Detaljreguleringsplan for ny tilkomstveg til Sundheim Bo- og Treningssenter m.m. - endeleg behandling

Transkript

1 Nord-Fron kommune Politisk sak Detaljreguleringsplan for ny tilkomstveg til Sundheim Bo- og Treningssenter m.m. - endeleg behandling Utval Saksnr Møtedato Saksbehandlar Planutval 052/ Reidun Inger Tøfte Kommunestyret 053/ Reidun Inger Tøfte Saksansvarleg Arkiv Arkivsaknr. 14/1670 Reidun Inger Tøfte L13 Journalpost 17/6721 Vedlegg: 1 rp-kart Sundheim _A1_ Reguleringsføresgner 3 Planforklaring 4 Sundheim Tegningshefte 5 Merknader ved off.ettersyn 6 Svar - Detaljreguleringsplan for ny tilkomstveg til Sundheim Bo- og Treningssenter 7 Nord-Fron kommune - reguleringsplan for ny tilkomstveg til Sundheim Boog Treningssenter - høring 8 Uttale fra Oppland Fylkeskommune - detaljreguleringsplan for ny tilkomstveg til Sundheim Bo- og Treningssenter 9 Merknader fra Statens vegvesen - Detaljreguleringsplan for ny tilkomstveg til Sundheim Bo- og Treningssenter Oppsummering av saka: Forslag til detaljreguleringsplan for ny tilkomstveg til Sundheim Bo- og Treningssenter m.m. har vore ute til offentleg ettersyn. Planen blir nå lagt fram for sluttbehandling i kommunestyret. Det blir tilrådd at planen blir vedteken slik han har vore lagt ut til offentleg ettersyn, men med nokre mindre endringar. Bakgrunn for saka: Nord-Fron kommune har fremja forslag til detaljreguleringsplan for ny tilkomstveg til Sundheim Bo- og Treningssenter m.m. Areal+ AS og ViaNova har laga utkast til plankart og teknisk plan. Det er etablert ny tilkomstveg aust for (nedanfor) dagens bygningsmasse i samband med utbygginga ved Sundheim Bo- og Treningssenter. Som følgje av dette er det behov for å få vurdert og regulert inn tilfredsstillande løysingar for mjuke trafikantar i området frå Sundbrua mot Vinstra vidaregåande skule (VVS), i tillegg til å vise den nye vegtilkomsten. Utviding av kyrkjegarden ved Sødorp kyrkje har lege inne i vedteken kommuneplan, og dette blir nå følgd opp gjennom ei regulering av arealet. Oppstart av planarbeidet vart varsla Planområdet er redusert noko i storleik sidan varsel om oppstart. Den sørlege delen av planområdet med m.a. Givra og bustadbygnad er teke ut av planforslaget. Planforslaget vart 1. gongs behandla i planutvalet , sak 10/17. Planen har vore ute til offentleg ettersyn i perioden

2 Innhald i planforslaget: Planforslaget og bakgrunn for dette kjem fram av vedlegga 1-4. Planområdet er ca. 93 daa, har tilkomst frå fylkesveg 255 via Sundheimsvegen, og omfattar fleire offentlege funksjonar; Sundheim Bo- og Treningssenter og Sødorp kyrkje, samt vegtilkomst til desse. Planforslaget omfattar m.a. endring i vegsystemet som følgje av utbygginga på Sundheim Bo- og Treningssenter. Endringa inneber at etablert ny vegtrasè frå Sundbrua og fram til Sundheim fører til biltrafikk forbi Sundbrua. Strekninga frå kryss ved Kyrkjevegen/Vinstra vdg. skule og til Sundbrua har tidlegare berre vore nytta til gang- og sykkeltrafikk. Noko av biltrafikken til Sundheim skal også etter utbygginga gå via Kyrkjevegen, medan noko skal gå via den nye tilkomstvegen. Kyrkja skal som tidlegare ha tilkomst frå Kyrkjevegen. Planforslaget legg opp til etablering av fortau langs Sundheimsvegen, og med kryssing av Sundheimsvegen for fotgjengarar ved Sundbrua. Fortau er planlagt på innsida av vegen frå Sundbrua og mot Vinstra vdg. skule og på utsida av den nye vegtrasèen frå Sundbrua og fram til Sundheim Bo- og Treningssenter. Veglina for Sundheimsvegen sør for Sundbrua er justert noko i høve til korleis vegen ligg i dag. Dette er gjort m.a. for å få plass til fortau, samt å rette ut vegen og betre siktforholda. Kryss ved Sundheimsvegen/Kyrkjevegen/VVS blir flytta lenger sør og utforma som eit T-kryss for å gje oversiktlege trafikktilhøve. Det er planlagt fortau i tilknyting til kryssområdet. Køyrande på Sundheimsvegen sørover vil ha vikeplikt etter høyreregelen i krysset. Planforslaget legg opp til trafikksikringstiltak innafor planområdet. Dette gjeld m.a. tiltak som vil dempe fart for kjøretøy inn mot område der gåande og syklande kryssar over Sundheimsvegen ved Sundbrua. Her kjem det ned ein gamal turveg frå Kyrkjevegen som er mykje brukt av fotgjengarar. For å betre trafikktryggleiken er det planlagt tiltak i nedre del av turvegen for å hindre at m.a. syklande køyrer ut i krysset. Området som gjeld Sundheim Bo- og Treningssenter er vist med reguleringsformål institusjon. Detaljering av området med bygg, grøntområde etc. er ikkje vist i denne planen. Utviding av kyrkjegarden gjeld om lag 12 daa, og omfattar delar av dyrka marka på eigedom gnr. 245 bnr. 4. I planforslaget blir dette arealet regulert til grav- og urnelund. Planfagleg vurdering: Planforslaget er i hovudsak i tråd med vedteken kommuneplan Ved offentleg ettersyn kom det 5 merknader. Samandrag og vurdering av desse kjem fram i vedlegg 5. Det har ikkje kome motsegn til planforslaget. Oppsummering av vurderingane og tilrådingane kjem fram nedanfor.

