og aktivitet skal sikrast og at ein skal unngå aking inn på Flo si tomt. Vi legg stor vekt på å sikre ei tenleg nedfartsløype/skliløype, skiløype og mindre akebakkar i heile planområdet. Jon-Ola Wattø Gnr/Bnr 52/478 e-post datert 24.11.2016. Vedlegg 16. Han ynskjer at området ikkje må fortettast for mykje. Han er bekymra for mange mindre einingar med høg utnytting av tomtene. Området fungerer som grøntareal og leikeplass for store og små. Han er også bekymra for auka trafikk. Han peikar på at den eksisterande skiløypa fungerer som «ski inn» for fleire hytter som ligger nær vegen. Vår kommentar: Brevet er tatt til fylgje. Felles merknad frå nabohytteeigarar 52/5/42 v/astrid og Jan Furset, 52/5/43 v/ann Kristin og Hans Morten Midtsand, 52/5/37 v/camillla Uhlin Hansen og Geir Egil Haug, 52/386 v/torill og Pål Myklebust og 52/5/41 v/svein Erik Flydal og 52/5/40 Anita og Dagfinn Helsem. Vedlegg 17. Dei stiller spørsmål om planavgrensing kontra krav om felles plan for fleire område i kommunedelplanen for Hevsdalen. Dei viser også til eit maksimalt tal på hyttar i felt H60 og H62 på 23 hytteeiningar i kommunedelplanen. Dei stiller spørsmål om området er eigna for to- og fleirmannseiningar. Dei er sterkt bekymra for trafikkfare knytt til nye avkøyrsler frå den øvre delen av Økslevegen. Dei viser til problem med overflatevatn og bekken under vegen på bakketoppen. Dei ber om at avkøyrsel til øvre del av H60 blir lagt lengre vest enn det som er antyda på planutkast. Dei er bekymra for to avkjørsler rett etter bakketoppen. Dei viser til farlege situasjonar med stor fart, glatte vegar, møtande trafikk og barn og andre som ferdast langs vegen. Dei peikar også på problem med bilar i stor fart i sommarmånadane, noko som medfører sjenerande støyplage for hyttene langs Økslevegen. Dei meiner at planarbeidet burde utløyse planprogram og konsekvensanalyse. Vår kommentar: Merknaden er grundig vurdert. Dei spørsmåla som vert reist i merknaden vart også drøfta på informasjonsmøtet på Strandafjellet 19. januar 2017. Planspørsmålet er behandla av Stranda kommune som ikkje har stilt krav om planprogram. Økslevegen er tidligare peikt ut som hovudveg til ei rekkje delområde lengre opp i kommunedelplanen for Hevsdalen og i andre planar. Denne merknaden og innspel frå fleire hytteeigarar i nærområdet, går like mykje på planarbeidet med H58 og fleire område lengre opp. Økslevegen er stadvis bratt, men har ei god vegbreidde samanlikna med dei mange vegar på Strandafjellet. Den brattaste bakken er heilt på toppen like før kryssing av bekk. Her har vegen en kunstig kul og går nedover igjen mot bommen. Her vil ein vurdere å senke vegen på toppen for å betre siktforhold og trafikale forhold. Forhold med trafikk på glatt føre må sikrast gjennom god brøyting og strøing om vinteren. I sommerhalvåret bør en vurdere aktive tiltak som salting for å redusere støvproblem. Side 7

