Planforklaring Reguleringsplan for ny tilkomstveg til Sundheim Bo- og Treningssenter m.m.

Detaljreguleringsplan for ny tilkomstveg til Sundheim Bo- og Treningssenter m.m. Planid. 51620140006 Nord-Fron kommune Planforklaring side 1

Innhald 1 Bakgrunn for planarbeidet 1.1 Gjeldande planer for området 4 1.2 Mål for planarbeidet og justering av plangrensa etter varsel om planstart 4 1.3 Planområdet arealbruk i dag 5 1.4 Vurdering av konsekvensutgreiingsplikt 11 2 Naturforhold, biologisk mangfald og kulturminne 2.1 Geologi 12 2.2 Flora og fauna 13 2.3 Kulturminne 13 3 Planprosess og medverknad 3.1 Varsel om oppstart av planarbeidet 15 3.2 Innkomne merknader og vurdering av desse 15 3.2.1 Fylkesmannen i Oppland, brev av 19.12.2014 15 3.2.2 Oppland fylkeskommune, brev av 07.01.2015 17 3.2.3 Norges vassdrags- og energidirektorat, e-post av 17.12.2014 18 3.2.4 Statens vegvesen, brev av 15.12.2014 19 3.2.5 Opplysningsvesenets fond, e-post av 06.01.2015 19 3.2.6 Aud Iren Huse, e-post av 18.03.2015 20 3.3 Møte i Regionalt Planforum 24.01.2017 20 3.4 Medverknad 21 3.5 Framdrift 22 4 Planforslaget 4.1 Varsel om oppstart av planarbeidet 23 4.2 Innhald i planforslaget 23 4.3 Reguleringsformål 24 4.4 Omsynssoner 24 4.5 Omtale av dei ulike formåla 24 4.6 Arealrekneskap 26 5 Verknader av planforslaget 5.1 Veg- og trafikkforhold 28 5.2 Naturmiljøet 30 5.2.1 Naturverdiar 30 5.2.2 Forureining og støy 30 5.2.3 Flaum 31 5.2.4 Skred 31 5.3 Landskap 31 5.4 Jordbruksareal 34 5.5 Kulturminne 34 5.6 Energi og klima 37 5.7 Friluftsliv 37 side 2

5.8 Tilgjengelegheit for alle 39 5.9 Barn og unges interesser 39 5.10 Planens verknader for samfunnssikkerheit 40 6 Risiko- og sårbarheitsanalyse 6.1 Hensikt med ROS-analyse 41 6.2 Metode 41 6.3 ROS-analyse for gjennomføring av reguleringsplan for ny tilkomstveg til Sundheim Bo- og Treningssenter m.m. 43 7. Vedlegg 50 side 3

1. Bakgrunn for planarbeidet 1.1 Gjeldande planer for området Arealdelen av kommuneplanen 2011-2022, vedteke 21.06.2011 I kommuneplanen sin arealdel er det avsett areal til utviding av kyrkjegarden ved Sødorp kyrkje, samt at det er teikna inn trasè for ny tilkomstveg til Sundheim Bo- og Treningssenter. Forslaget til reguleringsplan som nå er utarbeida følgjer opp desse punkta. Utsnitt av kommuneplanen sin arealdel er vist i figur 2. Planområdet er i dag regulert i: Reguleringsplan for Vinstra vest av 04.12.1970 Vinstra vest endring Omlegging Rv. 255 av 21.10.1974 Når det gjeld reguleringsplanen for Vinstra vest har ein ikkje klart å skaffe til veie plankartet for denne reguleringa. Delar av arealet som ligg innanfor planområdet har ikkje tidlegare vore regulert. I hovudsak gjeld dette arealet som ligg aust for Sundheimsvegen. 1.2 Mål for planarbeidet og justering av plangrensa etter varsel om planstart Planforslaget er fremja av Nord-Fron kommune. Konsulentfirmaet Areal + AS har utarbeida plankart og ViaNova har laga teknisk plan i samråd med administrasjonen i kommunen. Nord-Fron kommune har utarbeida dei andre plandokumenta. I samband med utbygginga av Sundheim Bo- og Treningssenter blir det etablert ny tilkomstveg aust for (nedanfor) dagens bygningsmasse. Som følgje av dette er det behov for å regulere inn den nye vegen, samt få vurdert og regulert inn tilfredsstillande løysingar for mjuke trafikkantar på strekninga Sundheim Sundbrua Vinstra vdg.skule. Sundheim Bo- og Treningssenter er omfatta av planen. Området er i sin heilheit vist med institusjonsformål utan noko vidare detaljering. Planarbeidet har også til formål å leggje til rette for utviding av kyrkjegarden ved Sødorp kyrkje, jf. arealdelen av kommuneplan 2011-2022 der arealet er avsett til grav- og urnelundar. side 4

Regulering av heile området med Vinstra vdg.skule (VVS) og Vinstra-hallen er meir tidkrevjande og er ikkje teke med i dette reguleringsplanarbeidet. Administrasjonen har starta eit arbeid med å tenkje områdeutvikling, dvs. sjå arealbruk ved VVS og Vinstra-hallen i samanheng, og eit reguleringsarbeid vil kome som ein konsekvens av dette arbeidet. Ved varsel om oppstart omfatta planområdet også vegstrekninga frå kryss ved Kyrkjevegen / Vinstra vdg.skule og fram til rundkøyringa ved Dokken Bil AS, samt boligbebyggelse langs Sundheimsvegen og delvis gamle Skåbuveg, areal avsett til forretning i kommuneplanen sin arealdel og bekken Givra. Det er nå er starta eit arbeid for å sjå på løysingar m.o.t. flaumsituasjonen i Givra, samt at prosjekt Vinstra 2046 er i gang. Det er naturleg å sjå utviklinga av ovannemnde område i samband med desse punkta. Vegstrekninga frå kryss ved Kyrkjevegen / Vinstra vdg. skule og fram til rundkøyringa ved Dokken Bil AS og omkringliggjande område med m.a. Givra, er derfor teke ut av planforslaget før utlegging av planen til fyrste gongs offentleg ettersyn. Formålet med planarbeidet er som følgjer: Regulere ny tilkomstveg til Sundheim Bo- og Treningssenter. Regulere ei trafikksikker løysing for mjuke trafikkantar i samband med omlegging av tilkomstvegen. Justere kryss ved Kyrkjevegen / Vinstra vdg.skule. Regulere utviding av kyrkjegarden ved Sødorp kyrkje på areal som er avsett til dette formålet i arealdelen av kommuneplan. 1.3 Planområdet arealbruk i dag Planområdet ligg ut mot elva på vestsida av Laugen og har tilkomst frå fv. 255 via Sundheimsvegen. Korleis planområdet ligg til er vist i figur 1. Innafor planområdet ligg det fleire offentlege funksjonar; Sundheim Bo- og Treningssenter, Sødorp kyrkje og kyrkjegarden, samt vegløysing frå kryss ved Kyrkjevegen / Vinstra vdg skule Vinstra Sundbrua - Sødorp kyrkje Sundheim. Justering av kryssløysing ved Kyrkjevegen / Vinstra vdg.skule inngår i planarbeidet. side 5