3 Sundheimsvegen og trafikksikkerheitstiltak Ei løysing med fortau langs Sundheimsvegen er akseptert av høyringsinstansane, men kommunen blir beden om å vurdere humpar og/eller andre fartsreduserande tiltak for bilar og syklistar i samband med kryssingspunktet ved Sundbrua. Det blir og vist til tidlegare uttale frå barnetalspersonen som var lagt ved da saka var fyrstegongs behandla i planutvalet. Planforslaget legg opp til å etablere opphøgd gangfelt i krysset med brua. Det er i dag etablert fartshumpar på kvar side av kryssingspunkt. I planforslaget som har vore ute på høyring er det regulert inn ei utviding av Sundheimsvegen rett før krysset med brua. Statens vegvesen (SVV) meiner dette er uheldig, og tilrår at ein anten utvidar fortauet eller legg inn ein rabatt mellom vegen og regulert fortau i denne lomma. Enno betre meiner dei det ville vere å snevre inn vegen frå to til eitt køyrefelt eit lite stykke på båe sider av gangfeltet. Dette vil bidra til å dempe farten på bilane inn mot gangfeltet og gjere kryssingspunktet kortare for gåande og syklistar. SVV ber om at dette blir vurdert (vedlegg 9). Ei innsnevring av vegen til eitt køyrefelt slik SVV foreslår er vurdert til ikkje å vere hensiktsmessig på denne strekninga, det er m.a. lite møtande biltrafikk medan det er relativt stor andel syklistar som nyttar vegen. Innsnevring av vegen meiner ein kan skape farlege situasjonar for syklistar. Løysinga gjev også utfordringar i høve til omgjevnadane og terrenget på staden (m.a. turveg frå Kyrkjevegen). Ein er i tvil om effekten av tiltaket med innsnevring, som i hovudsak vil vere å dempe fart på kjøretøy inn mot kryssingspunkt for fotgjengarar og syklistar. Ein meiner at fartsreduksjon kan oppnås ved opphøgd gangfelt, eventuelt i kombinasjon med fartshumpar. Ein tilrår å imøtekome merknaden ved å endre plankartet slik at regulert utviding av Sundheimsvegen rett sør for krysset med brua blir teke ut, dvs. at ein reduserer arealet regulert til vegformål. Arealet blir i staden vist som fortau og annan veggrunn grøntareal, jf. figur 1 under. Det blir frå planfagleg side tilrådd at planlagt gangfeltet ved kryssing av Sundheimsvegen ved Sundbrua blir justert og flytta om lag 3,5 meter lenger sør i høve til planforslaget som har vore ute på høyring. Ny løysing for kryssingspunkt er vist i figur 1. Ein meiner dette samla sett vil gje ei betre løysing, m.a. pga. stignigsforholda på turvegen mellom Sundheimsvegen og Kyrkjevegen, samt at gang-/sykkelveg som kjem frå Sundbrua svingar sørover. Denne løysinga inneber at det må etablerast fortau på ei kort strekning på nedsida av Sundheimsvegen mot brua, og tilsvarande reduksjon av areal til fortau på oversida av Sundheimsvegen, men med ei forlenging av turveg som kjem ned frå Kyrkjevegen. Dette er å sjå på som ei mindre justering av planen som ein meiner ikkje gjer at planen treng ut på ei ny høyring.