Det er ikkje planlagt med to- eller fleirmannseiningar på dei regulerte tomtene, bortsett frå muligens L1. Camilla Uhlin Hansen Gnr/Bnr 52/5-37 samtale 28.02.2017 og e-post datert 01.03.2017. Vedlegg 18. Påpeikar at tomt T21 ikkje er slik den blir vist på planutkast og at tilkomst til denne tomta går inn i regulert friområde, sjølv om den er justert noko sørvestover i ettertid. Ho har tidligare orientert om at grøntområdet nedanfor deira tomt har blitt nytta til leik og aking og at dette arealet har vore svært viktig for familien. Ho er også skeptisk til område L1. Ho ønsker området slik det er i dag. Vår kommentar: Grøntområde er tidlegare ikkje regulert til friområde, men som friluftsområde. I denne detaljreguleringsplanen er det forslag om grønstruktur. Veg V2 er bygd på bakgrunn av tidlegare godkjent reguleringsplan. Aking i grøntområde G3 vil vere svært lite gunstig av omsyn til trafikktryggleik og den nybygde vegen V2. Vi har lagt inn eigne område for aking vest i området, som vil vere trygge med omsyn til vegar og trafikk, og som har god arrondering og gunstig helling for barn. Tilkomst til tidlegare godkjent tomt T21 er justert noko ned etter tidlegare innspel frå Uhlin Hansen. Det er ikkje aktuelt med samkøyring av tilkomst til tomtene T21 og T22 pga. terrenget. Vi kan heller ikkje sjå at denne tilkomstvegen vil vere sjenerande for tomt 52/5-37. Tore Sylte Gnr/Bnr, nabo til Økslevegen e-post datert 31.01.2017. Vedlegg 19. Han stiller seg negativ til bruk av Økslevegen som tilkomstveg til området, men er ikkje negativ til utvikling av området. Han peikar på at Økslevegen er bratt og lite egna for mange fleire brukarar. Han påpeikar også støvplager og at vegen i periodar vinterstid er uframkommeleg for anna enn traktor. Han foreslår også alternativ transport inn i prosjektet. Vår kommentar: Merknaden er tatt til orientering. Det blir vist til vår syn på bruk av Økslevegen i vår kommentar til felles merknad til fleire hytteeigarar. Jan Furset Gnr/Bnr 52/5-42 e-post datert 31.01.2017. Vedlegg 20. Han ser med uro på at Økslevegen skal bli hovudveg til fleire nye område. Han er også i mot ny veg V1. Han meiner at Økslevegen er for bratt og svært trafikkfarleg vinterstid. Han meiner at eit kryss på bakketoppen i Økslevegen er uforsvarlig med så stor trafikk. Vår kommentar: Merknaden er tatt til orientering. Det blir vist til vår syn på bruk av Økslevegen i vår kommentar til felles merknad frå fleire hytteeigarar. 1.6 Områdeavgrensing Denne reguleringsplanen omfattar eit areal på totalt ca. 56 daa. Området er avgrensa av Økslevegen mot nord og aust og vegen Hjellhaugmarka i sør. Mot vest grensar området mot byggjeområdet vest for grønkorridor og tidlegare utforløypa. Side 8

1.7 Endring innanfor planområdet i forhold til kommunedelplanen I kommunedelplanen for Hevsdalen ligg grønnkorridor og trase for tidligare utforløypa. Tidlegare trase for utforløypa er avskore av to vegar i den øvre delen av Roalden hytteområde og av veg til Hjellhaugmarka lengre ned. I tillegg har Stranda kommune godkjent tomt 52/423 som stikk betydeleg inn i tidlegare utforløype/grønkorridor. Mindre del av tidlegare utforløypa er tatt inn som mogleg byggjeområde for å sikre ei god totalløysning og naturleg utnytting av området. 2. Eksisterande tilhøve og vurderingar 2.1 Kommunedelplanen for Hevsdalen Illustrasjon 2: Planområdet lagt inn i kommunedelplanen for Hevsdalen. Kartet viser planområdet i høve til tidlegare utforløype. I kommunedelplanen for Hevsdalen av 24.05.2007 er planområdet vist som fleire områder for bygg og anlegg, LNFR-område og utforløypa som ligg som alpintrase («Utforløypa»). Utforløypa er for lengst teken ut av bruk og vil ikkje kunne tene som trase brukt til alpinkonkurransar i framtida, med dei krav som blir stilt til slike arrangement når det gjeld tryggleik, sikringssonar med meir. I 1990/91 var det gitt spelemidlar til utforløypa med totalt kr 76.000. I dialog med Kulturdepartementet er det opplyst at det kan søkast om dispensasjon frå kravet om tilbakebetaling ved bruksendring innan 30 år, og at ein slik søknad vil bli vurdert ut frå Side 9