Figur 1: Kart som viser korleis planområdet ligg til på vestsida av Gudbrandsdalslågen. Den pågåande utbygginga av Sundheim Bo- og Treningssenter er planlagt i 7 byggetrinn, kor byggetrinn 1 og 2 er utført, medan trinn 3 er under fullføring med m.a. ferdigstilling av 36 nye institusjonsplassar. I tillegg er det bygd ny adkomstveg til Sundheim, Sundheimsvegen. Denne skal få fortau og asfalt. Planavgrensinga ved varsel om oppstart er vist i figur 3, og planområdet var da på ca. 128 daa. Planområdet etter justering av plangrensa er på ca. 93 daa, jf. figur 4. Delar av dyrka marka på gnr. 245 bnr. 4 ligg innafor planområdet. Dette arealet er avsett til framtidig grav- og urnelund (G) i arealdelen av kommuneplan 2011-2022. Området grenser i nord mot dyrka mark, i vest mot etablert bustadområde i Sorperoa / dyrka mark, i sør mot Vinstra vdg. skule og i aust mot elveskråning / dyrka mark / busetnad / forretningsareal. Det er fleire kommunale vegar i området. I sak PU 49/15 Nye veinavn i Lomoenområdet i forbindelse med ny E6, vart det vedteke endringar i vegnamn. I planområdet gjeld endringa desse vegane: Kyrkjevegen: startar nå frå krysset ved VVS, i staden for ved rundkøyringa ved Dokken Bil AS. Det vil seie at vegen starter i kryss mot Sundheimsvegen ved kyrkjebakken / VVS, stopp ved dei nye omsorgsboligane på Sundheim. Sundheimsvegen: (ny veg frå Sundbrua og til Sundheim, samt delar av Kyrkjevegen). Startar i rundkøyring ved Dokken Bil AS, stopp ved Sundheim. Gamle Skåbuveg: kommunal veg. side 6

Figur 2: Utsnitt frå kommuneplanen sin arealdel 2011-2022 (delkart over Vinstra). side 7

Figur 3: Kart over planområdet. Avgrensing av planområdet ved varsel om oppstart er vist med svart stipla strek på utsnitt av grunnlagskartet. Ei mindre grensejustering i samband med varsel om oppstart ved Vinstra vdg.skule er vist med rosa skravur. side 8

Figur 4: Plankart som viser justert planavgrensing ved utlegging til 1. gongs offentleg ettersyn, med teiknforklaring. side 9

side 10

Figur 5: Oversiktsbilete over planområdet (Norge i bilder). 1.4 Vurdering av konsekvensutgreiingsplikt Planforslaget er i samsvar med gjeldande kommuneplan av 21.06.2011 når det gjeld den nye tilkomstvegen til Sundheim Bo- og Treningssenter og utvidinga av kyrkjegarden ved Sødorp kyrkje. Samla sett meiner ein at planforslaget ikkje utløyser krav om konsekvensutgreiing. Ved varsel om planstart utsendt av kommunen den 20.11.2014 vart det såleis ikkje sendt ved planprogram for høyring saman med oppstartsvarselet. I samband med oppstartsvarselet har det ikkje kome merknader der konsekvensutgreiing (KU) har vore kommentert. side 11

2. Naturforhold, biologisk mangfald og kulturminne Kunnskapsgrunnlaget som ligg til grunn for å beskrive naturverdiar / økologisk tilstand i planområdet er m.a.: Berggrunnskart: Nores Geologiske Undersøkelser (NGU) Lausmassekart: Norges Geologiske undesøkelser (NGU) Arealressurskart AR 5: Institutt for Skog og Landskap Naturbase (Naturtyper og Artsdata): Miljødirektoratet Data frå Artsdatabanken (www.artsdatabanken.no) 2.1 Geologi Berggrunnskart frå NGU viser at planområdet ligg innafor eit større område med grå sandstein og skifer / fyllitt. I noko av området er det grå sandstein og fyllitt. Lausmassekart viser at planområdet ligg på grensa mellom breelvavsetningar og område som er dekka av tjukk morenemasse, jf. figur 6. Figur 6: Lausmassekart (NGU). side 12

2.2 Flora og fauna I følgje Artsdatabanken (www.artsbanken.no) er det i planområdet ikkje registrert plante- eller dyrearter, som er utrydningstruga eller som står på den såkalla raudlista. I Miljødirektoratet sin Naturbase er det ikkje registrert naturtypar i planområdet som er viktige nasjonalt, regionalt eller lokalt. Ved utsjekk i naturbasa finn ein ei nyare registrering av den raudlista fuglearten Åkerrikse (CR, Kritisk truga) på gnr. 245 bnr. 1 Sundet, rett nord for planområdet. Tiltaket i reguleringsplanen kjem ikkje i konflikt med denne registreringa ettersom det ligg utanfor planområdet. Fylkesmannen peiker i si høyringsuttale på at det fins ei eldre registrering av den raudlista mosearten Striglekrypmose (NT, nær truga) nær planlagt / opparbeidd vegtrasè innafor planområdet. Det er gjort ein utsjekk i Artsdatabanken og Naturbase 13.11.2015, utan å gjere funn. I planforslaget er skråninga mellom vegtrasè for den nye tilkomstvegen til Sundheim og dyrka mark / Laugen regulert til friområde. 2.3 Kulturminne Planområdet omfattar eit areal med dyrka mark, vist som utviding av gravlund i kommuneplanen, elles er heile planområdet berørt av byggetiltak. Dyrka marka er vurdert til å ha potensiale for funn av bevarte automatisk freda kulturminne. Det er derfor gjennomført maskinell søkesjakting for å oppfylle undersøkingsplikta etter kulturminnelova 9. Det vart ikkje gjort funn av automatisk freda kulturminne eller kulturminne frå nyare tid. Men det er steingjerde frå nyare tid i nordre og austre kant av dyrka marka. Nord for tiltaksområdet er det eit steingjerde og ein geile ved det og i aust er det steingjerde, ein stig og kyrkjegard, i sør er det ein skule og i vest er det dyrka mark og boligar. Det er fleire grunnmurar etter små bygningar på vestsida, ved dyrka mark. Sødorp kyrkje er ei listeført kyrkje, dvs. at ho er vurdert som eit særleg verneverdig kulturminne av Riksantikvaren. side 13

Figur 7: Gamal steinmur i tilknyting til geile. side 14

3. Planprosess og medverknad 3.1 Varsel om oppstart av planarbeidet Planutvalet vedtok i møte 04.11.2014, sak 120/14 Framdriftsplan for plansaker 2014-2015 at det skal utarbeidast reguleringsplan for ny tilkomstveg til Sundheim Bo- og Treningssenter m.m. Planstart vart varsla i brev av 18.11.2014 til berørte partar. Planarbeidet vart kunngjort i lokalavisene 20.11.2014, og på heimesida til kommunen. Frist for merknader vart sett til 02.01.2015. Det vart gjort ei mindre grensejustering ved Vinstra vdg.skule (VVS) i samband med varsel om oppstart. Bakgrunnen for at dette området vart teke med, var ønskje frå ekstern plankonsulent om å regulere tilstrekkeleg areal for justering av kryss ved Kyrkjevegen / VVS, jf. figur 3. Det kom inn 6 merknader. Ein merknad kom etter at fristen var gått ut, denne er teke med i vurderinga. Vedkommande var i kontakt med kommunen på telefon før fristen gjekk ut. 3.2 Innkomne merknader og vurdering av desse Følgjande seks merknader har kome i samband med varsel om planstart: 1. Fylkesmannen i Oppland (FMO) 2. Oppland fylkeskommune (OFK) 3. Norges vassdrags- og energidirektorat (NVE) 4. Statens vegvesen (SVV) 5. Opplysningsvesenets fond (Ovf) 6. Aud Huse Nedanfor er det samandrag og vurdering av kvar enkelt av desse merknadene. 1. Fylkesmannen i Oppland, brev av 19.12.2014. a. Bakgrunn for saka: Fylkesmannen meiner det er positivt at kommunen tek initiativ til meir trafikksikre løysingar for gåande og syklande innafor planområdet. Tilrettelegging vil stimulere til meir aktivitet i kvardagen og bidreg til å redusere transportbehov og klimagassutslepp. b. Avgrensing av planområdet: Tilsendt kart viser ikkje nordre planavgrensing. Kommunen blir bedt om å vurdere nytt oppstartsvarsel dersom det omfattar vesentleg meir areal enn det som er vist i kartet som er oversendt. c. Tilhøvet til overordna plan og reguleringsplikt: Det blir vist til at både planlagt utviding av kyrkjegarden og tilkomstveg er vist i kommuneplanen sin arealdel 2011-2022. Fylkesmannen peiker på at tilkomstvegen i det vesentlege er bygd, side 15