4 Figur 1: Viser gangfelt ved justert kryssing av Sundheimsvegen. Vegetasjonsskjerm Hamar bispedømmeråd (vedlegg 6), meiner i sitt høyringssvar at det er viktig å avsetje plass til vegetasjonsskjerming mot kyrkjegarden ved utbetring av trafikktilhøva i Kyrkjevegen av omsyn til ro og verdigheit ved framtidig grav- og urnelund. Det er ikkje planlagt utbetring av trafikkforholda ved kyrkja. Temaet som bispedømmerådet tek opp bør likevel vurderast nærare i kyrkjegardsplanen. Ein er elles samd i at vegetasjon/vegetasjonssone kan gje ei god avgrensing/skjerming mot parkering-/og vegareal, men at dette ikkje må hindre sikt mot kyrkja. Steingjerde I høyringssvaret frå Oppland fylkeskommune (OFK), vedlegg 8, blir det peikt på at regulering av eit steingjerde til bevaring mellom noverande kyrkjegard og utviding mot vest, ikkje er følgt opp i planforslaget som har vore ute på offentleg ettersyn. OFK ber om at kommunen vurderer dette i det vidare planarbeidet. Dei meiner det utifrå ein kulturhistorisk ståstad vil vere positivt at muren blir bevart, og at avgrensinga til den gamle kyrkjegarden framleis blir lesbar. Eventuelt kan ein vurdere om det vil vere naudsynt med nokre opningar i muren. Ved 1. gongs behandlinga av saka er det i planforklaringa drøfta kvifor ein ikkje har regulert nemnde steingjerde til bevaring, jf. at ein m.a. meiner at dette kan kome i konflikt med planforslaget når det gjeld utviding av kyrkjegarden. I tillegg meiner ein at kvaliteten på steinmuren tilseier at verneverdien er avgrensa. Gjennom utarbeiding av kyrkjegardsplanen vil ein likevel tilrå at det blir vurdert om delar av steingjerdet kan takast vare på.

5 Kantvegetasjon Det blir foreslått endra ordlyd i planføresegnene som sikrar kantvegetasjonen mot vassdrag på ein betre måte, for areal regulert til friområde på nedsida av ny tilkomstveg til Sundheim, jf. innspel frå Fylkesmannen (vedlegg 7). Samla sett er dei tilrådde endringane vurdert å vere av mindre omfang og planen kan vedtakast utan nytt offentleg nytt ettersyn. Rådmannsleiinga si vurdering: Det blir vist til den planfaglege vurderinga, og ein har ikkje merknader utover dette. Administrasjonssjefen legg saka fram for utval for plansaker med slik Innstilling: Planutvalet rår kommunestyret til å gjere slikt vedtak: 1.1 I medhald av plan- og bygningslova blir detaljreguleringsplan for ny tilkomstveg til Sundheim Bo- og Treningssenter m.m. vedteke slik den har vore lagt ut til offentleg ettersyn, med slike endringar: 1.2 Plankartet blir endra slik: Regulert utviding av Sundheimsvegen rett sør for krysset ved brua blir teke ut, arealet blir i staden vist som fortau (SOSI-kode 2012) og annan veggrunn grøntareal (SOSI-kode 2019). 1.3 Planlagt opphøgd gangfelt på Sundheimsvegen blir flytta om lag 3,5 meter lenger sør i høve til opprinneleg planforslag, og det blir etablert fortau (SOSIkode 2012) på ei kort strekning på nedsida av Sundheimsvegen i tilknyting til Sundbrua. 1.4 Planføresegnene får slikt nytt punkt 2.3 g): «Før tiltak kan setjast i gang for område BGU_2 skal det ligge føre godkjent detaljplan for kyrkjegardsutvidinga (kyrkjegardsplan). Kyrkjegardsplanen skal m.a. vise interne gangvegar, belysning, prinsipp for gravplasseringar, plassering av tre og buskar, vasspostar, behandling av overvatn, jf. Gravferdslovas forskrift 3». 1.5 Planføresegnene får slikt nytt punkt 2.3 h): I samband med utarbeiding av kyrkjegardsplanen bør det i tillegg gjerast ei vurdering av om delar av steingjerde mellom noverande kyrkjegard og utviding mot vest kan bevarast, og ei vurdering av vegetasjon mot Kyrkjevegen, som elles ikkje må hindre sikt mot kyrkja». 1.6 Planføresegnene får slik ny ordlyd i punkt 4.2: «Det skal leggjast vekt på å oppretthalde kantsoner langs vassdrag. For område GF_2 som del av kantsone langs Laugen, skal vegetasjonen oppretthaldast. Enkel skjøtsel tillatast». 2. I medhald av plan- og bygningslova blir dei delane av reguleringsplan for Vinstra vest av og Vinstra vest endring Omlegging av Rv. 255 av , som er omfatta av

6 detaljreguleringsplan for ny tilkomstveg til Sundheim Bo- og Treningssenter m.m., oppheva. 3. Administrasjonssjefen får fullmakt til å gjere redaksjonelle endringar i plandokumenta. Administrasjonssjefen i Nord-Fron Arne Sandbu PU-052/ Vedtak: Samrøystes som innstillinga. KOM-053/ Vedtak: Samrøystes som innstillinga.