korleis arealet er tenkt disponert. At ein sikrar ålmenta sin tilgang og at det blir lagt til rette for friluftsliv og rekreasjon vil bli tillagt stor vekt. Dette er heilt i tråd med disponeringa av det aktuelle arealet i forslaget til reguleringsplan, der ein dessutan sikrar heilårleg bruk som skiløype/akeområde på vinteren og som tursti på sommaren. Stranda kommune har tidligare akseptert at traseen er avskoren på fleire stader gjennom andre plansaker. Dette gjeld hovudtilkomst til byggjeområder i den øvre delen mellom utforløypa og Meraftaløypa, og ny hovudveg Hjellhaugmarka lengre ned for tilkomst til byggeområda vest for utforløypa. Trafo er bygd midt i tidlegare utforløype. Tomta 52/423 er også bygd inn i den øvre delen av utforløypa. Desse godkjende tiltaka har også medført at ein må sjå på framtidig funksjon av utforløypa/grønkorridor med nye auge. 2.2 Reguleringsplan for H56-H58 mfl. område frå 2006 I detaljreguleringsplan frå 2008 er det planlagt fire nye tomter i området. På bakgrunn av denne planen er det bygd ny tilkomstveg fram til tomt T24. To av dei fire tomtene er allereie selde. 2.3 Arealdisponering Arealdisponeringa blir vist på plankartet datert 06.03.2017. Arealfordelinga framgår av tabell under: Arealkategori: Feltnavn: Arealformål: Areal m2 BYGNINGAR OG ANLEGG: Fritidsbebyggelse Tomtene 1-23 1120 26365 m2 Konsentrert fritidsbebyggelse L1 og L2 1122 3545 m2 Skiløypetrase/Aking 1420 9936 m2 Energianlegg (trafo) 1510 7,5 m2 SAMFERDSELSANLEGG OG TEKNISK INFRASTRUKTUR: Kjøreveg V1, V2, V3 og veg 2011 4864 m2 Hjellhaugmarka m.m. Anna veggrunn 2018 3568 m2 GRØNSTRUKTUR: Vegetasjon og anna areal G1-G11 3001 7970 m2 Sum: 56 256 m2 ca. 56,2 daa 2.4 Lokalisering Planområdet er lokalisert til området mellom Økslevegen og vegen Hjellhaugmarka på Roaldsida av Strandafjellet. Side 10

2.5 Naturgrunnlag, landskap og vegetasjon Planområdet er ei forholdsvis bratt li med enkelte platå i den midtre delen. Delar av det midtre og den nedre delen av området består av myr og forsumpa mark og er eit forholdsvis ope landskap. Myrområdet er forholdsvis grunt, men fungerer som ein svamp for nedbør og overflatevatn. Den øvre delen består av bjørkeskog. Det er enkelte gran- og furutre i området. Det går ein bekk gjennom den sentrale delen av planområdet. Denne munnar ut i eit myrområde og har fleire mindre forgreiningar vidare nedover lia. 2.6 Landskapstilpassing og estetikk Den øvre delen av planområdet er forholdsvis bratt og stiller krav til god arealtilpassing av tomter, vegar og bygg. Bygga må i størst mogleg utstrekning plasserast langs kotene (på tvers av fallretninga), men kan også med fordel skråstillast på nokre tomter. 2.7 Naturmangfald Området er vurdert i tråd med naturmangfaldlova. Området er artsfattig og det er ikkje registert viktige naturtypar i planområdet i DN s naturbase. 2.8 Fritidsbustader og anlegg i nærområdet Det ligg fem bebygde tomter og 11 godkjende, ubebygde tomter i området. Fire av dei bebygde tomtene har tilkomst direkte frå Økslevegen. 2.9 Økslevegen Økslevegen er i dag hovudveg for store delar av Roaldsida i tillegg til Ringstadsætervegen. Deler av Økslevegen er bratt men har god opparbeidd vegbreidde. Vegen er tenkt som hovudveg også i framtida gjennom kommunedelplanen for Hevsdalen. Det er svært viktig med godt vedlikehald og god drift av vegen i form av god brøyting og strøing om vinteren og salting i sommarhalvåret. 2.10 Skredvurderingar Det er ikkje skredfare i området. Det blir vist til rapport frå NGI av 24.04.2007. Side 11