eller i det minste at grunnarbeida er gjennomført og traseèn ferdig opparbeida. Fylkesmannen meiner det er svært uheldig at kommunen sjølv som planstyresmakt, langt på veg gjennomfører reguleringspliktige tiltak før reguleringsplan er vedteke. Dette gjev føringar og bindingar for den komande planprosessen og ikkje minst uheldige signal til andre som skal gjennomføre tiltak i kommunen. Dei tek likevel atterhald om at vegtrasèen kan vere planavklart gjennom anna prosess som dei ikkje er kjent med. d. Landbruk: Utviding av kyrkjegarden vil medføre at fulldyrka mark blir omdisponert til andre formål. Omdisponeringa er i tråd med overordna plan, men FMO forventar likevel at det blir lagt fram ei oversikt som viser arealbehov i dei komande 20 åra, evt. for planperioda. Dei minner om at all omdisponering også skal førast i KOSTRA. e. Vassdrag: Planområdet grensar til Laugen. Det blir vist til St.meld. nr. 26 (2006 2007) Regjeringens miljøpolitikk og rikets miljøtilstand. Kommunane er i nemnde stortingsmelding oppmoda om å fastsette byggegrenser langs vassdrag, og å følgje opp desse grensene i detaljplanar og enkeltsaker. Fylkesmannen føreset at planen sikrar ei sone med kantvegetasjon mot vassdraget, og at desse areala blir regulert til friluftsområde, og at ålmenta sin ferdsel langs vassdraget blir sikra med evt. enkel tilrettelegging. f. Naturmangfald: Det blir opplyst at det i Naturbasa er gjort registreringar av ein raudlista insektart (VU) og eit par raudlista fugleartar (NT) innafor eller nært opp til planområdet. Desse artane sin status og konsekvens av vidare uttak må avklarast gjennom reguleringa. Fylkesmannen minner om at naturmangfaldslova sine prinsipp i 8-12 skal leggjast til grunn som retningsliner ved offentlege avgjerder, og at vurderinga skal gå fram av vedtaket. Dei ber om at vurderingar etter lovas 8-12 blir innarbeida i planforklaringa, og at det blir teke omsyn til naturverdiar gjennom bruk av arealformål og føresegner. Det finst ei nyare registrering av den raudlista fuglearten Åkerrikse (CR, Kritisk truga) på jordet rett nord for Sundheim, og ein noko eldre registrering av den raudlista mosearten Striglekrypmose (NT, Nær truga) nær planlagt / opparbeida vegtrasè innafor planområdet. Fylkesmannen føreset at desse artane sin status blir oppdatert og avklart gjennom planprosessen og at mogleg negativ påverknad som følgje av tiltaket blir synleggjort. Vurdering: A. Ok. B. Ein beklagar at det vart sendt over feil kart. Kommunen oversende 22.12.2014 nytt kart som viser heile planområdet, og med ei mindre justering av plangrensa ved Vinstra vdg.skule. C. Ein tek punktet til etterretning. Kommunen har starta med opparbeiding av vegtrasè for ny Sundheimsveg før reguleringsplanen er vedteke. Ein ser at dette er uheldig. D. Det er avsett areal for utviding av Sødorp kyrkjegard i kommuneplanen sin arealdel med utgangspunkt i kyrkjas framtidige behov for areal. Ein meiner det er hensiktsmessig at heile arealet avsett til dette formålet blir regulert nå. Ein har i planarbeidet Det er i planarbeidet ikkje gjort nokon ytterlegare vurdering av arealbehov utover dette. Omdisponering av areal blir ført i KOSTRA. E. Plangrensa er nå justert slik at bekken Givra og omkringliggjande område ikkje lenger er omfatta av planforslaget, og slik at planområdet nå kun grenser mot elveskråning til Laugen. Det er regulert inn friområde nedover mot Laugen. Når side 16

det gjeld tilrettelegging for friluftsliv er det vist ein moglegheit (grøntkorridor) ned mot Laugen frå møteplass på Sundheimsvegen. F. Vurdering etter Naturmangfaldslova er følgd opp i planforklaringa, jf. kap. 2.2. 2. Oppland fylkeskommune, brev av 07.01.2015, e-post av 12.05.2015 og brev av 10.03.2016 (Befaringsrapport arkeologisk registrering). a. Fylkeskommunen sine merknader: Positivt at kommunen vil auke sikkerheita for mjuke trafikkantar i dette området. OFK peiker på at det gjennom nyleg vedtekne planar er lagt til rette for bygging av boligar og forretningar i Lomoen. På denne måten blir dette og liknande tiltak viktige i Lomoenområdet. For å få til god samanheng i gang- og sykkelvegnettet er det viktig at denne planen blir sett i samanheng med Reguleringsplan for Lomoen næringsområde. Fylkesvegen ser ikkje ut til å bli berørt av planen eller av det fysiske tiltaket. Dersom det likevel skjer, ber dei om at dette blir avklart med OFK. Dei peiker elles på at OFK har fått godkjent rammesøknad for utbygging av bygningsmassen på VVS som i ligg i dette området. Dei viser til at kommunen sende ut justert plangrense den 22.12.2014 som viser at den vidaregåande skulen og skulen sitt nye utbyggingsområde, T2, ligg innafor plangrensa. Dei ber difor om at plangrensa blir endra og lagt utanfor byggeområda. b. Kulturminne: Sødorp kyrkje er listeført, dvs. vurdert som eit særleg verneverdig kulturminne av Riksantikvaren. Ansvaret for å sikre omgjevnadene til dei listeførte kyrkjene er lagt til fylka frå 1. mai 2013. Det er fylkeskommunen som skal uttale seg til kommunen og gje råd til biskopen ved søknader om å oppføre bygning nærare listeført kyrkje enn 60 meter i spreiddbygd område. Dei ber om at omsynet til Sødorp kyrkje blir ivareteke i det vidare planarbeidet ved at det blir utarbeidd reguleringsbestemmelsar om vern knytt til arealformålet for Sødorp kyrkje i kombinasjon med juridisk line. Bygg, kulturminne m.m. som skal bevarast, sosikode 1210. Dei ber om at eit tilstrekkeleg areal rundt kyrkja blir ivareteke gjennom omsynssone C Sone med særleg bevaring av kulturminne / kulturmiljø etter pbl 12-6 jf. same lovs 11-8 bokstav C. Til omsynssona bør det knytast bestemmelsar. Det må gjerast ei skjønnsmessig vurdering av kor stort område rundt kyrkja som er naudsynt for å ivareta kyrkjestaden si plassering i landskapet. c. Automatisk freda kulturminne: Det er ikkje kjent automatisk freda kulturminne i planområdet. Planområdet omfattar areal med dyrka mark, utlagt som utviding av gravlund i kommuneplanen. Elles er heile planområdet berørt av byggetiltak. Dyrka marka blir vurdert til å ha potensiale for funn av bevarte automatisk freda kulturminne under pløyedjubde. Maskinell søkesjakting må gjennomførast for å oppfylle undersøkingsplikta etter kml 9. OFK meiner arealet sannsynlegvis er prestegardsgrunn, og at området utmerkar seg i forhold til ferdsel over Laugen. I e-post av 12.5.2015 frå Oppland fylkeskommune står det vidare: «Det er bevart steingjerder i nordre og østre kant av dyrka marka, delvis med fundament til bygninger inntil. Vi ber om at kommunen vurderer å regulere disse nyere tids kulturminnene til bevaring i reguleringsplanen». Steingjerdet er ikkje automatisk freda, men kan vere av kulturell og historisk lokal verdi. Ved tiltaksområdet (område for framtidig grav- og urnelund) både i nord og aust blir steingjerdet karakterisert som velbevart. I brev frå OFK av 10.03.2016 (utsending av befaringsrapport arkeologisk registrering) er steingjerdene frå nyare tid anbefalt bevart. d. Budsjett: side 17

I brevet står det at OFK med heimel i 10 i lov om kulturminne skal krevje refusjon av utgifter knytt til forvaltninga av automatisk freda kulturminne. Dette omfattar den effektive tid nytta til behandling av den aktuelle saka, for 2015 kr 960 pr. effektive time. Det blir bede om ei stadfesting frå kommunen om ein ønskjer synfaring innan 30.06.2015. Uttale vil bli gjeve etter at synfaring er gjennomført. Det blir vidare stilt krav om vilkår i samband med den arkeologiske sjaktinga, m.a. at tiltakshavar skal stille med gravemaskin etc. OFK minner om at planen ikkje kan vedtas før forholdet til automatisk freda kulturminne er avklart, jf. lov om kulturminne 8 og 9. Vurdering: A. Planen som nå er under utarbeiding vil bli sett i samanheng med m.a. Lomoenplanen når det m.a. gjeld gang- og sykkelvegnettet. Ettersom planavgrensinga nå er justert slik at planforslaget ikkje grenser inntil fv. 255, er vegen ikkje berørt av tiltaket. Bakgrunn for justering av plangrensa ved VVS ved varsel om oppstart var ønskje frå ekstern plankonsulent om å regulere tilstrekkeleg areal for justering av kryss ved Kyrkjevegen / VVS. Når krysset nå er planlagt viser det seg at det ikkje lenger er behov for å ta med areal som berørte utbyggingsområde T2, jf. merknad frå OFK. I tillegg er også delar av området lengst sør i det opprinnelege planforslaget teke ut. Merknaden frå OFK på dette punktet er derfor teke til følgje. B. Dette punktet vil bli følgd opp og innarbeida i plankart og reguleringsføresegner. Ein mindre del av omsynssona viser seg å ligge utanfor reguleringsplangrensa. Det blir ikkje lagt opp til utviding av planområdet. C. Sjakting av planområdet for utviding av kyrkjegarden ved Sødorp kyrkje vart gjennomført våren 2015. Det vart ikkje gjort funn av automatisk freda kulturminne. Punktet til OFK der dei ber kommunen om å vurdere bevaring av steingjerde er delvis oppfølgd ved at steingjerde ligg innafor Angittomsynssone Bevaring av kulturmiljø. Steingjerdene ligg i dag i tilknyting til dyrka mark. Ved ei omregulering av arealet til grav- og urnelund misser ein noko av denne samanhengen. Da vil steingjerde stå att som eit isolert element, i alle høve for det arealet som gjeld utviding av kyrkjegarden. Ein meiner såleis at steingjerdet som ligg aust for tiltaksområdet ikkje bør regulerast til bevaring ettersom dette kan kome i konflikt med planforslaget, da det er i dette området kyrkjegarden er foreslått utvida. Gangveg som ligg attmed nemnde steinmur vil også bli lagt om, slik at det går rundt kyrkjegarden. Når det gjeld steingjerdet som ligg nord for tiltaksområdet, så ligg dette steingjerdet langs ein geile i utkanten av tiltaksområdet, og slik sett vil ein kunne ivareta dette på ein betre måte. Ein tilrår derfor at nemnde steingjerde nord for tiltaksområdet bør bevarast. D. OK. Kommunen har motteke rapport frå kulturminneregistreringa, jf. vedlegg 6 til planomtala: Synfaringsrapport «Arkeologisk registrering i forbindelse med reguleringsplan for ny tilkomstvei til Sundheim Bo- og Treningssenter, gnr. 245 bnr. 4, Nord-Fron» frå Oppland fylkeskommune, datert 26.01.2016. 3. Norges vassdrags- og energidirektorat, e-post av 17.12.2014. a. Planområdet omfattar vassdrag og NVE minner om omsynet til vassdrag, kravet om ivaretaking av ei naturleg vegetasjonssone langs vassdraget, samt sikkerheitskrav i forhold til TEK 10. Dei føreset at planlagte tiltak ikkje fører til auka flaumfare for omkringliggjande område. Dei tilrår at ein unngår vassdragsinngrep. Dette er tiltak som blir omfatta av vannressurslovas side 18

bestemmelsar og som evt. må dokumenterast tilstrekkeleg i planen slik at ei vurdering etter lova er mogleg. NVE skriv at det er vanskeleg å vurdere alle moglege eventualitetar ved ein framtidig plan, og dei har derfor lagt ved ei sjekkliste til bruk ved oppstart av reguleringsplanarbeid. Ved å gjennomgå lista kan ein sjekke ut deira ansvarsområde tilknytt planen. b. Dei tek atterhald om å kome attende med fleire innspel seinare i planprosessen. Vurdering: A. Givra og omkringliggjande areal er nå teke ut av planforslaget ved at plangrensa er justert. Planområdet er også justert i høve til Laugen og grenser ikkje lenger heilt ned i elva. Elveskråning mot Laugen er i planforslaget regulert til friområde. B. OK. 4. Statens vegvesen, brev av 15.12.2014. a. Gang- sykkelvegnett: SVV føreset at gang-/sykkelvegar i planen blir vurdert i samanheng med gang-/sykkelvegnettet utanfor planområdet, med tanke på eit samanhengande tilbod for mjuke trafikkantar. b. Kollektivtilbod: SVV reknar med at det også er behov for eit kollektivtilbod i området som må takast vare på i planen med omsyn til opprusting av eksisterande og eventuelt nye haldeplassar for buss. c. Universell utforming: SVV føreset at prinsippet om universell utforming blir lagt til grunn i samband med planen. d. Drøfting: Sjølv om SVV`s ansvarsområde ikkje er direkte råka av planen, tilrår dei likevel at den blir drøfta med kommunen før utlegging til offentleg ettersyn. Vurdering: A. Ein vil sjå på samanhengen i dette området når det gjeld gang-/sykkelvegar, jf. pkt. 2A. B. Det er ei eksisterande busslomme rett sør for planområdet, jf. slik forslag til planavgrensing var ved varsel om oppstart av planarbeid. Ved utlegging av planen til 1. gongs offentleg ettersyn er planområdet redusert ved at området lengst sør mot fv. 255 er trekt ut av planforslaget. Det er ikkje noko busstrafikk innafor dagens plangrense og ettersom busslomma nå blir liggjande eit godt stykke unna planområdet har ein derfor ikkje følgd opp dette punktet. C. Kravet til universell utforming vil bli følgd opp og innarbeida i plandokumenta. D. Kommunen vil ha dialog med vegvesenet før planen blir lagt ut til offentleg ettersyn, jf. møte i regionalt planforum 24.01.2017. 5. Opplysningsvesenets fond, e-post av 06.01.2015. a. Ovf peiker på at planavgrensinga medfører at ein mindre del av deira eigedom blir berørt i den nordlege del av planområdet. Det er likevel på det noverande tidspunkt uklart på kva for måte dette får betydning. Det blir teke atterhald om å kome attende med meir utfyllande kommentarar seinare i planprosessen. Det blir gjort merksam på at areal som tilhøyrer Ovf og som er naudsynte for å gjennomføre reguleringsplanen må påreknast erverva. Vurdering: Synspunktet blir teke til orientering Eit mindre areal tilhøyrande Ovf som låg innafor planområde ved varsel om oppstart, er nå teke ut av planforslaget ved at plangrensa er justert. side 19