Illustrasjon 4: Kartutsnitt frå NGI-rapport 2.11 Mindre bekk og overflatevann Det går ein mindre bekk gjennom den sentrale delen av planområdet. I sommarhalvåret har denne bekken svært lita vassføring. Men i periodar med ekstra store nedbørsmengder kan det vere stor vassføring i denne bekken. Bekken endar i eit myrområde og fordeler seg i fleire mindre laup. Mesteparten av vatnet går i bekkelaup i grønkorridor i Andersgrenda og vidare rett nedover lia i grøntområde i Andersgrenda. 2.12 Vatn, avløp, oppvarming og straum Det går vatn- og avlaupsleidning tvers gjennom den sentrale delen av området. I tillegg går det vatn- og avlaupsleidning lengre ned i naboområdet, Andersgrenda, som det kan vere aktuelt å bruke til nokre tomter. 2.13 Grønstruktur, friluftsliv og rekreasjon Det er gode moglegheiter for utøving av vintersport, friluftsliv og rekreasjon i nærområdet, sjølv om dette krev noko aktiv tilrettelegging. Etter tidlegare gjennomført vegbygging av vegen Hjellhaugmarka er framtidig skiløype og mogleg skliløype brote. Det ligg ein grøn korridor gjennom den nedre delen av planområdet. I framtida skal del av denne korridoren brukast som både skiløype og turveg. 2.14 Kulturminne Det er ikkje kjende kulturminne i planområdet. Møre og Romsdal fylkeskommune har stilt krav om arkeologisk synfaring i området. 2.15 Landbruk Planområdet har inga betyding som skogbruksområde då mesteparten av dette består av lav bonitets skogsmark. Side 12

2.16 Støy og støv Området er ikkje ramma av støy frå Fv 60. Bebuaren langs Økslevegen merker derimot trafikken og støvplage i sommerhalvåret i tørre og varme periodar. 2.17 Renovasjon Renovasjon er etablert ved eigen plass like ved tilkomst frå Ringstadsæterkrysset. 3. Planforslaget 3.1 Arealdisponering Planområdet har eit totalt areal på ca. 56,2 dekar. Av dette er 10,3 dekar regulert til skiløype/aking/tursti og 7,7 daa til grønstruktur. 3.2 Bebyggelse og anlegg Område avsett til fritidsbebyggelse er på ca. 29,8 daa. Dette omfattar 23 nye tomter, fem bebygde tomter og tre mindre område med moglegheit for meir konsentrert bebyggelse. Størrelsen på nye tomter i den vestre delen av planområdet (Tomtene 1-12) har areal på frå 777 til 1159 m2. I den nedre delen av området er 6 godkjente tomter endra til 11 mindre tomter med areal på frå 353 til 637 m2 pr. tomt. Området er detaljprosjektert av ART arkitekter og ingeniører AS v/sivilarkitektane Gitte Marion Langlo og Oddbjørn Gjøslund. Her er planlagde bygg lagt på skrå for å unngå for mykje fylling i front. Illustrasjon 4: 3D-illustrasjon av planområdet og omkringliggande tomter, sett frå syd. Side 13