6. Aud Iren Huse, e-post av 18.03.2015. a. Fortau: Som eigar / festar av eigedomane 245/32 og 245/112/52 vil Huse bemerke følgjande til arbeidet med reguleringsplanen: Det planlagte fortauet langs Kyrkjevegen er i følgje plankartet lagt mellom eksisterande veg og hennar eigedom. Dette vil slik det ser ut beskjere hennar eigedom, slik at avstand mellom hennar hus og vegen, ikkje vil oppfylle avstandskravet som var da ho fekk godkjent plasseringa av huset etter flaumen i 2011. Forslaget til Huse er at dersom fortauet må ligge på denne sida av vegen, bør Kyrkjevegen utvidast på motsett side, slik at fortauet ikkje kjem nærare hennar eigedom enn Kyrkjevegen er i dag. Alternativt bør det vurderast å leggje fortauet på andre sida av Kyrkjevegen. b. Eigedomsgrense: Vidare skriv ho at det ser ut som hennar eigedom er beskåret mot naboeigedomen 245/112 for å rette inn grensa mellom eigedomane. Dette vil ho ikkje gå med på ettersom det vil føre til ei forringing av hennar eigedom. Ho ønskjer i staden ei utviding av sin eigedom, da den allereie er liten og avstanden mellom hus og tomtegrense er på eit minimumsnivå. Vurdering: A. Området som omfattar Huse sin eigedom er nå teke ut av planen slik det ikkje er grunnlag for å vurdere merknaden vidare i dette planarbeidet. B. Sjå vurdering i pkt. 6A over. I kartet som følgde oppstartsvarselet er det ikkje gjort nokon endringar i tomtegrensene. Plankartet som var utsendt ved varsel om oppstart viser imidlertid tomteplasseringa til det gamle huset (før flaumen i 2011). 3.3 Møte i Regionalt Planforum 24.01.2017 Den 24.01.2017 vart plansaka drøfta i Regionalt Planforum. Det er skrivi referat frå møtet datert 06.02.2017. Ettersom både Givra og område med busetnad nå er trekt ut av planen, blir desse punkta ikkje teke med her. Hovudpunkta frå denne diskusjonen var: Statens vegvesen Anbefaler at det lages gang- og sykkelveg langs Sundheimsvegen og ikkje fortau. Det er mange som bruker Sundbrua til VVS og arbeidsplassar i Lomoen. Fortau er ingen sykkelløysing. Lurer på om det fins trafikktal. Teljing etter omlegging av E6 kjem vanlegvis eitt år etterpå. Avkøyring til parkering SPA kontroller trafikksikkerheit. Hugs sykkelparkering ved dei ulike funksjonar. Er det behov for busshaldeplass i området? Opplandstrafikk må avklare dette. Sjå på løysinga ved Gjøvik gard der ei innsnevring til eitt kjørefelt gir betre plass til mjuke trafikantar, og med eit opphøgd gangfelt over kjørebana. Fylkesmannen i Oppland Fortau langs Sundheisvegen er ikkje heldig, sørg for betre tilrettelegging for gåande og syklande frå Sundbrua fram mot krysset ved VVS. Replikk frå NFK: Utfordringa er det bratte terrenget. Det blir ein veldig høg støttemur. side 20

Sundheimsvegen er bygd utan reguleringsplan, det er eit meget uheldig signal til private utbyggarar. Konsekvensutgreiing må vurderast da arealet er over 15 daa. Utviding av kyrkjegarden ligg inne i kommuneplanen, men har kommunen vurdert ein større andel urnegraver? Det blir dårleg arrondering av resten av jordet når heile utvidinga tas i bruk. Ei gradvis utviding av kyrkjegarden bør vurderast, med rekkjefølgjebestemmelsar. Det er strengare praksis for omdisponering av dyrka mark nå enn før. Minner om at arealoppgåve skal lagast. Oppland fylkeskommune Kommunen må kontakte Opplandstrafikk om behovet for ei busslomme på fv. 255 i planområdet. Dersom det ikkje er behov, vil SVV vurdere å fjerne busslomma som er der i dag. Kulturarv: sjakta og avklarte kulturminne i 2015. Har ikkje funne automatisk freda kulturminne. Nyare tids steingjerde ser ut til å vere regulert med omsynssone og det same er kyrkja. Planfaglege kommentarar: Når det gjeld kommentar frå SVV om avkøyring til parkering (SPA) ved VVS, så er dette området nå trekt ut av planen. Ein viser elles til vurderingar i pkt. 3.2, 4.2 og 5.1.i planforklaringa. 3.4 Medverknad Det er utarbeidd eit planforslag som består av plankart, planføresegner og denne planforklaringa med ROS-analyse. Planutvalet i kommunen behandlar planforslaget og gjer evt. vedtak om at det skal leggjast ut til offentleg ettersyn og høyring med frist på minimum 6 veker. Planforslaget blir lagt ut på Servicetorget på kommunehuset på Vinstra, kommunen si heimeside (www.nord-fron.kommune.no) og blir annonsert i lokalavisene GD og Dølen. Etter at reguleringsplanen har vore ute til offentleg ettersyn vil kommunen vurdere innkomne merknader og foreslå eventuelle planendringar. Saka blir så teke opp til behandling i planutvalet i kommunen, før planen blir lagt fram for kommunestyret til vedtak. Ved større endringar, må planen, eventuelt delar av planen, leggjast ut til offentleg ettersyn på nytt. Kommunestyret sitt vedtak vil bli annonsert i lokalavisa. Berørte partar blir orientert skriftleg om vedtaket saman med opplysningar om klageadgang. Fylkesmannen, fylkeskommunen og statlege fagmyndigheiter kan reise motsegn mot plangodkjenninga. Evt. innsigelse blir fyrst behandla som mekling av Fylkesmannen. side 21

Dersom mekling hos Fylkesmannen ikkje fører fram, må planen sendast til Klima- og miljødepartementet for avgjerd. Frå 01.10.2015 er det eit forsøk med samordning av statlege motsegner til kommunale planar i Oppland. Dette inneber at Fylkesmannen får eit samordningsansvar for motsegner fremja av statlege myndigheiter. 3.5 Framdrift Planforslaget blir lagt fram til fyrste gongs behandling i planutvalet og lagt ut til offentleg ettersyn så snart som mogleg etter dette, med 6 vekers høyringsfrist. Det blir vidare lagt opp til at planen kan sluttbehandlast av kommunestyret fyrste halvdel av 2017 dersom det ikkje kjem vesentlege merknader i samband med høyringa. side 22

4. Planforslaget 4.1 Varsel om oppstart av planarbeidet Planutvalet vedtok i møte 04.11.2014, sak 120/14 Framdriftsplan for plansaker 2014-2015 at det skal utarbeidast reguleringsplan for ny tilkomstveg til Sundheim Bo- og Treningssenter m.m. Planstart vart varsla i brev av 18.11.2014 til berørte partar i saka. Planarbeidet vart kunngjort i lokalavisene 20.11.2014, og på heimesida til kommunen. Frist for merknader var sett til 02.01.2015. Det vart gjort ei mindre grensejustering ved Vinstra vdg.skule i samband med varsel om oppstart. Bakgrunnen for at dette var ønskje frå ekstern plankonsulent om å regulere tilstrekkeleg areal for justering av kryss ved Kyrkjevegen / VVS, jf. figur 3. 4.2 Innhald i planforslaget Planforslaget og verknader av dette kjem fram av kart, føresegner, planforklaring med ROS-analyse og teknisk plan. Sundheimsvegen tek av frå fv. 255 i rundkøyringa ved Dokken Bil AS. Frå rundkøyringa ligg gang- og sykkelvegen i dag på innsida av Sundheimsvegen fram til ei innkøyring til Vinstra vdg.skule. Denne korte strekninga med gang- og sykkelveg vart bygd i samband med etablering av rundkøyringa ved Dokken Bil AS. Nemnde gang- og sykkelveg, samt ei strekning av Sundheimsvegen fram til kryssløysing ved Kyrkjevegen / Vinstra vdg. skule, ligg utanfor planområdet ettersom plangrensa er justert ved utlegging av planen til fyrste gongs offentleg ettersyn. Planforslaget omfattar m.a. endring av vegsystemet som følgje av utbygginga på Sundheim Bo- og Treningssenter. Endringa inneber etablering av ny vegtrasè frå Sundbrua og til Sundheim og fører til biltrafikk forbi Sundbrua. Strekninga frå kryss ved Kyrkjevegen / Vinstra vdg.skule og til Sundbrua har tidlegare kun vore nytta til gang- og sykkeltrafikk. Noko av biltrafikken til Sundheim skal også etter utbygginga gå via Kyrkjevegen, medan noko skal gå via den nye tilkomstvegen. Veglina for Sundheimsvegen (strekning sør for Sundbrua) er i planen justert noko i høve til korleis vegen ligg i dag. Dette er m.a. gjort for å få plass til fortau, samt å rette ut vegen og betre siktforholda. Det er planlagt fortau på innsida av Sundheimsvegen frå kryss ved Kyrkjevegen / Vinstra vdg.skule og til Sundbrua. Frå Sundbrua og fram til Sundheim Bo- og Treningssenter er fortauet planlagt å ligge på utsida av Sundheimsvegen. Reguleringsplanen legg opp til trafikksikringstiltak innanfor planområdet. Det er planlagt tiltak som vil dempe fart for kjøretøy inn mot område der gåande / syklande kryssar over Sundheimsvegen ved Sundbrua. Her kjem det ned ein gamal geile frå Kyrkjevegen som er mykje brukt av fotgjengarar. Tiltak i nedre del av geilen blir vurdert for å gjere den meir trafikksikker og for å hindre m.a. syklande å køyre ut i krysset. side 23

I planarbeidet inngår justering av kryss ved Kyrkjevegen / Vinstra vdg.skule. Krysset blir utforma som eit T-kryss for å sikre oversiktlege og trygge trafikkforhold. Dette gjer at krysset må flyttast lenger sør og blir innsnevra i forhold til dagens kryss. Det vil bli etablert fortau i tilknyting til kryssområdet. Det vil gjelde vanleg høgreregel i krysset, dvs. at køyrande frå Sundheimsvegen sørover har vikeplikt etter høgreregel. Planarbeidet har i tillegg til formål å leggje til rette for utviding av kyrkjegarden ved Sødorp kyrkje, jf. arealdelen av kommuneplan 2011-2022. Delar av dyrka marka på eigedom gnr. 245 bnr. 4 blir regulert til grav- og urnelund. Oppland fylkeskommune v/kulturarvenheten har utført sjakting av arealet, og det er ikkje gjort funn av automatisk freda kulturminne. 4.3 Reguleringsformål 4.3.1 Institusjon 4.3.2 Kyrkje / anna religionsutøving 4.3.3 Skiløypetrasè 4.3.4 Fjernvarmeanlegg 4.3.5 Vass- og avlaupsanlegg 4.3.6 Grav- og urnelund 4.3.7 Veg 4.3.8 Fortau 4.3.9 Gang-/sykkelveg 4.3.10 Annan veggrunn grøntareal 4.3.11 Parkering 4.3.12 Turveg 4.3.13 Friområde 4.4 Omsynssoner 4.4.1 Sikringssone - Frisikt 4.4.2 Angittomsynssone Bevaring kulturmiljø Forslag til reguleringsføresegner følgjer som vedlegg til planomtala. 4.5 Omtale av dei ulike formåla 12.5.1 Bygningar og anlegg Institusjon Omfattar Sundheim Bo- og Treningssenter. Det er ikkje gjort ytterlegare detaljering innafor institusjonsformålet. Vegløysingar, parkering etc. er derfor ikkje vist i planen. side 24

Kyrkje / anna religionsutøving Omfattar Sødorp Kyrkje kyrkjebygget. Skiløypetrasè Omfattar del av lysløypetrasè ovanfor Sundheim Bo- og Treningssenter. Fjernvarmeanlegg Omfattar fjernvarmeanlegg, område rundt og innkøyringa til anlegget. Vass- og avlaupsanlegg Omfattar pumpestasjon for kloakk. Grav- og urnelund Omfattar kyrkjegarden ved Sødorp kyrkje slik han ligg i dag, og utviding av kyrkjegarden, jf. kommuneplanen sin arealdel 2011-2022. Innafor dette formålet ligg det bygningar som kyrkjestugu, bårehus m.m. samt eit området nytta til parkeringsplass. I samband med utvidinga av kyrkjegarden vil også gangveg på kyrkjegarden bli lagt om slik at den går rundt kyrkjegarden, men innafor areal regulert til grav- og urnelund. 12-5.2 Samferdselsanlegg og teknisk infrastruktur Veg Omfattar kommunale vegar; Sundheimsvegen og Kyrkjevegen. Gamle Skåbuveg ligg i hovudsak utanfor planområdet. Fortau Gjeld fortau som skal etablerast i samband med gjennomføringa av planen, dvs. langs Sundheimsvegen, og i tilknyting til kryss ved Sundheimsvegen / Kyrkjevegen / VVS. Gang-/sykkelveg Gjela areal i samband med Sundbrua (bruhovudet). Annan veggrunn grøntareal Omfattar areal til grøft, vegskjering og vegfylling og andre tekniske anlegg, samt møteplass på Sundheimsvegen. Vidare omfattar det areal ved kryss mellom Sundheimsvegen og Kyrkjevegen. Areala skal i hovudsak ha eit grønt preg, men ikkje ha vegetasjon som hindrar sikta i vegkrysset. Parkering Det er vist parkering ved Sødorp kyrkje; utanfor kyrkjegardsmuren og langs Kyrkjevegen. Parkeringa som er vist i planen er i bruk i dag. side 25