Illustrasjon 5: 3D-illustrasjon av planområdet og omkringliggande tomter, sett frå vest. 3.3 Økslevegen som hovudveg til fleire område Hovudtilkomst til planområdet er via Økslevegen. Denne vegen er allereie hovudveg til ei rekkje noverande og framtidige område på Roaldsida. Vegen er bratt på enkelte strekningar. Men vegen har god vegbreidde samanlikna med dei fleste vegane på Strandafjellet. Det brattaste partiet har ein rett før toppen av bakken før kryssing av mindre bekk. Her har vegen en kunstig kul på toppen og dette partiet bør senkast for å betre fri sikt og trafikktilhøva. Økslevegen er regulert med 10 m reguleringsbreidde og 5 meter køyrebredde. Vegen stiller krav til god drift og godt vedlikehald i form av brøyting og strøing vinterstid. 3.4 Vegtilkomst og vegar Vegane V1, V2, V3 og vegen Hjellhaugmarka har tilkomst frå Økslevegen. Etablert ny tilkomstveg i den midtre delen av området vil bli vidareført. Alle vegane har gode frisiktsoner etter senking av eit mindre parti på toppen på Økslevegen. Det vert opparbeidd ny mindre tilkomstveg i den øvre delen av området for tilkomst til 5 nye tomter. Dei to øvste tomtene 2 og 3 bør få samla tilkomst direkte frå Økslevegen av omsyn til terrenget på desse to tomtene. Her er det svært oversiktleg og god frisikt. Vegane V1, V2, V3 og vegen Hjellhaugmarka vert regulert med 8 m reguleringsbreidde og 4 m køyrebredde. Det er også planlagt snuplass i enden av begge vegane V1 og V2. Det bør leggast vekt på avrunda vegskjeringar, helst på 1:2 (maks 1:1,5) og at det raskt blir påført markdekke og humus. Side 14

Tilknyting til, og vedlikehald av, vegane vil bli løyst etter modell frå 53 i Veglova. Parkering for inntil 2 bilar blir lagt til grunn for kvar eining. 3.5 Bekk og overflatevatn Illustrasjon 6: Utsnitt av planområdet med bekkeløp og illustrasjon av nytt mindre bekkeløp som mulig overløp i perioder med ekstra store nedbørsmengder. Bekk under avkøyrsle til ny veg V1 må førast i rør/stikkrenne som er tilstrekkeleg dimensjonert. Eksisterande mindre bekk gjennom den sentrale delen av planområdet må sikrast mot periodar med ekstra store nedbørsmengder. Dette bør skje uavhengig av denne Side 15

planen sjølv om planen ikkje vil endre på vasstraumen og vassmengden i bekken. Bekkelaupet må haldast ope og bør steinsettast der det blir funne naudsynt. Vasstraumen bør bremsast før bekken kryssar ny veg V2. Her må det nyttast rør/stikkrenne med tilstrekkeleg dimensjonering. Bekkelaup gjennom myrområde og forsumpa mark må utbetrast og steinsettast ved behov og førast inn i bekkelaup i grønkorridor mellom tomtene 52/416 og 52/480. Det bør vurderast eit overlaup i nytt mindre bekkelaup langs skiløype og vidare ned langs skiløype og tidlegare trase for utforløypa for å sikre dei nedanforliggande tomtene i Andersgrenda i periodar med ekstra mykje nedbør. 3.6 Renovasjon Renovasjon er etablert i eige område ved Ringstadsæterkrysset. 3.7 Straumforsyning og VA Framtidig straumforsyning, vatn, avløp og eventuelt fiberoptikk for breiband bør samkøyrast i grøft i køyrevegar så sant dette er mogleg. Trafostasjon vest i området i G9 er tenkt som hovudforsyning i området. Dei fleste tomtene vil bli knytt opp mot vatn - og avlaupsleidning som går tvers gjennom det sentrale området. Nokre tomter i vest kan bli knytt opp mot vatn- og avlaupsleidning i Andersgrenda. 4. Verknader av planen 4.1 Landskap og estetikk Den øvre delen av området er forholdsvis bratt og krev god naturtilpassing av framtidig bygg. Delar av det midtre planområdet er forholdsvis ope. Arealdisponeringa er fastlagd ut frå ei samla vurdering av omsyn til frilufts- og rekreasjonsinteresser, landskapsestetiske tilhøve, planlagt forholdsvis høg utnytting og planlagt infrastruktur. Tilkomstvegar er lagt langs lia for å sikre best mogleg terrengtilpassing, minst mogleg utfylling og best tilkomst til tomtene. 4.2 Naturmangfald Kunnskapsgrunnlaget 8 Det er ikkje registert viktige naturtypar i planområdet i naturbasen. Det er elles ikkje kjennskap til trua artar eller naturtypar i planområdet. Føre-var prinsippet 9 Føre-var prinsippet skal leggast til grunn slik at ein unngår vesentleg skade på naturmangfaldet. Ein meiner med dette at kunnskapsgrunnlaget er tilstrekkeleg, og at føre-var prinsippet ikkje treng nyttast i dette tilfellet. Side 16