12.5.3 Grøntstruktur Omfattar turvegar og friområde. Turvegar er etablerte stigar forbi Sundheim Bo- og Treningssenter, ein gamal geile mellom Kyrkjevegen og Sundheimsvegen, samt ein snarveg i kryss ved Kyrkjevegen / Vinstra vdg. skule. Det er også vist ein moglegheit i plankartet for etablering av ein stig frå møteplass på Sundheimsvegen og ned til Laugen. Det er avsett fleire område som friområde i planområdet. Dette omfattar naturområde el.l. 12-6 Omsynssoner Sikringssone Frisikt I kryss mellom Sundheimsvegen og Kyrkjevegen er det innteikna ei sone som skal vere fri for sikthinder i forhold til trafikk på vegen. Angittomsynssone Bevaring kulturmiljø Omfattar omsynssone C sone med særleg bevaring av kulturminne / kulturmiljø. Gjeld området rundt Sødorp kyrkje. 4.6 Arealrekneskap Foreslått arealbruk er vist i tabellen under på s. 27. side 26

Arealformål m2 Institusjon 43169 Kyrkje/anna religionsutøving 364 Skiløype 455 Fjernvarmeanlegg 341 Vass- og avlaupsanlegg 120 Grav- og urnelund 27209 Veg 4767 Fortau 1654 Gang-/sykkelveg 64 Annan veggrunn - tekniske anlegg 68 Annan veggrunn - grøntareal 2936 Parkering 1060 Truveg 665 Friområde 10161 Sum av areal for heile planområdet 93033 93,0 daa side 27

5. Verknader av planforslaget 5.1 Veg- og trafikkforhold Fv. 255 kor Sundheimsvegen tek av frå, har ÅDT 6625 og 60 km/t fartsgrense. Sundheimsvegen og Kyrkjevegen har inntil vidare 50-sone fordi det er sentrum og elles ingen vurdering av ei endra fartsgrense. Det er ikkje registrert ÅDT for Sundheimsvegen og Kyrkjevegen. Det er gjort endringar i vegsystemet ved Sundheim Bo- og Treningssenter og Sødorp kyrkje, som følgje av at utbygginga på Sundheim avskjer tidlegare tilkomstveg til Sundheim. Under utbygginga har i hovudsak all trafikk til Sundheim gått etter Sundheimsvegen. Noko av trafikken til Sundheim skal også etter utbygginga gå via Kyrkjevegen, medan noko skal gå via den nye tilkomstvegen. Nyvegen fram til Sundheim skal kun vere for besøkande og delvis varelevering. Denne situasjonen blir sett i drift frå sommar / haust 2017. Evt. ÅDT-tal må derfor justerast etter dette. Endringane fører til at det blir biltrafikk forbi Sundbrua, på den nye Sundheimsvegen. Strekninga frå krysset ved Kyrkjevegen / Vinstra vdg.skule til Sundbrua har tidlegare kun vore nytta av fotgjengarar og syklistar, og har fungert som ein gang-/sykkelveg. Da detaljreguleringsplan for ny tilkomstveg til Sundheim Bo- og Treningssenter vart drøfta på Regionalt Planforum 24.01.2017, vart det frå regionale myndigheiter påpeikt at det bør byggjast gang- og sykkelveg, jf. kap. 3.3. Dette utifrå at strekninga er mykje brukt av fotgjengarar og syklistar, og at eit fortau ikkje er nokon sykkelløysing. Fortau er fyrst og fremst for dei gåande, og syklistar er i utgangspunktet henvist til vegbana, jf. Forskrift om kjørende og gående trafikk. Det er i planforslaget valt ei løysing med fortau på denne strekninga. Dette skuldast mellom anna vanskelege terrengtilhøve og plassmangel. Det er ei bratt skråning på innsida av Sundheimsvegen ved Sundbrua som gjev utfordringar i forhold til bygging av gang-/sykkelveg her. I tillegg er trafikkmengda på Sundheimsvegen avgrensa. I samband med at det er gjort trafikkregistreringar på Vinstra hausten 2016, i perioden før ny E6 opna, tek ein med tal som gjeld trafikk over Laugen, henta frå førebels rapport: For trafikken som krysser Lågen har vi sammenlignet gang- og sykkeltrafikken over Sundbrua med biltrafikken på fv. 255 over Lågen. Det ble registrert 77 syklende og 125 gående over brua i de fire rushtidstimene, mens det ble telt 2 300 biler i de samme fire timene den dagen biltrafikken ble registrert. Hvis vi regner 1,1 person pr bil i gjennomsnitt gir dette en sykkelandel i rushtiden er ca. 3 %, mens gangandelen er ca. 5 %. side 28

Figur 8: Frå kryssløysing ved Sundheimsvegen. Til høgre på biletet er det ein gamal steinmur som vil bli bevart i høve til planforslaget. Figur 9: Bilete er teke på Sundbrua og mot kryssløysing på Sundheimsvegen. Gang- og sykkelvegar frå områderegulering for Lomoen er ført vidare i denne planen, og gjev god samanheng i gang- og sykkelvegnettet i området. Løysinga for mjuke trafikkantar blir forlenga langs Sundheimsvegen. Dette skjer ved etablering av fortau i forlenginga av dagens gang- og sykkelveg som tek av i rundkøyringa ved Dokken Bil AS, og som går på innsida av Sundheimsvegen. Det er berre delar av denne strekninga som blir regulert nå. Det blir fortau fram til Sundheim Bo- og Treningssenter, men med kryssing over på andre sida av Sundheimsvegen ved Sundbrua, slik at fortauet her vil gå på utsida av Sundheimsvegen. side 29

Figur 10: Sundheimsvegen har separat gang- og sykkelveg ei kort strekning frå rundkøyringa ved Dokken Bil og fram til ei innkøyring til Vinstra vdg.skule. Biletet er teke utanfor planområdet, men viser løysing for gang-/sykkeltrafikk der Sundheimsvegen tek av frå fv. 255. Kryssløysing ved Kyrkjevegen / Vinstra vdg.skule blir justert og flytta litt lenger sør. Det vil bli etablert fortau i tilknyting til kryssområdet. Samla sett meiner ein planforslaget med etablering av fortau langs Sundheimsvegen og andre trafikksikkerheitstiltak, medfører ei forbetring av trafikksikkerheita i forhold til dagens situasjon. 5.2 Naturmiljøet 5.2.1 Naturverdiar Prinsippa i naturmangfaldslova 8-12 er lagt til grunn ved at tilgjengeleg kunnskapsgrunnlag er gjennomgått. Det er vurdert at kunnskapsgrunnlaget er tilfredsstillande og det blir ikkje sett på som naudsynt med igangsetting av avbøtande tiltak når det gjeld planen sine konsekvensar for naturmangfald. 5.2.2 Forureining og støy Det er ikkje forventa at utbygginga vil medføre vesentleg endring m.o.t. forureining. Busetnaden i området er tilknytt offentleg vassforsyning og avløp. Planområdet er ikkje utsett for støy. side 30