Prinsipp om samla belastning 10 Ein vurderer det slik at planforslaget ikkje får vesentleg verknad for naturmangfaldet, og at tiltaka i planen kan gjennomførast som planlagt. 4.3 Vegar, trafikk og trafikktryggleik Tilkomst inn i området ligg gunstig i terrenget med tanke på gode siktforhold. Vegane er lagt langs lia slik at desse medfører minst mogleg landskapsinngrep. Konsekvensane for veg og trafikktryggleik er ikkje rekna som store. 4.4 Kulturminne Det er ikkje kjende kulturminne i planområdet. Møre og Romsdal fylkeskommune har stilt krav om arkeologisk registrering i planområdet så snart det er farbart. Det er svært lite sannsynleg at ein finn kulturminne i området. 4.5 Friluftsliv og folkehelse Planområdet er lokalisert i eit område på Strandafjellet med flotte tilhøve for toppturar, langrenn og alpint i nærområdet. Dei planlagde hyttene vil betre tilhøva for utøving av vintersport, friluftsliv og for rekreasjon, og dermed vere positivt for folkehelsa. Området ligg i nærområdet til Meraftaløypa og Strandafjellet Skisenter. Konsekvensane for friluftsliv og folkehelse er klart positive. 4.6 Utforløypa og nye områder for aking, skiløype og tursti Den tidlegare utforløypa er ikkje aktuell som utforløype i framtida. Den er for lengst teke ut av bruk og er brote av nye vegar, hyttetomt og andre anlegg. Mange fritidsbustadar ligg nedanfor Økslevegen. Det er derfor eit mål at flest mogleg av desse kan bruke grønkorridor/skliløype i delar av utforløypa for å komme fram til den enkelte tomt. Traseen vil også kunne brukast for skiløparar saman med skiløype langs lia. Etter innspel er traseen lagt i ein sving slik at denne ikkje er så bratt. Dette sikrar også ei trase som er meir familievennleg. Det er lagt til rette for aking og aktivitetar for barn i både den øvre og nedre delen av området. Samtidig kan dette området brukast som tursti for å kome oppover i lia i sommarhalvåret. 4.7 Barn og unge Det er lagt inn grønkorridor ut frå den øvre hyttegrenda (veg V1) med sikte på enkel tilgang til områder for aking og aktivitet. Område for aking er lagt inn nedanfor enden av V1 noko som også sikrar enkel tilgang til trygt aktivitetsområde for dei yngste. 4.8 Forureining inkludert klimaverknader I Hevsdalen er det utbygd kommunalt vatn- og avlaupsanlegg. I området er det så langt privat avlaupsleidning tvers gjennom området. 4.9 Kommuneøkonomi og næringsutvikling Aktivitet og utbygging i Hevsdalen er eit tungt satsingsområde for reiseliv- og friluftsliv i kommunen. Det er allereie etablert fleire høgt utnytta områder i nærområdet. Bygging og bruk av hytter i planområdet vil gi positive ringverknader både for kommuneøkonomien og for næringslivet i kommunen. Side 17

4.10 Risiko og sårbarheit samla Planforslaget er vurdert opp mot aktuelle risikofaktorar, j.fr. ROS-skjema. Vedlegg 21. Side 18

Reguleringsføresegner for Ottogrenda hytteområde i Hevsdalen i Stranda kommune Dato: 06.03.2016. FØREMÅL MED PLANEN: Føremålet med planen er å legge til rette for oppføring av fritidsbustader med tilhøyrande anlegg, nye veganlegg, grønkorridorar, område for aking, skiløype og tursti. GENERELLE BESTEMMELSAR 1. Planområdet Det regulerte området er vist på plankart datert 15.01.2017. Arealet innanfor plangrensa er regulert etter 12-3 i plan- og bygningslova som detaljregulering. 2. Reguleringsføremål Området vert regulert til følgjande føremål: Bygg og anlegg (PBL 12-5 1. ledd nr 1): Område for fritidsbustader Område for konsentrerte fritidsbustadar Skiløype/skliløype Aking Trafo Samferdselsanlegg og teknisk infrastruktur (PBL 12-5 2. ledd): Køyreveg Anna veggrunn tekniske anlegg Snuplass Grønstruktur (PBL 12-5 3. ledd): Vegetasjon og anna areal Hensynsone (PBL 12-6): Frisiktsone 3. Bebyggelse og anlegg Reguleringsføresegnene gjeld for all bebyggelse innanfor planområdet. «Eksisterande tomter» viser til følgande eigedomar/festepunkt: 52/448, 52/5-23, 52/5-37, 52/5-38, 52/5-41 og 52/5-85. 3.1 Fritidsbustader på tomtene 1-12, T21-24 og eksisterande tomter a) Det kan førast opp fritidsbustader innanfor viste byggegrenser. Det er byggegrense på 10 meter frå senter Økslevegen. Byggegrense for vegane V1 og V2 er 8 meter frå senterveg, mens byggegrense for mot området L2 frå vegen Hjellhaugmarka er 6 meter. Side 19

b) Det kan oppførast fritidsbustad med inntil BYA=200 m2 (Hovudhytte, anneks uthus/garasje) c) Maksimal gesimshøgde er 5,6 m frå gjennomsnittleg terrengnivå. Maksimal mønehøgde er 8,1 m frå gjennomsnittlig ferdig planert terrengnivå. d) Anneks og uthus/garasje skal kvar for seg ikkje vere over BYA= 40 kvm og skal ha maks mønehøgde 5,0 m over gjennomsnittleg planert terrengnivå. e) Det opparbeidast to parkeringsplasser pr. tomt. Ein av parkeringsplassane kan vere i garasje. f) Vedlagt byggjesøknad skal det følgje snitt/profilar som syner plassering av bygningar i terrenget. 3.2 Område for konsentrert bebyggelse L1 a) I området L1 er maks % BYA = 30%. Maksimal gesimshøgde er 4,90 m og maksimal mønehøgde er 7,5 m over gjennomsnittleg planert terrengnivå. b) Det kan byggast inntil 3 tomannseiningar eller området kan delast i maks 3 mindre tomter. c) Bygningane skal ha saltak eller pulttak/samansette takflater med takvinkel 20-35 grader. d) Taktekking skal vere torv, tre, papp eller skifer. e) Alle bygg skal ha matte og dempande fargar. f) Området skal ikkje gjerdast inn. g) Det er ikkje tillate med flaggstenger og synlege antenner. h) Byggesøknaden skal innehalde snitt/profilar som syner bygget si plassering i terrenget. 3.3 Område for konsentrert bebyggelse L2 a) I område L2 er maks % BYA = 30%. Maksimal gesims- og mønehøgde er 6,25 m over gjennomsnittleg planert terrengnivå. b) Bygga skal plasserast inn i terrenget. Garasje skal inngå som del av bygga. c) Parkering skal skje i form av garasje. d) Bygningane skal ha saltak eller pulttak/samansette takflater med takvinkel 10-35 grader. e) Taktekking skal vere torv, tre eller skifer. f) Alle bygg skal ha matte og dempande fargar. g) Området skal ikkje gjerdast inn. Side 20