5.2.3 Flaum Etter at plangrensa vart justert så ligg bekken Givra eit godt stykke utanfor planområdet. Planområdet er ikkje utsett for flaum. I Givra har det vore flaum om våren i snøsmeltinga og ved store nedbørsmengder. I 2014 har Statens vegvesen og Nord-Fron kommune på vegne av NVE gjort tiltak i Givra fram til «Skåbu-krysset». Det vil seie eit godt stykke vest for planområdet til detaljreguleringsplan for ny tilkomstveg til Sundheim Bo- og Treningssenter m.m.. Det er i gang eit arbeid for å sjå på flaumsikringstiltak i høve til Givra, der m.a. Statens vegvesen er involvert. 5.2.4 Skred Den nasjonale basa «Skrednett» viser at planområdet ligg utanfor faresone med aktsemd for moglege steinsprang/lausmasseskred, jord- og flaumskred og snøskred. 5.3 Landskap Planområdet går frå Gudbrandsdalslågen og eit stykke opp i «lia». Laugen er det dominerande landskapselementet i området. Kantvegetasjon langs elva og skråningskantar med naturleg vegetasjon, samt meir opne jordbruksområde er med å pregar området sett frå avstand. Området ber preg av det ligg på ein furumo, og bartre saman med lauvtre er framleis eit viktig innslag i landskapet. Sødorp kyrkje ligg på eit flatare parti ovanfor Laugen, og har såleis ei framtredande plassering i landskapet. Kyrkja er godt synleg frå dalbotn og frå austsida av Laugen og er eit viktig element i dette landskapet. Kyrkja ligg på same «nivå» (kote) som Sundheim Bo- og Treningssenter. Omkringliggjande område er landbruksområde med randsoner, steingardar, dyrka mark, og område for andre offentlege funksjonar. Kyrkja grenser i sør mot Vinstra vidaregåande skule. Det ligg her bebyggelse relativt nær kyrkja, og det er viktig å sikre at det ikkje blir bygd nærmare kyrkja. I nord grenser kyrkja mot Sundheim Bo- og Treningssenter. Området rundt kyrkja er i reguleringsplanen vist med omsynssoner som understreker betydninga av å ta vare på dette landskapet. Noko av arealet blir foreslått regulert til friområde der ein legg opp til å behalde naturleg vegetasjon. side 31

Figur 11: Oversiktsbilete av planområde. Figur 12: Bilete viser Sødorp kyrkje. Til venstre i bilete og utanfor planområdet, ligg eit bustadhus og Vinstra vdg.skule i bakgrunn. side 32

Figur 13: Sundheim Bo- og Treningssenter med den nye Sundheimsvegen nedanfor. Figur 14: Bilete er teke frå den andre sida av dalen over mot kyrkja. I skråninga nedanfor kyrkja ligg den nye Sundheimsvegen. side 33

5.4 Jordbruksareal Planområdet omfattar eit areal med dyrka mark, avsett som framtidig grav- og urnelund i arealdelen av kommuneplan og er såleis avklart på overordna plannivå. Dette gjeld gnr. 245 bnr. 4. Det berørte jordbruksarealet er i følgje AR 5 klassifisert som fulldyrka jord og er 12 daa. 5.5 Kulturminne Ein kjenner ikkje til automatisk freda kulturminne innafor planområdet. Når det gjeld nyare tids kulturminne er det gamle steingjerde i nordre og austre kant av dyrka marka. Planen kjem i konflikt med steingjerde som ligg aust for tiltaksområdet (område for framtidig grav- og urnelund), ettersom det er i dette området kyrkjegarden er planlagt utvida. Når det gjeld steingjerdet nord for tiltaksområdet, som ligg attmed geile, tilrås dette bevart. I planforslaget er det foreslått at steingjerde ligg innafor Angittomsynssone Bevaring kulturmiljø. Sødorp kyrkje er ei listeført kyrkje, dvs. at ho er vurdert som eit særleg verneverdig kulturminne av Riksantikvaren. Ved søknad om å oppføre bygning nærare listeført kyrkje enn 60 meter i spreiddbygd område, er det fylkeskommunen som skal uttale seg til kommunen og også gje råd til biskopen. Dette er innarbeidd i reguleringsføresegnene og gjennom ei Angittomsynssone Bevaring kulturmiljø i reguleringsplankartet. Figur 15: Sødorp kyrkje sett nordfrå. side 34

Figur 16: Bårehus og reiskapshus. Bakanfor ligg jorde som er omfatta av utvidinga av kyrkjegarden. Figur 17: Biletet viser areal som er omfatta av utviding av kyrkjegarden. Arealet vart sjakta våren 2015. side 35

Figur 18: Parkeringsplass ved kyrkja. Figur 19: Portal til parkeringsplass. Figur 20: Støpul (klokketårn). side 36

Figur 21: Østportal med Sakkeus. 5.6 Energi og klima Sundheim Bo- og Treningssenter har oppvarming frå flisfyringsanlegg, i tillegg til at det etter utbygginga av Sundheim også er borehull og vassboren varme. Totalt vil utslepp av klimagassar som følgje av denne utbygginga vere avgrensa. 5.7 Friluftsliv I planen er det lagt vekt på å oppretthalde moglegheitene for friluftsliv / ferdsel som finst i området i dag. Geile mellom Kyrkjevegen og Sundheimsvegen er foreslått regulert til turveg. Geile som går forbi Sundheim og som er ein mykje brukt ferdselsveg for bebuarar i Sorperoa, m.a. for å kome over på andre sida av Laugen, er i planen regulert til turveg. Det er regulert inn ein turveg som tek av frå møteplass på den nye Sundheimsvegen. Turvegen blir vist i plankartet som ein moglegheit for å kome ned til Laugen, jf. ønskje om eit samahengande turvegnett frå Lomoen til Eidesand. Den nye Sundheimsvegen vil bli tilrettelagt med fortau. side 37

Planforslaget vil gje fleire turmoglegheiter i nærområdet, noko som vil vere positivt for bebuarar i området / omkringliggjande bustadområde. Planforslaget blir samla sett vurdert til å gje positive konsekvensar for friluftsliv og rekreasjon. Figur 22: Biletet viser gamal geile som kjem ned på Sundheimsvegen. Lysløype Tormod skilag driv ei lysløype som er om lag 6,2 km lang og går frå Barhaug skule i sør til jordet på Taarud i nord. Ein liten del av lysløypa som går ovanfor Sundheim Boog Treningssenter er med innafor planområdet. Denne er vist i plankartet som skiløypetrasè. Utvidinga av kyrkjegarden kjem ikkje i konflikt med skiløypetrasè. Planforslaget vil derfor ikkje ha nokon konsekvens for skiløypa. side 38

Figur 23: Tilrettelegging med bord og benk etter den nye Sundheimsvegen. 5.8 Tilgjengelegheit for alle Krav om universell utforming er nedfelt i plan- og bygningslova og teknisk forskrift. Grupper med behov for særleg tilrettelegging blir involvert ved kommunen si behandling av planen. 5.9 Barn og unges interesser Strekninga som m.a. omfattar Sundbrua er ein mykje brukt gang- og sykkelforbindelse for barn og unge, m.a. som skuleveg, til og frå fritidsaktivitetar osb. Utifrå dette meiner ein at det knyter seg spesielle interesser med omsyn til barn- og unge. Omsynet til trafikksikkerheit er tillagt vekt i planlegginga / utføringa av tiltaket. Det ligg fleire bustadeigedomar i nærleiken og inntil planområdet er det eit etablert bustadområde i Sorperoa. Planområdet har gode forbindelsesliner til desse bustadområda. Dette gjeld forbindelsen til fots og sykkel til bustadområde i Sorperoa (geile) og til Vinstra vdg.skule og Lomoen. Det er god samanheng i gang- og sykkelvegnettet i området. Vinstra vdg.skule og Barhaug skole ligg i nærleiken av planområdet. Ein viser elles til kap. 5.7 Friluftsliv. side 39