h) Det er ikkje tillate med flaggstenger og synlege antenner. i) Byggesøknaden skal innehalde snitt/profilar som syner bygget si plassering i terrenget. 3.4 Område med mindre tomter og konsentrert bebyggelse for tomtene 13-23 a) På tomtene 13, 14, 15, 16, 17, 18. 19, 20, 21, 22 og 23 kan det oppførast fritidsbustad med inntil maks BYA = 140 m2 (hytte og garasje). Av dette arealet regnes opparbeida ein parkeringsplass på minst 15 m2. b) Bygningane kan skråstillast i forhold til kotene på den enkelte tomt. c) Gesimshøgde er maks 4,00 m. Mønehøgde er maks 7,00 m. d) Bygningane skal ha saltak med takvinkel 20-35 grader e) Taktekking skal vere torv, tre eller skifer. f) Alle bygg skal ha matte og dempande fargar. g) Området skal ikkje gjerdast inn. h) Det er ikkje tillate med flaggstenger og synlege antenner. i) Byggesøknaden skal innehalde snitt/profilar som syner bygget si plassering i terrenget. 3.5 Terrengtilpassing og hensyn til vegetasjon for bygg på tomtene 1-12, T21- T24 og eksisterande tomter a) Bygningane skal tilpassast eksisterande terreng på tomta. b) Det er ikkje tillate å planere ut over det som er nødvendig for ei føremålstenleg plassering av hytte og uthus. Det kan oppførast tørrmur i skjering bak hytta. Det er ikkje tillate med større tørrmur i framkant av hytta. c) Terrasse skal tilpassast terrenget og trappast ned i nivå der terrenget er skrått. Avstand mellom terrasse og terreng skal maksimalt vere 80 cm. Rekkverket skal ha jordfargar som harmonerer med andre bygningar på tomta. d) Tomta skal behalde sin naturlege vegetasjon så langt det er mogleg. e) Dersom det blir fylt masse ved tre skal det leggast plast eller liknande rundt stammen. f) Torv skal takast vare på, leggast til side, for så å verte nytta til å dekke skråningar. Side 21

3.6 Bygningsutforming og estetikk for tomtene 1-12, L1, T21-T24 og eksisterande tomter a) Høgde på synlig grunnmur skal ikkje vere over 0,50 meter over ferdig planert terreng. b) Bygningane skal ha saltak eller pulttak/samansette takflater med takvinkel 20-35 grader. c) Det kan oppførast tørrmur i skjering bak bygg og i forkant av parkeringsplasser. Det er ikkje tillate med større tørrmur i framkant av bygg. d) Terrasse skal tilpassast terrenget og trappast ned i nivå der terrenget er skrått. Avstand mellom terrasse og terreng skal maksimalt vere 80 cm. Samla terrasse for kvar eining skal vera på maks 40 m2. Rekkverket skal ha jordfargar som harmonerer med andre bygningar på tomta. Bygningane skal ha ei harmonisk og arkitektonisk god utforming og god materialbruk. e) Taktekking skal vere torv, tre, shingelpapp eller skifer. f) Alle bygg skal ha matte og dempande fargar. g) Området skal ikkje gjerdast inn. h) Det er ikkje tillate med flaggstenger og synlige antenner. 3.7 Område for skiløype og aking a) Område med moglegheit for skiløype og aking skal opparbeidast som vist på plankartet. b) I området kan det blitt sett opp gapahuk, bord/benkar og liknande til allmenn bruk. c) Det skal ikkje settast opp bygg eller anlegg som er til hinder for ålmenta sin ferdsel i område avsett til skiløypetrase, aking eller grønkorridor 4. Samferdselsanlegg og teknisk infrastruktur 4.1 Privat veg a) Økslevegen (Hovudveg) skal ha regulert vegbredde 10 m, med opparbeidd vegbreidde 5 m inkludert vegskulder. b) Privat køyreveg V1, V2, V3 og vegen Hjellhaugmarka skal ha regulert vegbreidde 8 m og opparbeidd vegbredde 4 m inkludert vegskulder. c) Dimensjonerande aksellast skal vere 10 t på veg. Veggrøft skal være minimum 50 cm under planum og botnbreidde skal vere min 30 cm. d) Ved bygging av veg, skal torv takast vare på for så å bli brukt til å kle skråningar med. Der dette ikkje lar seg gjennomføre, skal skråningar dekkast med jord og såast til. e) Vegetasjon skal i størst mogleg grad takast vare på, og tre som blir ståande i skråningar skal takast vare på. Side 22

f) Tilfredsstillande rør/stikkrenne for mindre bekk må leggast under avkjørsle for veg V1. 5. Grønstruktur a) I mindre område for grønstruktur skal det ikkje settast opp bygg eller anlegg som er til hinder for ålmenta sin ferdsel. 6. Rekkefølgjeføresegner a) Bygningar kan ikkje takast i bruk før tilkomstveg, vassforsyning og avløpsanlegg av godkjend standard er utbygd. b) Brannhydrant skal vere etablert innan 2/3 av feltet er bygd ut. Reguleringsplan godkjend Stad Dato Side 23